ودي أبكي و أرمي أشواقي بِـ دربك و أطربك / ذكرى قدييييمه !+خاطره

محروم.كوم · #1 08-09-2009, 08:20 PM

**
م د خ لـ ،، /

اعترف
اني كبرت كثيييييير في .. غيابك ،
تكسي وجهي تجاعيد ] الوجع [
والهَــمْ يملاني فَــزع
وما اعيش الا على .. ( ريحة ثيابك )
................... .. ( ريحة ثيابك )
....
............... .. ( ريحة ثيابك )

وأنتظر وأكبر كثير
وأكبر كثير وأنتظر
والعمر كله ترى .. واقف على " بابك "
................................ " بابك "
................................ " بابك "

**

انا أوّل من كبر في عين قلبك وإبتدا بالميل

..............| وانا أكبر من طعنته بالغياب وقال لك عادي

تعال وشوفني شارع بدونك ممتلي بـ الويل !

..............| رصيفي مظلم وشمعة وصالك عافت أعيادي

تضيق بجسمي كتوف اللقا وأستنزف التفصيل

..............| وآشيب وتصبح جروح الليالي حسبة أولادي

انا جيتك ودمعي حيرتي وسنيني المنديل !

..............| بعد ماضعت فيني بسألك : ياكيف إيجادي ؟

**

ودي أزورك بـــس بـ أعرافنـــا عيـــب

............. مع إنـي أحســك أخـــو إفتـــراضـي ..!!

**

ودي أبكي

و أرمي أشواقي بِـ دربك

و أطربك / ذكرى قدييييمه !

و أمطرك / سواليف ٍ أليييييمه !

ودي أبكي !

ودي أبكي

........... عادي أبكي ؟!

و أغسلك بـ ملح عيني !

يمكن دموعي تردّك !

في دياري تزرعك / ثم ٍ تهدك !

بس تعال شوي

ودي أبكي !

و الله ما أزعجك / و أحكي

بس ببكي

بس ببكي

بس ببكي

بس ببكي

**

( إشتقت لّي ) !

ولهت لوْ شويّ علي ؟!

ما اكذب عليك

أنا " كثير " إشتقت لك

عمري أحسه من غيرك خَلي

لا أرضي أرض ولا نجوم تزيّن الليل بـ سماي و تعتلي

ضايع و ينقصني انتماء لاني لأحد .. ولاني لي!

أنا كثير اشتقت لك

( ماشتقت لّي ) !

**

ما ارتحت لك بس مع هذا تحملتك

و المشكله عارف أنّك ما انت جابرني ,,

أن شفتني في كلام الود جاملتك

احساس عابر مــع غيرك يساورني ..!

**

الجرح ما تشفيه بعض العبـآرآت

مادآم { قـلــــبي ] غـآرقٍ وسـط دمّـه !!

مآقد توقعت انصدم فيـك بالـذآت

ولَآ خطر في يوم | غ ــدرك | أشمّـه

صدمه عظيمه فوق كل [ الَإحتمآلَآت ]..!

كآس { آلغدر ..! منّك تجرعـت سمّـه

**

لولا البكا (ما ينشرح خاطر ) و ( لا ينزاح ويل )
خل الكدر يطفي سعير ::الليلتين:: اللي خلت !
دام العيون أليا هملت تشفي / القليل من الغليل /
الله يبارك بـ العيون ، اللي ليـا ضقـت اهملت
( دمعة قهر ) تثبت لي ان اللي يحبوني ... قليل
و لا ضحكةٍ بـ وجيه نـاسٍ لي تضايقت " انكلت !
البارحـة يوم الهموم تحط بـ الصدر و تشيـل
والشاهد الله ما حبسـت بـ محجري دمع و فلت
الدمعـه اللـي ما تهـز صدور ربعي لآ تسيل !
أكنّها مثـل الجمـر ! ولا يقـولـون نـزلت
اللي و هـو مـآ فزّلي كنّه محملني جميـل !!
أجيـه برجولي ؟؟ !
........ عشان أشكي له الحال ؟؟ أكملت !
ما كلمن شافك قوي يفرح ليا جيتــه ذليل
الناس لي من حسّت بـ ضعف الشجّاع
.............. آاا س تن ذل ت !

**

وشلون اعرف انك
حياة ..؟
إن كان ما فيني أشوفك
........ و أشهقك !
**

والله مدري بس انا دايم كِذا .. !
اقلب احزاني و اخليها ( فرّح )
ضقت من دنياي و إحزاني
لِـذا :
( صرت افرح كلِما القلب انجـرح )
**

تدري متى العبرة تجي غيض و تحير ؟
وأحسّها بحلقي سُواة .... / القزازة /
لا جيت تنشدني عن ,, الحال و نصير
مثل : القتيل " و " قاتله بـ الجنازه !
**

تقول : سَمّعني لي سنين ما رقت
وأردْ : وينك عني سنين - وينك !
ماتدري إني في ( غيابك ) تضايقت !
و كرهت أنا شعرٍ يودي لـ حنينك
**

اللي عطاك لسـان معطينـي لسـان ..
واقدر احطّك بيـن ضرسـي و نابـي
لكنّ .. أسكت , وآتجاهل ، على شان ؛
مافتح لـ رديـان المخاليـق بابـي !
**

بكره الا هملوك الناس تذكرني
وتقول :
( عزاااه ، عيني من يداريهاا ) !!
مدام غيري ، على قلبك
( مشاركني )
وش هو له اعلق الأمال ، وابنيها !
**

رضيت و قلت أبي أرحل بـ صمتي و السنين تدور
ومصير أيامهم عنّي بعد ما أروح / " تخبرهم "
أواسي خاطر الضايق ... وأسامر خاطر المكسور
ولو هم .. انكروني .. صعب والله أنّي ( أنكرهم )
ورضيت أمشي على فالي .. ولو كل السنين تدور
ومصير الوقت في غيابي بعد ماروح ... يخبّرهُم !
**

بريئ ... وجآي تسألني على حآلي ؟
............. تَبِي تتأكّد إنّي / .. فالحزن توّي ؟
تطمّن / منبسط ، وأقدع من الحآلي
............. أنآ بعدك : سعيييد ، ومنعدل جوّي !
**

أدري / كثير أصحآب .. تزرع لي أشوآك ، !
........................ و أبقى ..! الكفيف اللي شكر طعنة الكل !
**

تـدري ليا قلت لي :- في ضيقي ( شلونـك )
لو فاقد أغلى إخواني قلت لـك : طيّـب !
طالبـك لاشـان وقتـي دونـي و دونــك
لا قلت :- رح لـ ( الهجر ) لا تقول لي طيّب ..!
**

**
م خ ر جـ ،، /

سنه مرت وانا اتوسل يا ربي تفتحين الباب
سنه مرت وانااتوسل يا ربي تفتحين الباب
سنه مرت وانا اتوسل ياربي تفتحين الباب

وبعد مخرجهم مخرجي :

عشت عمري ارتجيك
حب واخلاص ووفى
ببيع روحي وافتديك
وعلى صدري تحس بدفى
رحت عن عيني واجيك
لاكن حسستني بلجفى
صرت وانا بقربك كني مجافيك
لين دريت بحالتك وقلتلك افى
.......
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
من دفتر مذكراتي أرسل لكم أشواقي	محروم.كوم	منتدى أخبار المواقع والمنتديات العربية والأجنبية	0	07-05-2010 01:40 AM
أشواقي لكم	محروم.كوم	منتدى أخبار المواقع والمنتديات العربية والأجنبية	0	04-05-2010 04:30 AM
كل عيد والخير دربك [ صور - فرش - مخطوطات ]	محروم.كوم	منتدى أخبار المواقع والمنتديات العربية والأجنبية	0	09-11-2009 05:40 AM
ودي أبكي و أرمي أشواقي بِـ دربك و أطربك / ذكرى قدييييمه !+خاطره	محروم.كوم	منتدى أخبار المواقع والمنتديات العربية والأجنبية	0	08-09-2009 08:30 PM
طلب تصميم بنر اعلاني مملكة أشواقي	محروم.كوم	منتدى أخبار المواقع والمنتديات العربية والأجنبية	0	04-10-2009 12:10 AM