إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...

انضم الينا
استراحات زايد الصفحة الرئيسية

         :: اسعار عزل الخزانات بالقطيف (آخر رد :رودى طه)       :: تفسير حلم بقرة ميتة (آخر رد :نوران نور)       :: الرمل في المنام للعزباء (آخر رد :نوران نور)       :: تفسير حلم رؤية الطفل الرضيع في المنام (آخر رد :نوران نور)       :: ما هو تفسير الحلم بشخص تحبه (آخر رد :نوران نور)       :: حلمت اني اشتريت سيارة (آخر رد :نوران نور)       :: الصرصور في المنام (آخر رد :نوران نور)       :: التداول والأسهم: دلالاتهم وأهميتهم في الاقتصاد (آخر رد :محمد العوضي)       :: التداول والأسهم: دليل شامل (آخر رد :محمد العوضي)       :: الجدوى الاقتصادية والأثر البيئي: إيجاد التوازن (آخر رد :amrelmansy)      

قصص و روايات تهتم بالقصص المنقوله وقصص الاعضاء الطويلة والقصيرة

إضافة رد
 
LinkBack أدوات الموضوع انواع عرض الموضوع
  #1  
قديم 11-29-2015, 10:21 PM
عضو جديد
بيانات WHAM
 رقم العضوية : 153449
 تاريخ التسجيل : Nov 2015
الجنس : Female
علم الدوله :
 مكان الإقامة : Abu Dhabi
 المشاركات : 4
عدد الـنقاط :100
 تقييم المستوى : 0
 رسالة SmS
دام صار الحب في عينـك سماجـه شـوف درب لاخذيتـه مايجيـنـي 👋🏻.

السلام عليكم ورحمه الله وبركاته،
قبل شوي بس سجلت فالمنتدى < تدور ترحيب
المهم ماعلينا
أنا من فتره يت فبالي روايه وقلت لازم اكتبها وكتبت البدايه ووقفت لاني ماحصلت تشجيع لانه اصلاً محد قراها لاني مانشرتها
فاليوم قررت انشرها واجوف شو راي الناس فيها
أتمنى تعيبكم وتشجعوني (هالله هالله فيني)
وإذا جفت ردود حتى لو رد واحد بكملها فليل

-

ماتكتبه يعيدُ لي الحياه، رغم أن وجعك يقتلني!
حدثني عن الأشياء، عن الألوان، عن الروائح والمغازي،
أريد أن أرى العالم بعينيك؟
افتح الباب واخرج الآن، حدثني ماذا ترى؟
قلبي مشرع على المدى
كما لو كنت نافذه.
#بثينه_العيسى.
.
.


دموعها تنزل مثل الشلال ع خدها.
التراب خيس عباتها
دقت على قبرها بقو وهي تقول: الله يسامحج، ماقول غير الله يسامحج! كسرتي قلبي وعذبتيه بدون ذنب، كل ها عشان تجربين شي يديد وتجوفين كيف بيكون حنان الام اذا الياهل ماكان ولدها؟ حرام عليج والله حرام!
حط ايده ع جتفها: الله يرحمها، خلاص يلا قومي.
قامت وهي منكسره وتمسح دموعها.

نرد عشرين سنه ورى،
تحديداً فمستشفى *****

-:مبروك ع ماياج ي عايشه، ماشالله شكلج متفقه انتي وعليا تولدون ورى بعض، هي امس وانتي اليوم

عايشه: ههههه والله الصدف جيه شنسوي بعد يَ بو محمد، المهم خلنا من هالسوالف شو ودك نسمي البنيه؟


خالد: والله يا عايشه الاختيار لج

عايشه: خاطري فاسم شوق، شو رايك؟

خالد: شوق شوق.
.
.
.

يالسه فالكوفي وفعينها نظره انتصار.

- : انتي ماتخافين من ربج ع الي سويتيه؟

جافتها بنظره: انتي تسكتين وبس، لا افضحج جدام كل حد

- : بس كيف قللبج طاوعج تبدلين بين بناتهم؟ اذا كبروا شوو بيسوون!!!

تأففت وهدت الكوفي من إيدها: انا قلتلج سنه وكل وحده بترد لاهلها! انا بس ابا اعرف واتأكد من الكلام الي يقولونه وانه الام تحس بعيالها

- : شيخه عن الينون الزايد!

شيخه: مايخصج، انا ماقلتلج عسب تسوين لي فيها ام النصايح الشريفه، سيري انصحي عمرج اول

- : لو درت اداره المستشفى بيطردونج وبتستويلج مصايب والله!!

شيخه: هند حلي عني وفكيني لا اخلي طردج قبل طردي

.
.
.
.

- : صدقيني هاي مب بنتي!

- : شفيج عليا بسم الله؟ بنتج هاي شسالفه بعد

عليا: بنتي جفتها امس وماكانت جيه!!

- : أستغفر الله انتي الظاهر نفسيتج تعبانه

عليا: شيخاني أنا مب قاعده أستهبل والله بنتي غير!

شيخه: أنا مشرفه عليج بنفسي بييب لج بنت من الزباله مثلاً؟ ريحي نفسج انتي مسرع ماحفظتي شكل بنتج

.
.
.
.

هاي المقدمه بس🙊، اذا شفت تفاعل بكمل، شو رايكم؟
__DEFINE_LIKE_SHARE__
رد مع اقتباس
قديم 12-03-2015, 02:14 AM   رقم المشاركة : [ 2 ]
عضو جديد

بيانات WHAM
تـاريخ التسجيـل : Nov 2015
رقــم العضويـــة : 153449
الـــــدولـــــــــــة : Abu Dhabi
المشاركـــــــات : 4 [+]
عدد الـــنقــــــاط : 100
الجنس : Female
علم الدوله :
الحالـــة : WHAM غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

 
افتراضي

السلام عليكم
ماشفت اي تفاعل منكم على اول بارت!
قلت انزل بارت ثاني وانشالله يعيبكم.

البـارت 2 ..

وللذكرَى : عُمراً يُرهِقَ القلب تألماً !

.
.
.
-: يا عليا هدي نفسج من امس وانتي تصيحين!
عليا: ابا بنتي يَ عبدالله قلبي متقطع عليها!!
عبدالله: استغفر الله، بنتج توهم يابوها وقلتيلهم يشلونها
عليا: هاي مب بنتي اقولك!
عبدالله: عيل بنت الييران؟ بنتج تراها
عليا: سير رمس اختك شيخه خلها تتأكد انها بنتي لانه الي يابوها مب بنتي

مل عبدالله من كثر مايقنعها وطلع عنها.
وهو يمشي فممر المستشفى جاف اخوه خالد

عبدالله: هلا والله بومحمد شو الاخبار؟
خالد: الحمدلله بخير انتو شو اخباركم؟ وشخبارها حرمتك ان شاءالله هدت؟
عبدالله: لا والله للحين بس ان شاءالله بتهدا

.
.
.
.

-: عليا حبيبتي شفيج؟ هدي نفسج ورضعي البنت حليلها من امس وهي تاخذ صناعي!

عليا: هند انتي مب حاسه فيني! هاي مب بنتي
هند: عليو كبري عقلج مب ياهل انتي، وشيخه مشرفه عليكم شو بيخليها تغلط بعد! بنت اخوها هاي اكيد بتعرفها
عليا: ....

.
.
.
.

بعيد عن هالماضي، خلونا نتجدم 18 سنه جدام ونبدا احداث الروايه من هاللحظه.

.
.
.
.

(مريم)

-افف اخيرا خلصنا امتحانات وافتكينا من المدرسه، عاد اليوم بنتيمع كلنا فبيت يدو لأنه عمي راشد بيسافر هو وحرمته هند باجر وبيخلون يمعتنا اليوم بدال اليمعه-

نشيت من مكاني عسب انزل تحت لاهلي من رديت من المدرسه ماجفتهم، وقبل ما ادش الصاله استقبلتني المخده ع ويهي، وطبعاً منو فارنها؟ محد غير حمدان الحيوان صرخت عليه بقوه: حححممددااان يالححييووااان خخشششمميي!!
وامي بدال لا تهزبه هزبتني انا: الناس يسلمون وبعدين مريم انا كم مره بعلمج ها؟ اخوج العود هذا احترميه عيب عليج!!
حمدان طلع لي لسانه وتلصق بامه هالدلوع، جفته بنظره وصديت صوب امي: الا هو اكبر عني بسنتين، ماتجوفين حركاته انتي حركات يهال
عليا: فكيني من صدعتج، شو سويتي فالامتحان اليوم؟
يلست حذالها: الحمدلله كان سهل
حمدان: آخر شي راسبه
هالحيوان غصب يحبطني: تتحراني حمدان شو؟ الحمدلله شاطره ومابرسب ان شاءالله
عليا: جانج تبين ابوج يذبحج ارسبي انتي
ياربيه سوالي سالفه هالسعيد: مابرسب امي، المهم شو مسوين للغدا دياي ولا لحم؟
عليا: سمج
لاعت جبدي: يعني امي تعرفين اني ما احب السمج ليش تسوينه!
عليا: يوم بتعيشين بروحج فالبيت قوليلي ليش تسوين سمج انا ما احبه، ابوج يحبه
تأففت: وانا شو اتغدا؟
عليا: سيري سويلج اي شي المطبخ متروس
نشيت من مكاني بدق حق توأم روحي وبنت عمي شوقو يمكن غداهم حلو

.
.
.
.

(شوق)


يالسه اسوي سويت حق يمعه اليوم، شاده حيلي وايد، اختي موزوه الصغيره يالسه تهذرب فوق راسي، ماوعيت على نفسي الا واحد حيوان يصرخ صوب اذني وفزيت من مكاني حليلي كنت سرحانه، يلست ع الارض مغمضه عيوني وايدي ع قلبي، حسيت فيه نزل ومسكني
-: شوقو ايي استهبل وياج بسم الله
من صوته شكله شك انه صار فيني شي، حبيت الموضوع وقلت افلم عليه شوي بس ماقدر ونقعت ضحك: ههههههههههههههه علي والله مايليق عليك انك تحاتي!
وقف وشاتني: هاي يزاتي مسولج سالفه؟
عاد صدق تعورت هالمره: يالحيوان تتحراني واحد من ربعك يالس تشوتني؟
علي: عن الفلسفه الزايده، قوليلي شو مسويه اجوفج تخبصين
وقفت ودزيته بعيد: مايخصك
تجرب مني وخذ من السويت وطلع
صرخت عليه: يا الحييوواانن!!
شوي اجوفه داش يركض و يكح وخذ له كوب ماي وشربه بسرعه: عوذ بالله مب عين عليج!!!
مت من الضحك عليه: هههههههههههههه تستاهل، محد قالك تاخذ
جافني بنظره: من زين طعمه الحين؟
موزوه اختي وقفت وضربته وقالتله -طعمه حلو- وشردت قبل لا يزخها
صديت صوبه: صدق صدق طعمه حلو ولا لاء؟
وقبل لايرد علي رن فوني، جفت مريوم متصله، ما وحالها اشتاقت لي: الو
مريم: شو غداكم؟

ضحكت ع هالهبله الي ماتفكر الا ببطنها: مريوم الثور سلمي اول انزين
انتبهت حق علي اخوي يوم رفع راسه وجافني حليله يحبها من يوم هم صغار!
مريم: فكيني اقولج مسوين عندنا سمج وانا بموت من اليوع!
طلعت من المطبخ عسب ارمسها ع راحتي بدون نظرات علي: ماعرف شو مسوين الغدا
مريم: مامنج فايده
وسكرت الخط فويهي! كالعاده مافي شي يديد.

.
.
.
.

(مريم)

مليت من يلستي فالبيت، الساعه خمس الحين وامي بعدها ماجهزت عسب نسير بيت يدتي!
سرت عندها فالحجرها ويلست اجوفها وهي تتعدل، امي وايد جميله ! وانا للأسف ماطلعت اشبهها، مادري طالعه ع منو، بس عمو شيخه كل ما قلتلها هالرمسه قالت اني اشبه امي وكل حد يقول بس انا اتوهم! يوم حسيت انه امي مطوله تأففت عسب تسمعني، صدت صوبي: بلاج تتأففين بعد؟
ابتسمت الها: امي يعني انتي وايد طولتي وانا من متى اتريا مليت من البيت ابا اسير
صدت عني: هيه من كثر الهياته ماترومين تقرين فالبيت
يالله بدينا بموضوع الهياته الحين: انزين شسوي فالبيت يعني! ماعندي حد اتونس وياه وانتي مايبتي حد عقبي بروحي مجابله هاليدران وحمدان اكثر وقته برع البيت و...
جافتني بنظره خلتني اسكت! وقالتلي بصوت عالي: مريم طلعي من عندي لا اذبحج صدعتي براسي تراج
نشيت من مكاني معصبه، شو هالحاله لين متى بتريا؟ ، اول ماطلعت من الحجره جفت ابوي فديته سرت عنده بسرعه: باباتي حبيبي
ضحك ابوي يعرف اني يوم ادلعه يعني وراي شي: شو تبين ؟
ابتسمت: ابا اسير بيت يدو وامي شكلها مطوله
عبدالله: بين بيوتنا شارع سيري مشي سوي رياضه شوي
تشققت: صدق ؟؟
عبدالله: استهبل عليج انا يعني؟
نقزت من مكاني بسرعه قبل لا يغير رايه وهو يضحك علي

.
.
.
.

(علي)

كنت متشقق طول اليوم لاني بجوفها، من اسبوعين ماجفتها عسب الامتحانات، ومن اسبوعين وانا اتريا هاليوم!
شوي اجوفها داشه من برع وركضت ع طول داخل ما وحالي اتأملها، دشيت داخل اوني ادورلي شي اكله، وانا داش اسمع ضحكتها وشكلها ترمس يدو: فديتج مريوم انتي الحب كله، مب قصدي اقطع عنج بس امتحانات شسوي بعد
ما وحت تخلص كلامها الا يدتي فالعتنها بالفنيان وتصرخ عليها: مريوم فعينج العب وياج فالحوش انا تسميني مريوم؟
مارمت ايود ضحكتي يوم جفت شكلها ونقعت ضحك: هههههههههههههههه تستاهلين الي ياج
جافتني بنظره وصدت تكلم يدو: سميتج انا خليني ادلعج زين جيه ضحكتي علي الخلق؟
ماسوت الها سالفه يدو وزقرتني: تعال علي ايلس حذالي وخل هالخمه تولي
نشت مريم اونها زعلت: اوكي يدو اوكي
قالتلها يدو: يوم بتستطلبين تعالي سولفي وياي
صدت مريم صوبي: شوق يت ولا ؟
ابتسمت الها: عقب شوي بيون
صدت وطلعت برع ويلست انا اسولف ويا يدو

.
.
.
.

شو رايكم؟ حاولت اطول البارت قد ما اقدر، انشالله احصل تفاعل منكم هالمره❤️.
__DEFINE_LIKE_SHARE__

من مواضيعي
0 "النِصيبْ إلي تعَذري رُواجه، هو سِبب فَرقاك يَ حلم السِنيني"

  رد مع اقتباس
قديم 12-03-2015, 09:32 PM   رقم المشاركة : [ 3 ]
مشرفة

الصورة الرمزية мѕ.ѠяЭǝиѕԋ™

بيانات мѕ.ѠяЭǝиѕԋ™
تـاريخ التسجيـل : Apr 2012
رقــم العضويـــة : 138757
الـــــدولـــــــــــة : Torino,Italy
المشاركـــــــات : 930 [+]
عدد الـــنقــــــاط : 1396
الجنس : Female
علم الدوله :
الحالـــة : мѕ.ѠяЭǝиѕԋ™ غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

 
افتراضي

وعليكم السلام ورحمة الله وبركاته.
يشرفني اكون اول وحدة ترد عليج..
ابدعتي حبيبتي..
وهذي اعتبرها شجاعة منج.. تعرفين ليش؟
منو الحين يدخل منتدى ويكتب رواية..
بس لأنج إنسانة مبدعة تستاهلين انه الواحد يتطلع ع ابداعج.
استمري ف الكتابة حبيبتي.
كل الشكر والتقدير لج.

مس قرينش.
__DEFINE_LIKE_SHARE__

من مواضيعي
0 لـ قارءات استراحات زايـد
0 آلله يرحمني | جآسم بهبهآني |
0 | أفضل روايه|
0 فتاوى منوعه للمرأة للشيخين ابن باز والعثيمين رحمهما الله
0 ﯾﺂھَہّـﯾ ھَہّآﯾﻟھَہّ ﺿﯾﻗ̮ـ̃ھَہّ آﻟﺷﺧﺻ ﺂﻟگـﭠۆﯗﻣ̝̚


 


[MEDIA]http://im17.gulfup.com/2012-04-30/1335817868221.swf[/MEDIA]
Don't
Even Think to Play with "My Mind"..


هذه روايتي اتمنى ان تعجبكم

http://vb.ma7room.com/t850900.html

M7d shratii
vip^^""
!العمر ما يسوى !
FuNcY.BoY
نورتوا توقيعي :

  رد مع اقتباس
قديم 12-03-2015, 09:50 PM   رقم المشاركة : [ 4 ]
عضو جديد

بيانات WHAM
تـاريخ التسجيـل : Nov 2015
رقــم العضويـــة : 153449
الـــــدولـــــــــــة : Abu Dhabi
المشاركـــــــات : 4 [+]
عدد الـــنقــــــاط : 100
الجنس : Female
علم الدوله :
الحالـــة : WHAM غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

 
افتراضي

المشاركة الأصلية كتبت بواسطة мѕ.ѠяЭǝиѕԋ™ مشاهدة المشاركة
وعليكم السلام ورحمة الله وبركاته.
يشرفني اكون اول وحدة ترد عليج..
ابدعتي حبيبتي..
وهذي اعتبرها شجاعة منج.. تعرفين ليش؟
منو الحين يدخل منتدى ويكتب رواية..
بس لأنج إنسانة مبدعة تستاهلين انه الواحد يتطلع ع ابداعج.
استمري ف الكتابة حبيبتي.
كل الشكر والتقدير لج.

مس قرينش.
وعليج السلام والرحمه❤️
هيه شكلي وايد تأخرت
مشكوره وماتقصرين اسعدني ردج والله❤️
__DEFINE_LIKE_SHARE__

من مواضيعي
0 "النِصيبْ إلي تعَذري رُواجه، هو سِبب فَرقاك يَ حلم السِنيني"

  رد مع اقتباس
قديم 12-03-2015, 11:42 PM   رقم المشاركة : [ 5 ]
عضو جديد

بيانات WHAM
تـاريخ التسجيـل : Nov 2015
رقــم العضويـــة : 153449
الـــــدولـــــــــــة : Abu Dhabi
المشاركـــــــات : 4 [+]
عدد الـــنقــــــاط : 100
الجنس : Female
علم الدوله :
الحالـــة : WHAM غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

 
افتراضي


البـارت 3

.
.
ماني بناسي هذاك الطّيش وغروره
يوم انّك اخلفت ظنٍ فيك وش كبره
واذاك ناسي ؟ تراها عندي الصوره
اقفيت تضحك .. وانا غصّتني العبره


(مريم)
امي من يت وانا ارمسها وهي مطنشتني! حاولت اتذكر اذا سويت شي غلط بس ماعرفت شو سويت، شوي شوي لهيت ويا شوق وشما بنت عمي راشد، لين صارت الساعه ثمان وبدو يحطون العشا نشيت ويلست حذال امي: فديت هالويه انا محلوه

بس عكس توقعاتي سوت لي طاف وقامت تساعدهم وهم يحطون العشا، سويت عمري مشغوله فالفون عسب ما اتقفط، يمكن ماسمعتني..
عقب ماحطو العشا ويلسنا نتعشا وانا كل شوي احاول ادور سالفه اقولها لامي بس مول مب مسوتلي سالفه، ماحطيت فبالي انه حد انتبه النا، مادريت انه عمو شيخه تراقبني .. وعقب مانشيت اغسل ايدي قامت وراي: امج شو فيها عليج؟ مزعلتنها انتي؟
ماعرفت شو اقولها، اصلاً ماعرف انا شو سويت حق امي! ابتسمت الها: مافيها شي
جافتني بنظره جديه: مريم انتي امج تعاملج عدل؟
سكتت، اذا برمس بصراحه يعني؟ امي نادر ما احس انها امي! تعاملها وايد بارد وجاف وياي، بس هالشي ماطريته لحد حتى شوقو: هيه بسم الله ليش في ام ماتعامل بنتها عدل؟
ضحكت عمو وطلعت.

.
.
.
.

(شيخه)

مرت 18 سنه من بدلت من بينهم، بس للحين ماقدرت اعرف شي! الي اجوفه انه البنات مستانسين ومرتاحين، اليوم حسيت انه في شي صاير بين عليا ومريم ويوم سئلتها قالت انه مافي شي صاير! بس ضحكتني يوم قالت "في ام ماتعامل بنتها عدل؟" مسكينه ماتدري انه هاي مب امها
شوي وزقرتني هند، حرمه اخوي راشد، اكيد بترد ترمسني عن نفس الموضوع!!
نشيت وسرت وراها الحجره، سكرت الباب ورمست ع طول: لين متى بتمين ساكته؟
جفتها ببرود: ساكته عن شو؟
تأففت: موضوع شوق ومريم؟ متى بتخبرين اهلهم؟ حرام عليج البنات كبروا وانتي قلتي بس سنه والحين مرت 18 سنه!!!!
شيخه: لازم يعرفون الصدق يعني؟ كل وحده مرتاحه تراها ويعتبرون بناتهم بالرضاعه ترا!
جافتني بنظره: نحن بنسافر باجر! خلصي الموضوع قبل لا يستوي شي
ضحكت: شو بيستوي يعني؟
وقبل لا ترمس دشت الحجره بنتها فاطمه ونشيت وطلعت وسرت برع اتمشى شوي، هند لازم كل يوم ترمسني فهالموضوع لوعت بجبدي!
سرت المطبخ بشرب ماي وجفت علي ومريم داخل، تميت واقفه برع اسمع سوالفهم
علي: انزين اي جامعه بتسيرين الحين؟
مريم: افكر اسير خليفه
علي: ننعععم؟ تبين تدرسين فجامعه مختلطه؟
مريم: ليش شو فيها بعد؟ الجامعه قويه
وقبل لا يرمس علي دشيت، صبيت لي ماي ويلست جدامه: شفيك معصب؟
علي: جوفي بنت اخوج تبا تدرس فجامعه مختلطه!
صديت صوبها: اي جامعه تبين؟
مريم: خليفه
شيخه: ماشالله عليج
جافني علي بنظره وهو معصب وقام! ياويلي بلاه هذا بعد؟ جانه الا يحبها بنجلط انا!

.
.
.
.

(شوق)

ساعه وانا ادور مريم الحيوانه! ماعرف وين اختفت، يوم ييت بطلع دعمت حد بالقو: ايييي
يوم رفعت راسي جفت حمدان فويهي، يا ليل شو يفكني من لسانه هذا! تم يجوفني وفجأه صرخ: هيييه ادعمي الخلق انتي وتعوري وعقب سيري صيحي عند امج قولي حمدان سوالي وسوالي
اخييه طلع لسان المصريه عنده من يوم نحن صغار وهو دوم يناشبني كيف كريه!! صديت عنه وييت بطلع قال بصوت عالي: جوفي منو بيوديكم دبي باجر
من سمعت كلمه "دبي" سرت بسرعه صوبه: آسسسسفففه والله ما اقصد!
مد ايده: بوسي ايدي
جفته بنظره: خسي
صد عني: دورو حد غيري يوديكم عيل
قلتله: مب ميتين عليك تودينا
وسرت قبل ما اسمع شو بيقول، لو انه ما يحوطنا جان كرهته من خاطر، مافيه شي ينحب بس ساعات يستوي طيب، وانا طالعه جفت علي شكله معصب: علوه!
صد صوبي: نعم؟
سرت عنده: شو فيك؟
علي: ماشي، انا طالع تبين شي؟
ابتسمت له: سلامتك، وبتفاهم وياك فالبيت
طلع هو وانا تميت ادور مريم، لين لقيتها آخر شي صوب الحديقه سرت عندها وكفختها: انا من ساعه ادورج اخر شي انتي هني!
لسبت سماعتها وسوت لي طاف! صدق انها خايسه، يلست حذالها وسحبت السماعه: علي طالع معصب قلتيله شي انتي؟
شلت السماعه من ايدي: ماقلت له شي
تاففت: مريوم عاد فصخي السماعه ورمسيني!
صدت صوبي وفصخت السماعه: نعم الشيخه شوق، شو تبين؟
قلتلها: ادري انج السبب انه علوه طالع معصب
ضحكت: شفيج انتي كل ماعصب اخوج قلتي انا السبب؟
من ضحكتها عرفت انها قالتله شي: شو قلتيله؟
مريم: ماشي، قالي اي جامعه بتسيرين قلتله خليفه عصب مادري هو ولي امري ولا اخوي عسب يتدخل
جفتها بعتاب: ليش تقولين له؟ تعرفين انه يحبج واكيد يغار ومايباج تسيرين هالجامعه!
صدت عني: ويا هالحب! ترا الحب مب غصب وانا مادقيته ع ايده وقلتله يلا حبني! وفهمي اخوج اني ما احبه دخيل والدينج
تأففت: الحب مب باييده ترا!!!
جابلتني: خله يحب غيري ولا يعذب عمره
ونشت من مكانها وسارت، وما انتبهت للاذن الي كانت تسمع كلامي..

.
.
.
.

(مريم)

ع الساعه 11 ردينا البيت، وقبل لا ادش حجرتي سمعت امي تصرخ: مممررريييييممم

سرت الها بسرعه: هلا امي
يت صوبي وهي معصبه: منو سمح لج تسيرين بيت يدتج بروحج!
قلتلها بصوت هادي: ابوي..
صرخت علي بقو: وانا مالي شور؟ مزهريه جدامج انا شاورتي ابوج وسرتي بسرعه!
استغربت من عصبيتها الي مالها داعي: ماتوقعت انج ترفضين يعني، مب اول مره اسير مشي!
عليا: يا سلام، وانا شدراني انج سرتي بيت يدتج ع طول ماسرتي يمين ولا يسار!
انصدمت من كلامها! تشك فيني يعني؟؟ مارمت ارد عليها وتميت ساكته جافتني بنظره وسارت! ركضت حجرتي بسرعه وقفلت الباب ودقيت ع الشخص الوحيد الي اعرف انه بيسمعني وانا ارمس!

.
.
.
.
__DEFINE_LIKE_SHARE__

من مواضيعي
0 "النِصيبْ إلي تعَذري رُواجه، هو سِبب فَرقاك يَ حلم السِنيني"

  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
""""""""""" للبيع شوزل براندلي ايطاليه بشنطتها"""""""" ؟؟؟ محروم.كوم منتدى أخبار المواقع والمنتديات العربية والأجنبية 0 10-02-2015 12:20 AM
نداء ل ((ذراع الذيب )) محبينك ينادونك """"""""""""""""""""""""""""""""""" محروم.كوم منتدى أخبار المواقع والمنتديات العربية والأجنبية 0 06-11-2013 05:50 AM
المرور""""""""للايجار """"""" فالمرور """"""4 شقق.. غرفتين+3 غرف ((65الف_150الف)) محروم.كوم منتدى أخبار المواقع والمنتديات العربية والأجنبية 0 01-20-2012 04:10 PM
بلاك بيري تورش 9860 فل تتش مع بن ممير """""""""""""""""""""" محروم.كوم منتدى أخبار المواقع والمنتديات العربية والأجنبية 0 10-28-2011 11:00 AM
"""""""""""""""""""""""""""فساتين زفاف راقية ومميزة """"""""""&am محروم.كوم منتدى أخبار المواقع والمنتديات العربية والأجنبية 0 07-13-2010 12:00 AM


الساعة الآن 04:10 PM


Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By Almuhajir

RSS RSS 2.0 XML MAP HTML