فئات كاميرات كانون (s l r) الاحترافية

محروم.كوم · #1 08-14-2009, 04:40 PM

السلام عليكم
منقول للفائدة

من خلال كثير من الاسئلة الي تطرح في موضوع الاستفسارات اعتقد ان حنا في حاجة لموضوع فيه شرح للفئات من كاميرات slr الي موجودة في السوق.

نقطة مهمة هي ان بعض الفئات يكون فيها اكثر من نوع ... راح اوضحها بإذن الله.

وان شاء الله الموضوع يسهل على الجميع اختيار الكاميرا المناسبة.

راح اتكلم ان شاء الله عن شركة canon
وان شاء الله ابتكلم عن كاميرات nikon في موضوع ثاني

canon

شركة كانون تنتج اربع فئات راح اسردها من الاصغر الى الاكبر

الفئة الاولى:

هي الي يكون رقمها الف وفوق وتكون بالطريقة هذي (xxxxD)

مثال عليها كاميرا
Canon EOS 1000D

الفئة هذي مستحدثة في شركة كانون وما نزلت منها الا هالكاميرا.
اتوقع والله اعلم انهم ما نزلوها الا عشان تنافس كاميرات مثل نيكون d40x
المواصفات حقتها اقل من باقي الفئات وبالمقابل سعرها اقل.

تنفع للمبتدئين في التصوير... وسعرها في متناول الجميع ( مثل اسعار المدمجة الشبه احترافية).

الفئة الثانية:

هي الي يكون رقمها مية وفوق وتكون بالطريقة هذي (xxxD)

مثال عليها:
Canon EOS Rebel XSi / 450D

طريقة كانون في تسمية هالفئة كالتالي:
300
350

400
450
.
.
الخ

يعني كل ما نزل موديل مطور زادوا في الرقم 50 ... واخر موديل نزل منها الي هو 500d

لذا احيانا يجي شخص ويسأل " انا محتار بين 400 و450 وش اخذ؟"
هنا ال 450 عبارة عن الموديل الاجدد من هالفئة ( كأن السؤال مثلا عن سيارة نفس النوع لكن وحدة موديل 2000 ووحدة موديل 2005)

الفئة هذي مواصفاتها افضل من الفئة الي قبل ( لكن قريبة منها) ... وايضا اسعارها رخيصة.

شخصيا ما اشوف ان الفئة الي قبل لها داعي.

الفئة هذي ايضا مخصصة للمبتدئين.

الفئة الثالثة

وهي الي يكون مسماها بالطريقة هذي (xxD)

الموديلات الي نزلت منها
10d
20d
30d
40d
50d

بالترتيب.

الفئة هذي اكثر احترافية ... واغلى سعر.
فيها ميزات مثل عدد الفريمات ومواد صناعة البدي ... الخ.

اخر موديل الي هو 50d

الفئات الثلاث السابقة حساساتها باقتطاع 1.6

الفئة الرابعة

وهي الي يكون مسماها بالطريقة هذي (xD)

وهذي هي الفئة الاحترافية من كانون

الفئة هذي لها 3 انواع او 3 موديلات

الاول
نزل منه كاميراتين
5D
5D mark II

من اهم ميزاتها الحساس الكامل ( full frame) ومجال الايزو العالي

ميزة هالموديل ان سعره مهوب غالي مرة مقارنة باداءها.

الثاني
هو موديل 1D
ونزل منه
1d
1d mark ii
1d mark ii n
1d mark iii

هذا الموديل مهوب فل فريم ... لكن حساسه باقتطاع 1.3 ( اكبر من الحساسات للموديلات الثلاث الاولى)

من اهم ميزاته ... الفريمات في الثانية تكون كثيرة ونقاط الفوكس (45 اوتو-19 مانيوال) والبدي حقه قوي جدا و ضد عوامل البيئة ( الغبار و الرطوبة ..الخ)... وميزات اخرى.

حجمها اكبر من الفئات الي قبلها وسعرها اغلى.... بس تستاهل

العادة يستخدمونه المحترفين في التصوير الرياضي وتصوير الطيور والحيوانات ... بحكم عدد الفريمات والحساس المقتطع

الثالث
موديل 1Ds

وهذا والي قبله هم الي يتربعون على عرش الفئات

فل فريم
نقاط فوكس مثل الي قبل
بدي قوي جدا ومقاوم للغبار والرطوبة
بالاضافة الى مميزات اخرى

وهذي تعتبر الاغلى ... سعرها يوصل فوق 25 الف بدي بس.

----------------------------------
هذا سرد مختصر وبشكل سريع لفئات الكانون فقط عشان نفهم وش الفرق بينهم

اتمنى يكون الموضوع مرجع لمن يريد اقنتاء أي كاميرا من كانون احترافيه ويكون مفيد للجميع

منقول للفائدة
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مطلوب كاميرات كانون	محروم.كوم	منتدى أخبار المواقع والمنتديات العربية والأجنبية	0	06-16-2010 03:00 AM
استفتاء..ما هي اسباب عدم انتشار كاميرات سوني الاحترافية	محروم.كوم	منتدى أخبار المواقع والمنتديات العربية والأجنبية	0	06-13-2010 01:40 PM
للبيع بالمنطقة الشرقية كانون 500d الاحترافية	محروم.كوم	منتدى أخبار المواقع والمنتديات العربية والأجنبية	0	02-28-2010 03:20 PM
6 كاميرات جديدة من كانون	محروم.كوم	منتدى أخبار المواقع والمنتديات العربية والأجنبية	0	08-29-2009 01:10 AM
للبيع كاميرا كانون الاحترافية d450	محروم.كوم	منتدى أخبار المواقع والمنتديات العربية والأجنبية	0	06-23-2009 12:00 PM