قصيدة ف قمة الحزن

فراشة الشارجة · #1 08-10-2009, 03:19 PM

[grade="00008b ff6347 008000 4b0082"]--------------------------------------------------------------------------------

السلام عليكم ورحمة الله وبركاته
قصائد حزينة
هذه القصيدة قصتها لنا احدى الاخوات الكريمات وسوف اذكر لكم ماقالت بالنص

هذى قصيده سمعتها وحبيت اقولها لكم
القصيده حزينه وتبكى ....وانا لما سمعتهااا سويت مناحه بالبيت
وهى قصه طويله بس اختصارها ،،
ان امراه كانت متزوجه وتزوج عليها زوجها من وراها وجاها بالبيت وقاله ابيك تروحين معاى للسوق تشترين كل شى بخاطرك ويعجبك
المهم الحرمه المسكينه شرت كل شى حلوو عجبها من مكياج وملابس
ولما جوو البيت

قالها زوجها وين الاغراض اللى شريتيها
قالت له ليش قال الاغراض مولك للمره الجديده وكنت ابيك تشترين الاغراض بنفسك
لانى انا ما اعرف اذواق الحريم وانتى اكيد ذوقك حلوو

الحرمه ماتت من القهر
وطاحت بالمستشفى وخمس سنين وهى بالمستشفى فى غيبوبه
سبحان الله الحرمه صحت بقدرة قادر بعد خمس سنين ......ولما سالت الاطباء وسالت ..فى

احد زارنى قالولها لا محد زارك
وقالت القصيده
تكفين يا طيور الحرار افزعيلى
...........................ابى عن ديار الاهل منك اخبار
تكفين حومى فوقهم وارجعيلى
........................... وإلا ان حصل لك حومه داخل الدار
تكفين حول بيوتهم دوريلى
................................سبعة فروخ يوم اخليهم صغار
شوفى ضناى وعودى وانكفى لى
................................واشلونهم يا علهم صارو كبار
نسوا دفاي ونومهم فى شليلى
..............................وش علمهم يا علهم بطول الاعمار
قولي لهم ان امكم لها عويلي
..................................خمسه سنين دمعها دوم مدرار
وقولي لهم إني علي طول ليلي
....................................أنوح وليا قرب الصبح أنهار
وقولي عيوني دايما له هميلي
....................................تبكي ليا شافت من الناس زوار
كل يوم اقول غدى حديهم يجيني
..................................راحت سنيني مابهم واحد(ن) زار
وانا اللي من سبت سوات الحليلي
......................................حالي تردى كل ماله وينهار
وفرقا ضناي اللي تردت بحيلي
...................................كني على شوفتهم اصلى على نار
ياويلي كان الله عجل رحيلي
.................................وانا لي سنين ابي لو هي اخبار
ياعونة الله من يبي يرتكيلى
................................ ليا جارت علي بأمر الله كل الأقدار
تنكروا من يدخلون الدخيلى
.............................واللي بوسط ديارهم يامن الجار
قولي لهم ياطيور قلبي عليلي
............................الله يكافي قلوبهم صارت احجار
وانا اللي لبراق الخيال استحيلي
................................واقول ياعل ديرتهم للأمطار
تكفين وسط ديارهم صوتيلي
.............................شوفي عسى لأسمي مع الناس تذكار
وقولي لمن نسيانهم يستحيلي
...............................ياللي نسيتوها ترى الوقت دوار
ياهيه ياللي بالسما لك هديلي
..............................ردي خبر تكفين يكفي امرار [/grade] __DEFINE_LIKE_SHARE__

راعـــ الــحــب ـــي · 08-11-2009, 05:11 PM

تسلمين ع الطرح الراااائع ..

يعطيج العافيه ..

نترقب الزوووود والنيوو __DEFINE_LIKE_SHARE__

حبوب الوسمي · 08-13-2009, 07:15 PM

يعطيج العافيه اختي ع طرح الغاوي __DEFINE_LIKE_SHARE__

♕ وليد الجسمي ♕ · 08-20-2009, 05:16 PM

وعليكم السلام ورحمة الله وبركاته

ما شاء الله ع الابدااع الغااويه

ان شاء الله الى الامام دوووووم

اشكررررررررررررررفننننج ع القصيده الغاااااويه

والله يعطيج العافيه ونتظر منج زوود

كلمات فى قمة روعة

وتقبل مرورى

__DEFINE_LIKE_SHARE__

لفتة هدب تقلب كيانك · 08-20-2009, 05:34 PM

ت ــسـلمين ح ــبوبهـ ع الـ ق ـصيدهـ الـ ن ـآيس ^_^ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الحزن	محروم.كوم	منتدى أخبار المواقع والمنتديات العربية والأجنبية	0	04-23-2010 03:50 AM
الحزن	it’s my life	الشعر المنقول	1	09-05-2009 07:09 PM
قصيدة ف قمة الحزن	فراشة الشارجة	شعر و خواطر	12	08-22-2009 10:34 PM
قصيدة البنات للشاعر العراقي عادل محسن ... قصيدة ابكت البنات	محروم.كوم	منتدى أخبار المواقع والمنتديات العربية والأجنبية	0	07-10-2009 12:50 AM
حصريا..من شاعر المليون للصغار..(ثلاثة اطفال في قصيدة دموع الحزن)..فيديو	محروم	شاعر المليون للصغار	11	01-28-2009 05:11 PM