قصة رحلتى الى التشيك مع شركة أوريزون انترناشيونال هوليداى

محروم.كوم · #1 07-29-2016, 02:11 PM

الســـــلام عليــــــكم ورحــــــمة اللـــه وبركـــــاته
هذي أول رحلة لي بذا الشركة شركة اوريزون انترناشيونال هوليداى وبقولكم قصة رحلتي لجمهورية التشيـــك بس لا تملون ..بسم الله نبدأ
بعد اشتراك ابى مع هالشركة وامتلاك اجازه سنويا نحنا والاسرة
قبل لا تبدأ الاشتراك كنا حين نبي نســــــافر بالإجازه كان والدى دائما يقرر نسفر لمصر وأنا ووحده من خواتي معصبين مانحب مصر أبد .. لكن بعد ما امتلك ابى العطلات السنوية قررنا نكتشف العالم الاوربى وكنا نختار فى ٨٧ دولة وبعد فترة وما أدري وش صار وقال لنا الوالد والوالده الله يخليهم لنا بنروح للتشيـــك ونقزنا من الفرح ومن ذاك اليوم وأنا أفكر وش أباخذ ووشلون طبع الشعب والجو ..
وخلصت الإختبارات والحمد لله نجحنا وبعدين قاموا البنات بحركاتهم من أول الإجازه إلى يوم الرحله يعني بعد اسبوعين وهم مسنترين بالسوق يشترون ملابس السفره .. والله يا هم كانوا كشخه ماشاء الله وكل مل جينا نطلع أقرأعليهم المعوذات
المهم جاء يوم الرحله وأختي الصغيره كانت مريضه يا قلبي .. ورحنا لمطار الملك خالد بالرياض بعد العصر لأن رحلتنا كانت المغرب ووصلنا دبي الساعه 8 العشاء ويوم وصلنا انطقينا بالمطار 5 ساعات وأول ماوصلنا المطار وكل واحد منا بجهه أبوي وأخوي يحوسون بالجوازات والخرابيط هذي ..
وأمي وأختي الصغيره يتنقلون بالسيارات الصغيره للإسعاف .. وأنا والباقين بالسوق الحره ..
كل واحد منا لاهي بعمره .
وبصراحه ما شفت عرب بمطار دبي الا حنا وكم واحد ينعدون بالأصابع .. وجا وقت الرحله على الخطوط التشيكيه ودخلنا صالة الإنتظار وأختي ما غير تقزقز بالشقر وانا ماسك عليها ضحك وبعدين
وركبنا ييييييييه ام الكتمه وخدمات زي وجيههم ( هذا بس بالروحه لكن الرجعه خدمات حلوه)
وحاطين قدام كل كرسي قاروره مويه شكلها غريب وأقلعنا وأنا على طول نووووووووم
ويوم قمت ولا حنا موقفين بالكويت نحمل ناس وننزل ناس .. ثم أقلعنا للتشيــــــــــــــــــــــــــــــــــــــــك

كانت مدة الرحله 6 ساعات تقريباً
وبعدين جابوا الأكل بس أنا ما أكلت إلا خبز وزبده والحمد لله ..

أولاً بــــــــراغ:-
وبعدين نزلنا للمطار وانا اتلفت يمين يسار وركبنا السياره رايحين للفندق وطول الطريق وانا أناظر المباني والطبيعه وأنواع السيارات .. وحنا بالطريق كان فيه برج وعليه ساعه وظبطت ساعتي عليها
ووصلنا للفندق .. وجت حرمه من حقين الفندق تعطينا نصائح ومعلومات عن البلد ورقينا للشقه اللي كانت دورين فوق 3 غرف نوم وحمام الله يكرمكم وتحت صاله ومطبخ وحمام الله يكرمكم وقعدنا نحجز غرف ( كننا بزران)
وبعدين راح أبوي وأخوي يجيبون أغراض خفيفه للشقه .. والباقين ناموا .. الا انا قاعد فاتح الدريشه مستانس بالجو وأشوف الرايح والجاي والمباني وتعرفت على ناس بالإشاره .
ومن الأماكن السياحيه :-
1- الأسواق والمراكز التجاريه :
بضاعاتهم حلوه ورخيصه الا الماركات العالميه وانا بصراحه شريت أشياء كثيره من عدهم .. وكنت انا واخوي كل ما شفنا محل ملابس رجاليه على طول ورررررررر عنده ..
الا سوق الفيتناميين ( السوق الشعبي ) نصااااااااااااااااااااااااااااابين وخاصه اذا شافوك ساااائح وعربي
واذا بتروحون لا تشترون الا اللي سعره معقول ويستاهل بعطيكم مثال كاب عليه شعا نادي اسي ميلان الإيطالي صناعه إيطاليه بسوق فخم بـــ 250 كورون تقريبا 30 ريال سعودي وبسوق الفيتناميين نفسها بس صناعه تايلانديه بـــ 400 كورون نصـــــب مع العلم ان الــ 1 ريال = 8 أو 6 كورون ..
حنا عاد ما شرينا الا اللي أعجبنا وسعره معقول وقعدنا نشرب باااااااااااارد
وفيه ببعض الأسواق محلات تبيع تذكارات للبلد حلوه مره ( أكواب - أقلام - ميداليات - إلخ... )

2- المطاعــــــــــــــم:-
التشيك تتميز برخص المطاعم والمقاهي مع انها حلوووووووه .
فيه المطعم الصيني أكله لذيذ ولا يفوتكم الدجاج
وفيه واحد من الأسواق فيه فوق مطاعم ومن المطاعم هذي مطعم السفـــــــــير ولا يفوتكم صحن الشاورما
وفيه مطعم لبناني حلو بس عالي شوي
وفيه مطعم لبناني يسوي حفلات آخر الليل
وفيه تركي وتونسي بس ما رحنا لها
3-الســـــــــاحه القديمه:-
مرررررررره حلوه وفيها برج فيه ساعه وبوقت محدد ترن ويتجمعون الناس ليه ما ادري
وفيها عرض لسيارات قديمه ومحلات حلوه وبعضها تبيع تذكارات للبلد وكانت مليانه بالسواح الأوروبين
واللي يعرف فيلم ( ترابل إيكس ) فإنالنقهى اللي مثلوا فيه هناك بالساحه القديمه ...

4- الجـســـــــــــــــــــــــــر:-
الجسر مره حلو وخاصه إن الجو حلوووووووووو وكان مليان سواح .. وفيه عروض سحريه وتماثيل ورسامين إذا بغيت يرسمونك بس حلوووووووووو مره

5-القــــــــــــــــوارب:-
حلوه مره ياخذ لك لفه بالنهر وفيه مشروبات وألات خفيفه بس أنصحكم تروحون له

6- حديقة الحيــــــــــوان:-
كبيييييييييييييييييييييييييره مره بس حلوه وبعض الأماكن تحس إنك بغابه ولا يفوتكم الدونااااااااات مره حلو ولذيذ يم يم يمي

ملاحظات ونصائح:-
أ- الريال السعودي الواحد يساوي 8 أو 6 كورون.
ب- الكلاب لا تخافون منهم علشان لا يتحرشون فيكم .
ج- ترى فيه بعض العرب يدرسون هناك يعني اذا احتجتوا اي شيء أو للسفااااااااااااره

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتى مع العائلة فى مدريد مع شركة اوريزون انترناشونال هوليداى	محروم.كوم	منتدى أخبار المواقع والمنتديات العربية والأجنبية	0	07-14-2016 01:10 PM
رحلتى مع شركة اوريزون انترناشونال هوليداى	محروم.كوم	منتدى أخبار المواقع والمنتديات العربية والأجنبية	0	07-14-2016 12:11 PM
رحلتي إلى كارلوفي فاري التشيك	محروم.كوم	منتدى أخبار المواقع والمنتديات العربية والأجنبية	0	10-12-2015 09:40 AM
شركة وندرفل هوليداى ترافيل	محروم.كوم	منتدى أخبار المواقع والمنتديات العربية والأجنبية	0	04-10-2013 03:20 AM