المجالس بها شاري وبياع ~ وانا شاري بهالمجلس من طلق الوجيه شرواكم

محروم.كوم · #1 07-25-2009, 05:40 AM

السلام عليكم ورحمة الله وبركاته

مسيتم وصبحتم بالخير

يالربع نوبه ضاقت بي الوسيعه عقب 10 من الليل .

طلعت البر وشبيت ناري وزهبت الدله وانا اتقهوى رفعت نظري للسما ولا حولي احد .

وانظر بجوالي ابي ادق على احد يتقهوى معي وإني قريب عن المدينه ما ابعدت وامسك الجوال اقلب بالاسامي ولا والله كلها اسامي هنود وباكستانيه ومصاريه . ( كلهم فلاحين يشرون المزارع تمر ورطب ) عملا عندنا نشري ونبيع معهم.
اقلب بالجوال ولا رفيق ولا قريب ...
واتذكر بيت قاله ابوي لي

يمنى بلا يسرى تراها ضعيفه .... ورجلآ بلى ربع )ن( على الغبن صبار

اعوذ بالله منك يابليس

دخلت النتنته )النت( عقبها بكم يوم وادخل هالموقع )مكشات( واشترك بجوال مكشات وهات من العلوم اللي تطلق الوجه كل ماتصبح وجاتك هاك الرساله ) هطول امطار على منطقة كذا وكذا على الاحداثي كذا وكذا (

وادخل قسم الصيد بالصقور وانا من عشاقها .
اقلب وجهي بين المواضيع وعلوم الصقور واخبارها واسعارها . . . الخ

والحر له في نايف المجد مطلاع ... ولايستريح ألا بعالي الرفاعه
وانا والله استرحت بهالمجلس بها رجال تطلق الوجه وتاخذ وتعطي بعلوم الديار والقنيص مثلكم وشرواكم .

بالمجالس تلقى شاري وبياع ) وانا والله اني شاري من هالعلوم الجزله بمجلس الصقارين مثلكم وشرواكم .

المهم يالربع اني عزمت اطلع القنيص بعد الله سبحانه ثم بكم وتراي كثير نشده مير استحملوني ولا تشرهون انا والله رجال ابي منكم الخبره ومواقع الصيد وغيرها وادري مافيكم من يقصر .

اتصلت على واحد من الديار اللي حول ينبع قلت قلت يارفيقي ابي طير قال ابشر غالي وطلبك رخيص قال وش تبي من طير قلت انت ابوها وسمها انا عليمي وانت شوف اللي يبيض وجهي مع الطير ويبيض وجهه معي .

قال فيه حرار على ثلاث واربع الاف تراها تطلق الوجه واما الشاهين وغيره لاتدور وان بغيت تصفق اصفق بقوه لا تاكل عقب الرجال خذ حر وغيره لا تفكر .

عطونا رايكم يالنشاما ومنكم المعاذير على المطوله . __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تاندرا 2008 سبر شارج تي ار دي	محروم.كوم	منتدى أخبار المواقع والمنتديات العربية والأجنبية	0	02-09-2010 04:40 PM
في حدى من سوريا شاري n900	محروم.كوم	منتدى أخبار المواقع والمنتديات العربية والأجنبية	0	12-30-2009 12:30 AM
شارد.... شاارد... شااارد!_!	» محـَمـڊ ﭐلـظآۿـݛﯤ «	تصاميم الاعضاء	7	11-06-2008 09:54 PM
ساري الهــــــــــــــــندية...^^	زهور 2007	الأناقة والجمال والموضه والطفل	50	06-28-2008 07:23 PM
توبيكـــــــــــــاات من [ساري الليل] ..	ra3ie alvtc	المسنجر وملحقاته , توبيكات , ماسنجر بلس , msn	18	04-05-2008 12:17 AM