مق قصائد الشاعر الكبير سالم بن شاهر الشنبري الشريف ابو عون

محروم.كوم · #1 08-13-2009, 08:20 AM

السلام عليكم ورحمه الله وبركاته

أسعد الله اوقاتكم بكل خير ومحبه

هذه مقتطفه من قصيدة الشاعر الكبير

( ســالــم بن شـــاهـــر الــشــنـــبــري الــشـــريـــف )

وهي قصيده طويله ومن ضمن قصائد كثيره راح ينزلها بمشيئة الله الاخ ابوعون في ديوان شعري باقرب وقت وراح يكون انشاءا الله لموقع مكشات بصمه فيه وراح ننزل اعلانه اذا تم

بمشيئة الله بموقعكم الغالي واتركم مع القصيده اللي يوصف فيها الشاعر حاله مع الصيد ثم يوصف جيبه النيسان ثم طيره وفي النهايه يحث عن الابتعاد عن الهوى وما ينتج عنه من ضياع

وان يكون توجه الشخص لشئ المفيد واللي يعود اليه بالنفع في دينه اولا ثم دنياه

راعي الولع كم قال ابو عون معذور

من لامني في الصيد ماني خشيره

وجدي على الي تولع بــه الــنـــــور

وحامة على سقفه طيوراً كثيره

يومي وهو سارح مع فجة النــــــور

ثم التوي به للشواطي ظهيره

ضاري على الاسفار صابر على الجور

ويوم ادعس البنزين تسمع صفيره

واللي على الشبة مدرب وغندور

مصفي الجنحان ساقه قصيره

غنمان ياطير السعد تسعة شهور

من حكمة المربط مصفي النجيره

بيني وبينه عشرة سنين وشهور

مثل العشير اللي ملازم عشيره

الا يا سمع صوتي يحول عن الكور

وإن شافني بانت عليه السريره

في موقف مابين شابر ومشبور

من واحد مولع قلبه بطيره

مانعشق الا هو ولا غيره ندور

ولانفكر عشاشيق غيره

لا الناحل اللي على الخصر مشمور

ولا الرهف الاي جعوده نثيره

حيث أن هذي كلها هم وعذور

ولا منها غير الحياة المريره

مهان صاحبها ولا هو بمنصور

ماهي سوات اللي دروبه خضيره

في النهايه اتمنى ان تكون ابيات شاعرنا ابو عون نالت اعجابكم ورضاكم

واشكر ابو عون انه اتاح لي فرصه ان انزله كم بيت بمنتداكم الغالي

واللي شرفني انضمامي له وشرفني اخي ابو عون يوم انه عطاني

بعض من قصيده الغالي والمتميز والاكثر من رائع

وتقبلوا تحياتي

اخوكم

المهاجر الهذلي
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
طلب :: قصائد الشاعر محمد بن عبدالله بن حسن	محروم.كوم	منتدى أخبار المواقع والمنتديات العربية والأجنبية	0	05-08-2010 09:20 PM
سبع قصائد ذهبيه للشاعر الكبير ممدوح المرزوقي البقمي	محروم.كوم	منتدى أخبار المواقع والمنتديات العربية والأجنبية	0	12-15-2009 12:20 PM
قصائد mp3 لشاعر سالم سيار	محروم.كوم	منتدى أخبار المواقع والمنتديات العربية والأجنبية	0	10-26-2009 06:20 PM
من أجمل قصائد الشاعر محمد القاضي رحمه الله	محروم.كوم	منتدى أخبار المواقع والمنتديات العربية والأجنبية	0	05-13-2009 08:40 AM
الشاعر الكبير محمد بن لعبون	♕ وليد الجسمي ♕	الشعر المنقول	2	11-04-2008 03:57 AM