رحلة جميلة الى طفولتكم وأسئلة لكم ؟؟؟

وزيرة الحب · 04-13-2008, 11:45 AM

[overline][align=center]صباااااااااااااااااح الخيرررررررررررررر....

يشرفني أني أكون اول وحده ترد على هالموضوووووووووع الحلوووو

يعطيج الف عافيه عليه.........

آآآآآآآآآآآآآآآه يا دلوووعه رديتيني لايااام الطفوله......وآآآآآي ابا اصيح...خخخخخخخ

السؤال الأول ...
صف لنا طفولتك بجملة واحدة ؟؟

رووووووووووووووعه

السؤال الثاني ..
ما هو اجمل موقف او اجمل ذكرى تتذكرها من طفولتك ؟؟

كنت مضاربه ويا ولد عمته........وظربني ظرب لين ما

لاعت جبدي.......وتمييييييت اصيح وعاااده الله لا يسمعج صوتي يوم

صغيره...انا ما أذكره بس كلهم يقولولي كنت يوم اصيح جاني اسعاااف من كثر ما

صوتي عاااالي......المهم....يوم شفت لاهي ويالس يلعب..اعفد فوقه.....وامط

شعره...والله اذكر اني مطيته من الخاااطر.....والله ما دريت غير بويهه غاااادي

طماطة حمرا.....وينقع صيااااااااح.....والله يوم فجيت ايدي من راسه...إلا

اشوووف كومة شعر متقطعه....حسيت اني حشيت شعره امررره......

والله انها ما ناساااها...........وتم يومين ايي بيتنا ويلسون يلعبون ..ويوم ايي

العب ما يخليني.......جاااان يقولي تبين تلعبين تعالي...والله

صدقته......المهم......قعد هو وولد عمتيه الثاااني يلعبون...وبنات عمتيه يالساات

يترين الدور.......عاااااااااده انا مغيضيه...ويالسه اتنقرش به.......فهو وولد

عمتيه ما سكين حبل.....ومسوين مسابقه منوه يقدر يقفز اكثر.....من فوق

الحبل.....يوم يا دوري....بس شوفي النذاله.....جان يقول حق ولد عمتيه اللي

وياااه....قاله يوم تيي تقفز...ارفع الحبل.............وهذاااك النذال الثاااني قاله

اوكي.......انا الحبيبه ياااايه على نياااتي...وفرحااانه انه خلاني العب......ويااايه

اركض...والكشه طاريه في الهواء...يوم يت اقفز....رفعوا الحبل.......

ما تعلق ريلي في الحبل....واطيح على ويهي...........يعني على الصبيه......

ويتكسرن اضروسي الجداميه................وتستوي الصبيه كلها دم...........

التيس هو ...يوم شااافني جيه....قعد يصيح عليه........وانا اغمى علي........تم

يصيح ويحركني...ويقول......((.....)) لا تموتين.......قومي نشي....الله يخليج

لاتموتين...وانا ما داريه عن الدنيا...............وولد عمتيه الثااااني

شرد......وبنااات عمتيه يلسن يطالعن مبهتات.....سعود ولد عمتيه شو يالس

يسوي.......إلا قمن وزقرن امايه وعماااتي....وشلوني المستشفى...........

والله هاااااااااااي السالفه ما اروم انساااااااها ابداً...............

السؤال الثالث..

ما هو أصعب أو أحزن موقف مر عليك في طفولتك ؟؟

أنه يدتيه توفت وانا بالابتدائي

السؤال الرابع..

ما هي أجمل هدية تلقيتها في طفولتك ولم تنساها لليوم ؟؟

وووايد هدااايا..........خاصتا يوم انكسرت"""انكسرت ايدي"""

السؤال الخامس..

هل هناك انسان معين كرهته في طفولتك .. ولماذا ؟؟

هيه.............ولد خالي..خخخخخ

يعني مال الطفوله...لانه كل العابي يوم صغيره كسرهن الله يبحصه.....

كنت كل ما اشتري لعبه....يدق خط من بيتهم.....عشاااااااااان يكسر العااابي

ويروووح.....بس ما يهمج ما ينخاااااااااف علي....مره هو اشترى سياره ..مالت

ريموت كنترووول...عوووده.......وكاااااان ايي بيتنا يغااايضني.....بها......

مره يوم كنت غايبه عن المدرسة......هو كان مداوم بالمدرسة...سرت بيتهم

الصبح.........وكسرت الريموووت....مال السيارة.........وجبيت عليها

تراااااااااااب.....وحصى.....وخليتها........

ما اريد اقولج الحفله اللي سواها يوم رد من المدرسة...وشاااف

السياره........يوم كااامل يصيح عليها...........والين الحين ما يدري اني انا اللي

كاسرتنها.............هههههههههههههه

السؤال السادس..

كلنا انطقينا اكيد
ولكن ما هي اصعب مرة انطقيت فيها ولا زالت محفورة في ذاكرتك وسبب الطق وش كان ؟؟

والله اذكر ابويه دقني انا وبنااات عمتيه.....دق من

الخاااااااطر.....عشااااااااااان مره سرنا بيت يرانا ولعبنا ويا عيالهم.....اوووونه

عيب تلعبون ويا الاولاد.......

والله اذكر هنيه بنت عمتيه قالت عيل نحن نلعب ويا قوم سعود واحمدوه

وفهود ...ليش ما نلعب ويا عيال يرانا.....قالها ابويه..........هذيلا عيال عمج

وعمتج....عااادي....والله هنيه امووت من اضحك يوم اتذكر فطوم بنت عمتيه

شو ردت على ابويه.....قالت له انزين قوم سعود واحمدوه وفهود اولاد....لازم ما

نلعب وياااهم...............ابووويه اهنيه احمر ويهه..........وتم يضحك........

السؤال السابع...

بصراحة مين كنت تحب اكثر بطفولتك.. ماما ولا بابا ؟؟
محد ش شايفكم قولوا...

ابوووووووووووويه...............دايما يوديني انا

واخواني يوم كنا يهال...حديقه""السليمي""" اللي في عود التوبه(العين)

السؤال الثامن...

هل كنت غيور بطفولتك من اخوانك وتحس فيه تمييز بينك وبينهم ؟؟

نادرا.............اصلا انا واختيه واخويه خذنا ادلع

كله.....اكثر عن اخواني اللي يو بعدنا............وانا كنت ثاااني ياهل لهم......

السؤال التاسع..

شو كانت اكثر وافضل لعبة تلعبها وانت صغير ؟؟

وآآآآآآآآآآي اموت والعب الفملي.......العب سوبر

ماريو...........وبعدين سيجا...العب سونك

السؤال العاشر..

هل ستربي اولادك بنفس الطريقة التي تربيت بها في طفولتك ؟؟

اكيييييييييييييييييييد.................الحمدالله اهليه ربوني

تربيه ونعم التربيه عليه........والله يقويني واكووووووووووون واكون لعيالي

نعم الاب ونعم الام لهم...شراااااااااااات ما اهليه لي الحين

يعطيج العاااااافيه......واللله استمتعت بالكتاااااااااابه والرد على

هالموضوووع.........رديتيني زمان اول.............والله ضحكتيني........

تسلميييييييييييييين خيتوووو............وسمحيلنا............على الاطاله

تقبلي مروري المتواضع[/align][/overline] __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلة جميلة الى فرنسا @@	محروم.كوم	منتدى أخبار المواقع والمنتديات العربية والأجنبية	0	06-29-2010 02:40 PM
رحلة جميلة لزهرة المدائن :: القدس ::	محروم.كوم	منتدى أخبار المواقع والمنتديات العربية والأجنبية	0	01-09-2010 03:50 AM
رحلة إلى شعيب أبونخلة .. تغطية جميلة	محروم.كوم	منتدى أخبار المواقع والمنتديات العربية والأجنبية	0	01-08-2010 06:30 PM
بعد عواصف الظروف ، وأجواء جميلة ، رحلة ترويحية ، مع رش المطر	محروم.كوم	منتدى أخبار المواقع والمنتديات العربية والأجنبية	0	11-26-2009 02:30 PM
بعد رحلة برية جميلة	محروم.كوم	منتدى أخبار المواقع والمنتديات العربية والأجنبية	0	08-03-2009 12:20 AM