| ||||||
 |
| | LinkBack | أدوات الموضوع | انواع عرض الموضوع |
09-06-2009, 11:26 PM
| رقم المشاركة : [ 146 ] | |||||||||||||||||||||
| عضو ذهبي  | 
شحالج يا الدبه,,تولهت عليييج,,من زماااان عنج تسلمييين ع المرور يالغلا __DEFINE_LIKE_SHARE__ | |||||||||||||||||||||
| ||||||||||||||||||||||
 | ||||||||||||||||||||||
|
09-07-2009, 10:35 PM
| رقم المشاركة : [ 147 ] |
| عضو جديد | yalla 3aad continue iT
wela agool 5laa9 won't read it thnxs siiis w nice rwayeh gd luk __DEFINE_LIKE_SHARE__ |
|
| |
| |
|
09-07-2009, 11:35 PM
| رقم المشاركة : [ 148 ] | |
| عضو ذهبي | يكوون احسن
__DEFINE_LIKE_SHARE__
| |
| ||
| |
|
09-08-2009, 12:47 AM
| رقم المشاركة : [ 149 ] |
| عضو ماسي  | ويين البااارت فووشيهـ >< >< >< >< >< >< >< >< >< >< __DEFINE_LIKE_SHARE__ |
|
| |
| |
|
09-08-2009, 01:26 AM
| رقم المشاركة : [ 150 ] | |
| عضو ذهبي | سوري ع التأخيير ,,المهم هذا البارت ان شالله يعيبكم// ~|~الجــــ الثالث عشر ــــزء~|~ الصبح ف المستشفى,, حمدان:السلام عليكم بوخالد و يزوي:وعليكم السلام بوخالد:شحالك؟ حمدان:بخير عمي,,شحالك انته؟ بوخالد:يسرك الحال حمدان:شحالج اليازي؟ يزوي:بخير,,اسمحوليه انا بروح داخل دخلت عند يدها و تم ابوها و حمدان يسولفون برى اليد:هلا هلا ببنتي يزوي:اهلين,,شحالك يدي انشالله بخير؟ اليد:بخير انتي شحالج وشو مسويه؟ يزوي:بخير ,,ماحد ياك اليوم اليد:لا ,,ليش؟ يزوي بهمس:صدق مايستحي ماي حتى يسلم ع يدي اليد:شو يزوي؟ يزوي:ها لا ماشي,,بس اذكرت شي بوخالد:السلام عليكم اليد+يزوي:وعليكم السلام بوخالد:شحالك عمي ان شالله بخير؟ اليد:بخير يا ولديه,,انت شحالك؟ بوخالد:يسرك الحال,,اقول تذكر سلمى بنت عمي؟ اليد:اممممم,,هيييه,,شو بلاها؟ بوخالد:لا مافيها شي بس ولدها حمدان يشتغل هني و عزمني ع العشاء ف بيته اليد:ماشالله و لدها دكتور هني!! بوخالد:هيه يزوي:وبتروح؟ بوخالد:هيه,,وانتي و البنات معزومات بعد يزوي:انت بتروح الأنها عزيمة ريايل نحن شونسوي هناك ؟ بوخالد:ولد عم حمدان يشتغل هني ف السفاره و حرمته بتكون هناك يزوي بتفكير:اممم,,ماظن اروح ابويه بوخالد:اقولج الحرمه متعنيه و يايه من بيت ريلها اخر شي تقولن مابتروحن!! يزوي:انزين بروح بس عشان خاطرك اليد:ومنو بيروح معاك؟ بوخالد:فهد و خالد همسه:يد يزوي يستوي خال بوخالد في السكن,, يزوي:المهم ابويه قال لازم تروحن نورة:اوكي انا عادي عندي المهم في اكل مريوم:والله انج دبه نورة:خخخ,,امزح الساعه 8 قدام فلة حمدان,, حمدان:هلا والله,,تو مانور البيت بوخالد:منور بأهله حمدان:قربو داخل البيت,, دانه(اخت حمدان):يامرحبا حياالله من يانا ام خالد:الله يحيج دانه:شحالج خالتيه؟ ام خالد:بخير فديتج,,شحالج انتي ان شالله بخير؟ دانه:يسرج الحال,,شحالكن بنات؟ البنات: الحمدلله بخير قعدوا البنات و تمو يسولفون مع دانه,,دانه عمرها 25 طويله حنطاويه عيونها صغار بس مش وااايد خشمها طويل وحاد ثمها مليان وحلو و عندها ولد اسمه سلطان كان كيووووت عيونه سود كبار و ثمه صغييير و لونه وردي و شعره شويه طويل و اسود و احلى شي فيه انه كان مدبد و عمره خمس سنين بعد العشا,, سلطان:اميه ابا العب بلا دانه:بعدين حبيبي يزوي:سلطان تريد تلعب برى؟ سلطان:هيه يزوي و هي تمدله يدها:تعال انا بوديك سلطان و هويمسك يدها:اوكي دانه:لا تعبين عمرج معاه يزوي:لا ماعليه عادي برى,, سلطان:ابا الكب ع الدلفينه يزوي وهي تشله :اوبااا سلطان:دزيني يزوي:ان شالله ماطلبت تمت يزوي تتأمل الفله كان تصميمها اجنبي من ورى كان في العاب ومسبح كبير و مطبخ و باب خلفي لميلس الريايل وكان في واحد ظاهر منه و ياي صوبهم حمدان:السلام عليكم يزوي:وعليكم السلام حمدان:شحالج يزوي؟ يزوي:بخير,,اشحالك انته؟ حمدان:بخير حمدان و بعده مانتبه ع سلطان:شو تسوين برى يزوي و هي تلف ع سلطان و تبتسم:الشيخ سلطان قال انه يريد يلعب برى قلت بظهره يلعب شويه حمدان:سلطوووون عيب عليك اظهر البنيه تلعبك ف الليل؟ سلطون وهو شوي و يصيح:اانا مااقلتلها هيي قاااالت ببتلأبني بلا يزوي وهي اطالع حمدان بنظرات و تشل سلطون و تلوي عليه:حرااام عليك الحين كيف بيرقد بيتم يترواله و يهك ف الليل حمدان منصدم:صدق عاد و يهي يروع لهذي الدرجه!!!! يزوي:واكثر بعد انا العوده فلخت من ويهك حمدان:ااا انتي عاد دلوعه(وهو يطالع سلطان)بس و لدنا شجاع صح سلطون؟ سلطون الي مايعرف شو السالفه بس دموعه ع وشك الهطول حمدان بحنان:يزوي انتي زعلانه منيه؟ يزوي:لا,,و ليش ازعل منك؟ حمدان:اممم,,عشان الحركه الي سويتها ف المستشفى يزوي ارتبكت:هاااا لا اصلا ماصار شي ف المستشفى نورة من عند الباب:يزوي تعالي عمو تقول بنروح يزوي و هي لاويه ع سلطون الفالخ:اوكي يايه حمدان و هو يقترب منها:عطيني سلطون ابوه يباه يزوي و هي تعطيه سلطون يت يدها ع يده بلغلط حس حمدان بشعور غريب ماعرف شوهوه يزوي و هي مستحيه من الي صار:مع السلامه سلطون سلطون يسويلها بااااي حمدان:افااا و انا ماليه مع السلامه يزوي:ههه,,مع السلامه حمدان و هو مبتسم:فمان الله نورة:بدري كان مايتي يزوي:كنت العب سلطووون نورة بنظرااات:كنتي تلعبين سلطووون!!!! يزوي:هييييه الصبح ف السكن,, في شقة بوخالد.. خالد:خاطريه ف جاهي فهد:انا بعد يزوي:سرينا سرينااااا و صمخ مريوم:راحة مع عمي الجمعيه نورة:اففففف منو بيسويلنا جاهي الحين!!!!! سيف:افاااااا عيال عمي يبون جاهي,,استويلكم جاهي خالد:خخخخ,,دخيلك لا تستويلنا قوم سوى النا سيف:ماطلبت..وراح المطبخ يسوي جاهي بعد 10دقايق,, ظهر سيف من المطبخ و ع ثمه ابتسامة خبث:احلى جاهي لحلى عيال عم..وحط الدله قدامهم يزوي صبتلهم وكل واحد خذ قلاصه و شرب شوي منه خالد:اعععععععععععععععع سيف:ههههههههههه مريوم:الله يلوع جبدك شو حاط فيه نورة:اخخخخ انا اقول ليش متبرع انه يسوي يزوي و هي تبز الجاهي:اععع,,ملح ماحصلت الا تحط ملح و الله انك مب صاحي فهد و هو يطعم الجاهي:ولا مش بس ملح و كركم بعد اخخخخ سيف و هو يدمع من الضحك:هههههههههههه و الله انكم تحف تبون اسويلكم جاهي مره ثانيه؟ فهد:لا دخيلك انا بقوم اسوي يزوي:وانا معاك سوى جاهي و لا خلو سيف يشرب منه صاح تلفوون خالد.. سالم:السلام عليكم خالد:وعليكم السلام,,شحاااالك؟ سالم:بخير,,شحالك انته؟ خالد:تمام سالم:وين انت؟ خالد:انا ف الشقه سالم:انزين تعال انت و الشباب نحن تحت عند الرسبشن خالد:اوكي سالم:ارقبك خالد:مع السلامه خالد:شبااااب سالم يقول تعالو تحت نورة فز قالبها ع طاري سالم فهد:منو معاه خالد:مادري خالد:يلا قوموووو سيف:يلا تحت ف الرسبشن,, كان الرسبشن عباره عن صاله صغيره فيها مكتب و عليه وحده من اللي يشتغلون ف السكن اسمها جوليا و بعدين ف كنبتين وبينهن طااوله الشباب 24 ساعه قاعدين ف الأستقبال و مسوين زحمه و حشره سالم:هلا و الله خالد:اهلين فهد:شحالك سلووم؟ سالم:سلوم ف عينك فهد:تبطي انك ف عيوني سالم:قعدواا ليش واقفين؟! قعدو الشباب و تمو يسولفون و ضحكهم واصل لين اخر الشارع الي قاعد ع حافة الكرسي و الي قاعد ع الطاوله و الي قاعد ع الأرض و رافع ريوله حاطنه ع الي قاعد ع الكنب الخلاصه ان اشكالهم كانت تحححف و جوليا شوي و بتفلعهم بلكيبورد همسه:هو ف بلاد اجنبيه و طبعا كل واحد يرمس لغته ف الكلام الحين بـe جوليا بقلة صبر:انتو حشره سالم يطالعها بنظره:شوو؟ جوليا معصبه:انتو ماتخلون الواحد يشتغل ف هدوء!!!! سعيد بستهباال:يوه يوه يوه عصبت جوجو خالد:خخخ,,والله انكم ماتخلون حد ف حاله جوليا:كل واحد عنده غرفه يروح يقعد فيها سعيد عصب:لا والله تروغنا مسودة الويه سالم:هييييه لا تلومها تراه فندق ابوها سعيد:بس غياااااض بقعد وتمو يسولفون ويضحكوووون بصوت عاااالي بس غياض ف جوليا اخر شي طفح ابها الكيل و عقت الأوراااق و قامت ع غرفة المدير بعد دقايق,, المدير:لوسمحتو سعيد متولم لضرابه:نــــــــــــعـــــــــــم المدير فلخ من اسلوب سعيد:انتو مسوين ازعاج و ماتخلون الموظفييين يشتغلوون سعيد:الي يسمعك يقول ان الموظفين ذابحين عمارهم ف الشغل هاي جوليا 24 ساعه السماعه ع ذنها و تسولف مع خويتها و يوم اي جون ايتم يتغزل فيه و هي اونها مستحيه و لا كله و لا يوم يداوم مارك مايخيلي شي ماياكله هذا تسميه شغل!!!!! وبعد حرب و مجادلات و ترجي من المدير و صلو لحل المدير:اوكي انا عندي حل يرضي الطرفين سعيد:شو؟ المدير:بعطيكم غرفه مجانا بس ع شرط ما اجوف و لا واحد ف الأستقباال الشباب ستانسو و قالوله اوكي سالم:هههههههههههههههههه,,شفت شكل المدير و الله العظيم انه فالخ منك سعيد:ههههه,,المهم ظهرت الكم بنتيجه فهد:هييه و الله منو قدنا النا غرفه سعيد:تصحيييح الي انا غرفه خالد:اوهو لا تذلنا سعيد:خخخخ,,امزح هذا يسمونه جهد مشترك سيف:هههههه,,منو عنده المفتااح عبدالله:انا و فتح الغرفه و كانت عباره عن صاااله كبيييره و فيها تلفزون و حمام و مطبخ سعيد:احم احم ,,حياكم ف الميلس دخلو الشباب و كان الميلس مفتوح 24ساعه حق شباب السكن ف المستشفي,, المترجم:الدكتور يقول ان كلي الوالد يشتغلن عدل و مافي داعي يسوله غسيل مره ثانيه ام خالد:ومتى يروم يظهر من المستشفى؟ المترجم:لازم الدكتور يراقب حالته و اذا ستقرت ترومون تظهرون بعد اسبوع ام خالد:الله يبشرك بالخير ,,مشكور ماقصرت المترجم:ولو هذا شغلنا..و ظهر يزوي:السلام عليكم ام خالد:وعليكم السلام,,شحالج؟ يزوي:بخير,,اقول اميه روحي البيت ارتاحي انتي من امس هني ام خالد:لا عادي يزوي و هي تغمز لمها:اقولج روحي ابويه توله عليج ام خالد معصبه:صدق انج ماتستحين يزوي:خخخ,,روحي انا بقعد مع يدي ام خالد:امري لله يزوي:شحالك يدوو؟ اليد:بخير فديتج,,شحالج انتي و شحال ابوج و اخوانج؟ يزوي:كلهم بخير و يسلمون عليك اليد:الله يسلمج ويسلمهم يزوي بخبث:اقووول يدي ماتبى ترمس يدووو!! اليد:ههه,وانتي ماتقرين يزوي:ف ذمتك عاد ماتولهت عليها؟ اليد:اكييييد هاي حرمتيه كيف ماتوله عليها يزوي:حركااات يدي بعد اليد:اقول نادي و احده من المصاطر(النيرسات) الي بره ابى اروح الحمام يزوي و هي ادق الجرس:يدي اذا تبى حد ايك دقع ع هذا الفص اليد:انشالله يت النيرس الي يزوي مادانيها وشلت المغذي عن اليد و راح الحمام و هي واقفت عدال الباب حمدان:السلام عليكم يزوي فز قالبها ع الصوت:وعليكم السلام حمدان:شحالج اليازي يزوي:بخير,,شحالك انته؟ حمدان:يسرج الحال يزوي:واخبار سلطوون؟ حمدان:ههه,,بخير تولهتي عليه؟ يزوي:وااااايد حمدان:وين يدج؟ يزوي:ف الحمام,,(بخوف)ليش ف شي؟ حمدان:لا ماشي بس كنت اريد اسلم عليه يزوي:اهااا,,الحين بيظهر حمدان و هو يقعد:انتي ف الجامعه صح؟ يزوي:صح حمدان:شو تخصصج؟ يزوي:علم نفس اليد الي توه ظهر من الحمام:يامرحباااا حمدان قام سلم ع اليد و تمو يسولفون و بعد نص ساعه حمدان:يلا سمحولي دوامي بيبدا بعد شوي اليد:مسموح حمدان:مع السلامه يزوي و اليد:فمان الله ف السكن,, بوخالد:واخبار عمي انشالله احسن؟ ام خالد:الحمد الله احسن يقول الدكتور انه بيروم يظهربعد اسبوع فهد:يعني برد البلاد بعد اسبوع؟ ام خالد:اذا ستقرت حالته فهد:انشالله محمد:انت غبي حمد:لا انته خالد معصب:ايي انته و هو شو بلاكم؟ محمد:هذا الغبي خذالـds و قال بيفوزني و ذبحني و مسح تقيمي و يقول بلغلط!! خالد:وانته ليش تمسح تقيمه؟ حمد بثقه:انا مامسحته هو مسحه محمد:ماقلت شي غلط يوم قلت انك غبييي حمد معصب:انا مش غبي يا حمار محمد:انته حمار خالد:جب انته و هو كل كو حمير انته لا دق الـds و انته لا تعطيه الـds مالتك فاهميييييين!!!! محمد و حمد:هيه خالد:افففففف فهد:شو بلاك؟ خالد:ماااعرف فهد:ماتريد ترد البلاد خالد:اول ماسمعتكو طريتو الرده تنرفزة مادري ليش نورة+مريوم:السلام عليكم الكل:وعليكم السلام فهد و هو يطالع مريوم:هلا و الله نورة:اهلييين نورة:ملاااااااااااااال خالد:افااا بنت عمي ملانه و انا هني نورة:خخخ,,شو بتسوي؟ خالد:لا تستهينين بقدراتي نورة:هههه,,حلووه,,ماحد استهان بقدراتك,,بس صدق شو بتسوي؟ خالد يفكر:امممممممم..(بستهبال)واجدتوهااااااااااا فهد:ههههههههههه,,تراااك عايش الجو بقووو مريوم:خخخخ,,شو الي واجدتوهااا؟ خالد:بروووح الالعاب!!! نورة:اوووووه كيف هذي مايت ع بالي؟؟ خالد:احم احم,,اعجبكم مريوم:انزين متى بنرووح؟ فهد:امممم,,الساعه خمس؟ الكل:اوكي في بيت مبارك(ولد عم حمدان),, دانه:هلا و الله,,تو مانور البيت حمدان:اهليين شحالج؟ دانه:بخيير شحالك انته؟ حمدان:يسرج الحال دانه بحزن:صدق الي سمعته؟ حمدان:شو سمعتي؟ دانه:ان بعد كم شهر بترد حمدان:هييه,,صح دانه:بتوله علييك حمدان:فدييتج حتى انا بتوله عليج,,بس خلاص لا عت جبدي من هني احسن ارد البلاد مبارك:وانا مابتتولهين عليه؟؟ دانه:انـ..... حمدان يقاطعها:يوم انت 24 ساعه عندها كيف تتوله عليييك؟؟ مبارك:افااااو انا الي قلت بخليها مفاجئه بس شكلي بكنسلها!! دانه:و شو هذي المفاجئه؟؟ مبارك:احم مابقولكم حمدان بنظرات:بترمس و لا لا ؟ مبارك:خخخ,,هد هد برمس بس كله ولا نظراتك حمدان:هههه,,احسلك مبارك:السالفه و مافيها ان واحد من الربع قالي انه حصلي شغل ف بوظبي وبنرد البلاد بعدك دانه بفرح:ف ذمتك!! مبارك:ههههه,,هييه,,انا بس كنت قاعد هني عشان الدرو الي قدامج حمدان اونه معصب:انا درووو!!! مبارك:ههههه,,امززح حمدان:احسلك سلطان يربع:خالي خالي حمدان:هلا والله,,شحالك؟ سلطان:بخيل انته ثحالك؟ حمدان:هههه,,بخير سلطان:خالي بقولك ثي بث انته قول تم اول حمدان:ههههههههه,,والله عليك حركاااات سلطان معصب:بتقووول تم و لا ؟ حمدان:تــــــــــــــــم سلطان ببراه:اليد الوح الألعاب حمدان:غالي و الطلب رخييص,,وانته ليش ماتودي ولدك الألعاب؟؟ مبارك:ههه,,هو مايطلب منيه حمدان:هذي مايبلها رمسه,,صدق انه و يهك هب ويه ابو مبارك بمزح:اي تراك تغلط واايد,,وبعدين انا ورايه شغل هب شراتك حمدان:لا حرام انا ماشتغل 24 ساعه ف البيت مبارك:شفت حتى انته عترفت حمدان سواله طاف:اقول دانوه جهزي ولدج الساعه خمس بخطف عليكم دانه:اوكي قام حمدان:يلا سمحووليه مبارك:ويييييين قعد حمدان:تتحرى كل الناس فاضيين شرااااتك؟! مبارك:خخخ,,بس انا خلص دوامي من ساعه حمدان:ماعليييه يا الفاضي المهم انا عندي شغله بخلصها و برد مبارك:هه,,اوكي حمدان:مع السلامه مبارك:فمان الله في السكن,, فهد:يلا قومن بنتأأأأأخر يزوي:انزين منو بيروح؟؟ خالد:انا فهد و سيف و محمد و حمد و انتن و علايه وبس نورة:يلا قومن مريوم:يلا يزوي لبست بنطلون رصاصي و قميص رصاصي عليه ميني و ميكي ماوس كباار بس مابقولكم شو كانو يسوون و لبست عباه ساده بس عند اليدين بف خفيف اجحلت و حطت قلوس شفاف نورة لبست بنطلون ابيض و قميص بنفسجي و عباه مسكره اجحلت و خطت عيونها من فوق بذهبي و حطت قلوس وردي مريوم لبست بنطلون جينز و قميص احمر عليه رسومات بلأسود و اجحلت و حطت قلوس احمر مريوم:خلصتن؟ يزوي+نورة:هيييه تحت يرقبون السياره الي مأجرينها,, سالم:السلام عليكم فهد و خالد و سيف:وعليكم السلام سالم بستغراب:وين رايحيين؟ خالد:بنودي الأهل الألعاب سالم:افاا,,ونسيتو سهرتنا!! فهد:لا ماعليه مابنطول بتحصلنا الساعه 9 عندك سالم:اذا كذي ماعليه,,يلا مع السلامه خالد:شو رايك تخاوينا؟ سالم:لا انتو رايحين مع هلكم و انا وين ضارب بلويه بينكم!! خالد:و انته هات هلك و نخليهم مع بعض و نروح نتحوط بروحنا فهد:هييه احسن سالم:اممم,,والله مادري يمكن هليه مشغوليين! فهد:دقلهم اذا مشغولين نخليها مره ثانيه سالم:اوكي ثواني سالم:هلا فطوم فطوم:اهليين سالم:اقول عندج شي اليوم؟ فطوم:اممم,,لا,,ليش؟ سالم:ماشي الربع بيروحون الألعاب مع هلهم و عزموني و قالولي هات هلك فطوم:منو ربعك سالم:وانتي شو خصج؟ فطوم:خخخ,,لا تعصب بس قولي منو و انا بقولك ليش سالم:فهد الـ(.....) فطوم:اهااا,,هذا اخو يزووي سالم:شو يعني هذا ولد عم نورة!! فطوم:ههه,,هيييه سالم:انزين ماقلتولي بتروحون فطوم:اصبر فطوم:موزوة تروحين الألعاااب؟ موزة:شو جايفتني فرخ؟ فطوم:هههه,,لا قوم يزوي بيروحون,,بتروحين و لا ؟ موزة:لا بروح عند اميه فطوم:الو هلا اقولك انا بروح بس موزة ماتريد سالم:اوكي,,خلصي انا تحت فطوم:اوكي بعد خمس دقايق,, فتح اللفت وظهرت فطوم..خالد استانس بس مادرى انها خت سالم و بتروح معاهم سالم:يلا شباااب خالد انصدم لا لا تكون حرمته و تم مهموم و مكتأب و متنرفز و حالته لله// to be continue.. __DEFINE_LIKE_SHARE__ | |
| ||
| |
|
| مواقع النشر (المفضلة) |
« حبيبي كان ماتدري ترى حبك بدى يسري من تأليفي انا وبنت خالتي ..
|
مآهمنيـﮱ من قآإآإڵ ڪَذآإب آإڵرب عآرف غڵآڪَ بقڵبيـﮱ . . !* »
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ●•يآ ۉرد هآت آڷۉرد ۉ آڷشمع بيدڪ لڪ عنديـﮱ يآ ۉرد آڷمحبــَﮧ بشآيـر●• | نظرة ودآع | عدسة الاعضاء , كاميرا الاعضاء | 9 | 02-10-2010 04:28 PM |
| أهـِۉآڪ ۉآرڛِـِم ڷڷٺعجـِب عـَڷآمـَﮧ ،’ ڪِڷ مـَـآ بڼـِۉرڪ عيـڼ خطـَٺ ڪِحڷهـَـآ ./* | ™»ĞĿฮ-эḓḇậΐ°•♪ | عدسة الاعضاء , كاميرا الاعضاء | 16 | 01-08-2010 08:01 PM |
| ٺـِقـِۉڷ إڼـِيـﮱ مـَـآ آهـِمـِـِڪ ₰ يـَـآ بــِرۉدة ۉآڷڷـﮧ دمـِڪ ..* | ™»ĞĿฮ-эḓḇậΐ°•♪ | عدسة الاعضاء , كاميرا الاعضاء | 14 | 12-23-2009 07:02 PM |
| |.. آبي آرتـۉي حبــَـََـَـَـَڪُ ۉڷآ آنحرم منه ~/ ρỉč ™ | Aljohara | المسنجر وملحقاته , توبيكات , ماسنجر بلس , msn | 38 | 08-03-2009 12:00 PM |
| |~ آنَ ڪَنتِ تهۉآنـِـِـِـِـِـِـِـِـِيْ قۉٍڷ آڷڪُڷمـﮧُ ۉآطربـَـَـَـَـَنيّ / тόρίςs - ρỉč ≈* | Aljohara | المسنجر وملحقاته , توبيكات , ماسنجر بلس , msn | 24 | 07-02-2009 10:23 AM |
الساعة الآن 07:36 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227