(طرح الشبك ) الشاعر خلف المايق

محروم.كوم · #1 06-21-2016, 10:30 AM

‎ياللي طلبت الشـعر خذ مني ابيـات
‎من نظم راسي ماخذيته اعاره
‎ناخذ مع المقناص ذكـــرى وقفــات
‎ونصور المقناص بأجمل عباره
‎لاجـت لـيال سـهيل تبدا المهمات
‎يبدا بها مقناصنا والاثاره
‎اللي شبك فرخ ن شــمال البـحيرات
‎وافي وصافي ريشته به غتاره
‎وشيهانتن سودا بها الطيب شارات
‎وخــويته تنصاد باخــر نهاره
‎هذي ليال طرح عـندي مــهمات
‎اعشق مقانصيه واعشق دياره
‎ومع دخول الوسم تبدا المــسرات
‎يارب ترزق كل مسلم بداره
‎تنشي من المنشى مزون ثقـيلات
‎وتـــسقي دياراً مدلهماً غباره
‎وكـل به الدنيا له الــيوم رغبـــات
‎وانا طـرب راسي ليقال طاره

‎تكفى يابوسامي نبي اليوم سجات
‎امـــا يمين الشير والا يســـاره
‎وانا معي بكراً علومه وكـــــيدات
‎طرح الحــماد وفــيات شــباره
‎طرح الشـبك مافرخـوه الخواجات
‎الطير صافي يعجبك في حماره
‎صـــاد وتــعـلم بديــار البــعيــدات
‎في هجره زادت علومه جساره
‎العام هـد وراح عـني مســــافات
‎اقفى وراء خربن تزايد فراره
‎راح يترقا الفرخ تتبعه نــــظرات
‎بين الرجا والياس والرجل حاره
‎بدر يقول اخفيتهم قبل لحـــــظات
‎الفرخ صامل مرهين في طــياره
‎وانا طـــلبت الرب لطير دعـــوات
‎انه يصــــيد وماتكون الخسـاره
‎وجهازنا يعطي عن البعد نغـمات
‎ســقنا المـواتر ونتتبـع اشـــاره
‎والفرخ جيته ينتف الريش اشتات
‎منظر يسر اللي يحب الصقاره
‎والفرخ كنه قال مامن كـــلافـــات
‎بشـر خـويك ينـتظر للبشـــاره
‎وبعده قنصنا الحد حتى القــريات
‎مع الامــير ومن سلايل امـــاره
‎اميرنا اللي داس كــــل العسيرات
‎سلمان حرومن مــواكر حــراره
‎من كـفه المـبروك لطير هـــــدات
‎كـنه خصيم ويطلب الصيد ثاره
‎حر ن حليك يازبون الصعيبات
‎في هدته في صملته في سطاره
‎الفيصلي رمز الوفا والمروات
‎الطيب كله ماخذه في جداره
‎بقولها مره ومره ومرات
‎خوت مثل شرواك اكبر تجاره
‎يم الحماد اللي لها الشوق بالذات
‎غرب البيض شفت لاهه وطــاره
‎هذي حـلات العـمرروحه وجيات
‎مــــع الامــير الي كـبير وقـاره
‎والحمد للي يحيي الحـي لامــــات
‎مجري الفلك والنجم كل بمداره
‎وصلوعلى المختارفي كل الاوقات
‎شفيع الامه عن لواهيب نـاره

‎الشاعر خلف المايق __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شيله لسنا دعاة الحرب كلمات خلف المايق	محروم.كوم	منتدى أخبار المواقع والمنتديات العربية والأجنبية	0	08-15-2015 03:20 PM
الطير والمقناص الشاعر خلف المايق	محروم.كوم	منتدى أخبار المواقع والمنتديات العربية والأجنبية	0	08-10-2015 01:30 PM
قصيده الطيروالمقناص الشاعر خلف المايق	محروم.كوم	منتدى أخبار المواقع والمنتديات العربية والأجنبية	0	08-10-2015 04:21 AM
وعد \| قوانين بمراسيم و ختم السلطة التشريعية اللاحق	محروم.كوم	منتدى أخبار المواقع والمنتديات العربية والأجنبية	0	12-26-2014 06:30 AM
هب الشمال الشاعر خلف المايق. اداء المنشد عبدالعزيز المرشدي	محروم.كوم	منتدى أخبار المواقع والمنتديات العربية والأجنبية	0	07-08-2012 09:40 AM