رحلتي اللندنية مع شركة اوريزون انترناشيونال هوليداى

حسين الكويتى · #1 08-13-2016, 12:28 PM

رحلتي الى لندن في راس السنه 2014 – ٢٠١٥

في السنوات الاخيرة زرت لندن أكثر من مرة مع شركة اوريزون انترناشيونال هوليداى حيث اننى كنت من المحظوظين عندما كنت بدبى وقابلنى مندوبها واعطانى دعوه لحضور العرض الخاص للشركة وذهبت الى الشركة وحصلت العرض حقتهم وكان وايد ممتع خاصة لانى من عشاق السفر والسياحة وخاصة الدول الاوربية ونعلم ان السفر اليها يحتاج وايد اموال لكن مع اشتراكى مع شركة اوريزون انترناشيونال هوليداى فى عام ٢٠١١ - ٢٠١٢ اصبحت عضو بالمنظمة وصار حقى السفر الى اكثر من ٨٠ دولة اكثر مره فى السنه بطريقة غير مكلفة اطلاقا و الحجز عن طريق موقعهم سهل و له فوايد كبيرة خاصه لما تسوي لك عضوية عندهم و تتحصل على استمتاع فى رحلاتك معاهم و حجز الفنادق و تاجير سيارة و التسوق في افضل الاسواق حول العالم
و الابلكيشن على الموبايل له فوايد ،وايد حيث يذكرك بموعد رحلتك و تسوي ال
check in
اون لاين بكل سهوله و بسرعه
ما راح اطيل عليكم .

في السنوات الاخيرة زرت لندن في فترة راس السنه أكثر من مرة
و طبعا تتميز هالفترة ببرودة الجو اللي توصل احيانا لتحت الصفر

و تصل التنزيلات و الخصومات في الاسواق الى ٧٠٪ تقريبا
في السنوات الماضية ما كان في اقبال كبير على لندن في هالفترة من السنه
لكن هالسنه الوضع تغير .. ليش و شلون ؟ راح اشرح لكم كل شي بس خلوني اخذكم معاي بتفاصيل رحلتي من البداية
طبعا كالعادة الحجز للندن كان عن طريق الخطوط طيران الاتحاد الاماراتى
ليش الاتحاد الاماراتى ؟؟ لأننى ببساطة اتحصل من شركة اوريزون انترناشيونال هوليداى بطاقة ذهبية تحصلى الكثير من الخصومات ومن ضمن هذه الخصومات خصم على طيران الاتحاد الاماراتى وزيادة بلاوزان و تطير من الكويت الى لندن بدون ترانزي و تعب و لانها من الخطوط الجوية اللي
تصنف من بين افضل الخطوط الجوية على مستوى العالم ايضا
بالنسبة لي حصلت التذكرة بسعر معقول جدا لسببين : اولا لأني حجزت مبجر قبل وقت السفره بشهر تقريبا و دايما الحجز مبجر يعطيك فرصة الحصول على ارخص الاسعار
ثانيا لأني استخدمت عضويتي في البطاقة الذهبية مع اوريزون انترناشيونال هوليداى

صحيح الفرق مو وايد بس هم التوفير زين و ممكن يفرق عند ناس وايد – خاصه انها تعطى زيادة فى الوزن حقك خاصه اصدقائى المتابعين لرحلاتى وسفرى و اللي توصلني رسايل عديدة منهم يسإلوني عن كيفية الطرق للحصول على ارخص الاسعار للرحلات و الفنادق .
و كالعادة الحجز كان عن طريق موقع الشركة والابلكيشن حقتهم
و حددت موعد الرحلة من يوم ٢٧ ديسمبر الى ١٠ يناير

و وصل يوم السفر و خذت جناطي و شغلي و رحت المطار من فير الله حيث الطياره الساعه ٨ و ٤٠ دقيقة
و بعد اجراءات الجوازات و الذي منه دخلت البوابه استعدادا لصعود الطيارة
صعدنا الطيارة و طارت و حلقت فوق اجواء الكويت بهدوء و سلاسة الحمدلله .. و بعد وقت قليل وزعوا علينا وجبات الريوق و بعدها اغلب الركاب ناموا و اللي قام يتابع له فيلم او يسمع اغاني .. انا عن نفسي طلعت الايباد و قعدت اتابع مسلسلاتي الامريكية المفضلة و اخترت مسلسل
2 Broke جيرلز
و مر الوقت ما حسينا فيه حيث كانت مدة الرحله ٦ ساعات تقريبا و قبل ما نوصل وزعوا علينا وجبات سناك خفيفه

و طبعا لا تنسون تعبون الورقة مالت الجوازات و تقدمونها للموظف في المطار مع جوازكم
وصلنا مطار هيثرو بالسلامه الحمدلله و الجو بارد تحس فيه و انت نازل من الطياره و تمشي في الممر الزجاجي اللي ياخـذك لداخل المطار
و صعدنا الاسكليتر رايحين للجوازات
و بعد الجوازات رحت استلم جنطتي

و طلعت و كان في انتظاري الصديق العزيز بو عبدالله اللي عايش في لندن و اللي دايما ياخذني من المطار و نستمتع في الطريج بالسوالف و النقاشات و اخذ منه اخر اخبار لندن و هو ياخذ مني اخر اخبار الكويت

و تشوف في الطريج شوارع لندن الباردة و اجواء الشتا الحلوه

وصلنا الفندق و بعد ما سويت الشيك ان والكونفيرماشن حق الحجز من خلال شركة اوريزون انترناشيونال هوليداى عطوني هالظرف اللي فيه تفاصيل عن الفندق + باسوورد الواي فاي و هذا اهم شي
وصلنا الغرفة
و هذي الغرفة من داخل صغيرة و ملمومه و مرتبه و الوانها تشرح القلب

و بعد ما ريحت شوي قلت اطلع اكتشف المنطقه اللي حول فندقي و اهم شي اشوف لي محطة اندرقراوند قريبه
لندن حلاتها في مغامراتها بصعود الاندرقراوند و الباصات و التكاسي و اكتشاف شوارعها و مناطقها العجيبة

طلعت و كان الجو بارد بس برد حلو … و كنت ناطر صديقي عبدالعزيز يوصل مع والدته حيث يوم وصولهم بنفس يوم وصولي لكنهم يايين على طيران الخطوط الكويتية
و قلت على ما يوصلون اروح اتمشه في الاكسفورد و اتغدا بالمره

اقرب محطه للفندق كانت
lancaster gate اندرجرند

نصيحة للي رايح لندن لازم تاخذ لك كرت و تعبيه للمحطات و الباصات علشان تستخدمه طول فترة وجودك في لندن و يوفر عليك فلوس و وقت و سهل الاستخدام و تقدرون تحصلونه في كل مكان
و نزلت الاندرقراوند بعد ما عبيت الكرت حق اسبوعين

و في محطة ماربل آرش نزلت و اول شي سويته في هالبرد خذت لي قهوة من كافيه بريت
و انطلقت في شارع الاكسفورد اللي يعيشك اجواء السنه اليديده بهالزينه الحلوه اللي تشرح الصدر

وصل عزيز صديقي و قضينا وقت حلو تمشينا و طلعنا و اكلنا و مرت الايام حلوه بين تسوق و طلعات

و في ليلة راس السنه قررنا نتعشا في شقتي و بعدين نطلع و سوينا شي بسيط على قدنا
و كانت الرحله بشكل عام حلوه لكن لندن هالسنه غير لعدة اسباب اهمها :
انها كانت وايد زحمه و كأن الناس انتبهوا فجأة لموضوع التخفيضات في الاسعار و الكل ياي يتسوق
و السبب الثاني ان لندن هالسنه بردها مو طبيعي لدرجة اني طحت مريض مرتين خلال الاسبوعين اللي قعدتهم فيها
مره بسبب آلام بالمعده و مره بسبب الانفلوزا و اضطريت اروح للمستشفى اكثر من مرة
لكن الحمدلله عدت على خير

و طبعا ما تحلى لندن بدون زيارة شارع البيكادلي الشهير و التمتع في الاجواء الحلوه هناك

و ما يصير نزور لندن و ما نحضر مسرحياتها اللي كلها ابهار و ابداع و قررنا نروح مسرحية
charlie and the chocolate factory

و هي رواية عالمية شهيرة تم تحويلها لفيلم و كان من بطولة جوني ديب

دخلنا لوبي المسرح و كانت الاجواء كلها مستوحاة من الفيلم نفسه و يبيعون نفس الكاكاو اللي منه انبنت احداث القصه و هالكاكاو ما اظن موجود بأي مكان ثاني فقررنا نشتريه

دخلنا المسرح و ما يحتاج اقول لكم عن التنظيم و التنسيق و طبعا لما بدا العرض ما تسمع صوت واحد يتكلم الكل ساكت و مستمتع بالعرض

و ما كانت هذي المسرحية الوحيدة اللي حضرناها .. حضرنا بعد مسرحية ثريلر اللي هي عبارة عن عرض موسيقي لاشهر اغاني الفنان مايكل جاكسون

رحنا متحمسين للمسرحية و كانت الاجواء تحمس و في اللوبي حاطين صورة حق مايكل كتكريم منهم لهالفنان الاسطورة

بصراحه العرض كان مخيب لآمالي يمكن لآني كنت منتظر اشوف لوحات موسيقية لأشهر اغاني مايكل بس اغلب الاغاني اللي غنوها كانت اغاني داثره اول مره اسمعها .. لكن بشكل عام العرض كان ونيس

و بعد اسبوعين في لندن مابين برد و مرض و شوبنج و اجواء حلوه و عروض مسرحية متنوعه انتهت الرحله و كانت ايام حلوه بس ما اعتقد اكررها في موسم مثل هالموسم و اكيد رحلتي القادمه للندن بتكون في اجواء ادفى من جذي

الى اللقاء مع رحلة جديدة وممتعه مع الاستمتاع بعضويتى مع شركة اوريزون انترناشيونال هوليداى __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي البريطانية مابين لندن ومانشستر مع اوريزون انترناشيونال هوليداى	نورا السعودية	سفر وسياحة	0	08-06-2016 02:19 PM
تقرير رحلتى بريطانيا مع اوريزون انترناشيونال هوليداى	محروم.كوم	منتدى أخبار المواقع والمنتديات العربية والأجنبية	0	08-06-2016 01:50 PM
شركة اوريزون انترناشيونال هوليداى	عمار العبيدى	سفر وسياحة	0	08-06-2016 12:18 PM
تقرير رحلة سريلانكا مع شركة اوريزون انترناشيونال هوليداى	شيخه العمرى	سفر وسياحة	0	08-02-2016 12:16 PM
تقرير رحلتى الى البوسنه مع اوريزون انترناشيونال هوليداى	محروم.كوم	منتدى أخبار المواقع والمنتديات العربية والأجنبية	0	07-29-2016 03:10 PM