| ||||||
| مشاهدة نتائج الإستطلاع: ¨°o.O ( اسمـ ح ـلي لو تلقى سواي غ ــيري ترى ما ينفــ ع ــك) O.o°¨ | |||
| >>>>حبيتوها ^^!! |     | 108 | 97.30% |
| >>>>ما حبيتوها ^^!! |    | 3 | 2.70% |
| المصوتون: 111. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
10-08-2009, 09:54 PM
| رقم المشاركة : [ 206 ] | |
| عضو فعال  |  فديتج خيماويه البارت بنزله الحينه ان شاء الله اتريه^^
__DEFINE_LIKE_SHARE__
| |
| ||
 |
|
10-08-2009, 10:27 PM
| رقم المشاركة : [ 207 ] | |
| عضو فعال | Part 9 اعذروني يا حبايب جان طولت الغياب... يوم نومت الهبايب بت في هم وعذاب... ياني مرسول الحبايب ياترى يحمل عتاب ... قال مده وانت غايب لا سؤال ولا جوااب... ريم... فتحت عينيه الساعه ست وربع خيبه ما صليت محد وعانا تطالعت حولي البنات كلهن رقود يودت فونيه تطالعت المسجات ماشي يديد ولا حتى اتصالات تذكرت اني رقدت البارحه وانا اتريا المسج وهذا اللي خلاني انسى اضبطه المنبه ع وقت الصلاه فريت اللحاف بعيد بكسل... اااخ يالبرد اليوم الجو ابرد عن البارحه ولا يتخيل لي؟ .. مادري نشيت توضيت وصليت ووعيت البنات يصلن بس لقيتهن اصلا ما رقدن غير عقب الصلاه عيل انا رقدت عنهن وما حسيت بهن ... اسير ايلس عند قوم يدوه ابرك لي من اني ارد ارقد واكيد كلهم نشو الحينه تلبست لي مخوره سوده بسلفر احبها وايد وخذت لي شيله طقم وياها وتجحلت وتعطر ولابد من الغلوس لا غنى عنه ^^ حلاتها الكشخه تحسين عمرج غير غير@@... وصلني مسج بسرعه فتحته بس خاب ظنيه كان مسج من الاتصالات .... كتبت "صبـــاح الشــوق متــجمع ... وباقـــة ورد مــا تذبل ... صبـــاح من قلــب يدعيــلك .... براحـــة بــــال مـــا ترحــــل..." وطرشتها لمطر ... شليت الفون ولبست الشيله يمكن حد من الشباب برع ما فينيه ع المواقف المحرجه ... حلاته يوم انش من الصبح والجو يكون شرات ما احبه ومزاجي حلووو صح افكر فيك حبيبي بس بعد متفاااااائله خير^^ ... تمشيت ادور قوم يدوه وينهم كل مره يغيرون مكان يلستهم شفتها من بعيد لا خلانا الرب منها وابويه وبروك اخويه اممممم غريبه وين قوم عمي معقوله رقود لا لا عموه دومها تنش من غبشه بس اكيد يتحوطون بين الحلال كنت اغني .... احب اغني وخصوووصا ليدووه الصبح تحتشر عليه هههههههه شفتهااا تبتسم لي حبيت اغلس بها ع الصبح قلت.... اسعد الله صباحج... واسعد الله مساااااج انتي يانون عيني ... ياهنا العاشقين... ان تقربتي مني فز قلبي جداج ... وان تباعدتي عني زاد فيه الحنين... ام محمد : اصبحنا واصبح الملك لله ياميه اذكري ربج من يساوي ودااادج من يساوي غلااااج...انتي دنيا المحبه يا ضيا القبلتين ابو مبارك: يا مرحبا الساع بالغلاااا وصلت لهم وطيت على روسهم اصبح عليهم شفت نظرة مكر فعيون بروك : شصبحتو يعلني افداااكووو؟! مبارك : نحن ترتوووب بس ما ظنتيه بنوصل لجوج انتي ريم: اكيد ما بتوصل ما سمعت حربي يوم يغني فينيه ويقول ... مفنود عن غيرك من الناس مفنوووود ههههههههههههه بو مباااارك: يعلني ما انحرم من هالصوت ولا من هالضحكه تعالي فديتج يلسي عدااااليه ريم... دوم احس ابويه يدلعني بزياده عنهم كلهم يعلني فدا قلبه الحنوون: وانا اروم ايلس بعيد عنك يالغالي... ام محمد: انت بدال ما تهزبها تبزيها زووود؟؟ بو مبارك: ليش ثرها شوه مسويه ريمان ياميه يدوه: ما سمعتها كيف شاله العزبه بصديعهاا بو مبارك : ياميه ريمان حبيبة قلبج تغنيلج اقوم انا اهزبهاااا!! ريم.... اذا زعلتي يا شقى نفس تغليج = ليتج عن الي يعصر الجبد تدرين واذا رضيتي يرضي الله اراضيج = احس كل الناس برضاج راضين محد بقبلي في غلاتج يساويج = يا من على كل من الماخليج تغلين بس قولي انتي كيف اسوي وانا ارضيج = لو عيني يفدنج عن العين عينين بروووك: منوه يروملها منوووووه يغنووون لعيونها ام محمد يدوه : انت لا اسمعه صوووتك ... اقوم اشوف البوش ابرك لي من منكرج بروك: وانا بسير وياج يدوه: اقوولك مابا اسمعه صوتك تسير ويايه بروك: ان جانج انتي تصبرين عنيه فانا ما اصبر عنج ^^ ريم: ههههههههه ابويه يدوه يوم تستحي ليش تعصب بو مبارك: والله يا بنتيه هذا طبع يدتج بس دامها استحت ع قوولتج يعني رضت عنج ريم: تراني كل يوم الصبح اغنيلها وكل يوم تعصب علي اوني انا ام المنكر ابو مبارك: يقولون يالريم فيج ريم حلو وموشم... تذبح الخفاااق نظراته يا حلاته يوم يتبسم... جنها رسمة شفاياته يوم خز وبالنظر سلهم... شلني بالحظ بيااته ليل على ردفه دجا مظلم...طايح ع الكتف لياته من يشوفه ما اعتقد يسلم...ياحلا عوده ولفتاته ما لوم العاشق المغرم...لو سجى وجر ونااته يوم ربي بالحلا قسم... مانساه وخصه بذاته طول ليلي اذكره واحلم...ماتفارقني خيالااته للجروح الدافيه بلسم...هو دوا جرحي وعلااته قلت لا كافر ولا مسلم ...فالبشر مخلوق شرواته ليت هو يترفق بي ويرحم...كان ما طول بغيباته وسواااالم ريم : يعلني ما خلا منك يابويه وصح لسانهم بس انا ما يفجج راسيه غير قصيد الغالي مطر.... وصلت قريب من قوم عميه شفته يالس ويعد قصيد بس محد موجود غريبه قربت اكثر وبين لي الشخص اللي يقصدبه عميه يالسين رواحهم هو والريم ومحد عندهم غريبه عيل وين قوم اميه ويدوه وحتى عموه ... ما عيلنا : صح لسانه الشااااعر بو مبارك : صح بدنه بو غيث مرحبا ولديه قرررب بو غيث يلست وانا اشوف الريم ويها غدا طماامه خخخخ: قريب عميه ريم... ياربي يالاحراج ^^ مطر: شصبحت الغالي بو مبارك : والله بخير ونعمه مطر: يعله حال مديم ... وانتي الريم كيف اصبحتي؟! ريم قلبي .. قلبي : بخير وسهاله بو مبارك: ريماني قومي قربي ريوق لولد عمج ريمان: ان شاء الله بويه مطر: وانت عميه تريقت بو مبارك : الحمد لله تريقت انا وابوك من عقب الفير مطر: يعله هني وعافيه ريم.. قمت اعابل فهالحراارات وهب رايمه اركز ابويه عندنا ويهيه قفط والله احراااج: قرب بوغيث مطر: قمت ويلست ع سماط الريوق ريم: شوه فخاطرك تشرب؟ مطر: شوه الموجود؟ ريم: شي حليب مفور... وشي كرك.. وشي شاي سليماني مطر: حليب ريم: صبيت له الحليب وقربت منه الكوب مطر: يلسي اتريقي ويايه ريم: مالي خاطر اتريق الحينه بتريا البنات سمعت ابويه يرد ع فونه يرمس عميه وقام عنا هاللي كان ناااقصني والله @@ مطر: عيل ما بتريق انا ريم: ليش؟ مطر:ما احب اكل روحيه ريم: عيل بتريق وياك مطر.. ابتسمت لها احب ويها يوم تستحي اونها مالها خاطر وبتتريق مع البنات وهي اساسا مستحيه مني... مريت علينا كم دقيقه ونحن ما بينا غير النظرات...سمعنا صوت مايد يصبح مايد: صباااح الخير مطر وريم: صباح النور والسرور مايد: الله الله منو يروووم لك بوغيث رومنسيات من الصبح وعلانيه بعد مطر: اقوولك ميود محد رمسك عن سهرة البارحه هاااه فلا تيبها لعمرك الرمسه^^ مايد : ههههههههههههههههه وانت ليش منقهر جان فخاطرك اسهر للفير ريم.. يمزحون اكيد صح ...!! سوالف الشباب انا شوه يخصنيه فيها والله حرقوولي ويهيه ... قمت بشرد عنهم مايد: وين وين الريم منوه بيصبليه ومنوه بيقربليه هههههههههههه ريم.... ما سويت له سالفه ... بس سمعت مطر مطر: وليش ان شااء الله تصب لك محناايه ايدك حرمتيه ما تصب غير لي انا ريم.... ابتعدت عنهم وانا اسمع ضرابتهم جنهم يهال ذكرونيه بفطيم وركوو يوم يتناقرون... تمشيت بعيد وصلت لين قوم يدوه يلست عندهم شؤي بس هم اصلا بيسرون للمزارع اظني مادري وين المهم اني سمعتهم بيسرون وانا مالي بارض... الساعه الحينه سبع ونص ملل شوه اسوي اتصلت بسلامه ....رن ورن ورن عقب سكرته فويهي هههههههههه اكيد راقده اممممممم البنات ما بيسون لي سالفه... واني ارد داخل العزبه للاحراج وقوم يدوه محد مستحيل... اتمشيت ويلست لي ع راس عرقوووب اوني عاد جو رومنس ع الصبح << جو فرضه علي الملل لا غير بس بيني وبينكو الجو غراااام تمنيتكو ويايه ^^ لااااااااا شوه هالظلم قوم شنغل ومنغل متى نشو اصلا اوووف يقهرون يعني انا ملانه وهم يتحوطون فالدراجات لو ادري جان رزيت بفيسيه من زمان عندهم سمعت صدعه حمودي معناته روضه ونورووه اكيد نشن... قمت وشليت الاي بود بعد ما طاح فالرمله يا كثر ما يطيح منيه هالايبوود وصلت لحمودي اللي يصيح كسر خاطريه وطيت عليه وشليته : حمودي الريال ما يصيح؟؟ حمود: بس هذي تقهربيه ريم .. يودت ضحكتيه وايد ماخذ راحته الريال: منوه هذي؟ حمود: اختج المعقده ريم: افا افا افا حد يرمس جي عن امه تبا ربك يغضب عليك ريم .. شفته سكت وصلت لين البرزه ويلست : انزين قولي شوه اللي يقهربك.. حمود: تقولي لازم اسبح واغير ملابسي انا ما اباااااا ريم: صدقها انزين حمودي: بس والله بررررررد خالووه برررررد ريم.. كسر خاطريه صدقه برد: انزين حبيبي ترا ماماتك بتسبحك بماي دافي وبتنشفك عدل وبتلبسك ملابس بتدفيك ما بتحس بالبرد ابد ابد حمود: اقووووولج ماااااااااااااااااباااااااااااا ريم: خيبه طريت اذنيه خلاص خلاص برايك بس لازم الحينه تلبس لك كندوره خوالك واعمامك يوم يشوفونك يشوفونك بهالبيجاما شوه بيقولون عنك وخلاف يوم اي الظهر بسبحك انا شوه رايك؟؟ حمود: زين بس بسرعه ابا البس عن تشوفني غزوله ريم: هههههههههههههه اوكي يالله بنتسابق منوه يوصل داخل قبل ريم.... وطبعا خليته يسبقني شي طبيعي بعد ما تلبس وطلع : هااه ام حمود ما بتطلعين برع رواضه : بظهر بس احس عمريه كسلانه شؤي خليني لين التسع وبظهر ان شاء الله ريم: لا لا حرام عليج تنشطي مليت من ست الا ربع وانا روووحي ما صدقت حد ينش روضه: ليش وينهم ريم: يعني فذمتج هلج يقروون لهم فبقعه لازم بيحوطون والشباب بعد يقهرون شلو الدراجات وساروو روضه: انزين اذا تبغين انش الحينه ابا منج عصير لومي ريم: بس عصير لومي افا عليج لو تبين كوكتيل فرش لعيونج الحينه روووضه : لا لا بس لومي دخيلج ريمان اباه باااااارد ريم: حاضرين كم رورو عندنا بس ما ابا اخلص منه الا والاقيج برع روضه : عبدالله نش ريم: مادري ما ريته ريم.... يالله كيف الوقت يخطف شؤي شؤي خلصت العصير والدبه لين الحينه ما ظهرت شفت نواري طالعه وغزوله راقده ع جتفهااا ريم: واخيرا حد راف بحاليه نوره : هههههههههههههه ليش .... صباح الخير ريم: صباحج نور وسرووور ... لاني مليت والله لو ما طلعتي دمعتيه بتنزل من الملل نوره : الحينه يوم اتملين تصيحين صدق ما عندج سالفه ريم: عاد هذا طبيعي غزوووووله الحلوه لين الحينه راقده وحمودي سبقها ولبس واختفى مادري وينه سار يلعب ما تبغين تلعبين وياه غزوله: لا ابا اسبح واتعدل بس ماماه تقول برد نوره: صدق انزين اتري شؤي لين تستوي عشر ولا 11 ريم: هههههههههههههههههههههههههههههههههههههههههههههههههه هههههههههههههههههههههههههههههه نوره!!!!! ريم: والله نكته قسم بالله ضحكتونيه نواره: عساها الضحكه ما تفارقج بس عاد ضحكينيه وياج ريم: ولا تفارقج ياربيه ... اممم حمودي يصيح يوم نش ليش ؟؟؟ نوره : ليش ريم: ولو ما يبا يسبح وغزوله زعلانه تبا تسبح نوره : فديتهن البنات والله انهن غير وراحه بال ولا هالمقلووع ربي يعين امه عليه روااضه: امين ربيه يعينيه عليه ريم: واخيرا شرفتي رووضه: وابشرج دخلت ع البنات وعيتهن ريم: ما اعتقد سو لج سالفه روضه : هههههههههه لا لا انا روووضه شكلين ما بحكي بدون بينشن يعني بدون ينشن كيف لكااان ...كلها كم يووم بنيلسها عقب بتسافرون بيقضوونها رقاد شوه؟؟! نوره : صدقج وانا بعد برد دبي ابا ايلس وياكن اشبع منكن ريم: انتي بعد ريلج معقد من سنه لين سنه ايبج روووضه: ما يصبر عنهااااا عقبال ما تعرسين وتحسين بها كيف عسل ع قلبج يوم ريلج يتعلق بج ريم... لا اراديا حمرت خدودي حسيتبهن ضووو نوره: ريم استحيتي يا حافظ عليج يا بنت سلطان محد غريب تستحين منا ريم: ههههههههههههه لا لا ماشي شغله استحي منكن شووه بقوم اشوف الرقود جان نشن ولا لا ريم... انا ومطر نرتبط فبعض لين ما يستغني عني ... ااه اكيد شعور حلو ... امممم من زمان وانا مالي غناة عنه بس متى بحسبه هو ما يستغني عنيه دخلت الغرفه لقيتهن رقود ماعدا ساره ريم: صباح الحب ^^ ساره : هههههههه يا صباح الشووق ريم: يا مرحبااا الساااع بسااااروووه ساره:@@ ريمان شعندج ريم: انا حشى علي ما عنديه شي فطيم: العلوم من صووووبج انتي ام العلوم ساره : ههههههههههههههه حرام عليكن ريم: زين انج واعيه يالله ما بقى غير هنووو مليت روحي والله ملل ملل فطيم: ورووضوه تخلي حد يرقد اصلا هنو ناشه بس مزاجها متعكر هنو: لو سمحتي ما تزهريش اشاعات عني دانا مزاقي عال العال ساره: الله يلوع جبدج شيابه طاريهم الحينه ريم: هههههههههههههه صدقها شلج بالمصري ع الصبح فطي: لا تضيعينها الساااالفه سهرة البارحه ما بتخطف ع المااااشي لازم بتعطينا التفاصيل عندج لين ما تتريقين لكن عقبها بترمسين بالغصب ساره: وكيف هذي بالغصب فطيم: بنظهر لج الفيس الثاني مال محظوظه ومبروكه تعرفينه طبعا ساره : هههههههههههههه بشرد عنكن ريم: وين عند ميودج عاااادي ماخذين عليه وما بنستحي عنه بالعكس الاستجواب بيحلى ويحلى ساروه: هع هع بشرد عند ذياب اتحدى وحده فيكن تقرب منيه لوووووول ريم: اممممممممم هذي صعبه هنو: خلها تشرد عنده لين متى بتم شااارده هااا بيمل منها وبيروغهااا ومردج لنا^^ ساره: خيبه خيبه قلبتن عليه اشووف فطيم: لا حبيبتي لين الحينه بعدنا اوكي وياج هذا بس اذا فكرتي تشردين ساره : امممممم انزين شوه تبغوني اقوولكن ماشي استوى ريم: هيه ندري ماشي استوى بس نبا نعرف كيف خطفبكو الوقت لين الفير ساره: تمشينا وعقب يلسنا ع راس عرقووب ذاك اللي نتيمع عليه مع قوم سلاموه ووو سولفنا فطيم: بس ريم: انزين شوه سولفتووه هنو: لا لا لا هب جي يسالووون هنو... قمت وانا اطالعها واضحك ويودت يدها امممممم زين والله نعومه بنت عموتيه ما بتفضحينا بالريال يوم يقرب منج ريم وفطيم: هههههههههههههه ساره: ههههههههههههه جب انتي وياها انزين سخيفات ريم: انزين انزين فشوه سولفتووه ساره: ما يخصكن فطيم : هذي اللي بتقومني من هالشبريه الدافيه وانا مالي بارض سويره ارمسي بالطيب والله ابرك لج اذا قمت ما بيفجج عنيه لا ذيابووه ولا حتى ابووج ريم وهنو... هزينا روووسنا موافقات ساره : هااااه فطيم: هيه حبيبي سارووه شوه قالج اخويه ؟؟ ساره: قال بنعرس قريب البنات : شوووووووووووووووووووووووووه ساره: شوه شوه قال يبانا نعرررررررس قريب فطيم: لازم يخربونها السفره ما بيرتاحون غير ما يكنسلوونها هنوو: ليش شوه يخصه ريم: بس عميه اتفق وياه انه بس ملجه اصلا القسم ما خلص ساره: وانا قلت لكن العرس عقب يومين البناتت: ...... ساره: لا هو يعني لين ما يجهز القسم وجي يباله شهرين ثلاثه يعني بتسافرووون شوه يخصها السفره فطيم: اممممم تدرين عاد يات بوقتها هالفكره بناخذ لنا فساتين من هناك احلى هنو وريم: ووووااااو فكره و والله التفتنا كلنا صوب الباااب رواضه: حلفي ريموه حلفي انتي بس ريم: شوه!! روضه: الحينه انا نشيت عشانج تخلونا برع انا ونورووه وانتن يالسات بكشيشكن وسوالف وضحك ريم: ههههههههههههه خلاص خلاص انا بس حبيت اتاكد منهن الحينه بطلع وياج وهن خلاف بيظهرن وبعد ربع ساعه تيمعنا كلنا ع الريوق وتريقنا وغزوله وحمودي يلعبووون وتمينا انسوولف ونصحك والجو كشخه هنو: بخبركن سالفه بتضحكون عليها طبعا انتن تعرفن عمكن ما يحتاي اخبركن عادل امام يضحك الكل وهو شرات ابو الهول ملامحه لا يمكن تتغير رووضه: والله انا احيانا مادريبه هو معصب هو يضحك من كثر ما ملامحه جديه هنو: المشكله انه دومه يضحك ويسولف بس الكل يتحسبوونه معصب ما علينا اتيكن السالفه عينيه كانت تعورني ايام الامتحانات وهو طبعا اهم شي عنده فتره الامتحانات خذاني لدكاتور قالو لازم موعد منيه مناك ما طاعو قالو لازم موعد عاد عمكن لازم يسوي اللي براسه قلت له خذليه موعد وخلاف بنيهم وهو راكب راسه يبا تحويل من الطوارئ ع ساس اسرع من المواعيد وطبعا بنت عمكن بطنها ما فيه شي وطبيب الطوارئ ما بيعطيني تحويل فقالي ابويه انتي بطنج يعورج قلت له لا قالي اقوولج بطنج يعورج هههههههههه فهمت عليه قلت له هيه واااااايد ريم: طالعو التمثيل انتو بعد تكمل وياه هنو: والله ضحك ذاك اليوم... المهم دخلنا ع الطوارئ وانا حالتيه حاله مستويعه بنت عمكن وما اتحرك من زود الويع وابويه يرمس ويرمس ع الدكتور والله تمثيل شرات ذاك الييوم ما شفت وخلاه يوصفلي دوا لبطني قال الدكتور لازم فحص ابويه ما يبغي هالمصري يفحصني طبعا وانا ما فينيه شي... المهم قاله لا ما يحتاي عطنا تصوير اشاعه وكل شي بيبان لك ان شاء الله طبعا الدكتووور مستغرب من ابويه هو اللي شخصنيه وهو اللي وصف ليه الدوا وهو الليه حدد نوع الفحص كل هذا هو يرمس بكل ثقه وجديه محد يشوفه يقول هذا يخرط وبنته ما فيها الا العافيه... المشكله انا ميوده عمريه عن اضحك بالغصب واحس ملامحيه الدكتور يشوفها من ورا الغشوه والدكتور مسوي سالفه لبويه لانه لابس الدريس وشكله رسمي وما شي مجال اصلا انه يشك فيه المهم كتب لنا ع الدوا وع الاشاعه قاله ابويه دكتور الالم هذا ماله علاقه بعينها اليسار وبكل ثقه يرمس البنات: ههههههههههههههههههههههههههههههههههههههههههه عميه وين يبا معده وعين ليش شوه يخصه هنو: الضحك هب على ابويه الضحك ع الدكتور الخديه شاف ابويه بالدريس وواثق من رمسة ما يبا يقوله شوه يخصه... طلع زايغ من الدريس.. قاله ااه ممكن ممكن اوي قاله : عيل ما عليك اماره يادكتور عطنا تحويل ع دكتور العيون ههههههههههههههههههههههههههههههه والله ذاك اليوم ضحكنا ضحك هب طبيعي ابويه ظهر من عنده يقول الحمد لله والشكر فذمتج هذا دكتور وعقينا دواه والاشاعه طاف ما سويناها روضه : والله عميه كان متفيق ذاك اليوم هنو: والله كان خاطري اصوره تشوفونه كيف محطي ريل ع ريل وياشر على بطني وعلى عيني ويسوي حركات بعيونه بعد اونه يفكر ههههههههههههههههههههههههههه ريم: ولاا الدكتور يمشي وياااه اه ممكن اوي اونه ساره: وسرتو لدكتور اهم شي هنو: هيه هذي بروحها سالفه بعد ههههههههههههه سمعنا صوووت الدراجات قربت منا شكلهم دخلو العزبه تطالعنا بعض @@ نيهاهاها نباها الحينه دورنا ما يخصنا فيهم ريم: عليهم بنات البنات : عليهم ريم... قمنا ونحن فنيتنا هجوووم شنيع ع الشباب وما بنرد من عندهم الا والدرجات ويانا بس للاسف ردينا بفشل ولا يبغون ريوق بعد ليش لانه ذياب كان موجود وما قدرنا نرمس براحتنا ما ناخذ راحتنا وايد عنده تعودنا عليه برسميته واصلا هب من زود ما نشوووفه بس فطيم ما ينرام لها طرشت مسج ورسمي وايد ما فيه اي دلع او رومنسيه "ما عليك امر سعود نبا الدراجات ع العصر " هع هع تبا يحس به هالطلب جدي وانه لو رفضه بتزعل وهو امبوونه ما بيرفض بس الحرص واجب خخخخخخ وتمينا سوالف وضحك لين ما يونا قوم راكان ومبين عليهم انهم متفيقين قلت بنتسلى وياهم ريم: مرحبااا الساااع بالغوالي قربوو قربووو فطيم... شفت الضحكه كيف ع ويهم وفهمت ع ريمان تعالو تريقو الريووق زاهب راكان: اي ريوق الحينه العرب بيتغدوون ساره: قلنا يمكن ما اتريقتوو زايد:لا من زمان واعين نحن وتريقنا والا تقهوينا بعد ريم: ما شااء الله يعني حمود فايق لنا دامك تريقت وتقهويت حمود: الا فاااااايق خير شي فخواطركن فطيم: عرض لمواهبتك الغاويه ولد عميه حمود: هههههههههههههه لهدرجه انا موهوب هنو.... ما يطالعني ليش معقوله ما حط عينه فعيني من البارحه اصلا حتى ما صدى صوووبي!!!!!!!! ساره : الا موهوب وموهوب تيبهم كوبي بيست والله حمود: فالكن طيب بس نتن اطلبن وفالكن طيب ريم: فالك ما يخيب اممممم اممممممم نبا تقلد لنا ناصر والله تييبه بشكل مش طبيعي حمود: مليت منه عاد كل مره اقلده لكن فطيم: هيه هيه نباه كشخه وسحر بابل بعد حمود .. رديت ظهري لورا وعدلت جتوفي وقدمت سفرتيه طشووونه وبديت اشلها لهن وانا اقلد شفايفه كيف يحركها ولا ايده يوم يرفعها وياشر بها والبنات يصفقن ويضحكن حمود: هااه يبته لكن فيطم: عشره على عشره حمود: هنو تحب المياسي يوم يغني يا راعي العين الذبوحه وبديت اقلده والبنات يضحكن علي لاني ابالغ وايد يوم اقلد المياسي اووونه راقد ويغني ساره :حمود حمود دخيلك حربي يوم يتدلع حمود: يا كثر ما يتدلع هالحربي اممممممممم اي اغنيه عاد انا مش حافظ له الا خلاص منك مل صبري ريم: اوك اوك وايد يتدلع فيها حمود: بديت اقلده واتدلع بزوووووووووود سمعنا اصوات مواتر قوم عميه ويدوه عاد استحيت اقلد عندهم قلت لهم ببسكن خلص العرض ريم : صدق حربي يتدلع بس والله فنان ^^ البنات: هيه والله صدقج زايد: عاد انتن ما بترضن عليه اكيد البنات : اكــــــــــــــــيد وحطينا الغداا وتغدينا والجووو غراااام الشمس ما شفناها من زود السحب وعقب الغدااا تيمعنا كلنا فالغرف لنه المطر كان قوووووي وخرس الدنيا برع ونحن البنات منقهرات لانه الدرجات اليوم بعد راحت علينا والشباب ظهرو يتحوطون وسولنا طااااف محد فيهم طاع يشلنا اونه بيسرون بموتر واحد ليش من قل المواتر؟؟ طبعا لا بس ما يبغونا وياهم اوووف والله يقهرووون.... وتمينا داخل لين ما بدا المطر يخف وظهرنا برع ع الساعه اربع ونص تقريباااا واحتشرنا على عميه خليفه لين طاع يشلنا وشلنا كلنا حتى نواره وروااااضه وحوطبنا لين المغرب وفججلنا روسنا فهالجو الحلووو... احلى س سوم شفنا الشبااب وسحبنالهم ويل وقهرناااهم... ويوم اتصلو بعميه عطاهم هنو ترد عليهم وقهرتهم اونه ساره اللي تسوووق وفون عميه ناسنه فالموتر شووه ماتو بغيضهم هع... يتصلون فيني وففطيم وفساروه ونحن اكبر طاف بس للاسف اتصلو بابويه وخرب علينا الخطه قالهم خليفه شلهن وياه هههههههههههههههه بس يالله اهم شي ردينا لهم الحركه ومن عقب المغرب الاجواء كانت هاديه وخصوووصا الجو كان برد مووووت من عقب هالمطر والقاع خرسانه وبارده ما سؤينا شي ياغير متوالفين حول ضونا ونسمع سوالف يدوووه وما حلت السوالف غير يوم قالو لنا ا زهبن للعشى لانه قررنا نشوي اليوم ترابعنا جهزنا اللحم والدياي وطرشناه صوب قوم ابويه ونحن جهزنا السلطات وهالسوالف ونوره قالت بتسوي لنا عيش ابيض للي ما يبغي الخبز نص ساعه وردينا ليدوه بسرعه لانه كانت تسولف لنا كيف يديه شافها وكيف ما رد لهله الا هو خاطبنها هنو: السلام عليكن قوم يدوه: وعليكن السلام يدوه: هاه بناتيه خلصتن عشاكن فطيم : كل شي رتبناه وزاهب ريم: يدوه لا يكون طافنا شي يدوه : لا لا مره ما قلت شي الا يالسه وتسمع ذالقصيد الغاوي ساره: انزين خلاص برايه الرادو الحينه كملي لنا السالفه يدوه : هيه الله يرحمك يابومحمد ويغمد روحك الينه الكل: اللهم امين .. ربي يرحمه الغالي يدوه: نحن كنا لا نعرفهم ولا يعرفووونا وبالصدفه شافنيه وعزر على ابويه انه يخطبني من غير اهله وانه بيبهم عقب بس لانه كان مسافر رووحه من غيرهم ريم: ياسلام يا سلام صوبته ضبابه فطيم: انزين اميه هو كيف شافج وووين؟؟ يدوه: ااه .. انا كنت اروي لهليه الما وانا راده وشالتنه فوق راسيه شافنيه هذا اللي اتذكره ساره: يا سلام شاله الماي فوق راسج هااا يعني الايد رافعتنها ومسويه اغراءات ليديه ناعمه: سارووه حشمي يدوه: ههههههههه خليها صدقها انزين ترا ما صوبه غير جمالي ... انا كنت احلى بنات ربعنا وكان عوديه حلوووو وهو روووحه اعترف وقالي لو رده ابويه كان بيتخبل البنات: الله الله ع الغراميااااااات ريم: ويدوه ما تذكرين كان شي مهب ولا لا يومج راده ورافعه يدج فوق راسج البنات : ههههههههههههههههههههههه يدوه : ههههههه والله يابنتيه ما اذكر المهم يووونا عاد وخطبونيه وانا عدنيه ياهل اصغر عن الهنيفي ومحد سوالي شؤر وهم يااين من بعيد ومتعنين وانا كنت العب برع وما عنديه خبر انه الليله عرسيه البنات : شووووووووووووووو يدوه : عاااد فالليل يتني امايه وقالت لي السالفه وانهم عرب ياينا من بعيد ولازم اسير وياهم وانا هب فاهمه ليش لازم اسير تميت اصيح وابغم لين ما خلوني عند اميه ذيج الليله ولا شفته ومن الصبح اميه يابت الحنى وزينتني ما يا المغرب الا وانا بكامل زينتيه عروووس كاشخه ياغير هب فاهمه السالفه ولا ادري شوه اللي يخليني لازم ابعد عن هليه وزفوني لريليه هنو: حراااام ليش جي ناعمه : صبركن بتيكن السالفه عقب يدكن بيغمضكن يدوه: هيه عاد شرات ما صحت وبغمت على اهليه وصدعة بهم ما قصرت فيدكن ربي يرحمه شليت الدنيا بصياااحي البنات هههههههههههههههههه فضيحه يدووه يدوه: وحليله يدكن افتضح فالعرب قالي بس ضخي ومن غبشه بوديج جدا امج وهذا اللي استوى سرت لمايتي وتميت عندهم سنه كامله البنات : يدوووه كيف جي ابوووج ما احتشر عليج فضحتي فالعرب يدوه : يدكن رحمة الله عليه كان طيب وراعا خاطري قال انه بيخليني عندهم هالسنه لاني ما طيق فراقهم وهو بيتم يزورنيه وانا عندهم لين ما اتعودت عليه وخلاف شلنيه عنهم عاد نحن يوم نعرس ونبعد عن اهلنا ماشي ابا اسير لهليه ابا ارقد عندهم اتولهت عليهم لا ... خلاص يوم بنعرس يعني بفارقهم وهذا اللي كان يصييحبيه لكن شروا يدكن وحنانه ما ريت فطيم: انزين يدوه ما كنتي تتولهين عليه يدوه: ااه منج انتي ام الطفاااسه ريم: يدوه عاااد نبا نعرف يدوه: كل حرمه تتوله على ريلها ساره : يا حافظ ع الدبلوماسيه ريم: دبلۈمآسيه عليهآ اسلۈب يقنعني دبلۈمآسيه تسآيسني ۈتدلعني تسآلني اذا زعلآن أۈ رآضي تسألني اذآ مشغۈل أۈ فآضي ۈتبدى عآد تقۈل اللي تبي تقۈله فـ هاللحظه تطۈل اللي تبي تطۈله يدوه: بس بسج ام المنكر هنو: انزين يدوه كيف كان يتغزلبج يديه يدوه: يوم اشوفكن معرسات كلكن بخبركن جان ربيه عطانيه عمر الكل: بعد عمر طويل ان شاء الله فطيم: لا لا لا توها احلوت السوالف يدووه: اقوول لا تكثرينها الرمسه فطيم : تقهرين ضبااابه يدوه: بس صخي عنيه خلينيه اسمع رادوي ~~~~~~~~~~~~~~~~~~~~~~~~~~ وفهالوقت بس فالوقن وتحديدا فبيت سعيد العامري حمدان الليله بيعوض رضيعاته عن مقلب ذاك اليوم وعدهن يظهرن ويحوطبهن بس للاسف شمسه فاتتها السيره لانه بايته فبيت عمهاا فابوظبي... فشل حمدان خواته مهره وسلامه بيحوطبهن حمدان: لو خليتونا نشل هالصغاريه هب حرام عليكن البنات: لاااااااع ما نبا صدعتهم انته اربع وعشرين ساعه برع لكن نحن العكس ملينا منهم ومن صدعتهم خلنا نريح شؤي حمدان: انزين غريبه خواتي العزيزات هدوووء عام الليله ولا شمسه هي الخريشه مبينكن مهره: جان تبا الصدق كلنا فينا خيرنا هههههههه سلامه: بس ما عرفنالك كل مره انسولف تسكتنا واليوم يوم نحن رواحنا سكتنا تبانا انسولف حمدان: عاد مزاجي اليوم اوك مهره : انتو ليش محد فيكم عرس لين الحينه سلامه: شيابه هالطاري الحينه مهره: مليت الروتين ابا شي يديد فحياتي حمدان: وانتي تملين نحن نعرس؟ سلامه : هيه والله ع حسابنا يعني مهره : اصلا العرس ربشه وناسه بتدعولي سلامه: لا والله مهره : ما شفتي الاجواء كيف يوم سرنا ملجة الريم حمدان:منوه الريم مهره: ما يخصك حمدان: نعااام؟؟ اقوولش لا تنسين انش بموتريه سلامه : تعرفهم قوم المنصوري ربعك ظنتيه حمدان: وانتي الثانيه شعرفش بربعي سلامه: لاحوول يعني انت خبرتني عنهن اول ما دخلت الجامعه ولا نسيت حمدان:..... حمدان : هيه هيه ثرها بنتهم بعد انا ع بالي بس الشباب اللي ملجو سلامه: الشباب 2 واحد منهم خذ بنت عمه اللي هي ربيعتي والثاني خذ بنت عموته من هل دبي حمدان : اهاااا حمدان.... معقوله ام نعال تكون ربيعة سلامه اللي عرست؟؟ ... لا شكلها بنوته كيوت توها ع العرس ... اممم وانا شلي انزين هي ولا لا ... مهره: حمداااني حمدان: هممم مهره : ما قالك ابويه شي هالايام؟ حمدان: بخصووص شوه؟ سلامه: ما يابلك طاري شي يخصنا حمدان: لا ليش شي مستوي سلامه ومهره: هههههههههههههههههههههه حمدان: والله اشكالكن مخططات ع شي من وراي مهره : هيه نعااام ونحن بنات سعيد حمدان: وتعترفن لي ما شاء الله خوواتي احسدكن ع الصراحه اللي تتمتعون بها مهره : والله عاد ما سؤينا شي غلط نحن سلامه : هيه بالعكس شي انت المفروض تحثني عليه حمدان: احثش عليه؟ سلامه: يس يس حمدان: واللي هووو؟؟ سلامه : صلة الرحم طويل العمر... حمدان... يا سلام يخططون لسفره بكل هالسهوله وانا اخر من يعلم ممممم بس ما حبيت ابين لسلامي اني تضايقت عن تشل فخاطرها هي حساسه وايد من هالموضوع حمدان: شي طيب والله ومتى ان شاء الله بتوصلينه الرحم مهره: هالاسبووع حمدان: اولا انا قلت بتوصله الرحم انتي ليش رازه بفيسش ثانيا انا قلت بشلج لهم فالصيف مهره: اولا نحن برز بفيسنا رباعه انا وشميس وابويه ماعنده مانع ثانيا ما يمنع نسير الحينه ونسير لهم بالصيف هع هع حمدان.. سكت عنهن دام السالفه فيها الوالد برايهن : انزين وين فخاطركن تتعشن سلامه: وين ما تحب حمدان: جان الشؤر شؤريه بشكلن للكفتريااا مهره و سلامه : لا والله حمدان: هيه والله ~~~~~~~~~~~~~~~~~~~~~~~~~~~~~~~~~~~ ساره.... حطينا العشى ويلسنا نحن البنات بنتعشى عقب ما وزعنا الاكل لرياايل والحريم وصلنيه مسج "تدرين غناتيه شوفتج تسدني عن هالدنيا وما فيهاا" ساره....؟؟! غريبه متى شافني اخر مره المغرب .... اممم مادري تعشينا وطبعا الحريم يغسلن من صوب ويدورن المخده من الصوب الثاني وكالعاده توالفنا نحن البنات ع ضونا وما نستغني عن الحلاوه وهالسوالف وتمينا نسولف ونضحك وحسيت بالريم سرحانه وتفكر وجنها هب ويانا ساره: ريماني ريم: لبيه ساره: لبيتي ومطر محرمج قولي امين ريم: هههههههههه امين امين امين ساره تولهت ع صووتج وين سرحتي ريم: هههههههههه ثرج زاختني فطيم: ما يبالها وين بعد اكيد جدااهم ريم: احم ....يا ساكن روحي ولا نساك ... تدري بحبك ساكنيني بس تعتريني بعض الاوهام يضيق صدري ويزعجنني ان قلت لك خايف من الايام اخاف لا تاخذك عني قلب بنى ع حبك احلام... شوفك منايه والتمني البنات: وينه يسمعج ههههههههه ريم: المهم انا حسيتبها الاغنيه مش لازم يسمعني ريم... كملن البنات سوالف وانا كتبتها بمسج وزينتها وطرشتها صوبه.... هنو:والله خاطريه فالموتر من اول يوم ينا للعزبه شو ها باجر اكيد اخر يوم فطيم وساره : هيه والله ملل ~~~~~~~~~~~~~~~~~ مطر... وصلني المسج وفتحته ما كنت متوقع الريم والله اني اتلوم فيها هذا ثالث مسج تطرشه وانا مسوي لها طاف احترت شوه من المسجات اردلها تميت افكر كم ثانيه قلت بقوم اشوفهاا ... وصلت للبنات لقيتهن حول ضوهن يالسات شروا العيايز واكيد قرض فخلق الله مطر: السلام عليهم ريم... معقوله ياي من عقب ما طرشت له المسج لا فهمني غلط هوووو.... البنات : وعليك السلام والرحمه فطيم: يت بوقتك خيووو هنو: طالبينك طلبه لا تردنا مطر: براي ريم جان تباني البيكن ولا اردكن البنات : هههههههههههه عيل بس ظمنا الموتر مطر: الموتر؟؟ البنات : هيه هيه هيه مطر: فهالليل البنات : مطر دخيلك مطررر مطر: والريم شوه رايها ريم... تطالعته وتطالعت البنات ريم: امممم هيه فخاطرنا ^^ مطر: تم عيل بس ع شرط البنات : شوه شرطه بعد؟؟؟ مطر: اسير انا وياكن لانه الدنيا الحينه ليل وما يتامن عليكن رواحكن البنات : اوك مطر: خلاص عيل بقرب الموتر مطر. .. سرت وقربت منهن الموتر وشفتهن يتعافدن ع السيت مالي : لحظه لحظه شوه السالفه كلهن مع بعض: نبا انسوووق مطر: انزين اوكي كلكن بتسووقن حشى يهال ... اترين كلكن ورا الحينه وريم هي اول وحده بتسوق هنو: لا والله ظلم مطر: وليش ظلم ان شااء الله هنو: لانها فكرتيه مطر: وريم حرمتيه هنو: شوه يخصه يعني مطر: يعني الموتر موتريه والريم حرمتيه يخصه ولا ما يخصه هنوو: بيذلنا بموتره ويا ويهه مطر... اول مره حد يرمسنيه بهالاسلوب عيبني هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههه ضحكتني ومن زمان ما ضحكت: متى ظهرلج لسان انتي؟؟؟ هنو:..... مطر :ياللله جان بتسوقين ريماني ريم... اسوق وهو عدالي عز الله ما ركزت : لا بوغيث ما بغي اسوق فالظلمه انا خلها هنو تسوق بدالي هنو: يحيا العدل يحيا العدل مطر: استانستي انتي هنو: ههههههههههه طبعاااااا مطر: بس فطيم بتسوق قبلج هنو: ع كيفك شوه مطر: هيه ع كيفي موتريه واختي اولى يقولج الاقربون اولى بالمعروووف هنو: وانا بنت عمك بحسبة اختك مطر : بحسبة اختيه بس هي صدق اختيه هنو: اووووف مطر: هههههههههههههه والله انج سوالف خلاص انتي الاولى يالله هنو... ربعت من قال يالله ما صدقت خبر وتم يحوطبنا ويسولف ويبس مع عيضه وميحد يعني كان مطر غير هب ولد عميه اللي اعرفه وسقت انا وفطيم بس باقي البنات ما بغن اونه فالليل ويخافن يسوقن فالظلمه... وبعد ساعه تقريبا ردينا للعزبه طبعا مطر اللي ردنا ولا نحن ما ندلها وين افترت روسنا مايد: يا سلام هذي اولها تظهرين دون شؤريه ساره... اخ ويهيه احرقني اخواني ايلوس وعيال خوالي لووولز مايد: وانت برفع عليك قضيه جيه تشل الحرمه من غير شؤر ريلها مطر: عاد اللي يسمعك خاطفينها ولا شليناها عنك شهر الا هي ساعه مايد: حتى لو ما صبر عنها ياخي الشباااب : هههههههههههههههه مسكين حالك ساره... هين يا ميود هذا وانا موصيتك عن تحرجنيه وجي تسوي ما بسهر معاك اليوم عقابا لك... البنات دخلنا لقسمنا ونوره وروضه دخلن يرقد.. ونحن تمينا لين الفير مايد فوق روووسنا يبا سؤيره وهي مسويه عمرها زعلانه وما تباه حراااام هههههههههههههه لين ما ياس منها ورد لشباب وبدا يطرش لها مسجات بيعرف ليش زعلانه .. ريم انا بالنسبه لي ما قدرت اصبر لين الساعه 2 كنت خلاص مسطله لاني نشيت من وقت اليوم رقدت برع عند البنات وقل لهن قبل لا ترقدن وعوني اصلي ع الساعه تسع ونص الصبح وعونا كلنا لانه الكل بيرد روواضه من الساعه سبع فالمستشفى بتربي .... حسينا الخبر صاعقه مع انه ندريبها موصله لكن فرحة النيو بيبي غير بسرعه بسرعه يمعنا قشارنا وردينا لبيوتنا تسبحنا وشلينالها اكلات هالحريم وطيران ع المستشفى وترينا لين الساعه 2 ونص لين ما ودها لغرفتها مسكينه شكلها تعبت وايد .... لفـــآني الخبر~ وزاد الفرح بســلامة* الغالي* وبقدوم> الغلا < لفـــآني وأنا طـــاير من الفرح يوم أشوف* شما *وفيها >الحلا< ~~~~~~~~~~~~ متميز(ن) فيها آلجمـال بوصــــووفه مــــآخذ مــن روض ـهـــــآ... احلات شما والروض لي منه اظهرت وأملت علي الدنيا بنورـــــهآ... عبدالله.. احساسي ما ينوصف فرحتيه اكبر من اني اعبر عنها ما خليت ولا سله حلاوه ولا بوكيه ورد الا ويبته وحطيته فغفتها قبل لا ايبونهااا... يابوها وكانت رااقده فديت هالويه لاخليت منه يلست امسح ع شعرها فتحت عينها وابتسمت ويها تعباااان قربت منها وحطيت راسها ع صدريه: تستحقين السلامه روض قلبي روضه : ربيه يسلمك الغالي... شفتهااا عبدالله: قمرر طالعه ع امها رووضه : ههههه فديت روحها وينها ابا اشوفها عبدالله: انتي الحينه ارتاحي وبيونج قوم امايه وبيلسون عندج شؤي وخلاف يوم بيخلصون فحوصاتها بقولهم ايبونها اوكي حبيبي روضه: ان شاء الله وين قوم عموه عيل عبدالله برع ما خليت حد يدخل هههههه قلت انا بيلس عندج قبلهم فهاللحظه حدرو علينا اهليه... فطيم.. من شووقي وصل لين الباب وفتحته من غير لا ادق وطااااااح ويهيه ما دريتبه عبدالله داخل محد قالي والموقف كان رومنس طشوونه وين اودي ويهيه الحينه: السلام عليكو راكان: حرمه طول بعرض ما تعرفين تدقين الباب فطيم: صخ عنيه ركو روحي متلومه فيهم الكل كان يسلم ويبارك والغرفه معتفسه فهاللحظات فطيم... حبيت اتحاشى هالموقف المحرج ظهرت اشوف بنوتتنا الحلوه ...وصلت وتميت اتاملهاا فديتهااا صغنوووونه منتفخه جنها فلبنيه هههههههههه حسيت بحد وقف عداليه ... التفت سعود... سعود: ليش تلتفتين لوحد غريب !! فطيم: سعودوه زيغتنيه ههههههههه سعود: علني افداااه قلبج هههههههههه الحينه وين بنتنا ؟ فطيم: هذي هي ما تشوفها البنت الوحيده؟ سعود : وانا بميز البنت من الولد!! تميت ساكت كم ثانيه واطالع اليهال : عقبال ما اوقف هالموقف وادور ولدنا من بين اليهال فطيم.... ذاب قلبي كان يرمس بحنان وهدوووء الله لا يحرمني منك وطيت راسي وانا ابتسم.... عند روااضه .... نواري : واااااااااااااااي يافديت روحهن البنات يخبلن فذمتج ما تدخل القلب ساره : الا تخبل كتكوووته الكل: ربي يحفظها فطيم: زين يوم ربيتي ولا كنا بنسافرعنج رووضه : ههههههههههه فيج ولا بدونج بربي تراني فطيم : بس غير يوم تفتحين عنوونج ع هالويوه السمحه رووضه: يالله ع الثقه غزلان: ماماااااااه مامااااه نوره: شوه حبيبتي غزوله: ماماه شهابووه متى بيب حمودي ريم: اصغر عيالج شهابووه غزوله : ما يخثج انتي فطيم: بنتج هذي خليها عندي يومين بس يووووومين وشووفيها عقب هاليومين جان ما غدت حرمه ريم: حرااام عليج فطيم: كلهم مقاليع وعليهم لسان شووه هااا الحاله خاطريه فياهل يكون كيوت دلووع محترررررم ... ربها شمااني تخلف عنهم ريم: هههههههههههههههه مستحيل لازم يعطونج بدال الكلمه عشر ولا ما بيغدون مناصير حبيبتي ساره: صدقها والله هنو: وبعدين كيف تبغينها تخلف عنهم واخوها حمووودي المقلوع ريم: يوم بتردين دبي نواري خليها عدنا اسبوووع بس نوره: فديتها بنتيه مالي غناة عنها والله لو يسمعكو ابووهااا ريم... كنت افتح الباب بظهر لشهاب قال انه ياب حمود...: خوفتينيه بريلج عاد مطر .. واقف بدق الباب شفت الريم فتحته وتقول خوفتينيه بريلج عاد: بلاااكم ع حرمتيه ؟؟ ريم: بسم اللله فلختنيه ام مبارك: حياك ولديه محد غريب مطر: السلام عليكوالرحمه الكل : وعليك السلام والرحمه مطر: تستحقين السلامه بنت عميه روضه : ربيه يسلمك بو غيث مطر: وينها شموووه ابوها متخبل ما خلا حد الا واتصلبه يبشرهم بهااا نوره: هذي هي الصغيرونه ام عبدالله : ولديه جان ما تعررف لها خلها عنك مطر: لا لا بشلها هاتووها ريم.... انا دووووخت من خطف من عدالي عنبووه متسبح فالعطر ما ظنتيه بقى شي من العطر وكاااااشخ بالرمادي يا ويل حااالي يالله ما اقدر اوقف ع ريوليه مطر: بسم الله الرحمن الرحيم...ما شاااء الله متنفخه بنتج ع الموضه ههههههههه يدوه: كل اليهال جي ياولديه مطر:طالعه فلبينيه على هالملامح روضه : حراااام عليك مطرررر هين بنشوفهم عيالك عقب ملامحهم باكستانيه مطر... رفعت عينيه ع الريم وانا اضحك رووضوه صدقت عااد بنتها فلبينيه: برااايهم عياليه ان شاء الله بتان يبانيين دام امهم الريم ريم... لا لا انا يبالي شبريه عدال الرووض@@ههههههههه انقذنيه الباب اللي اندق ودخل منه حمودي شروا الصارووخ حمود: ماماااااتي وعفد ع شبريتها وكلنا نضحك عليه روضه: مرحبا حبيب ماماتك تعال ببوسك من زمان ما شفتك حمود: ماماه عميه شهاب شلني للعراقيب ونااااااسه وانا بعد سقت موتره وناااااسه الكل: ههههههههههههههههه شهاب: تقرير تقرير حمودي السلام عليكوو الكل : وعليك السلام غزوله : ماماه لبيعي يااااه شهاب: حياتي غزوله وانتي بعد ربيعتيه غزوله : هب انتااااااا انا لبيعي حمودي وبث حمود: انا ما رابع بنات شهاب: هههههههههه شوه تبغينه حمودي هذا خايس انا احسن عنه غزلان: ماماتي ثوووفيه اخوج شهاب: خااالج انا شوه اخوووها.. واصلا هو ما يبغيج غزوله صااااحت..... نوره : حرام عليك انت وياه بنتيه حساااسه شهاب: انزين يالله بنات جلدي كاروووه وراي الف شغله وشغله البنات : وين؟؟؟ شهاب : ابويه يقول اتزهبن بنسير دبي بنتعشى هناك وخلاف بنتريا الطياره لين موعدها البنات : ما تزهبنا بعدنا شهاب: انزين انقفظن يالسات لين الحينه مطر : خلهم عنك انا بوصلهن انت شوف اشغالك شهاب : والله تسوي فيني خير حمود: انا بسير وياك عمي شهاب: لا لا لا انا ما اتعنيت لين المستشفى الا ابا فرقاااك حمود: واااااااااااااااااااااااااااا شهاب : طالعو الريال يصيح؟؟؟ حمود: انا ابااااك انت ليش تخليني عند الحريم شهاب : اتريا باباتك الحينه بي يشلك حمود: ماااااباااه اباك انت شهاب لاحوووول ولا قوه الا بالله ام عبدالله: شله ولديه وياك بتسافرون عنه بيتوله عليكو وحليله شهاب: امري لله يالله شي فخواطركن الكل: سلامتك شهاب : يالله فداعة الله الكل : فداعة الكريم مطر: يالله بنات رووحنا البنات: سلمنا عليهن وع رواااضه فطيم: بشتاق لج انتي وبنتج دام اني فلبنان بس من ارد ما اعرفج ولا اعرفها من الحينه اقووولج روضه : ههههههههه مالي غناة عنج ريم: مي تووو ما حصلي الشرف اتعرف علىيج انتي وبنتج روووضه: افاااااا البنات: هههههههههههههه جانها بتخبل بنا شرات حمودي كله صياح ما نعرفكن من الحينه نقولج روضه: الله كريم مطر": شي فخواطركن؟ الكل: سلامتك ~~~~~~~~~~~~~~~~~~~~~~~~~~~~~~~~ مطر... ركبت موتريه وشغلته اشتغلت ال FM ع طول وكانت اغنية الحكمي انته ومعي مابدي من بعدك حدا انته ومعي حبك انا قد المدى انته ومعي قلبي اللي ع الحب اهتدى عايش معك احلى دنيا حسيت قلبي انقبض وعورني هالاغنيه اتذكرها عدل اهتدني هالاغنيه هيه هالاغنيه بالذات من متى ما سمعتها سرحت مع كلماتها ذكرتني فبدايتنا كيف مواز كانت تعبانه نفسيتها من ظرووفها وكيف كانت تخاف من هالحب اللي غزا قلبها وهي هب متعوده على ريال غريب عنها ترتاح له اكثر عن اهلها ريال عرفها اكثر عن عمرههاااا .... كنت امشي والدنيا سووده بعيني نزلت البنات وانا سلكت من غير لا ارمسهن بولا كلمه ريم.... جو الموتر متكهرب مطر متضايق هيه احسبه واعرفه من غير حتى لا يرمس بس شوه اللي يضيق به هالكثررر من نزلنا على طول كتبت مسج وطرشته "يعل الليالي من حلا الحظ تعطيك ويعل الليالي ما تقصر عطاها وليتك تمنى يعل ربي يخليك يامنية عيوني وداها ودواها ويبعدك ربي عن دروب التهاليك وعسى دروب الخير صوبك خطاها" وارسلته ... ما راح اياس منك مطر لين ما اكسر هالحواجز الي تبنيها حولك.... مطر.. وصلني مسج بس ما فتحته اصلا انا مالي بارض اسوي شي كنت اسوق من غير لا اعرف وين ولا ليش بس اللي اعرفه انه قلبي يحترق ولا قادر ابرد ناره شهاب... مريت ع قوم حمدان بيلس عندهم طشونه لين ما يخلص حمدان من الشباب اللي عنده وخلاف بنسير الصناعيه وبعد عشر دقايق التفت ما شفته خيبه وين اختفى اتوتر ما بغيت حد يحس سحبت عمريه وظهرت للموتر ما ريته لحووول هذا اللي كان ناقصني اضيعه اوووف التفت ع الحوي ما ريت حد وين بيختفي هذا بعد اتصلت بحمدان وقلت له يظهر لي برع حمدان: خير بو احمد بلاك؟ شهاب: حمود ولد عبدالله اخويه مادريبه وين اختفى حمدان: كان ويانا فالميلس وين بيختفي شهاب: دخيلك شوفه يمكن دخل البيت عندكو ولا شي حمدان: هدي هدي شهاب... سمعته يضحك بصووت عالي حسيت ضغطي بينفجر هب الا بيرتفع هذا وانا موصيه جي زيغنيه حمدان: هذا صوته صح: شهاب: هزيت راسي اقوولك حمدان ما عليك اماره يبه لي خاطريه اصفعه ملعون الصير فلخنيه وهو يضحك ولا عليه حمدان: هههههههههههههه المسؤوليه شينه شلك باليهال انت بس شهاب: عاد هذا اللي صار حمدان : تدري عاد سؤ له فلم رعب سير له انت شهاب: شوه اسير له انا انت بعد حمدان: هيه والله اسميه بيتوب يسويها خذ راحتك هالمطابخ ما فيها الا البشاكير محد ايييهااا ... انا برد للشبيبه شهاب... شفته عطاني ظهره ودخل الميالس وهالمقلوع صوته شال البقعه وما سمعت صوت حد غيره سرت لين عنده وانا لو بحلف النار تطلع من عيوني كنت خايف عليه وهو يلعب شفته معطيني ظهره وطيت لين يودته وعضيت له اذنه حمودي: ههههههههههههههههههههههه شهاب: انت وينك هاااااا انا ما وصيتك وقلت لي انا ريال لا توصيني هااااا حمودي: هههههههههههههههه فجني فجني شهاب: ما بفجك بشوف شوه تسوي... انت شوه تسوي هنيه هااا حمود: ياشر على يسار شهاب هي هي قالت لي ههههههههههههههههههههههههههههههههههه شهاب.. من غير لا احس التفت وين اشر لي حمود وشفتها وليتني ما شفتها الدم وقف بعروقي غربلات بليسك يا حمود كله منك ومن شطانتك ولا انا شوه يدخلني مطابخ العرب... ظهرت القهر والاحراج كله فحمود: غربلات عدوووك ومن ولد برع برررع قدامي وسحبته من جتفه من غير لا ارمسها ولا استسمح منها اصلا كل شي استوى بسرعه ومن غير تفكير مني شليته وفريته فالموتر وشخطت به عالبيت وانا العنه واهازبه طول الوقت يالله شوه بتقول عني داخل عليها لين مطبخها اوووف والله اني متلوم فيها وفحمدان لو درا الحينه اني شفت رضيعته ثلاث مرااات استغفر الله العلي الغظيم ما كنت افكر وحمود يصيح وانا مسرع فثواني وصلت البيت زخيته من كندورته ومشيت به وانا مسرع وحتى اظني حمودي طاير وريله ما وصلت القاع دخلت بيتنا كان فاضي محد فيه فريته ع الكنب ويلست اركز شؤي وافكر باللي استوى .... فطيم... اسمع حشره تحت شوه السالفه : GLORIA TEKE THOSE TO REEMS ROOM نزلت تحت وانا اسمع حمودي يصيح وصياحه يقطع القلب واول ما شافني ربع وشليته: خير خير شوه مستوي شهاب بلاه حمودي يصيح شهاب : التعني من ويهيه انتي وياه مابا اشوووف حد فطيم... اول مره اشوفه معصب جي عمره ما رمسنيه بهالاسلوب ... شليت حمودي وظهرت صوب البنات فلة عميه سلطان شهاب... احس عمري ارجف من كثر ما اعصابي مشدوووده حطيت راسي من بين كفوفي انا لازم اهدي اللي استوى هب قصدي وهي اكيد بتعرف اني ما بدخل عليها من غير لا هود ولا سلام وانا متعمد انا ما كنت فحاله تفكير كل همي هالعله وين اختفى وبعدين هي على طول تغشت وما شفت منها شي ... قمت لازم اتسبح ابرد هالحرااره اللي احسبها تمشي فدمي ~~~~~~~~~~~~~~~~~~~~~~~~~~ ريم: ابويه قال لنا نجهز بيمر علينا بعد عشر دقايق هنو: انا جاهزه فطيم : مي توو بس اتريا عبدالله اي يشل حمودي ريم: اول مره يصيح هالصياح هنو: وححليله رقد من زوود الصياح اللي صاحه ريم: شنغل ومنغل وركو وحمود بيسيرون ويانا ولا خلاف بيلحقونا فطيم: مادريبهم منغل مختفي من عقب ماريته فالمستشفى وشنغل لو تشوفينه كيف والله ما بتصدقين هذا شنغل معصب ومن قلت له كلمه تهاد عليه سحبت عمريه وظهرت ريم : برايهم اصلا شي وقت نحن طالعين من وقت فطيم : هذا هو عبدالله يتصل اكيد وصل بشل حمودي له وانتن اتريووني تحت اوك البنات: اوك ~~~~~~~~~~~~~~~~~~~~~~~~~~~~~~~~~ مطر بعد تقريبا ساعه ونص من عقب ما نزلت البنات تذكرت المسج اللي وصلني شليت الفون فتحته لقيته من الريم .... هذي بروحها سالفه اكيد حست فيني متضيق اووووه يا هي حاله والله انها ما تستاهل اللي اسويه بها .... وانا شوه سؤيت غير اني ضاغط ع عمريه ع شان الكل عشان ابويه وعشان عميه وعشانها .... بتسافر الليله اكيد بتشل بخاطرها مني فتحت مسج يديد وكتبت"ياهي كثير اوقات يحرجني الوفا لاصرت اقصربسؤالي وانا أغليك..." رفعت راسي اسمع حشره وبريكات شوه اللي استوى الشارع كان فاضي ضربت بررررررررررررررررررررريك قوي انا هب فاهم شي والموتر بدا يروووغ منيه... ~~~~~~~~~~~~~~~~~~~~~~~~~~~~~~~ سلامه... اللي صار من شؤيه صدق لا لا انا اكيد احلم كيف ريال غريب يحدر عليه فالمطبخ بكل هالسهوله بس بس شكله ما كان يقصد حرام كان خايف على حمودي تذكرت كيف دخل المطابخ من غير لا ينتبه لي ووني تغشيت بسرعه وعطيتهم ظهريه ماكان شي مجال اشرد هو صوب الباب حسيت بخوف فضيع ربعت لين مهره وبندت الباب وراي مهره: بسم الله بلاج...؟ ~~~~~~~~~~~~~~~~~~~~~~~~~~~~~~~~~~~ ريم... واخيرا وصلني مسج منه فتحته على طول كنت فموتر ابويه كلنا البنات معاها مويهين صوب دبي قريته صح بسيط وتوقعت منه يوصيني على عمري ولا يقولي بتوله عليج ولا يطرش لي اغنيه بس والله حسيت به اغلى مسج وصلنيه ~~~~~~~~~~~~~~~~~~~~~~~~~~~~~~ فموتر سعود... سعود: مريت البيت بشل شهاب وقشارنا نحن الشباب وخلاف بنخطف ع قوم ركوو فبيت ربيعهم الرميثي سعود: بو احمد بلاك؟ شهاب: بلاني بعد؟ سعود: شوه اللي بلاك بعد منوه ارمس انا صارلي ساعه شهاب : مادله بيته سعود: انزين قول ما دله شهاب: لحووول لو ادله كنت برمس سعود: بتخبرك انت شي فيك هب طبيعي شهاب: صخ عنيه سعود لي فينيه يكفينيه وزووود والله سعود: ونحن من متى بينا صخ عني واللي فيني يكفيني شهاب: اااه... ما بينا بس متضايق سعود: وشوه اللي مضيقبك شهاب: حمود اليوم فضحنيه والله لين الحينه متلوم سعود: لا تعطيني اياها بالقطاره قول شوه السالفه فلختنيه شهاب... وقلت له السالفه سعود: خيبه تخيب عدوك يا شهاب كيف جي انت مينوون ولا حمدان الخبله بعد شهاب دخيلك بس والله اني ما انزاد سعود: هيه والله فضيحه شهاب: ................. سعود... كسر خاطريه شهابووه ما يهون عليه : انزين خذها من زاويه ثانيه شهاب: ......... سعود: ياخي ربها تعوقت العامريه من شافتك شهاب: الا قول فلخة من شافتني سعود: هههههههههههههههههههههههههههههههههههههههههههههههههه هههههههههههههههههههههههههههههههههههههههه cut ان شاء الله البارت يكون قد المستوى ...وتحبونه طولته لكن شروا ما طلبتن ولاني تاخرت عليكن فديتكن يمكن لاحظتن اغلب البارتات ما احط توقعات ولا اساله لاني ابا اشوف ر ايكن فالبارت من غير لا اسالكن لكن شي يحزني اشوف ردوود ما تهون التعب اللي ياخذه مني البارت كلكن عزيزات علي واشكر لكن متابعتكن لقصتيه لكن اتمنى اشوف ردود تبين لي تفاعلكن اكثر مع البارتات واحداثها والشخصيات وحتى لو شي تنقدونه علي لا تبخلون به ... اتريا ردوودكن هالمره على احر من الجمر لك فالخوافي ود مزروع ...
__DEFINE_LIKE_SHARE__
من دون ما ييسقيه زراع... اينع وتتفرع به فروووع... غذاه شوق القلب بانواع... | |
| ||
| |
|
10-08-2009, 10:33 PM
| رقم المشاركة : [ 208 ] | |
| عضو فعال | خيماويه لج الباركن الاول لانج طلبتيه البارت هع هع
__DEFINE_LIKE_SHARE__
| |
| ||
| |
|
10-08-2009, 11:48 PM
| رقم المشاركة : [ 209 ] |
| عضو جديد  | تسلمـين غلايـة ع هيكـ البآآرت الكشـووخـي شـرـآآتـج~ْ
ونتــرقب البـآآرت نيـوو~ْ ولاتبطين علينـآآ~ْ __DEFINE_LIKE_SHARE__ |
|
| |
| |
|
10-09-2009, 07:53 AM
| رقم المشاركة : [ 210 ] |
| عضو ذهبي  | السلااااااااااااااام عليييج ** اشحااالج الميييث ؟؟ ابصراااحهـ البااارت طررر ^^ وريووم اتعيبني حركاتها انها تبا مطوور ايكوون لها هع ^_^ و مطووور شووو استوى به !!!! واممممم ** شهاابووه مسكييين انحط فـ موقف محرج خخخخخ .. تسلميييييين عـ البااارت .. فـ انتظااار البااارت الياااي .. السمووحهـ .. __DEFINE_LIKE_SHARE__ |
|
| |
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| زواج المسيـــار وآآآآآآهـ من زواج المسيـــار | محروم.كوم | منتدى أخبار المواقع والمنتديات العربية والأجنبية | 0 | 06-19-2010 01:10 AM |
| صعب تلقي حد يحب بضمير | محروم.كوم | منتدى أخبار المواقع والمنتديات العربية والأجنبية | 0 | 05-29-2009 02:40 AM |
| ..|{.. وفقه ربي بغ ــيري ..}|.. .. | ! غرشوووبة بوظبي ! | الإستراحه العامة | 14 | 11-04-2008 01:13 PM |
| [ تضميني ] ... وڪأن ( الثلج ) هــgg " ص ــدري " | بنت الشيبه | هواتف , مسجات , وسائط , برامج , ثيمات , نغمات , بلوتوث | 29 | 07-09-2008 07:48 PM |
الساعة الآن 09:37 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227