قصيدة صاحب السمو الملكي الأمير \سلطان بن عبدالعزيز آل سعود

محروم.كوم · #1 08-05-2009, 06:20 PM

بسم الله الرحمن الرحيم
هذي قصيدة صاحب السمو الملكي الأمير
سلطان بن عبدالعزيز آل سعود

حفضه الله ورعاه
وارجعه لأرض الوطن سالماً
ومناسبة القصيدة
وكان لسيدي صاحب السمو الملكي الأمير سلطان بن عبد العزيز - حفظه الله ورعاه - طير من أحب طيوره إليه، وضاع هذا الطير الحر في إحدى رحلات القنص التي قام بها الأمير سلطان، فكتب - حفظه الله - قصيدة يتوجد فيها على طيره وأرسلها إلى الأمير الشاعر محمد الأحمد السديري - رحمه الله -

قصيدة صاحب السمو الملكي

يا طيري اللي مالقينا مثيله
أللي على جول الحباري يهدي
لاشافه الحفال ضيّع دليله
عطب المخالب صاملٍ ما يصدي
نادر نداوى والموامي طويله
لياما خذينا برقعه مستعدي
لو هو ولد عدا على كل جيله
لازم على كل النشاما يعدي
وليوم كن الكبد فيها مليله
طيري غدا مني وأبو زيد سدي
لو ان خالي فيه كان اشتكي له
اعلمه باللي جرى واستجدي
والله ما ألومك يا زبون الدبيله
يومك بزينات المثايل تردي
ماشفت شفنا مالنا فيه حيله
أمر الولي لامن مضى ما يردي
مانيب اقوله قصدي ابغي بديله
ما كل طير في شلاح بيسدي
[/poem]
.................................................. ...

رد الأمير محمد السديري - رحمه الله -

حي الكتاب اعداد وبل المخيله
وميه هلا من خاطرٍ مجرهدي
من خاطرٍ صافي ودادك يشيله
يالفيصلي ضيمك لقلبي يضدي
ياشيخ ياراع الفعول الجميله
يا منتهى شكواي وان باح سدي
يا درعي الضافي الياشفت ميله
محكم حلق ضافي بالاردان قدي
يا سيفي الصمصام عز القبيله
يا للوذعي يالنادر المستهدي
يالليث شيال الحمول الثقيله
شبرك على شبر العيال متعدي
أصبر بصبري عن ذياب وحصيله
والصبر يا سلطان ما عنه بدي
ذياب قبله ضيّع الله دليله
اللي على الفرقا تحدا تحدي
مالي جدا الابس بالعين أخيله
لين ارتفع فوق السحاب المسدي
أنشهد ان الطير غادٍ دليله
ينحاش لو تنعم عليه وتكدي
أشلاح منه الصيد يكثر جفيله
نادر وفارق نادرٍ له يودي
طير السعد يا حيف خلا عميله
على الوفا ما له قرين يقدي
ما يذكر انك فوق كفك تشيله
وعز الله انه صار منه التردي

.................................................. ............................
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مقناص صاحب السمو الملكي الأمير تركي بن محمد بن فهد آل سعود	محروم.كوم	منتدى أخبار المواقع والمنتديات العربية والأجنبية	0	06-21-2010 06:10 AM
مقناص السمو الملكي الأمير / فهد بن سلطان بن عبد العزيز أل سعود ( الجزء الثاني )	محروم.كوم	منتدى أخبار المواقع والمنتديات العربية والأجنبية	0	04-30-2010 03:50 PM
قصيدة صاحب السمو الملكي الأمير \سلطان بن عبدالعزيز آل سعود	محروم.كوم	منتدى أخبار المواقع والمنتديات العربية والأجنبية	0	08-05-2009 06:30 PM
صاحب السمو الملكي / الأمير سعود بن فيصل بن عبدالعزيز آل سعود	♕ وليد الجسمي ♕	الشيوخ و رؤساء الدول	11	06-05-2009 07:35 PM
صاحب السمو الملكي سعود (الفيل)	محروم.كوم	منتدى أخبار المواقع والمنتديات العربية والأجنبية	0	05-21-2009 03:40 AM