| ||||||
| مشاهدة نتائج الإستطلاع: ¨°o.O ( اسمـ ح ـلي لو تلقى سواي غ ــيري ترى ما ينفــ ع ــك) O.o°¨ | |||
| >>>>حبيتوها ^^!! |     | 108 | 97.30% |
| >>>>ما حبيتوها ^^!! |    | 3 | 2.70% |
| المصوتون: 111. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
11-30-2009, 10:15 PM
| رقم المشاركة : [ 276 ] | |||||||||||||||||||||
| عضو فعال  |  :
__DEFINE_LIKE_SHARE__
| |||||||||||||||||||||
| ||||||||||||||||||||||
 | ||||||||||||||||||||||
|
11-30-2009, 10:16 PM
| رقم المشاركة : [ 277 ] | |||||||||||||||||||||
| عضو فعال |
شسمه شو يسموونه هيه ان شااااااء الله ع هالخشم>< __DEFINE_LIKE_SHARE__ | |||||||||||||||||||||
| ||||||||||||||||||||||
| | ||||||||||||||||||||||
بآنتظـآر آلبـآرت --> 
|
11-30-2009, 10:45 PM
| رقم المشاركة : [ 278 ] | |
| عضو فعال | Part 10
__DEFINE_LIKE_SHARE__
لو كان صوتك ما يغنيني عن الشوف .. لكــنه يطمــــن علـــى كـــل حـالي متعود أشـوفك علــى كل ماطـــوف .. وما مــر يوم بــــدون شوفـك حذالي وش آخــــره هــاتف جنابك عن يـــلوف .. طــال انتظـــاري ارقــب الإتصالي وانا بعـيد بغــــربتن كلــــها خـــوف .. مالـي صـــــديق بها اشاكيــــه حــــالي عند البنات فالموتر .... ابو مبارك: ها بناتيه شوه وين تبغونا نتعشى؟! فطيم: انا فخاطريه جيليز هنو وريم: عادي ما يهم وين ابو مبارك: كيف ما يهم ابغي اعرف وين بنسير وحطو فبالكن زحمة دبي بعد البنات : خلاص نتعشى فالمطار ابو مبارك: لا لا انا طالع من وقت محطي فباليه بعشيكن وخلاف بنسير للمطار فطيم: عيل جيليز البنات: اوك حلووو ابو مبارك: عيل بنتصل فالشباب نعطيهم خبر جان بيلحقونا ~~~~~~~~~~~~~~~~~~~~~~~~~~~~~~ مطر... شوه اللي استوا كل شي بسرعه صار.. حادث قوي استوى للموتر اللي قدامي وربيه سلمني منه كنت اتلفت وانا ع طرف الشارع بعد ما وقفبيه الموتر وراسي يعورني ضربت الجامه من كثر ما لفبيه الموتر بس رمت اسيطر عليه الحمد لله حطيت يدي ع راسي وشفت دم لاعت جبديه ماداني اشوف الدم نزلت من الموتر.. سمعت حد يووون خيبه شوه سالفته هذا بعد كان بعيد عن موتريه شكله كان واقف عند دكانه .. معقوله انا دعمته والله ما ادري كل شي استوى بسرعه والموتر كان يلف بقوه معقوله وصلت به لين الدكان؟؟؟ سرت له اشوفه سمعته يون بس واعي اتخبره عن حاله ما يرد... يا الله شوه هالوهقه خليت الاسعاف اللي وصلت تشوف سالفته... وانا ضمدووليه اليرح وقالو اسير للمستشفى اخيطه... سرت للمستشفى وانا احاتي هالبتاني عن اكون توثمتبه بعد يالله كيف ما انتبهت!! قلت بدوره عقب وبشوف سالفته ... ~~~~~~~~~~~~~~~~~~~~~~~~~~~~~~~~~~~ شهاب... مرينا ع قوم راكان وسعود يضحك ويسولف غياضا فينيه يدري باني ما انزاد ويزدها علي يبانيه اتضارب شكله .. بس انا ما كنت وياهم كنت وياها هي متلوم فيهاااا شوه يالسه تقول عني الحينه ماليه عذر اول مره مادرتبي اني ريتها وثاني مره مابتلومني شرات هالمره....بس هالمره غير انا غلطان عليهااا وين ابا حادر مطابخهم مفروض خليت حمدان الهرم ايبه لي.. اووووف صدع راسي من زود التفكير .... رديت راسي ع السيت وغمضت عيوني وانا اسمع حشرتهم بس فكري كله صوبهااا يالله شوه هالصدف اللي يتنا ورا بعضهاا يا سلامه... سعود.... متغير يا شهاب ومتغير وااااايد بعد اول مره احس اني مجروح منك ... يباله تصفيع الهرم عيل نحن بينا اسرار اااخ وربي قاهرني مشكلتي ادريبه شي فخاطره ومشكلتي ما اقدر اغصبه يرمس حمود: بلاكو مبوزين حشى تقول يالسين فعزا راكان: صدقه حمود صخيتو فجاه سعود: والله انا اسولف وبواحمد ظنتيه راقد راكان: طووووووول ع هالسيدي بينش خخخخ سعود: شوه هالسيدي؟؟ حمد!! ياااريال خله فحاله اليوم طاقع جوه حمود: انزين نحن بنتم جي لين دبي سعود: لا لا فالكو طيب هاا هذا ميحد لعيونك بو جسيم حمود: فالك ما يخيب بو عزوز سعود... شفتهم ارتبشو مع الاغنيه سحبت فوني وكتبت مسج لشيختيه"تدرين انج شريره؟!" فطيم... سمعت صوت مسج وفز قلبي حسيت انه هالمسج من شيخيه فتحته ...!! هههههههههههههه رديت عليه "طالعه عليك" سعود"لا والله!!" فطيم" والله " سعود"وكيف انا شرير سنفورتيه" فطيم"لانك تاخرت على سنفورتك شرشبيليه" سعودخخ "فديتهم لي يفهمونيه ... اشتقت لعيونج" فطيم: ويل قلبي .. "انزين لا تاخرون عمي يسال عنكو" سعود" ابويه يسال هاا..!! ترا عنده رقميه ليش روحه ما اتصل؟؟" فطيم: هههههههههه لازم يحرجنيه ما رديت عليه سعود: " سنفورتيه وينج؟" فطيم:.......... سعود: "فديتهم لي يلبسووووووووون ليتنيه عندهم " فطيم:............ سعود: "احم احم حبيبي شوه يالس يسوي" فطيم:"يفكر فيك" سعود: "احبــــــــــــــــج" فطيم"^^ تدري صدق هالمره عميه يتخبر.. ريم عنك تراهي بتتصل الحينه" سعود: ثواني ولا ريمان متصله ريم: السلام عليك سعود: وعليج السلام والرحمه ريم: ما اسمع شي قصرررر شوه هالصدعه حشى كيف متحملينها سعود : عاد نحن مرتاحين شوه بيغيتي الحينه ريم: هيه انا شوه بغيتي وغيريه تترجاهم ما يبندونه فويهك سعود: خخخخخ ما يخصج فالشيوخ لو سمحتي ريم: مالت عليك وعلى شيختك بعد هع.. اقووولك وينه بو احمد ما رد عليه !! سعود: راقد ريم: وبروك ؟ سعود: بروك فدبي قبلنا ترا..هوو من الظهر ميوه صوب ربيعه ريم: انزين يقولك ابويه انتبه ع الدرب وع طول سيرو للمطار نحن خلاف بنسير سعود: لا والله و ليش خلاف وين بها ان شاء الله ريم: والله عاد شيختك تبغي تتعشى فجيليز سعود: يعله هني وعاااافيه ع قلبها ريم: قلبها هي روحها بس؟؟؟ سعود : اقووولج انتي بوغيث ما يتصلبج شووه هههههههههههه ريم.. قالها وهو يتمصخر ادري ما قصد شي بس انا جرحتنيه كلمته ... ترا هذا الصدق مطر ما سواليه سالفه من ملجنا سعود: الو الوووووووووو ريم: انزين اتحملو باعماركو باي ريم... بندته فويه ضيقتبي وايد كلمته بس ما ابغي افكر فيها خايفه من الحقيقه ياريم؟؟ .. لا لا لا مطر تغير الفتره لي طافت ولو شي بسيط.. بس تغير.. ترا شخصيته غير عنهم وانا حبيته شرات ما هو ولازم افهمه لازم انا احسبه اذا غيري ما بيفهمه اناكلي له ... ~~~~~~~~~~~~~~~~~~~~~~~~~~~~~~~~~~~ مطر... وصلت للطوارئ وشافو اليرح وتميت عندهم ساعه... وعقب قلت بطلع اشوف هالبتاني شوه استوابه وانا امشي احس الكل يطالع نحن مجتمع فضولي بشكل غريب.. ادري يبان علي منصاب.. السفره كانت فيدي واليرح مخيطينه و لافين لي راسيه بس ليش يطالعون!!! كنت امشي بسرعه وقلت باخذ لي طريق مختصر وطلعت عن الطوارئ بسال عن الحادث بس سمعت صوووت وقفني ... وقف كل خليه فجسمي ... صوت دافي .. وناعم ...صوت خلاني التفت له بلا ذهن ابغيه ...ابغي راعيته يلست ادورها شرات الخبله واتلفت مادري وين بالضبط سمعته ما همني حد .. ادري شكلي ملفت للانتباه بس شووووقي ذبحني معقووله اتخيل صوتهاااا شوه بتسوي هي فالمستشفى... وانا احرك عيوني بسرعه يمين ويسار شفت ع صووب بنت فالزاويه ميوده الفون وترمس.. هي... مستحيل انسى هالصوت.. مشيت لين عندها كانت معطتني ظهرها مبين عليها ترمس وهي خايفه يودت يدها ولفيتها صوبيه حسيتبها بهتت حتى وهي ورا غشوتها اعرفها اعرفها اكثر عن عمري ايدها كانت ترجف وبندته فونها ... زيغتهااا شكلي... بس من سمعت صوتها وانا فاقد حاسيتي... موزه... وقف قلبي منوه بيودني ويلفني شفت ريال لثواني سريعه ما عرفته قلبي وقف زيغني.. بس هذا مطر!! يلست اطالعه دقايق وهو يطالعني نسينا اعمارنا نسيت هلي نسيت الدنيا كلها يالله انت وينك من زمان.. ليش جي سؤيت... اساله وايد كانت فخاطري بس وين صوتي كيف ارمس لساني ثجيل وما رمت اقول شي ... انتبهت ع يبته .؟؟ حسيت اني صحيت من الحلم اللي كنا فيه قلبي عورني مطر مخيطينه ليش ؟؟ موزه: بلاهااا يبهتك حبيبي؟؟ مطر... ............. موزه : مطر ... مطر.............. موزه : دخيلك لا تسكت حرام عليك مطر: نزلي غشوتج موزه: ............ لا تخبلبي مطر مطر: اشتقت لج ... لعيونج .. لصوتج... موزه قاطعته وانا اتذكر كل شي صااار : هيه تراني انا اللي قطعتك.. قلتها بعتب قلتها ودموعي تتيمع فعيني مطر:.... شوه تسوين المستشفى موزه: انت بلاها يبهتك؟ رن فونها وقطع علينا احلى دقايق موزه : حرمة اخويه شلو لها الزايده طالعه برد البيت الحينه بس هو فوق عندهااا مطر : انزين سيري الحينه عن يشوفج موزه: ما عاد يهمني شي مطر: مواز سيري فديتج موزه: بلاها يبهتك.. ما قلتلي؟؟ مطر: بخبرج بس انتي سيري الحينه موزه: وعد؟ مطر: وعد!! موزه... روحت عنه وقلبي عنده معقوله اشووفك فهالمكان ولا اسولف وياك ولا كانه حد حولنا اااه ياقلبي ليش جي سؤيت فينا ليش... شكله التعبان.. صوته المبحووح.. ذبحني نساني كل الزعل كل العتب كل شي فخاطري نسيته من شفت عيونه فيهن حزن فيهن شوق .. اااه بس ابا افهم ليش ؟!!... وصلت لين غرفة حرمة اخويه وحاولت انسى اللي صار من دخلت من باب الغرفه اخاف اني كنت اتخيل اخاف ارد على واقع مررر ما اتحمل خاسرتك وربي ما اتحملها ... ~~~~~~~~~~~~~~~~~~~~~~~~~~~~~~~~~~~~~~~~~~~ مبااارك... كنت فدبي عند واحد من ربعي بس قبل موعد طيارتنا استسمحته وقلت بسبقهم ع المطار اترياهم هناك ما ظنتيه بيطولون اكيد قدهم على وصول ما باقي شي عن الموعد يلست فالكوفي وكان فاضي تقريبا سمعت صوت نعوووم يزقر ......: بروووك بروووك لثواني اتخيلي انه حد يزقرني التفت ما قصدت اطالع البنت انا عمري ما اهتميت للبنات ^^ ابتسمت لانه الولد اسمه مبارك هههههههههه ضحكت ع الموقف ونسيت عمري وتميت اطالعهم ........: قوم فضحتني برووووك برووك: هههههههههههه كيفي انت مالج شغل .............: والله اقول لبوي عن اللي تسويه بروك: قوليله عادي شنو يعني بقوله انا شاطر اتعلم اكتب ........... : تتعلم الكتابه ع الارض مبارك... ههههههههه والله عبيط هالولد شكلها مستحيه منه وهو ولا هامنه ولا سوالفها سالفه ............: حبيبي بروكي شطور بيسمع كلام اخته حبيبته صح بروك: ................... ................: انزين خلاص كنسلت الايس شوكلت بروك: موعلى كيفج ..............: عيل تعال واقعد مثل الاوادم تراهم ما يعطونك وانت قاعد ع الارض بروك: انزين اذا يااابوه نادينيي ..........: متاكد؟؟؟ بروك: يس ييس ...........: يعني اتصل فابوي؟؟ بروك قام وقعد عدالها: اوووف منج ما تخلين احد ياخذ راحته .............: تاخذ راحتك ع الارض مبارك ..... انتبهت لعمري هب جني رزيت بفيسيه وياهم وعدلت من يلستي... خخخخ والله سوالف هاللياهل شكله صغير بس عليه طولت لسان ذكرني بحمودي شفته يربع صوب ريال كان واقف بعيد عنهم شكله اخوهم ما ظنتيه ابوهم يبان عليه الصغر لهدرجه!! شله الريال ويوو صوب البنت .... رن فونيه كان ابويه المتصل شكلهم وصلو وفعلا رتبنا امورنا نحن لين ما يو الشباب وكل الاوراق خلصناها ويلسنا نتريا الطياره ~~~~~~~~~~~~~~~~~~~~~~~~~~~~~~~~~~~~~~~~ هنو... ااخ منك تقهرر هو ليش يسوي جي يعني يسولف معهن ويضحك وانا ما يلتفت صوبيه ... حسيت اني بصيح والله قهربيه قلت لريم بسير للحمام عزكو الله وسرنا انا وياهاااا حسيت جبدي لايعه يمكن لاني شربت كوك اكثر مما كليت !! ~~~~~~~~~~~~~~~~~~~~~~~~~~~~~~~~~~~ فالعين .... ميود... يالس مع العيايز توني رديتهن من عند رواضه ميود: ماماتي ثو بتعثيني اليوم غزوله : ههههههههههههههه ماماه ميود ما يعلف يلمث مايد: هيه ثلاتث ما اعلف ثو لايث نتعلم غزوله : بث انا اعلف ههههههههه مايد : عيل علميني وحليلي ما اعلف ام عبدالله: يوعان ولديه مايد : الا ميت لو غزوله تقرب مني باكلها من اليوع شفته خشت عمرها ورا يدووه خخخخخخ وحليلها صدقت ام عبدالله: نوره فديتج قوليلهم يزهبون العشى نوره: ان شاء الله اميه مايد: انتي ريلج ما يبغيج من متى وانتي عندنا نوره: ليش يالسه ع جبدك انا مايد : سيري انزين ما صدقت ابا اقولهم سررر بسرعه نوره: ها عيل والله ما اتحرك مايد: ههههههههههههههه انتن الحريم مووتكن هالاسرار نوره: انا اعترف اني فضوليه يالله عاد مايد: طولي باعماركن انا خبرت ابويه اني ابغي استعيل فالعرس ام عبدالله: هذا اللي يبا بس يملج وهب مستعيل ع القسم ؟؟ اشوفك غيرت رمستك !! مايد: تراه بيخلص لو باشرته بنفسي ليش نتاخر فيه واصلا ياميه ولدج صوبته بنت دبي ام محمد: خلاص دام فخاطره يقدم العرس يقدمه لا تخلونها فخاطره مايد: فديت منطوقها ضبااااابه ام عبدالله : والله انا ما عنديه خلاف بالعكس ابرك الساعات يوم بشووفك معرس فديت روحك مايد: عيل ترمسين عموتيه وتتفقين وياهم عاد انتي اخبر فهالسوالف ام عبدالله : ان شاء الله ابويه مايد: وانتي عيبتج السالفه بس خلصنا.. يالله العشى نوره: ع البركه ان شاء الله تستاهلون انت وسؤيره ميود: ربي يبارك فيج الغاليه ~~~~~~~~~~~~~~~~~~~~~~~~~~~~~~~~~~~ فطيم... دخلنا الطياره وشفنا وين بنيلس هنو قالت تبغي صوب الجامه خليناها عقبها انا وريم ورانا حمود وراكان ومن الصوب الثاني عمي و بروك اما قوم شنغل ومنغل كانو فارينهم الدرجه السياحيه هههههههههههه فديته شيخيه متواضع يالس مع الشعب خخخخ هنو... حمود كان مسويلنا حشرره سوالف وضحك وكانه الطياره طيارة ابويه اللي استغربة هدوئه راكان يمكن شي مضايقنه انا ليش اعصب منه لازم اساله بس ابا الوقت يكون مناسب لو كان شي مضيقبه بيقوله... ما بغيت اساله الحينه اكيد حتى لوشي فخاطره وبيقوله بيسكت وما بيقوله .... ~~~~~~~~~~~~~~~~~~~~~~~~~~~~~~ مطر... ما صدقت اوصل للبيت تسحبت لغرفتيه ما بغي حد يشوفنيه ما فيني ع الاساله باجر ان شاء الله بخليهم يستجبوني ع راحتهم الحينه ما فبالي غير موزه ابغي اسمع صوتهااا وصلت لغرفتيه واتصلت بهاا موزه : الو مطر: اااااه يا قلبي موزه : ....... مطر: السلام عليج موزه: وعليك السلام والرحمه مطر: اشحالج غناتيه موزه : تسالني عن حاليه وانت ادرابه مطر: ............. موزه : ليش لافين راسك مطر والله تعبت وانا افكر شوه فيك تعورك؟ مطر: حادث بسيط موزه : قول والله انه بسيط مطر: حبيبي تراج شفتيني واقف وارمسج ما فيني شي موزه: اااه لو ما شفتك اليوم كنت ماراح تسمعني صوتك صح مطر: دخيلج مواز لا تعاتبيني والله اني ما انزاد موزه : ما اقدر ابا اعرف ليش جي سؤيت مطر: انت تعرفين مطر صح موزه: قمت اشك اني اعرفك مطر:........... موزه : انا ما اعرف شي لا تسالني عن شي كل شي تغير علي مطر: بس تعرفين انه قلبيه عندج؟ موزه: ليش خليته رووحه مطر: ................ موزه: ارررررمس لا تسكت دخيلك مطر: اوعدج بقوولج بس خلاف والله اني متوووووووله عليج موزه : لا احينه تقولي مطر: جان ما بترحمين شوقي رحمي راسي والله اني ارمسج وراسيه يدور بي موزه: سلامة راااسك حياتي مطر: اااه محلاهااا هالكلمه موزه:..... انت حرمتنا منها مطر: ان شاء الله تعذريني موزه: اقنعني وانا بعذرك مطر: ربج كريم مواز .... فديتج ابغيج دوم تتذكرين الايام الحلوه اللي مبينا وانا متاكد بتعذريني على اي شي دامج تذكرينها موزه: انت ناوي تخبل بي مطر: لا عشت ولا كنت جاني ابغي اخبلبج انتي غناة الفواد موزه: ........................... ~~~~~~~~~~~~~~~~~~~~~~~~~~~~~~~~~ سعود... مليت شوه هالتفرقة العنصرية أبغي أكون عندها .. أسمع صوتها.. اشووف عنووونها..^^ حتى لو يفرونيه وراهن المهم احس بوجود الشيوخ إلتفت شفته مغمض عيونه : مستوي غلس يالدب.. شهاب: ربك بلاك فينيه تحمل ... سعود وليش اتحمل؟ شهاب: شوه بتسوي يعني ؟ سعود: بتشوف الشيوخ شوه بيسوون... شهاب... ابتسمت من ورا خاطريه ورديت اغمض عيوني اتلوع جبديه من الطياره صح طرنا خلاص بس بعدي احس بلوعه... سعود.. استغليت انشغال المضيفات وسرت عند البنات اتطالعت من بعيد وعرفت وين هو السيت لي يليق بمستونا انا وشيختيه ^^ وانا امشي كنت اطالع ابويه وين شفته هو وبروك يسولفون مع واحد وهب منتبهين ابد وقفت عراس الريم : الشيخه ريم.. ريم: لبيه الشيخ سعود.. سعود: عرب يطلبووون من سموج اتنازلين وتسيرين صوبهم ع الدرجه السياحيه.. ريم: قولهم العين ما اتمل شوفهم يا غير ما اروم لاسباب امنيه ... وعدلت من يلستيه يعني ما ابتحرك فطيم ... احسبه مركز علي بس بعد كلمة ريماني هذي وطى راسه عليها خخخخخ شكله شيخيه ما فيه صبر.. يا ربي ما ابغيها تقوووم... راكان : سعود تعال مكاني انا بسير عند شهاب هنو... يا سلام لهدرجه ضايق صدره من اليلسه عدنا؟ سعود... سمعت راكان بس كملت رمستيه مع الريم: مصدقه الدور شوه ريم: سعووودووه والله اخبر ابويه عليك اخاف امشي والطايره تطير سعود ولا يهمج انا بوصلج ... واطالعتها بنظره جديه ترا لو ما بو احمد مطرشنيه ولا ما بي ريم: يعني شهاب يبغيني سعود: هيه ... اكتفيت بهالكلمه مع نظرات حاده شفتها اتقوم ويت بوصلها قالت ما يحتاي ربك بيسرها ان شاااء الله ما رمت ايود عمري لفيت بويهي بسرعه وحليلها الريم تصدق بسرعه وحليلها نيهاهاهاهاها المهم قامت برضاها يلست بسرعه وانا طاير من الفرحه واول ما التفت صوبها شفتها تطالع سيده وهنو تطالعني ومكتفه يدها اوووووهووو : وانتي من وين ظهرتي بعد هنو: هع ع جبدك طويل العمر لا تحاول سعود: وين افرج ... وين افرج؟! فطيم .... كنت مستحيه بس حسيت برووس فوق يتطالعون سعود: خير شعندك انت وياه بعااد؟؟؟؟ حمود وركو: سلامتك بس نحن نخااااااااااااااااااااااااف لازم انحس بوجود حد ويانا سعود : اوووووف واتطالعت قدامي فطيم ابتسمت سعود : فرحانه يالدبه فطيم ... التفت عليه بسرعه : كي.. سعود: من نصخج علني افداااه فطيم.. الف علامة تعجب فوق راسي نصخي ؟؟؟؟ لفيت بويهة صوب هنو وانا قااااافطه ~~~~~~~~~~~~~~~~~~~~~~~~~~~ ريم قمت وانا اتشهد اخاااف ياربي كيف هالمضيفات يتمشن وما خذات راحتهن عنبووه من قلب عليهن واخيرا وصلت صوب بو احمد علني افداه انا حسيت شي فيه بس يالله كل شي يهون لجل عيونه الغالي.. شفته مسند راسه ع السيت ومغمض عيونه ريم: السلام عليك شهاب: وعليج السلام والرحمه ههههه سواها فيج عيل ريم : منوه؟ شهاب : يا حي الله ريماني ريم:؟؟؟؟؟؟؟؟ اممممممم ربي يحيك ع فضله عاد اسمحليه بغثك ^^ شهاب: ما عنده سالفه لي ينغث من وجودها الغاليه ريم:اممم بعدها جبدك لايعه شهاب : لا عادي احسن الحينه ريم : اعطيك لبان شهاب: خذت لي من شؤي ريم.... اممم كيف افتح وياه الموضوع.. شهاب: ريم جان سعودوه الطفس غاصبنج تين وتبغين البنات بردج ريم: لا لا انا ابا ايلس عندك ولا ما تبغينيه؟ شهاب: ما عشت ولا كنت يوميه ما ابغيه قربج ريم: وربي محد يسواك شوشو^^ شهاب: ولا بوغيث؟ ريم.. ااه من بوغيث يبتها ع العوووق ولا دريتبيه : ابتست له ولا بوغيث.. شهاب : علني افداه منطوووقج ...تدرين ريمان مطر بيتغير صدقينيه... ريم سويت عمريه هب فاهمه عليه وحبيت استعبط من الاحراج صح بو احمد قريب من وايد بس طاري بو غيث يبعثرنيه ويشتتنيه .. بس هو سبقنيه كانه حاس فيني: انا احسبج ريمان انتي عارفه قدرج هب بالرخيص عنديه ريم ياربي نحن البنات مشكله... عيوني تحرقني بصيح ليش نحن ما انتحمل يوم حد بيزعلنا صحنا ويوم حد يدلعنا بعد نصيح شوه هالحاله ما ابغي اصيح عنده علني افداه قلبه رهيف: ربي يعز مقدااارك الغالي وانت تدريبك غير عنهم كلهم سكتنا ثواني وعقب التفت عليه : الغالي تدري يوم يضيق خاطرك الكون يظلم شهاب ابتسمت طول عمرها حنوونه : ما يتم خبر فبطنها الدبه هههه ريم: صح خبرتنيه وشفت بعينيه حمود يصيح صياح عمره ما صاحه والله انه قطع لي قلبيه شهاب: اااه ريم: شي مستوي شهاب: يمكن انا قسيت ع فطيم وحمود ريم: وما بتخبرني لييش هالقسوه؟ شهاب : اتطالعت عيونها سبحان من خلقهن جاني ارتاح من اشوفهن وخبرتها بكل اللي استوى ريم: ما بقولك انك غلطان روحك تردري بهالشي شهاب : ادري بس اللي خلاني ارووح اخوها روحه قالي محد يسير صوب هالمطابخ و ضحكات حمود لي رفعت ضغطي كنت خايف عليه ريم: بس موقف لا انت ولا هي تنحسدون عليه شهاب: شوه بتقول عنيه الريم دخيلج راسيه بينفجر ريم: بو احمد ذكر ربك.. انت لو تعرف سلامه بتدري انها مستحيل تظنبك ظن السووء تدري شهاب بخبرك شي عنها... دوم من كنا صغار كل ما غلطت بنت علي ولا عليها ولا ع حد من ربايعنا ونحن نتم نقرض بها.. اتينا سلامه وتعطينا مليون عذر لين بالاخير نقول صدق نحن ما نعلم الغيب ولا ندري هالبنت شوه كان قصدها ولا شوه ظرووفها ودومها تعيد علينا حديث الرسول صلى الله عليه وسلم... التمس لاخيك المسلم سبعين عذرا.. شفته يطالعني بهتمام كانه ما فهم قصدي: يعني صدقنيه بتحاول تعذرك لين ما تلاقيلك عذر يقنعها .. وانا جان بغيتنيه اعتذر لها بسير واستسمحلك منها شهاب:: هاا شوه ترمسينها؟ ريم: هيه عسب ترتاح وهي بعد بترتاح شهاب : لا لافضيحه بتقول سرت وخبرتج اكيد بتقوول هذا مفضحني ريم : ما اعتقد هذا تفكيرها شهاب : لا يعني لا لا تقولين شي وجان هي بتعذرنيه روحها ولا انتي لا تفتحين وياها الموضوع ابد ما اباها تحس بج تدرين بشي ريم: ع راحتك الغالي المهم انت انسى الموضوع ولا تكبره دخيلك شهاب .. هزيت راسي بهدووء وكاني احاول استوعب طلبها ريم: اممممم اخوها ما خبرك شي شهاب : عن شوه ريم: لا يروح بالك بعيد عن انه بيخاويك لين لبنان شهاب : بيخاوينيه ؟ لا!! ريم: عيل ابشرك هو بيشل خواته بعد وبيلحقونا نحن اتفقنا وياهن شهاب... الله يهديج ريمان : ليش هالحركات يعني ريم ابتسمت : ما يخصنيه البنت بتسلم ع خوالها وانا اقترحت انا نتلاقا دامهن فلبنان^^ شهاب : سرحت بافكاري جداها بتي .. انزين وتي ليش انا متوتر ؟! ريم مر الوقت وكل منا سرح بافكاره مادري شهاب وين وصل بس الاكيد انا افكاريه وصلت بيه جدا العين يعلني افدا كل من وطا ثراها الغالي ~~~~~~~~~~~~~~~~~~~~~~~~~~~~ مبارك... الحظ ياب لي اخو الولد والبنت ويلس عدالي وبديت اخذ واعطيه وياه حسيتبه ريال والنعم وابويه بعد ارتاح له وهذا باين من سوالفه وياه وحتى خذ راحته وعده كم قصيده والولد محترم وأخلاقه عاليه وتبادلنا ارقام بعض وقال لازم بنلتقي فلبنان ولزم علينا يعرفنا باهله اللي ساكنين لبنان لظروف شغلهم لانه ابوه وامه كلهم من السلك الدبلوماسي فسفارة الكويت فلبنان ~~~~~~~~~~~~~~~~~~~~~~~~~ سعود: ما يستوي نفر بعمارنا من هالجامه؟ فطيم: .......... هنو: جان بتفر بعمرك برايك بس نحن نباها فطامي سعود : صبرك ياربي انتي يالعيوووز اتطالعي الفلم وفكيني عنبوووه اتقولين يالسه من بينا هنو: فطامي بادلينيه ما بخليها فخاطره بوعزوز سعود: اقربي وشوفي شوه بسويبج هنو: حمووووود فزعتك وينك عن اختك بياكلووونها عرب متوحشين حمود: بيسون فينيه خير سعود: ههههههههههههههههههههههههههههههههههههههههه دواج ولا يبرد خاطريه فيج بعد هنو الهرم دووومه يقفطبيه: عادي اتقبلها بصدر رحب ما دام اني يالسه ع جبدك هع ~~~~~~~~~~~~~~~~~~~~~~~~~~~~~~~~~~~ فالبلاد عن ميود وساره مايد : شووووه شوووه ساره: .............. مايد سوسو عيديها الرمسه ساره: سمعتنيه مييوووود لا تستعبط مايد : يعني ناويه عليها ؟؟ ساره: بفهمك انا ليش مايد ما ابغي افهم ساره : مااااااااااااااايد عااد مايد:........ ساره: حبي والله ظلم رد علي بفهمك ليش مايد: ظلم؟؟ الظلم اللي تسوينه حرام عليج جانيه اسعى لقربج وانتي تسعين لبعاديه ساره: شفت كيف انت فاهمنيه غلط مايد: ما ابغي افهم والي تبغينه بيستوي كم ساره عنديه انا ساره والله بصيح ما اتوقعته ما يعرف يتفاهم جي قفل راسه اووف: مايد دخيلك لا ترمس بهالالسلوب نحن اكبر عن هالتفاهات مايد: ادري فديتج المهم انا ورايه باجر دوام شي فخاطرج ساره : هيه ما ترقد وانت زعلان مني مايد مايد : ساره انتي القلب خاطريه يشل ع الكل الا قلبه ساره: ياربي كيف اتصرف الحينه مايد............. ساره ................ مايد : تصبحين على خير ساره.......... وانت من اهله ساره.... ياربي اول مره يشل بخاطره ميود ما عرفت اتصرف وياه ادريبه زعلان بس هو ما عطاني فرصه افهمه.... اااه ياقلبي كيف اتصرف الحينه ~~~~~~~~~~~~~~~~~~~~~~~~~~ عند مطر وموزه كانت ليله سبيشل تناسو فيها كل اللي من بينهم وخلو العتب وافتحو قلبوووبهم للاشواق طبعا هذا من بعد طلب مطر ولا موزه بعدها ماخذه ع خاطرها من اللي استوى... موزه: ما بترقد حبيبي ؟ مطر: تبغين الفكاك منيه !! موزه : حرام عليك مطور بس لاني احاتي يرحك تدري عاد مقيوله كل يرى الناس بعين طبعه مطر اويعته كلمتها: يعني انا اللي ابغي الفكاك صح؟ موزه : عطني تفسير للي استوى وانا بعتذر منك ع هالكلمه مطر: ما رضاها لج تعتذرين ليه الغاليه مهما صار بس مواز دخيلج روفيبيه هاليومين تناسي هالموضوع عشان خاطريه موزه: حبي اوعدك ما بفتحه لين احسك احسن عن الحين لكن اتناساه مستحيل انت ما تدري بحالي من دونك مطر: ممكن تقصين لي قصه موزه .. ابتسمت : فذمتك ما اتولهت ع قصصي مطر: انتي شفتي ويهيه اليوم... تظنيين هالويه هناله رقاد من غير صوتج موزه : بقص لك قصه تعور القلب مطر: لا دخيلج كفانا هم موزه: اوك بندلعك اليوم لي تامر به بنلبيه ~~~~~~~~~~~~~~~~~~~~~~~~~~~~~~~~~~~ وصلت طيارة قوم بو مبارك لبنان بسلامه وهم نازلين خبرووهم انه الامطار قويه لانه لبنان بهالفتره جوها بارد وشتوي انزلن البنات وهن فرحانات ما عدا الريم لي ما تدري ليش اليوم هي متضايقه بزياده هب شي غريب عليها حال مطر لكن اليوم يمكن من كلمة سعود تضايقت ومع طلعتها من باب الطياره والهوى البارد لي حستبه حست بوحشه من تفكيرها بمطر حست انها غريبه وتبا صدر دافي يلوي عليها يطمنها يقول لها هذي وساوس شيطان استغفرت ربها وطلعت من الباب بعد ما سمعت صوت لي وراها يبغون ينزلون... .... خلصو امورهم فالمطار وطلعو للمواتر لي كانت تترياهم بو مبارك كان مظبط كل شي من البلاد انقسموا ع ثلاث مواتر الموتر الاول بو مبارك وحمود والثاني كان فيه سعود وشهاب وراكان موتر البنات فيه البنات ومبارك وطلعو للجبل على قولة اهل لبنان لانه الفندق محجوز ع الجبل بو مبارك يبغيهم يستانسون فالثلج لي يغطي لبنان فهالوقت من السنه... خذوولهم غرف عدال بعضها غرفه للبنات وغرفتين لشباب وكان الجو بااااااااااااااااااااااارد بشكل والكل مرتبش اللي يرتب سامانه ولي حط راسه ورقد وتمن البنات مرتبشات حتى من بعد ما رتب امورهن وخلصن كل شي ريم : برد الجو خباال والله فطيم: هيه والله صدقج روووعه من طلعنا من المطار وانا مستمتعه بالبرد هنو: استمتعي وعقب امرضي يا حلووه فطيم: فال الله ولا فالج ابغي استمتع بالسفره بعد ريم: انزين انا ابغي هوت شووكلت كيف فطيم: شوه كيف بعد اتصلي ع رسبشين وطلبي هنو: والرسبشين شوه يخصه ريم : صدقها شوه يخصه سمعنا صوت الباااب وتطالعنا بعض بعدين ضحكنا شوه هالافكار الغبيه منوه بيكون يعني اكيد حد من الشباب هنو: وليش تطالعووني هب متحركه ما صدقت الكرسي يدفا ريم وفطيم: هههههههههههه يالعصلااا قومي خل عنج اونه يدفا هنو: ما يخصني هب متحركه ريم: هنو عااااد سمعنا الدق يكثر فطيم: اصغر القوم خادمهم هنو قمت امري لله : وان شاء الله بخدمكن طول السفره ريم وفطيم: بنرحمج لا تخافين ما بنكثر طلباتنا.. هن.. لبستهن وفتحت الباب بعد ما عدلت شيلتيه : مرحبا الساع بو سلطان راكان: اااا ابغي الريم شؤي ريم حياك الغالي ادخل راكان: ما اظمن عمري ادخل بصراحه فطيم: شفتن بدا هو بالغلط لا تلومونيه فيه عيل راكان:/ انتي اصلا دومج شاكه بعمرج منوه طراج اصلا ريم: بس عاد والله ما فينا اليوم ع المناقر راكان: المهم ليش ما تردون ع الفون ريم: اي فووون هنو... حسيت عمريه غلط واقفه عند الباب وهو ما يسويليه سالفه دفرت الباب ع الخفيف ورديت مكانيه شفت ريم تقوم له راكان / فون الغرفه ريم: اااما رن سمعتنه يرن؟ البنات نوووو راكان انزين ترا نحن بننزل نتعشى جان بتنزلون البنات : ما يبالها تفكير راكان: هب جنه عميه معشيكن فدبي؟؟! ريم: هو فعلا ابويه ما قصر بس عاد نبغي ننزلل راكان : المهم تزهبن بسرعه عن حركات البنات السخيفه ريم بندت الباب بعد ما ظهر: متغير ركو ولا يتهيالي فطيم: طول عمره غلس اخوج ريم: فديت روحه ركوو انتي لي دومج تحطين راسج براسه تزهبن البنات ونزلن تحت مع الشباب ويلسو الشباب يطلبون سعود: انا بطلب ع ذووق الشيوخ اليوم فطيم : بس انا بطلب براونيز سعود: عيل انا براونيز بعد فطيم: بتتعشى براونيز؟ سعود: هيه نعم شهاب: شهالذكاء عاد اطلبيله شي يتعشاه وانتي برايج جان بغيتي براونيز فطيم : اوكيك عيل كلكو ع ذوقي اليوم حمود: شوفي انتي وشيخج برايكو تتصافون لكن انا عند الاكل حااار ما اعرف الا بطني وبطني بصراحه ذويق فاسمحيليه بنت العم ريم ... كنت اشوفهم يسولفون وياكلون وبالي عند مطر يا ترى تعشى ولا لاومن فكره لين فكره حسيت عينيه تيمع فيها الدمع ودمع حار فهالبرد لهدرجه انت مفضحنا يا مطر سعود ونغز علي اليوم وشهاب يواسينيه يقول بتتغير ... ثره الكل ملاحظك وانت ولا على بالك ريم: انا بطلع للغرفه اريح احس اني صدعت من هالبرد شهاب اقوولهم يزيدون التدفئه عليكن ريم: لا ما يحتاي عقب بنموت حر ريم.. وصلت للغرفه بدلت وخذيت لي showrحار عل وعسى يتغير المود بدت ولبست بجامتيه وشليت دبدووبيه لي ما يفارقنيه ابد حتى لو البنات بيضحكون ما يخصنيه بحد المهم دبدووبيه بيرقد عداليه انسدحت ع الشبريه لي بيني وبين فطيم لانها كبيره وهنو بشبريه رووحها ... رفعت فوني وانا خايفه اخاف افتحه مالاقي شي من مطر وبنفس الوقت ما اقدر اقاوم فضولي ابغي اتاكد قبل لا ارقد غمضت عيوني وكتيت الرقم وسمعت صوت الفون فتح القفل فتحت ععنوووني وكلي خوف وطلع خوفي بمحله ماشي لا اتصال ولا مسج اااه ربي يسامحك الغالي ما بياس منك مطر دامي شفت منك ذيك الرومنسيه لو انها شي بسيط بس بعينيه تسوى الدنيا وما فيها انا ما لازم اياس منه لازم افهمه... مطر غير عنهم كلهم ومايد وسعود شي.. وبوغيث فديت روحه شي ثاني.. يودت فونيه وكتبت اسافر عنك وتسافر معايا ترافقني في حلي وترحالي اغيب واترك العالم ورايا ولأاحمل غير طيفك في خيالي وجوة الناس في الغربة مرايا تصور صورتك دايم في بالي ...وطرشتها له وع طول حاولت اغمض عينيه وارقد ما ابغي انجرح لو هو ما رد علي اقنعت عمريه بانه اكيد راقد وفعلا رقدت وما حسيت بشي..... ~~~~~~~~~~~~~~~~~~~~~~~~~ عند قوم شهاب الكل ياكل ويمزح وهنو تغلي من الغيض يلتفت للكل ويسولف مع الكل من اتي عينه بعينيه يصد وينقلب حاله من متى ما رمسنيه لهدرجه انا غاثتنك الحينه انا ابصم بشووه انه اللي مضايقنك شي من صوبيه بس شووه نحن اصلا ما رمسنا بعض من متى اخر مره يوم المسن وعقبها وهو ضايق ... اوووف قهربي الهرم ما اذكر اني قلت شي يضيقبه ما احب جي انا ما داني اتم ع اعصابيه لكن شرات ما يسوي بسوي قمت اسولف مع الكل واضحك الا صوبه ما التفت مررره اوكيك يا راكان ذوق لي ذوقتيه ومن غير سبب ^^ ~~~~~~~~~~~~~~~~~~~~~~~~~~~~~~~~~ مع طلوع شمس يوم يديد ع العين واهلها كانوا عيايزنا ظاهرات بحراراتهن مويهات صوب الروض والشم الصغنونه... وما ردن منى عندها لين ما عبدالله راغنهن بطريقه محترمه بانه الدكتور بيرخصها بعد ساعه ولا ساعتين وهو بيبها لين عندهن برسم الخدمه فما كان لعيايزنا الا انهن يردن يرتبن البيت لاستقبال الرووض ~~~~~~~~~~~~~~~~~~~~~~~~~~~~~~~~ مطر فتحت عينيه وانا احس براحه من زمان ما حسيتبها الله لا حرمني منها ومن حسها ما اذكر غير اني رقدت وهي بعدها تقص ليه القصه فديتها مادري متى هي رقدت رفعت فوني اتصلت بها رن ورن بس محد رد يمكن تكون راقده ولا حد عندهاا شفت المسج من ريم تلومت وحسيت اني ما ابغي لها طاري فحياتي هاليومين انا ما صدقت مواز ترد فحياتي وريم دامها هب موجوده فالامارات ما ابغيها فاحداث حياتي ابتسمت وقمت شؤي شؤي وتغسلت وتلبست ونزلت تحت وانا مالي بارض للاساله لكن وين بشرد عنهن لقيت اميه يالسه تزهب فواله وشكلها بتشلها وياها مطر: السلام عليج ام الشم ام عبدالله: والقعتيه ع ولديه شــ.... مطر من قبل لا تكمل وطيت ع راسها ابوووسه ما فيه الا العافيه ولدج الا يتدلع ام عبد الله: حد يتدلع يلفون له راسه مطوور ارمس شوه فيك مطر: ما فيه الا العافيه هذا انا قدامج ما فينيه شي ليش هالدوع الغاليه ام عبدالله :من غلاتك يا بوغيث هب سهله عليه اشوف ولديه راسه ملفووف مطر: علني افداج ورب البيت انه الموضوع بسيط وما يستاهل منج كل هذا ام عبدالله : لا تقوووليه حادث مطر: الجذب خيبه ياميه حادث بسيط ام عبدالله : يا ويل قلبج من ذا العيال يا عوووشه ما تسمعووونها الرمسه جم وجم وصيتكو عن السرعه عن الخبال يا غير الغرووور نافخ روسكو مطر.... وتمينا ع هالحال لين طيبة بخاطرها وفصيت عليها بكلمتين وانه الشم بتي وانتي بعدج ما خلصتي فوالتج ولا سرتي صوبها ساره... ااه يا قلبي معقووله ميود جي يسوب ما يرد علي ولا حت ع المسجات اوووف انا غبيه ليش جي سؤيت بصيح والله وينج ريمان اتصل بها؟؟ لا ما ابغي اغثهن وهن فسفرتهن وحليلهن ~~~~~~~~~~~~~~~~~~~~~~~~~~~~~~~~ اما فلبنان فمبارك وابوه هم اول من نشوا لانه الشباب والبنات ما رقدو الا ع اذان الفير صلوا ورقدوو. ريم... نشيت من وقت قبل البنات اول شي سؤيته يؤدت فوني وفتحته وطبعا ما لقيت الا اللي كنت متوقعتنه لا مسج ولا اتصال يالله بدايه حلوه ليوم حلوه << اواسي عمريه لا تصدقون شفت بروك يتصل ريم: مرحبا الساع بروك: صباح الخير واالله ما اتوقعتكن تنشن من وقت ريم: محد غيري واعي اظن البنات ما رقدن الا متاخر بروك عيل انا وابويه نترياج تحت تعالي اتريقي ويانا ريم: اوك عشر دقايق وبنزل بروك: اوكيك ريم قمت وانا بشل كل فكره سوده وغثيثه من راسي اليوم ابغي استمتع باهلي باليمعه الحلوه بالسفره ما ابغي افكاري بمطر تكون محور حياتي وقلت اليوم ما بطرش له شي وفعلا تعدلت ونزلت تحت صبحت عليهم ويلسنا نتريق.. شفت الفون يرن ريم: مرحبا الساع سلامه: مرحب لا هان فديتش.. يسعد لي صباحش المنصوريه ريم: صباحي بيحلى من سمعت صوتج العامريه سلامه: اليوم طيارتنا بطني يعورني ريمان ريم: ادريبج فديتج تتوترين كل مره تسيرين صوبهم بس عقب بتستانسين شرات كل مره عادي سلامه: ان شاء الله خير ريم: خير ان شاء الله وبعدين هالمره صدق غير ترا خواتج وياج وخلاف بنتلاقا يعني ريحيليه بالج سلامه ان شاء الله المهم جان ياتج اتصالات من ارقام لبنان ردي ترا بنكون نحن ريم: ان شاء الله انزين متى طيارتكو سلامه: انا الحينه فالمطار ريم: حلو يعني اليوم من اوله بتاخذوونه نحن البارحه راح علينا لانا وصلنا متاخر سلامه: هيه بس نحن بسير الضيعه قبل ومادري متى بنشتشاوف ريم: ربي يحفظكو وبينا كول سلامه: ويحفظش الغاليه يالله فداعة الله ريم: فداعة الرحمن. ~~~~~~~~~~~~~~~~~~~~~~~~~~~~~~~~~~~~~~ روضه... كنت تعبانه ويالله امشي واشوف عبدالله يمشي بالدووب خايف ع شماني اللي بين ايدينه وصلنا الموتر وفتحليه الباب عبدالله: حياج الغاليه ام الغوالي رووضه: عبادي فديتك عطني الشم شؤي شؤي عبدالله : ها سمي بسم الله عليها... رووضه: عبادي دخيلك شؤي شؤي وانت تسوق تعبانه عبدالله : كم رووواضي عنديه انا تامريني القلب لو تبغينيه ابركن الحينه وما نتحرك امرج روضه: ههههههههههههه لين متى ما نتحرك انزين عبدالله : اللي يريحج انت تامرين رواضه:انت شووف فونك اللي يرن الحينه بتلاقيه من اميه ولا عموه وبتعرف انه امرهن والشور شووورهن عبد لله صدقج هذي عموه رواضه : ههههههههههه قلت لك ~~~~~~~~~~~~~~~~~~~~~~~~~~~~~~~~~~~ عند الشباب بروك دخل عليهم وشن حمله قويه لين ما وعاهم كلهم لانه هم ما سافرو عسب يرقدون يبغون يظهرون ويتحوطون وهذا امر من بو مبارك ونفس الشي ريمان بعد ما ظهرت من البنات لين تاكدت انها وعتهن وانهن يتزهبن للريوق ريم.... حسيت عمري مشتاقه اطرش له مسج طالعت فونيه بنظره سريعه بس تذكرت اني ناويه اليوم اقوي قلبي وما ارسله شي مول يشوفه جانه بيذكرني ولا لا كملت لين وصلت للفت ونزلت فالحديقه صح الجو بارد بس حلاته تغير من الروتين..... سعود بسرعه بسرعه تعدلت وكشخة وتسبحت بالعطر ويت بظهر شهاب... وين وين بها ان شاء الله شوه لي بيطير عنك سعود:: هع فبالي شغله قبل الريوق سعود نزلت تحت وخذت لي ورده بيضا وعطرها فرش يرد الروح ع الصبح من محل الوروود ولفيتها بشريطه عيناويه لون شيختيه المفضل وكتبت صباحج ورد شيختيه... وحطيتها ع بابها فطيم.... تعدلنا انا وهنو وقلنا بننزل تحت نشوف منوه تحت وشوه السالفه بالضبط لانه ريم سؤت لنا اعصار جونو وظهرت عنا وما فهمنا منها شي هنو.. فتحت الباب شفت ورده بيضا طاحت وااااو كشخه شليتها وفطيم تطالع قريت البطاقه: ويل حالج الشيخه رومنسيه ع الصبح فطيم:!!!!! هنو: الورد للورد فطيم ... قلبي ذاب وابتسمت يودتهها وقريت الكارد فديـــــــــــــــــــــت روووحه قفطت مادري ليش قربتها وسرحت مع عطرها فديت الرومنسي ياربيه ربي لا خلاني منه... شليتها وحطيتها ع مخدتيه وظهرنا ~~~~~~~~~~~~~~~~~~~~~~~~~~~~~~~~~~ مطر... بعد ما ظهرت من البيت بالغصب لانه عموه ويدوه ما فجونيه الا وانا شارح لهن بالتفصيل الممل كل شي استوى شفت ابويه مشغول صوب الزراععه مع عميه خليفه غريبه شوه يابه راعي دار الظببي اممم توه البارحه رد لها قربت منهم وايهتهم وصبحت شفت فعين ابويه رمسه بس شكله ما يبغي يقولها وعميه بومحمد موجود اعرفه من نظره الله يستر استاذنتهم وانا فكري مشغول بهالنظره ~~~~~~~~~~~~~~~~~~~~~~~~~~~~~~ هنو... نزلنا تحت ولقينا الكل يالسين يتريونا الموقف كان محرج شؤي اللي فهمته انه ريم وبرك وعميه اوردي تريقو بس الشباب يتريونا شفت فطيم بيلس عدال الريم وانا اضطريت اني ايلس بكرسي مقابل ركان ما كان خاطري فهالكرسي بس ما شي غيره البنات السلام عليكو الكل: وعليكن السلام وبدينا نتريق بعد ما خذ كل حد منا من البوفيه لي يبغيه وانا تذكرت البارحه وبدا دمي يغلي قمت اعيد نفس السيناريو لي هو بداه اسولف واضحك مع الكل الا هو حتى بنظرات اتهرب منه فطيم بعد ما وطيت صوتيه: ريمان ريم.. تطالعتها بنظره يعني اسمعج فطيم: لازم اشتري هدية التخرج اليوم ريم: حبيت استهبل .. شهاب ما يبغي منج هدايا عادي فطيم: ريموه عاد يوم بنسير للغرفه بتشوفين ليش اليوم بالذات ضرووووووووري اشتريها ريم: اكيد بنتحوط اليوم اشتريها حد ميودنج فطيم: ما ابغيه يشوفنيه اباها سبرايز ريم: لازم هالرومنسيات يعني فطيم: هزيت راسيه بمعنى هيـــــــــــــــــــــــــــــــه لازم ريم: بندبرها فطيم: كملت ريوق وانا كل ما طاحت عينيه ع سعودوه لالقيه يسويليه حركات مره يبتسم مره يطالعني بنظره مادري كيف تهزني تشتتني المهم اني ما حسيت بعمري الا ابا اشرد منه واندس ورا عميه لانه المكان الوحيد اللي ما بتوصلنيه نظراته .. مبارك: اليوم بما انا قريب اليبل شوه الراي نتحوط فهالمكان ونستكشفه الشباب: نحن ما عدنا ما نعد لكن شوف الصبايا اكيد لازم يبغون مولات البنات: امممممممممم لا عادي بنتحوط فهالطيبعه بس فالليل لازم بتطلعون مولات وين بنسير فالظلمه وامبونه فالليل برررد موت يبالنا مكان مغلق بو مبارك صدقهن البنات شوفوا السفره اصلا ع شرف بنت محمد وين ما تبا ودوها ريم: ليش ابويه انت ما بتكون ويانا بو مبارك : والله ريماني عنديه كم شغله موصيني عليها ريال من البلاد بحاول اخلصها له هاليومين مستعيل عليها والشباب فيهم الخير ما بيقصرون الكل : مالنا غناة عنك الغالي ~~~~~~~~~~~~~~~~~~~~~~~~~~~~~~~~~~~ شهاب.... خذنا البنات وطبعا شفنا طلبات الشيخه فطامي وحوطناهن لين ما راسي داخ ع الساعه ثلاث شفت اتصال من حمدان رديت سؤيتله شهاب: السلام عليك الغالي حمدان: وعليك السلام والرحمه ... شهاب: لا لا تقول اشتقت لي وما تصبر عني ياخي لوعة بجبديه حمدان: هيه نعام اني اشتقت لك وذبحنيه الشوق لين لحقتك شهاب: وين دارك الحبيب حمدان: لبناااااااان شهاب: حيبه ومسهلا وانا اقوووول اليوم لبنان غير حمدان : انزين بو احمد ما اقدر اطول عليك نحن الحينه عند انسباناتونا وصلنا لهم خلاف برمسك شهاب : خلاص بينا كول لازم انشووفك اليوم حمدان: بس قدام شهاب : فداعة الله حمدان : فداعة الكريم ريم.. قربت من شهاب: اوصلو شهاب: بسم الله الرحمن الرحيم بلاج جي ترمسين زيغتينيه ريم: ههههههههههههههه شهاب: هيه وصلووو ركان : مشكله لي يرزون بفيسهم شهاب: ترمس عن عمرك طبعا ريم سؤيت له بعيوني حركات اتخقق عليه بروك: انا يوووووووووووووووعان شوه البنات اعنبوه ما خلصت بطاريتكن من الصبح وانتن تحووطن البنات وسعود وياهن : اذكر ربك الشباااب هههههههههههههه بروك: الف من ذكره لا اله الا الله تبارك الرحمن ما قلنا شي بس تعبنا ريم: صدقه بروك يوعانه هنو : مي تو حمود: يس يس سعود: ما نقدر نغديكو السموحه بروك: شعنه سعود: الشيوخ ما رمسوا فطيم : قفطت كلهم التفتو علي امممممم وانا بعد يوعانه شهاب انا اعرف مطعم اكله لبناني تقليدي شروا طباخ البيت العادي عندهم الاكل عنده روعه بروك خلاص اوكي مبارك.... بعد ما تغدينا اللي طلب له حلو واللي تم يسولف قلنا بنيلس نريح نتريا ابويه ايي يتغدا وصلني اتصال من فهد الكويتي قمت عنهم ورديت ع الفون بروك: مرحبا الساع فهد : السلام عليكم مبارك: وعليك السلام والرحمه هلا والله فهد: ان شاء الله ما ازعجتك؟ مبارك: لا وين ازعاج اتصالك غالي فهد : تسلم والله مبارك اشلونك واشخبار الاهل ان شاء الله مرتاحين مبارك: الحمد لله الامور طيبه فهد الحمد لله انا ما راح اطول عليك بس قلت اتصل من اول يوم واقوولك لازم بنتلاقا وتتعرفون ع الاهل بس ما احب الزم عليكم بيوم محدد بخليكم ع راحتكم والعين ترا هي اوسع لكم من لبنان بكبرها مبارك : هههههه ما تقصر الغالي بس والله ما نبغي انثقل عليكم وبعدين نحن مب مطولين فلبنان فهد: لا لا لا تزعلني منك والله اني ارتحت لك وارتحت للوالد واشري معرفتكم بالغالي قبل الرخيص مبارك: والله اني تلومني فيك بس ما يرد الكريم الا اللئيم بشاور الوالد وبرد لك خبر هاليومين ان شاااء الله فهد : يا حياكم الله باي وقت تشرفوون وتنورووون مبارك: النور نورك الغالي فهد: ما بطول عليك بس ما بيك تحتاج شي فلبنان ابد ترا لك اخو دنيا فاللخدمه ابد اللي فخاطرك لا يردك الا لسانك مبارك: ما تقصر الشيخ من طيبك والله فهد : ما عليك زود توصيني بشي؟ مبارك: سلامة راسك فهد ربي يسلمك يالله سلم على ربعك مبارك: حيبك وسهلا يبلغ ان شاء الله ~~~~~~~~~~~~~~~~~~~~~~~~~~~~~~~~~~~ فطيم : ريمان بذبحه والله ريم: استغفر الله شو فيج فطيم: شوفي كيف يتطالع اللبنانيات هنو: يالخبله هم اصلا يشوفون الاستعراض اللي ورا فطيم: وهذا اللي ذابحني ريم: مممنوع يعني فطيـــــــــــــــم هيه هنو :خلج واثقه بعمرج انتي تدرين سعود يموت بطاريج شلي عنج هالافكار السخيفه فطيم: انتن ما تحسووووون باللي احسه ريم: خلي عنج انزين وقومي خلي الشباب يتريون ابويه ونحن بنتشرى مع بروك الهديه فطيم: لا والله ريم: انتي ما تبغينها اليوم فطيم: اليوم بس ما بخلي يتطالع ع راحته وبعدين ما بسير اشتريها مع بروك استحي هنو: اولا انتو قصة حب علنيه الكل يدريبها ثانيا هو وانتي موجوده يالس يطالع يا ترى ليش؟؟؟ ريم: لانه يحس انه ما سوى شي غلط شوه عرض وقدامه يغمض عيونه فطيم: هيه ريم: عن المصاخه عاااااد وعن بروك انا بشتري لسعود وانتي لشهاب اونا والعكس صحيح فطيم : ااااه يا قلبي هنو: خلي عنج بسرعه قبل لا يرد بروك فطيم: امري لله ~~~~~~~~~~~~~~~~~~~~~~~~~~~~~~~~~~~~~~~~ ع المغرب فالبلاد العيايز منشغلات عن بناتهن مع روووضه ولا حد فيهن فكر يسال عن اهل لبنان اما مطر فنظره ابوه ما خازت عن باله قلبه قابضنه انه هالنظره وراها شي ما يسره .... لكن حب يطوف كل شي ويعيش فعالم موازه يعوووض اللي طافهم ريم.... ظهرنا مع بروووك وما قصر لفبنا وحليله ع اكثر من محل هدايا وخذنا لسعود وشهاب هدايا محترمه من العيار الثقيل لانه تخرجهم فرحته غير وحبينا هدايانا تكون غير ولفينها بطريقه حلوه بس المشكله الحينه كيف فطيموه بتكتب الكارد مالها وبروك اللي بيشل الهدايا لغرفة الشباب اممممممممممم بالاخير صفينا ع راي نكتب اي شي وبلالخير الشيخ هو بيفهم انه الشيخه كتبتها ونحن رادين الوقت خطف بسرعه وحسيت اني دهمانه ما شوف خصووصا الموتر بارد والدرب طويل شفرت خلاص برقد بس وعانيه صوت الفون يرن شفته رقم مال لبنان ابتسمت تذكرت سلامه ريم: مرحباني سلامه: مرحبا بش زووود ريم: تستحقين السلامه سلامه: ربيه يسلمش الغاليه ... ريمان ما بطول بس حبيت اقوولش انه خواتي وحمدان ظهروو لكن اظنيه فلنسيا او شي جي وانا بتم كم يوم عند خواليه ريم: اها يعني ما بيباتون عند خوالج سلامه: لا لا بس انا حمدان يقول فضيحه ريم: خلاص ولا يهمج فعنوووني سلامه تسلم لي عنووونش ريم: يالله باي باي عيل بتصل بشميس سلامه: ربي يحفظش ريم: التفت ع البنات اللي فهمن الموضوع قلت ما يحتاي اكمل اتصلت بشميس وفعلا طلعت فالفتدق نفسه اللي نحن فيه بس يقولون بيتسبحن ويرحن وخلاف بنتعشى رباعه ~~~~~~~~~~~~~~~~~~~~~~~~~~~~~~~~~~~~~ CUT السموحه منكن ع ترتيب البارت بس لانه انكسرت ارقبتيه وانا اعدله واكشخه وشي من سوالفي انمسحت عاد انقهرت قلت ما بعيده واتع اخاف ينمسح بعد ....اتمنى البارت يعيبكن لكم تهانـــــــــي العيــد نهديــها قبــــل يوصل يــوم ميعـــــــــــاده مــــــن خفــــايا الـــروح نبديهــا يعلــــــــكـــــــم للعيــــــد عــواده *كل عام و انتم بخير* | |
| ||
| |
|
11-30-2009, 11:18 PM
| رقم المشاركة : [ 279 ] | |||||||||||||||||||||
| عضو جديد |
الباركن الأول بقرااه وبرد عليج عقب ^^ الميث شكلج ماعرفتيني ايم نوت نيووو ! بذمتج ماعرفتيني اقري النك عدل .. افااا زعلت امنج ^^ سجلت لعيونج بس ^^ مطر عن تسوين به شي والريم بذبحج بعدني ترااا .. وراج وراج هع __DEFINE_LIKE_SHARE__ | |||||||||||||||||||||
|
| ||||||||||||||||||||||
| | ||||||||||||||||||||||
|
12-01-2009, 11:16 AM
| رقم المشاركة : [ 280 ] | |||||||||||||||||||||
| عضو فعال |
اديييييييييييييييييييييييييييييتهم انا ....^^تدرين توني ربطت بين النكين ما خطر فباليه والله مرحبااااااااا مليار ولا يسدن غلاج نورتي الغلااا السموحه منج بس خويتج مشفره اربع وعشرين ساعه ما خطر فباليه تكونين سجلتي هوووني احيم احيم من قدي ثرني مهمه لهدرجه فديتج والله رفعتي معنوياتي^^ اممممممممممممممممم عن مطور وريمان الايام بتقرر مصيرهم انا ما يخصنيه واهداء لعيونج عقب ما عرفتج لوووووول هالاهداء غير غير يا مرحبا يا حي شوفك وطاريك انت البدر وإحنا نجوم حواليك يا مرحبا باعداد هطال الامزان واعداد زهر قد تفتح لروياك الا بتخبرج انا من زمان عن العيناوي البارحه ما فتح لي ليش؟ ووووشسمه اتريا التعليق لاين عليه ^^ __DEFINE_LIKE_SHARE__ | |||||||||||||||||||||
| ||||||||||||||||||||||
| | ||||||||||||||||||||||
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| زواج المسيـــار وآآآآآآهـ من زواج المسيـــار | محروم.كوم | منتدى أخبار المواقع والمنتديات العربية والأجنبية | 0 | 06-19-2010 01:10 AM |
| صعب تلقي حد يحب بضمير | محروم.كوم | منتدى أخبار المواقع والمنتديات العربية والأجنبية | 0 | 05-29-2009 02:40 AM |
| ..|{.. وفقه ربي بغ ــيري ..}|.. .. | ! غرشوووبة بوظبي ! | الإستراحه العامة | 14 | 11-04-2008 01:13 PM |
| [ تضميني ] ... وڪأن ( الثلج ) هــgg " ص ــدري " | بنت الشيبه | هواتف , مسجات , وسائط , برامج , ثيمات , نغمات , بلوتوث | 29 | 07-09-2008 07:48 PM |
الساعة الآن 03:59 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227