-{ شلــة محمد بورحيمه - لا ردج الله ..

qayed · #1 04-06-2008, 08:55 AM

[align=center]
=

=

=

مرحبا الساع ..
شحالكم عرب زايد ..؟؟
ربـكم الا بيخر .. ؟؟

اليوم يبلكم شلــة محمد بورحيمه - لا ردج الله ..

لا ردج الله لا ولا طلبت تردين .. ادعي عليج بعثرةٍ في صلاتي

عثرة تشلج ما بعدها تقومين .. يا للي نقلتي عهودنا الماضياتِي

خدان لج بالقلب كانت بساتين .. وريضان وغصونا بهايا نعاتـي

كانت تروح الروح ساعة تروحين ... وتعاف نفسي شربها والمقاتي

وكنتي مناة القلب والروح والعين... واليوم عينج يعلها ما تباتـــي

كنت أحسبج للعهد و الحب توفين .. قلتي الغدر بالحب ما هو سواتي

و بان الغدر سمٍ جرى بالشرايين .. الله عسى يسقيج سم الفعاتي

كله سقيتج حب و اليوم تنسين .. تقولين حلم أيام و اليوم فاتي

و خذتِ الهوا لعبه على ما تحبين .. إلين عصفت بالهوا عاصفاتي

و صرتِ بشعري فالعذاره تباهين .. تقولين أنا شمس العصر في حلاتي

وبالشعر صورتج خزام ورياحين ... واثرج هضاب وشوك ما به مداتي

و بالشعر غليتج على كل غالين .. و أثرج دنيَّ تتبعين الدناتي

رسمتج سحابة خير قطرا تنفين ... فزت لج الصحراء زهور ونباتي

رسمتج مهاتٍ للجميلة تقودين .. و أثرج خروفٍ ضيعتها الرعاتي

توسلت لج على حب عامين .. عامين لكن في حسابي مئاتي

ناديت لكن لي أبد ما تسمعين .. عمري و روحي و الفكر في شتاتي

خنتِ و بعتي كل عهدٍ و يامين .. ما عاد يفرق بين ماضي و آتي

و صرتِ مثل غيرج برخصٍ تبيعين .. يا مرخص تني مابقى لج غلاتي

تحسبيت انج بالمها فاتة تربين .. كيف الصعود يكون للهاوياتي

والموق ان تخرس ولا يفيد تمرين ... ميفيدها قلص وضرب العصاتي

ومع ناقتا خرسا كلفة سنتين ... فلا لانة بشده ولا بنهداتي

اسبوع فدوامِ و لا ايي غير يومين .. و يوم أوصل الدار أتصل و أحاتي

صبري نفذ و اليوم ثارت براكين .. مظلوم أنا و باجر تحل دعواتي

سمعي عسى من بعدها ما تسمعين .. سمعي دعاء من صار قلبه حصاتي

عساج عوقٍ منها ما عاد تبرين .. عوقٍ تشافى له قلوبٍ عداتي

أدعي عسى من ناظرج ما تشوفين .. و تطحن بج الأيام طحن الرحاتي

يالله عسى يحتار فيج المداوين .. تبين الممات و لا يجيج المماتي

يالله عسى كف الندامة تعضين .. تندمين يوم انه يفوت الفواتي

وتبكين دما يسيل من مغلة العين ... ويحتار قلبج من عناج وتعاتي

و عسى ما تلاقين من له القلب تهدين .. و إن هو حصل أدعي عساج الشتاتي

يا بلوتٍ لي وصت بيته تعيشين .. غافي و حولج شب جمر الغضاتي

عسى بعمرج ساعة ما تهنين .. و تمضي حياتج بين هم و شقاتي

يا بنت قلبي وين مثله تلاقين .. قلبٍ عطاج الحب ما قال هاتي

ييتج وروحي شلتها لج بكفين ... وفي التاليه رمح الخيانه جزاتي

يالله عساج النار يا أم ويهين .. كلنا انكشفنا ما تفيد العباتي

يالله عساج تلبسج جن و شياطين .. و تكونين مدعاة الحكي و الشماتي

والله ماني منتظر قلبج يلين .. و المجبلات أكثر من الفايتاتي

ومعاد تتبع ضعون المجفين ... ريحا تشل ضعونج المغفياتي

يا ليلةٍ ظلمة على الله تزولين .. و تأتى ليالي سعدنا مشرقاتي

يا حية رقطا تقود الثعابين *** باجر تحن ايامج المعتماتي

يا ظالمة نفسج ترى الدهر يومين .. يوم النجات و يوم ما به نجاتي

بيني و بينج تحكم أيام و سنين .. و لا شاهد قلبٍ من الغدر ماتي

لو كان عذرج في كفوف الموازين .. لكان رِبَح كل غدر البناتي

ويا دمعة التمساح لالا تذرفين ... العيون رغم ادموعها كاذباتي

لا ما عرفت الحب لا ما تحسين .. غدرج تعدى غدر اليبل الفلاتي

الذيب يعوي قبل يغدر بمسكين .. و انتي غدرتِ خافقي في سباتي

وانتِ السبب سقتِ على القلب جرحين .. غدر الغرام و موجع الذكرياتي

وانتي السبب واليوم لا لا تلومين .. و ان ياج باجر شوفِ شلون ياتي

والله لكتب و أفضحج في دواوين .. و أرزف وأغني يوم خبر الوفاتي

و أرسم لأهل العشق قلبين و سهمين .. و قصة خيانة ما روتها الرواتي

و يمين لنشر فوق إسمج عناوين .. و أشهرج من قاصي اليمن للفراتي

و من غرب هالدنيا إلى قاصي الصين .. ديوان غدر فيه كل اللغاتي

و البادي أظلم سنة العين بالعين .. و لاَّ فهذي لا عادتي ولا صفاتي

و يا شبه انسانه براسِ و رجلين .. اعوذ بالرحمن منج بصلاتي

السموحه ,,[/align] __DEFINE_LIKE_SHARE__

ήoOήY · 04-06-2008, 01:18 PM

رووعة الكلمآآت

تسلم خووية

::.
.::

يعطيك العآفية

BaNoOtAh

__DEFINE_LIKE_SHARE__

بوالجازي · 04-06-2008, 02:05 PM

يسلموو على الكلماات الغاويه

يعطيك العافيه

نترقب جديدك __DEFINE_LIKE_SHARE__

المتفيـ ج ـة · 04-06-2008, 06:35 PM

طـــرر .. ..

تسلمـ خويه قـآيـد عـ الكلمـآت ..

ربيـه يعطيكـ العـآفيـه .. ونـرقـب الـزود مـن صـوبـكـّ ..

.. .. __DEFINE_LIKE_SHARE__

• ™ мαяỉαмч «| · 04-06-2008, 07:00 PM

مـــرح ـــــبآ الس ـــــآع

تس ــٍـٍلم قيوؤد ع الكلمآت الغ ــٍـٍآويهـ

وربي يع ــٍـٍطيك الع ــٍـٍآفيهـ

ونترقب يديدك ..

فــ ح ـــفظ الـرح ـــمــن
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مسموح شله :شلات محمد بورحيمه	عيناويه 1	الشعر المسموع	28	08-14-2009 08:53 PM
ماذا ورد عن محمد صلى الله عليه وسلم فى الكتاب المقدس عن (شيخ المحاورين أحمد ديدات)	محروم.كوم	منتدى أخبار المواقع والمنتديات العربية والأجنبية	0	04-07-2009 12:00 AM
ما هو سهل شلة : محمد بورحيمه	عيناويه 1	الشعر المسموع	3	02-11-2009 11:13 PM