هل تبحث عن مضخة ماء على تانكي السيارة ؟؟ تفضل

محروم.كوم · #1 08-03-2009, 01:50 AM

بعد بحث طويل و تجميع لعدة افكار في هذا الموقع وغيره,, استطعت ولله الحمد التوصل للفكرة التي اريد مع العلم اني لم اجدها جاهزة كما هي الان,,,,,

ولذلك اتمنى ان يستفيد منها من هم بحاجتها من اخواني المكشاتيين وهي:

مضخة ماء صغيرة في تانكي السيارة تعمل على 12 فولت....

نبدا بسم الله :

سر الطبخة هي طرمبة ماء المساحات حقت كرسيدا ,,,, وقد قرأت عنها هنا لاحد الاعضاء جزاه الله خير ....

وهذي صورتها :

طبعا اللي الموصل هو دخول الماء ... والماء الخارج من الزقم الصغير اللي ملفوف بتيب ابيص يدخل فيه اللي الصغير ويربط بقفيز ....والحديدتين اللي فوق كهربا ...12 فولت

طبعا لتتتضح الصورة هذي هي النتيجة النهائية بعد التشغيل :

شوفو ماشاء الله قوة الدفع جيدة وتحق المطلوب ,, وهذا الاخ عبد الله المعاوني ماسك اللي

الان الصورة التالية توضح مجسم تصميم المضخة :

ترا علبة حبوب الكيرم توضح التانكي

طبعا انا افضل تكون كل الوصلات نحاس ولكن مالقيت بالسوق الا اللي تشوفون ...يقول لك كروم ولا ستيل لكن كله مضروب بعد فترة يصير ابيض من داخل ويخرب الماء..

الفكرة كما تلاحظون من المجسم يطلع من التانكي راسين ... واحد للاستخدام العادي ( الماء يتحرك بالجاذبية) وهو اللي مسكر بسدة نحاس ( يمين )

والثاني باستخدام المضخة يستحدم وقت الحاجة ( يسار )...وترا الحنفية اللي براس اللي الطالع من المضخة مالها داعي .... بدونها افضل....

نجي الان للتركيب على التانكي:

هذا التانكي طلعناه شوي من السيارة للتوضيح

طبعا لازم يكون فيه محبس قبل المضخة علشان المضخة ماتكون راكبة دايم
نركبها وقت الحاجة بس....وبهذا الشكل يكون التانكي دائما بالسيارة,واذا احتجت الطرمبة ماعليك الاتركبها وتشد القفيز وتشبك الكهرباء كما في الصورة التالية

وهذي صورة للمنتج راكب كامل

صورة اقرب

وهذي صورة للنتيجة النهائية ...
مع العلم انه بالامكان استخدام الراسين بنفس الوقت .....

بالنسبة للكهربا..مريت كهربائي ومعي راس ولاعة وركب لي عليه سلك وفيش للطرمبة

اتمنى اني افدتكم ولو بشي بسيط

اللي عنده اضافة يتحفنا ويشرفنا وينورنا

واللي عنده اي استفسار حاضر

واللي عنده ملاحظة يصححنا ...

شكرا للجميع...

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عندك ضربة بسيطة في السيارة او السيارة فيها ضربات برد -- تفضل شوف الحل	محروم.كوم	منتدى أخبار المواقع والمنتديات العربية والأجنبية	0	07-15-2010 01:30 PM
لديك مشكلة او برنامج تبحث عنه تفضل	محروم.كوم	منتدى أخبار المواقع والمنتديات العربية والأجنبية	0	10-03-2009 02:00 PM
هل تبحث عن مضخة ماء على تانكي السيارة ؟؟ تفضل	محروم.كوم	منتدى أخبار المواقع والمنتديات العربية والأجنبية	0	08-03-2009 02:00 AM
يا ترى تفضل انك تحب او تتحب ؟؟	محروم.كوم	منتدى أخبار المواقع والمنتديات العربية والأجنبية	0	04-07-2009 04:10 AM
\|×\| بتحب الفراوله تفضل ادخل \|×\|	س™	تصاميم , دروس , تصاميم الاعضاء	6	04-22-2008 09:16 PM