مقارنة بين gxr و الباترول se .2 تجربة شخصية

محروم.كوم · #1 07-24-2016, 02:20 PM

السلام عليكم ورحمة الله وبركاته

تبي أعطيك العلم وأنا أخوك من مجرب
كان معي 2008 شاريه عام 2011 واستخدام ثلاث سنوات والآن معي باترول 2012 استخدام سنتين

ابعطيك العلم من مجرب ولا تسأل طبيب .

GXR يمتاز بالرساوة أكثر وبالسفر ممتاز لكن فيه صوت حنه خفيفة مقارنه بالباترول

الصيانة شخصياً لم يفرق معي كثير الGXR فيه مشاكل القير مثل صوفة القير خربت معي 3 مرات
ومشكلتها تنزل القير كامل .
الباترول مشكلته الوحيدة الحرارة لازم تنتبه للموية باستمرار كل اسبوعين تشيك على الموية .

قطع الغيار متشابه الأسعار مع وجود العيسى الآن تغير الوضع للنيسان .

الباترول اوسع وأجمل داخل المقصورة لكن عيبه في المواقف داخل الزحمات لأنه أطول من GXR بحوالي 30 سم

الباترول صوت المكينة أهدى بكثير من الGXR وتحس أنه موتر سفر لكن لا يوجد رساوة في الخط يدك على الدركسون لازم
طبعاً يقال السبب جنط 20 والجنط 18 أرسى بكثير من ال20 لكن ال20 أجمل .

الGXR أكثر صرفية بنزين وأسأل مجرب السيارتين والباترول أقل صرفية بالديرة والسفر .

الباترول النور زفت مره كأنه نور كامري مع سواق ليموزين يالله يالله تشوف وأغلبهم غيره زينون VXR وأنا منهم .

الGXR المرتبه الثانية خلف السواق المسافة ضيقة مقارنة بالباترول أوسع .

الباب الخلفي للGXR افضل من الباترول لأهل البر بسبب وجود تكاية الباب للتقطيع للحم والبصل وغيره .
عكس الباترول لكنه يتميز بالفتح الكهربائي والتسكير من نفسه .لأهل الديرة عندهم أفضل حق الباترول .

زجاج الباترول خفيف وعلى طول ينكسر عكس الGXR

الGXR عيب مصنعي قوي في مثبت السرعة انك تحط ايدك على قلبك لو شبكته
عكس الباترول وهو مهم جداً في السفر الطويل .

الباترول عيب قوي اللون البيج الداخلي للديكور في الوسخ الزايد خاصة الي بياخذ SE .2 خاصة الي عنده بزران .

فتحة الباترول أصغر من الGXR .

الGxr عيب قوي فيه في الطعاميس ارتفاع الحرارة عكس الباترول شيخ .

الباترول في البر أشهد انه ذيب طيارة لحقين القنص وتشبك الدبل وأنت على سرعة 80 عكس الGXR

كفرات الباترول أغلى من GXR بحوالي 300 ريال أتكلم عن جنط 20

ودمتم سالمين وأسأل الله لك الخيرة في الشراء .
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[Article] مُقارنة بين جوجل والآخرون في تطبيق الحقوق والواجبات (تجربة شخصية)	محروم.كوم	منتدى أخبار المواقع والمنتديات العربية والأجنبية	0	05-09-2014 03:50 PM
مقارنة Siri vs. S Voice (اول مقارنة بالعربي)	محروم.كوم	منتدى أخبار المواقع والمنتديات العربية والأجنبية	0	06-04-2012 11:30 AM
قراء cnn بالعربية يختارون الأسد شخصية عام 2009 والزيدي شخصية عام 2008	محروم.كوم	منتدى أخبار المواقع والمنتديات العربية والأجنبية	0	01-02-2010 01:40 AM
قراء cnn بالعربية يختارون الأسد شخصية عام 2009 والزيدي شخصية عام 2008	محروم.كوم	منتدى أخبار المواقع والمنتديات العربية والأجنبية	0	01-02-2010 01:30 AM
مقارنة بين الباترول @اللاندكروزر (2009)	محروم.كوم	منتدى أخبار المواقع والمنتديات العربية والأجنبية	0	10-11-2009 03:20 PM