السلام عليكم ورحمة اللة وبركاته....يا اخوان بالنسبة للصيادين بالسنوركل السبير فيشنق المسدس البحري
واللة انكتبلي عمر جديد بفضل الله ودعاء الوالدي كنت اسبح عادي بالمسدس خلف الكسارة والله يا اخوان جاني تيار شفط شديد للاسفل حاولت اقاومة اعدل جسمي سار يشدني للاسفل على جنب عدلت جسمي خليت وجهي جهت الشاطي باطلع زاد التيار في الشد سرت اشوف سقف البحر يبعد عني قرابت المتر عرفت انه بشدني للاعماق تركت المسدس عشان استعين بيدي الثانية في السباحة للاعلى ولاكن وجدت التيار اقوى مني شربت موية وتشهدت وتذكرت ابنائي واهلي واثناء شد التيار للاسفل طالعت يميني شفت شعاب مرجانية سرت انشد لتحت واسبح في اتجاه الشعاب المرجانية تمسكت بها وتسلقت واخذت هوه وظربتني موجة وفلت وشدني ثاني شربت موية ثاني وتمسكت بالشعاب وسرت ماسك وماني قادر اطلع يا اخوان كل ما اطلع واخذ هوه تجي موجه تضربني وتفكتي ولاكن بعد محاولات كتبلي اللة النجاة من جديد طلعت اياديا كلها جروح وتقطعات وسيقاني وركبي كلها اصابات وجروح وكان هذا يوم الجمعة 24/10/1437 بعد اليوم اللذي غرقا فية الغواصبن الاثنين في الشعيبة هذا الشهر الله يرحمهم ويتقبلهم ويصبر اهلهم
فنصيحتي يا اخوان لاتنزل الا وانت رابط حبل في يدك موصل بطوق نجاة بأحكام او لو كان بقارب يكون مربوط في القارب او يكون مربوط بصديق لك ينتظرك على الكسارة التيار والله ما يعرف واول مره اتعرض لتيار بهذه القوة وأسال اللة السلامة لي ولكم في الدارين
__DEFINE_LIKE_SHARE__