السلام عليكم ورحمة الله وبركاته كثر الطلب على البورش في الفترة الأخيره وحبيت اقارن للإخوان بين البورش 997 توربو و الجي تي 2 من خلال تجربتي الشخصيه طبعا اي حد يقدر يعرف كم حصان وكم ثانيه من النت بس مب كل حد يعرف كيف يكون الإستخدام نبدأ بالتوربو... من احلى السيارات الرياضيه اللي سقتها.. وإستخدام يومي وقير اتومتيك ودلع وكاربون فايبر وماشي خرابات مووووول.. ومريح... و فورويل ماتخاف يشوح عليك.. واتسوق وانته مرتاح فالمطر.. اذا نزل عندنا مطر عاد :rofl: السعر جديد من الوكاله تقريبا 450 ألف مع أحلى مواصفات وكاربون فايبر .. يمكن حد يطلب سيراميك بريك ويكلف تقريبا 25 ألف أكثرسعر المستعمل 2007 تحت ال 300 ألف موجودات فالمعارض سعر المستعمل 2008 350 أو أقل وبعد موجودات بعت التوربو وخذت الجي تي 2.. وندمت :sahem2:صح انه أقوى بس موتر مب مريح وغير عملي.. والكلتش يابس وايد وايد .. وتحس انك بتدعم يوم يفتح التوربو ... نسيت أقول انه البورش توربو مايكسل وماتحس بالتوربو عشان دوم فاتح والعزم موجود عكس الجي تي 2 تحس فجأه التوربو فتح ويوم تبدل يكسل ويرد يطير... عوار رااس السعر جديد من الوكاله 730 ألف وبالدسكاونت ممكن تحصله ب 680 أو أقلسعر المستعمل 2008 يتحصل تحت ال 500 ألفسعر المستعمل 2009 تحت ال 600 ألف للعلم بعت التوربو والجي تي 2 على شباب المنتدى .. وياريت لو راعي الجي تي 2 يعطينا رايه فالموضوع ومايكرهني عشان سبيت موتره :075: