موسوعة كلمات اغاني محمد عبده ..,

~QTR~ · #1 08-08-2009, 01:17 AM

السلام عليكم ورحمة الله وبركاته .,,

بعد مافكرت فالموضوع الي ابي اسويه .,,

قلت خل اسوي موسوعه كلمات اغاني محمد عبده

و الي يبي يحط ماعندي مانع

الموضوع اهدأأأء الى [ عطسة فار ]

(وهــــــم)...

وهم كل المواعيد وهـــــم
تعب كل المواعيد تعــــــب
بأسم الحب باسم الشوق
مأساتي معاك تزيـــــــــــد
واتم بعيد وتتم بعيـــــــــــد
اتم مثل الحـــــــــــــــــــزن
انطر سحابة عيـــــــــــــــد
اجي ملهوف عطـــــــــــش
تحت المطر ملهـــــــــــــوف
وقتي يطــــــــــــــــــــــــوف
لوني ظايع ومخطـــــــــوف
يظيع الشارع بصمتـــــــــي
وصمت الانتظار سيــــــــوف
وكل ما مر وهم صوبـــــــي
اقول انتـــــــــــــــــــــــــــي
كذبت العيون والموعد وهـم
الم كل ساعةوكل لحظة الم
وين عيون حبتني ومنتنـــــي
وقالت لي نعــــــــــــــــــــــم
تلاشت فرحتــــــــــــــــــــي
وتاهت خطوتـــــــــــــــــــــي
وحلم كبير في لحظة انهدم

كلمات/ فائق عبدالجليل

أنا حبيبي

أنا حبيبي بسمته تخجل الضي
يكسف سنا بدر الدجى من جبينه
راعي العيون الناعسه رمشها فّي
وإن سلهمت ذاب الحشا من حنينه
له نظرةِِ لا هي سَرابٍ ولا مَيّ
راعي الهوى تفنى وراها سنينه
نور الصبايا .. بسمة الدّار والحيّ
نوره ولا شمس الضحى تستبينه
دامه معي أغلى الحبايب فأنا حّي
بالقلب أضمّه يوم قلبي ضنينه
له في ضميري من لهيب الوله كي
روحي معه عذب المناجى رهينه
ياصاحبي لا تنشد الروح عن شيّ
أنا حبيبي .. نور كل المدينه

كلمات الامير بدر بن عبدالمحسن

كل ما نسنس

كلمات : الأمير / خالد الفيصل

كل ما نسنس من الغربِ هبوب
حمّل النسمة سلام
وان لمحت سهيل في عرض الجنوب
عانق رموز الغرام
لك حبيب ما نسى
كلمته دايم عسى
أطلب الله وارتجيه
صبح يومي والمسا

نشوتك تلعب مع قطر المطر
وانتشى قطره معك
والسحاب يطاردك بين الشجر
خالق الزين ابدعك
الندى في وجنتك
صار عطر بلمستك
والهوى غنى طرب
تستثيره بسمتك

كل زين أشاهده وانتم بعيد
منوتي ليتك معي
وإن سهرت الليل أهوجس بك واعيد
هل لاجلك مدمعي
إنت هاجس خاطري ..
وإنت فرحة ناظري
يا قريب ويا بعيد ..
فيك امسي وحاضري

كل ما ضمت عيوني منك طيف
يا بعد كل الطيوف
قلت ما مثلك على الدنيا وصيف
لا حشا مالك وصوف
لا سحاب ولا مطر ..
لا نسيم ولا زهر ..
لا طيور ولا غزال ..
ولا مع باقي البشر ..

شبيه الريح
كلمات : الأمير عبد الرحمن بن مساعد

شبيه الريح
وش باقي من الالام والتجريح ..
وش باقي من الأحلام ..
وش باقي من الأوهام ..
غير اني ألاقي في هجيرك فيّ ..
وألاقي في ظلامك ضيّ ..
وأوقد شمعتي في الريح..
شبيه الريح..

شبيه الريح أنا ما اقدر
أكدر صفوك العاصف..
شبيه الريح انا من لي
سوى احساسك الجارف..
بقايا زيف اشواقي ..
سما أمطار أحداقي..
شبيه الريح وش باقي..

ابي اعرف متى تسكن رياحك..
وابي اعرف غرورك هو متى يطلق سراحك..
وابي اعرف متى تعصف
ومتى تعطف
و متى تنزف جراحك..
وابي اعرف اذا باقي في بحرك موج
اكسر فيه مجدافي..
وابي اعرف اذا باقي في همك هم
ما شالته اكتافي..
وابي اعرف اذا باقي في هالدنيا حزن ما مرني واستوطن اطرافي .. ؟
بقايا زيف اشواقي ..
سما أمطار أحداقي..
شبيه الريح وش باقي..

سنيني يم
وقلبي المركب المتعب وانت الريح..
مجاديفي عذاب وهم
وزاد الوجد والتبريح..
وصبري صبر بحارة
بغو في اليم محارة..
غشاهم موج كان من الغضب اغضب..
وكانوا للهلاك اقرب
لولا كثروا التسبيح..

حبيبي الأصدق الأكذب..
تعبت اوصل شواطئ طبعك الأعذب..
تعبت اجمع ألم كل الموادع
في الموانئ واحضن اطيافك..
تعبت السهد في ليل الشوارع
والثواني تنطر مصابك..
تعبت الظلم واجحافك..
بقايا زيف اشواقي..
سما أمطار أحداقي..
شبيه الريح وش باقي..

يتبع ..,, __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اغاني محمد عبده ولا اروع	..كلي دلع..	نغمــات للهــواتف	17	07-30-2010 02:25 AM
اغاني البوم محمد عبده 2009	الفرعون الذهبى	المواضيع المكرره	1	08-02-2009 01:35 PM
كلمات البوم محمد عبده 2009	غلا البحرين	كلمات الاغاني	6	05-13-2009 10:47 PM
كلمات اغاني محمد عبده	м!sS Gα\|αҳcy	كلمات الاغاني	23	08-08-2008 12:41 PM
كلمات ألبوم محمد عبده (( الهوى الغايب ))	غلا البحرين	كلمات الاغاني	14	03-20-2008 01:55 PM