. . بنت { الهنديه } " ، / - الصفحة 5

3deemat e7sas · 08-21-2009, 03:33 AM

--------------------------------------------------------------------------------

وعليكم السلام ورحمة الله وبركاته

أول شي أحب أشكرج ختية الغالية ع الموضوع المهم اللي طرحتيه ولو انه انطرح أكثر من مرة بس هو واايد مهم......

وأنا الصراحة أؤيد كل اخواني اللي قالوا انه ماشي فرق بين العربي ولا الأعجمي إلا بالتقوى ...

والصراحة فدولتنا في ناس أعرفهم مواطنين ماخذين هنديات ويابو عيال وما شاء الله عيالهم خادمين البلاد اللي رتبة في الجيش واللي

مهندس وبناتهن ما شاء الله عليهن حشيمات ومحترمات " هذا للي يقول انه عيال الهندية أو غير المواطنة ما يكون عندهم ولاء للوطن" .......

وبالنسبة للي يقول انه بنات الهندية يلبسن غير أو حركاتهن غير ترى الهنديات اللي يايات من بلادهن يايات من بيئة مسلمة " أغلبهن"

يعلني يصلن شرات ما نصلي نحن ويدينن بالدين نفسه يعني ربنا وربهن واحد ...

والصراحة في بنات وشباب أخلاقهن مب زينة وتكون أمهن مواطنة ......

وأرد أعيد وأقول أنا ما أعمم وأقول كل الهنديات أو غير المواطنات يعرفن يربن وانه المواطنات ما يعرفن .....

ترى في الزين وفي الشين بس الفرق هو في تربية الأم لعيالها مب في الجنسية يعني أهم شي تكون الأم مسلمة وتربي عيالها

على الإسلام مب في الجنسية ........

وبعد يعني في النهاية لما بنتحاسب بنتحاسب على أعمالنا مب على جنسياتنا يعني والله اللي أمه هندية والا غير مواطنة ما بيدش

النار واللي أمه مواطنة مابيدش الجنة كلن على حسب عمله ...

في النهاية هذا رايي .... والسموحة عالإطالة

فداعة الله

يسلموو حبووبه ع المروور ,,,

و كلامج كله صح ,,,

=) __DEFINE_LIKE_SHARE__

غلبني حبي · 09-08-2009, 05:39 PM

الصرااحه أنا أمي هنديه و أفتخر بهالشي ..

أمي علمتني كل شي الحمدلله .. من الدين الين تقاليدنااا ..

مب شرط الي امها هنديه .. ما تعرف تقاليد الأمارات .. ليش والله ؟؟ الريال لي عرس الهنديه مش مواطن .. و أهل الريال يعني ما راح يتعلمون عياله عن تقاليدهم وهم يدرون الأم مش مواطنه ..

هاا كله خرابيط الي يقول .. بنت الهنديه ما تعرف تقاليدنا ... و تروح سينما و الخ ..

لو نجوف جي هالأيااام .. مش بنات الهندياات بس .. حتى بنات المواطنات ف سينما و مولااات .. و الكفيه ..

المشكله بس هني !!! ف عقول الناس ...

الصرااحه الي يفرق جي بين البشر ... من ناحيتي جاهل .. دام الرسول صلى الله وسلم قال " لا فرق بين العربي و العجمي الا بالتقوى " محد له حق يتفلسف ...

الحمدلله أمي هنديه و من ( آل الرسول صلى الله عليه و سلم ).. و ابوي واايد يحبها .. و يفتخر بأنه زوجها

و شي ثاني محد له حق يلوم الهندياات ... هايل كانو شباب الأمارات الي راحو بلادهم وعرسوهم .. مب هم لي اتقدمو لشباب الأمارات ( لي ألحين شواب )

و تسلمين عالموضوع ي الغاليه .. __DEFINE_LIKE_SHARE__

فتاوي · 09-09-2009, 03:51 PM

كلنا ربنا واحد __DEFINE_LIKE_SHARE__

شيطــونة بــٍس مزيــون ـــه · 09-10-2009, 12:49 AM

الصراحـه أنا عمري ما عايرت حد رفيجاتي أمهاتهم جنسيات مختلفه

هذي عند المراهقات اللي عقولهم ناقصه ويحتايون حد يكمل عقولهم

بس هاي الظاهره مب موجوده فبلادنا وايد قله اللي يسوون هالاشياء

واللي تسوي جي مب مربايه تربيه صنعه سمحووولي

وثانكس ع الطرح خيتو __DEFINE_LIKE_SHARE__

Ro7 2l8seed · 09-10-2009, 03:29 PM

الاخت برووج والاخت لولو بينك اظن انه انراعي شعور اللي يكلمنا وااجب علينا مهما كان
وبعدين البنيه هب ذنبها انه امها هنديه ومب هي اللي

اختارت حياتها وكل هب في شورها فهي مايخصها
اذا كانت امها هب مواطنه بس البنيه مواطنه ومنا وفينا
شحجه نعايرها باصل امها وبعدين انا شفت بنات امهن هنديات
الصراحه ونعم مايفرقن عن اللي امهن مواطنه بشي ولا بعد
احسن منهن بالف مليون مرة __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM
[ صؤر البرنسيسه الهنديه Amrita Rao ]	عيناوي حبتين	افلام عربية , هندية , يابانية , كورية وغيرها	34	08-28-2009 09:44 PM
"""""للبيع باترول سوبر سفاري موديل 99 ديزل """""""""	محروم.كوم	منتدى أخبار المواقع والمنتديات العربية والأجنبية	0	04-28-2009 02:40 PM