السلام عليكم
ابشروا بالصيد والطبخ الزين
يوم الخميس من قعدت الصبح وانا براسي محموس دخل ... واتصلت على الذيب ابو باسل حوالي الساعه 11 قلت وشرايك باللي يغديك محموس دخل
قال عز الطلب يابو محمد ... قلت جهز نفسك .. قال انت جهز نفسك انا امرك الحين ... جهزت العزبه لين وصل الذيب
ومشينا لمنطقة تسمى العويصي ( شمال مدينة عرعر ) حوالي 14كم ، وصلنا حول الساعة 12الظهر .. صلينا الظهر
وكل واحد اخذ سكتونه يطقطق بالدخل اللي بالشجر
والحمد لله حصلنا غدانا (وحنا ماحنا طماعين نبي بس حمسه ) صارلي سنه عن الدخل
وصدنا حول 50 دخله ... تعرفون بدايته يجي قليل مره وصغير !
وضبطنا الحمسه حوالي الساعه2.30الظهر
وقالي ابو باسل يابو محمد ابشر باللي يضبطلك محموسه بطريقه جديدة .. بس ماني مسئول عن اصابعك ! يمكن تاكلهن هههه

قلت خلنا على طريقتنا المعروفه .... شفت الرجال مصر قلت انت ابوها وسمها ...
الحاصل جاب شوايه غريبه يقول هذي حمسه بالطريقه السورية ... قلت لا والله اللي تغدينا مضبوط !!

وصورت لكم الطبخه لين خلصت : بس ياجماعه شيء مايوصف حمسه ماذقت زيها صراح اكلت اصابعي وراها هههه
يالله خلونا نشوفها سوى ...
هذا الشجر اللي صيدنابه

حط الدخل بالشوايه

شوفو الدخل وش زينه

لين فك الشوايه وشفت الدخل شي خيال ... قلت هاه خلصت .. قال لسى باقي !

حط البصل والملح

هذا تقطيعي للبصل قلت ابي اساعده

بعدين كبسها ... قلت متى يخلص قال اصبر شوي باقي

من يوم فك الشوايه وجتنا الريحه الطيبه ... قلت عجل علي نبي نتغدى ... قال لسى باقي شوي !!

>>يتبع