| ||||||
| مشاهدة نتائج الإستطلاع: ¨°o.O ( اسمـ ح ـلي لو تلقى سواي غ ــيري ترى ما ينفــ ع ــك) O.o°¨ | |||
| >>>>حبيتوها ^^!! |     | 108 | 97.30% |
| >>>>ما حبيتوها ^^!! |    | 3 | 2.70% |
| المصوتون: 111. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
09-29-2009, 05:56 AM
| رقم المشاركة : [ 186 ] | |
| عضو فعال  |  Part 8 دبي كنها الدانات لي تبرق شعيله.... درّة الأوطان يا( دبي ) الجميلة عند ميود وسوسو... ميـــود: واخيــرا ساره ابتسمت له : واخيرا شوه مايد : واخيرا فضاليه الجو ساره: هههه ليش تبا الجو يفضالك وحليلها اميه تسولف وفرحانه بشوفتك مايد: علنيه ما خلا منها عموه بس انا بعد فرحان بشووفتج ... خلي عنج هالرسميات وتعالي يلسي حرااام عليج ساره: حرام عليه ليش شو سؤيت انا مايد : ما تدرين ؟؟ ساره: نو مايد: تعالي وانا بخبرج ساره ... قلبي دقاته سريعه بس احاول ما ابين لمايد توتري شليت صينية الاكواب وقربت منه: تفضل مايد : دام فضلج حبيبي ساره يلست وهو ساكت ويطالعني مايد: هب حرام عليج ضارب خط لعيووونج وتبعدين عني ساره : متى ابعدت عنك انا من العصر اترياااك مايد : ابعدتي عني سرتي اخر الميلس ساره: هههههههههههههه بيبلك عصير كايد :مابا عصير مابا شي انتي عصيري تدرين عاد..... انتي احلى عصير طبيعي هههههههههه ساره ههههههههههههه فديت روحك مايد: فديت قلبج ساره زخ ايدي ورفعها وباسها... مايد: تولهت عليج ساره: ميوود عن ينزل ذياب ويشوووفنا ذياااااب : هااااهاااا شفتكو خلاص تدري انك بتعلم اختيه الطفااااسه ياخي تباها شلهااا لاعت جبوودنا منها ساره : ذيااااااب مايد : هيه اباها وبشلها وعقب بتحلموون تيلسون وياها حتى ساره : لا والله مايد : هلج ما يبغونج غصب تبغينهم ذياب صدقه النسيب ما نبغيج غصب هوو؟؟ ساره : ماعليه هين الله يخلي باباتي اللي يبغيني ولا مذلتك ذيااابوووه مايد : لا لا لا حتى عميه ما يبغيج محد يبغيج غيري ذيااااب: هههههههههههههههههه طالع طالع زعلت ساره .... مارديت عليه ذياب: سويره زعلتي ساره : هيــــــــــــــــــه ذياب : عادي فديتج تكبرين وينسيج ميوودج ساره .. الهرم طاااح ويهيه ع بالي براضينيه انزين سؤ لي برستيج مالت عليك من اخو مايد: انزين النسيب تاخرت تراك ذياب : عاد عيبتنيه اليلسه تصدق مايد : خلاص دامها عيبتك اليلسه قومي بنخلي ذياب ع راحته ذياب: وين ان شاااء الله مايد : وين ما تبغي سوسو بنحوطهااااا ذياب : لا لا لا دام فيها حواطه انا تاخرت يالله شاااو مايد : هههههههههههه اوووف واخيرا ساره : ردينا على اخيراااا مايد: انزين وحبيبي اشحاله اليوم ساره : حبيبك متوله على عرب مايد : فديت قلبه ومنوه العرب ساره : عرب حشاااام من العين واسمهم يبدا بحرف الميم مايد وهم بعد متولهين عليج ساره : بس انت ما تعرفهم مايد : افا عيل منوووه ساره: ههههههههههههههههه امزح وياك مايد فديت اللي يمزحووون عسل فذمتيه مزحهم عسل .... حبيبي كم بصبر انا ما عاد فيني سارهه... مايد:حبيبي انا ما عاد فيني صبر زود والله اني متوله موت على بيت نجتمع فيه ساره: كيف والقسم بعده فاوله ويباله وقت وانا ما جهزت عمري يودت يدها ورصيت عليها ع الخفيف: حياتوه لاتحاتين شي بس قولي هيه ابا انكتمع فبيتنا قريب وخلي كل شي على ميودج ساره: استحيت اذا هو بيخلص كل شي بسرعه عشاني اتعذر له بالتجهيز والله هب حلوه : هيه ابا بيت يجمعنا حبيبي ميود رفعت يدها وبستها: يعلني بالعمر افدااااج ~~~~~~~~~~~~~~~~~~~~~~~~~~~~~~~~~ فالعين وفموتر مطر مطر وراكان وفطيم وريم كلهم موجودين بس مطر ما حرك الموتر... مطر: والحينه شوه الراي نتحوط عقب نتعشى ولا العكس فطيم: موفي مووووووووووووفي راكان: وين بتشوفينه ان شاااء الله فطيم : فالسنما بعد وين راكان : لا والله ماشي سينمات فالعين ولاااا عرض متاخر بعد... والله تهبين فطيم : ما يخصك انت مطاااااار والله ملانه حتى ريم خاطرها فالسينما وبعدين نحن وياكو عادي يعني مطر : هيه بس ما فينا ع خطوط الحينه وفالعين صدقه راكان ما تندخل السينما وياكن فطيم: يا ربي مطر : خلاص فطامي يوم ثاني ان شاء الله بحوطج فدبي وبدخلج الفلم اللي تبغينه لو تبغين ثلاث افلام ورا بعضهن فالج طيب... وريماني ليش ساكته .؟ ريم: انا عادي عندي وين ما بتسيرون بسير مطر: لا لا شوه عادي السيره اليوم ع شرفج حرمتيه الغاليه راكان : انا اختيه موكلتني عنهاااااا صح الريم مطر:وانا ما بحرك غير يوم الريم ترمس ... راكان : ياللله بدينا بالدلع بيذلونااا وياهم ريم: امممم لقيت حل بيرضي اليميع اول شي بنتحوط عقب نتعشى وخلاف نخطف نشتري لفطامي افلام تسهر عليها مطر: فديت حرمتيه العاقل والله ويبتيها خلاص اعتقد الكل راضي الحينه فطيم وركو: هيه وفعلا هذا اللي استوى تحوطو واتعشوووو وكانت امسيتهم رووووعه لانه مطر كان غير وياهم كلهم وخصوصا مع ريم بهمساته وضحكاته ولا كانه معاهم حد كان ماخذ راحته وايد وخذا ريم وياه لعالم رومنسي حلو ما ظن انه بيفارق خيالها وقبل لا يردون البيت خذو لفطيم كم فلم وركووو كم لعبة بليستيشن وصوولو البيت وكل حد نزل لكن مطر زخ يد الريم وقال: بنكمل سهرتنا برع فالزراعه ... بعدني ما شبعت منج ريم... يالله قلبي ذاااب لا شووه ذاب الا تبخر نظراته تذوبنيه ويده دافيه ما عرفت كيف برد عليه ابتسمت ونزلت راسي ومشينا رباعه لين الزراعه مطر.. يلسنا ع الكراسي وقربت كرسي من كرسيها رديت زخيت يدها من يديد وانا اشوفها مستحيه وتتهرب من نظراتي ... ابتسمت لها... الريم حلوه وايد ويزيد حلاها يوم تستحي ما رمست تميت ساكت واتاملها والعب بيدها مره فيدي اليمين ومره فيدي اليسار سرحت وايد وبصراحه ما كنت افكر بولا شي بس اطالعها وابتسم اما ريمان كانت موطيه راسهاا ومبين عليها الخجل مطر: اشتقت لعيونج.. مطر... مديت ايدي ورفعت راسها بصبوعي طالعتها وابتسمت : بعدج زعلانه مني ريم استغربت : لا مطر : عيل ليش ساكته ريم.... مادري بشوه ارد عليه ابتسمت مطر : امممممم يعني اكيد مش زعلانه؟ ريم:عمري ما ازعل منك مطر:وريمان ليش ما تزعل مني ريم خطرت فبالي فكره سحبت قلم من شنطتي ويودت يده وكتبت من غير تفكير وانا احس عمري متهوره واباااا هالتهور "لانها تحبك" مطر.. ابتسمت وسحبت قلمها وكتبت" هاليوم ما بنساه فحياتي" مطر : فديت روووحج يالله حبيبي ما بطول عليج باجر اكيد العيوز بتحتشر علينا من غبشه ... ريم: هههههههههه مطر يالله قومي بوصلج لين باب فلتكو.. ريم.. مشينا وهو بعده زاخ يدي كنت احس اني فحلم احساس حلو صعب اوصفه كان ساكت وانا ساكته لين وصلنا لباب فلتنا : تصبح على خير بوغيث مطر : وانتي من اهله يا غناة بو غيث ريم:^^ ريم .. من دخلت بيتنا رقيت لغرفتيه ع طووول وعقيت بعمريه ع شبريتيه ابا استوعب كل شي استوى من المغرب لين الحينه واااااااااااو احلى يوم فحياااااااااااتي .... اتذكرت الوسمي يوم يغني ... اسعد اللحظات في عمري حبيبي لي نظرتك تبتسم وانته معايا تنتشي بك دنيتي وانته طبيبي وانت روح الروح واوصالك كفايا نظرتن منك تطفي لي لهيبي والهنا في قربك وهذا منايا دونك الدنيا بلا ذوق وتغيبي عن شفاتي بسمة الفرح وهنايا ترجمتلك روحي الشوق العجيبي لي سكن في داخلي وكسر عضايا عانق السحب ورقى النجم الرقيبي ماتعايا دون وصلك ماتعايا اسميج يبتيها ع العووق يا شجووون الظبيانيه كلمات ما فيها حيله وفمكان ثاني فالعين وتحديدا فالوقن كان حمدان يالس مع خواته بعد ما طيب خاطر سلامه عقب هزبته لهن وكان مسوي عمره مندمج مع الفلم وهو يسمعهن يتساسرن بس ما يدري بالضبط شوه اللي بينهن سلامه: اااقول حمداني حمدان:....<< اونه مندمج عاااد سلامه: حمداااااااااااااااااااااااااااااني حمدان: همممم سلامه : شوه بتعشينا؟؟ حمدان: نعم؟؟اعشيكن!! مهره: هيه شوه بتعشينا؟ حمدان: ني مشكلتي بطئ استيعاب !! خواتي العزيزات شمسه : افا عليك الغالي ني بعطيك اياها كاااااااااش نحن يا طويل العمر نباااااا نتعشى برررررررع حمدان: ني الحينه ما طلعت ويالس مقابل ويووهكن من حبي لكن مثلا ؟؟ البنات:...... حمدان: بعطيكن اياها كاش ادريبكن بطيئات استيعاب علني افداكن .... ني مالي بارض اتحرك ولو بظهر بخاوي الشباب ما بخاويكن البنات : حمدان حرااااااااااااااااااااام عليك والله حراااااام ملل مللل حس فينا حررررررررررررررررررررراااااام رن فووون سلامه وكانت فطيم المتصله الرنه كانت بصوت حمودي منصوري منصوري الين الموت منصوري منصوري بعالي الصووت اشرت لهم اونه هدوء عن الفضايح حمدان تذكر راعية الانعال يمكن تكون هي المتصله بس اونه يتابع فلم فطيم... اقووولج دبووه مستعيله بنطلع مطر اليوم بيحوطنا بس باااجر اتيون عزبتكو اللي فزاخر اوكي نحن بنبات هناك يومين مادري ثلاثه ع حسب ياويلكن ان ما شفتكن باجر انتي وخواتج اوكي يالله باي ......... سلامه:: الوه الوه.... هههههههههههه سكرت الخبله شسمه : منوه فطيم؟ سلامه :هيه كيف عرفتيها مهره : مبين من اسلوبها الخريشه اكيد ما خلت لش مجال صح سلامه : هيه لانه عندها اخو يحس بهااااااا بيعشيها برع مستعيله بس كانت تبانا نسير عزبة زاخر غدوه حمدان : خلاص غدوه بشلكن لزاخر فالكن طيب شسمه : انت تسمع اللي يعيبك والللي ما يعيبك تطوفه مهره : اتقووولك اخوهن بيعشيهن برررع وانت تقول عزبه حمدان : عاد اخوهن متفيق مهره: اصلا العزبه عادي اي حد بيشلنا بس منوه بيتفيق يحوطنا اليوم حمدان لا تستوي سخيف عااااد حمدان: ايكن شؤر البنات:@@ حمدان: يالله انقفضن تلبسن اترياكن فالموتر البنات طيران ع غرفهن .... حمدان .... خخخخخخ رفعت الفون واتصلت بسعود اتخبره وينه ومنوه عنده وشغلت موتريه وويهت صووووب الشباب ونقعتهن اكبر طااااااف هع هع ~~~~~~~~~~~~~~~~~~~~~~~~~~~~~~~~~~~~~~~ ع الساعه 2 فالليل سعود وشهاب رادين للبيت وهدوء تام فالموتر محد منهم يرمس سعود كان يفكر بشهاب متغير عليه من فتره هادي ودومه سرحان وخاطره يعرف بالضبط شوه سالفته بس مستغرب كيف شهاب ما يخبره وهم الللي بينهم علاقه اكبر من الوصف كل شي يعرفونه عن بعض شوه اللي اتغير عليه وما يبا يقولي وكيف اساله بطريقه ما يحس اني يالس اتخبره عن شي .... شهاب... كنت افكر بسعود كيف ما خبرته طول هالفتره انا ما تعودت اني احط حدود لعلاقتنا وما تعودت الا اني اقووله عن كل صغيره وكبيره فحياتي .. بس ليش سالفه سلامه ما عرفت افتحها وياه؟ يمكن لانه اصلا ماشي سالفه مجرد افكار تخطر فبالي .... لا لانها اخت حمدان ومش مرتاح من تفكيري انا فيها كيف يوم اسير ارمس عنها عند حد ... بس هالحد سعود اخويه ... ااااه حتى لووو يوم يستوي شي رسمي ذيج الساعه اخبره ... هيه صح سعود: باجر بنسير وياهن ولا بنرقد وعقب نلحقهن شهاب: هاااه ... اممم لا نسير احسن اكيد بيشلن سمان البيت كله سعود : امممم انا اقول اننت سير باجر للبدع ويب الدراجات من هناك شهاب : وليش انت ما تسير سعود : ولو اخويه انا بشل الشيوووخ شهاب : هههههههههههه والله انك سوالف انت وشيختك مادري بشوف جان لي بارض ولا عقب بيبهن عادي بنبات هناك نحن ليش العيله سعود : لا احسن تيبهن وتمر تعبيهن بترووول وتضبطهن شهاب : اوك بنشوف شوه الترتيب باجر ~~~~~~~~~~~~~~~~~~~~~~~~~~~~~~~ راكان..... من عقب العشى وانا فغرفتيه اطالع اللاب بس ما حقت لي نفسي افتحه وارمسهاااا انا كنت عايش بوهم واستاهل البنت عادي تسولف وياي انا اللي سؤيت لي فلم وصدقته اليوم انا اروم ما احدر المسن واشرد عنج بس باجر كيف؟؟*** بيون اكيد وعموه ناعمه بتي انا وقتها وين بشرد!! وحتى لو عدت العزبه ويوم بتسافر ولوو ما سافرت وياهم انا بتم اشوفها واشوفها واشوفها كيف بشرد عنهاا ... بس انا ما ابا ااشرد ابا اشوفهاااا ... اه والله مادري شوه اللي اباه... اباها وبنفس الوقت ماباهااا لا انا اباااها بس هي مب لي ..... ياربي اااه يا قلبي الحمد لله اني ما اعترفت لها بشي ذيج الساعه كنت بحطها وبحط عمريه بموقف نحن فغنى عنه أأه سحبت لي ورقه وقلم وكتبت اللي فخاطري لعل وعسى اريح هالفواد من حرقته حاولت أغطي غيمة أحزاني وأدفيها .. وأحافظ على قلبي وهو رايحـ(ن) فيها .. قدرت وماقدرت أتحكم وأحكم روابيها .. تحكم هو وحكمها من واطيها لعاليها .. مسك قلبي تغلل في وجداني وحوافيها .. ملك روحي ووجداني بنظرة حيل مغليها .. قبض سره ومثل به من خير فعاليها .. ولكنه سقط فجأة من شدة حبل راعيها .. حرق قلبي بكلمة ما أدري ما فيها .. سمعت اليوم أو باجر ياغير وين مقضيها .. أحبه وربي أحبه اي نعم والله وش فيها .. أحبه ومجنونه ياغير صعبـ(ن) يجاريها .. ملك قلبي ولكن أسراره وين مخبيها .. فقلبي وإلا في قلب غيري وأنا ما أدريها .. حرام أموت في يومي وأعزيها .. فمان الله خلاص ضاعت معانيها .. فمان الله يا أفراحي لي أغنيها .. فمان الله عجزت أكتب نواهيها .. هموسه.. سلمت يمناج حبيبة قلبي غلايه الشوق على هالابيات الطر فذمتيه ما فيج حيله ~~~~~~~~~~~~~~~~~~~~~~~~~~~~~~~~~~~~~~~ يا أرض الطبيعة والبر والنوق .. يادار خلي ومجد مخلوق .. ياصفرة العام والحول واليوم .. يافرحتي في البر دون الهموم .. مكبر ثراج ياعزتي وقت الغيوم .. ومصغر مقاديرج لي عديت به دوم .. عرقوبـ(ن) شهد لج بالوفا ملزوم .. وبستانـ(ن) فرح لج ظله المرموم .. غلايه الشوق علني فداها .................................... ومن اصبحو عربنا زهبوو قشارهم ورتبو امورهم ويهووو صوب عزبهم وشرات ما اتفقو شنغل ومنغل .... منغل شل شيخته ونوره وغزلان وياه اما شنغل شل ركوو وريمان وياه صوب العزب اللي فالبدع وعقبها بيردون صوب زاخر بعد ما يشلون دراجاتهم وياهم واليده ما قصرت ما خلت حد والا وعزمته قوم بوظبي وقوم دبي وقوم خالوه ام احمد وقوم خالوم ام بطي يعني كانت الطلعه ترتوووب بالنسبه للكل البنات بيتيمعون والعيايز بيتوالفون وسوالف وقرض والشباب ما بيملون الحريم لانهم بعد بيتيمعون ... الكل سار ما عدا مطر ومايد لانه ميود كان سهران البارحه ورقد اما مطور فبيداوم وخلاف بيهم فموتر شهااب .... معلين ع اغنية الوسمي قزرت ليلي وجوهم ضحك وسوالف ركان: بو احمد غير لنا هالاغنيه شهاب: والله يا طويل العمر الشؤر شؤر ريماني ريم: اوكيك غيروهااا شهاب : شوه من الاغاني بغيتي ريم : امممممم ابا يا داعي الشوق ميحد ريم: فااااااالج طيب راكان يا سلام؟؟؟ انا ما ابغيهاااا ريم وشهاب : نحن نبغيها راكان: اللي عقبها لي ما يخصني فيج انتي ويااه ريم: وانت متريق فلفل ع الصبح؟ راكان: قسم بالله هب فايق لج شهاب: عسى ما شر بلاك بو سلطان؟؟ حد مضيقبك راكان : اووووهووو ريم وشهاب:........... بعد خمس دقايق ريم: تدري شهاب فطيم عزمت منوه ؟؟؟ شهاب: حد اعرفه انا ريم: هيه قوم ربيعك حمدان شهاب... قلبي ذاااب من يابت طاريها توترت حسيت كانها قالت راكان انتبه سلامه فبال شهاب ويهويسبها ليل نهار : وشوو يعني ريم: لا ماشي بس قلت اخبرك اكيد ربيعك ويهمك تعرف شهاب: اهاااا راكان: ذاك اليوم شفته فالمول شهاب متى؟ راكان : يوم كنت تمتحن انت وسعود شهاب : وسلمت عليه راكان : اكيد بتصدد منه يعني شهاب : مادريبك ~~~~~~~~~~~~~~~~~~~~~~~~~~~~~~~~~~ فموتر سعود الاجواء كانت رومنسيه والمسجات شغاله من بين سعود وفطيم لانه مستحيه من وجود نوره وياهم وموصيته يخف من حركاااته شؤي ~~~~~~~~~~~~~~~~~~~~~~~~~~~~~~~~~~~ اما فبيت سعيد العامري شمسه وسلامه مسوين حرب وهجوم شنيع ع حمدان لانه واعدهن يشلهن للعزبه حمدان : اماااايه والله ان ما سكتيهن الغلامتين ليشوووفن شي ما يسرهن شسمه : امايه هو يقص علينا البارحه تلبسنا وشرد عنا وحليلنا ما حتشرنا عليه واليوم واعدنا بيشلنا لعزبه زاخر ام حمدان: ويش بغيتبها عزبه زاخر ما فيها شي وما انسير لها دوم ان جان فخاطركن العزبه الحينه بسير بكن لعزبتيه سلامه: اميه ابا اظهر من الوقن انا مليت واصلا نحن ما نباها العزبه نبا قوم ريماني وفطامي هناك وعزموش العرب فضيحه ما بنسير عليهم ام حمدان: بسير بس العصر المغرب هب الحينه اصبح ع العرب شمسه : حمدااااااااااااااااااااااااان حمدان: شميس ني مواصل من البارحه وطالع فهالحر واصل لين الصناعيه ورديت وعلى لحم بطني يعني ما انصحش تكثرينها الرمسه لا قسم بالله اظهر كل هالتعب فيش سلامه : انزين امايه العصر بتشلينا وياش ام حمدان : من عيوني شمسه : فديت العين وراعيتها سلامه قمت وسحبت شميس وياي ونحن نخطف من عداله تعمدت ادوووس ريله وافركهن من قهر البارحه حمدان: اح اح .... حوووه هين هين وين بتشردين عني بردهااااا ولا تدرين ماشي عزبه اليوم التعنن انتي وياها فالبيت لين تخلص الاجازه شمسه: هذا اذا ردينا عليك هع هع حمدان بنشووف ~~~~~~~~~~~~~~~~~~~~~~~~~~~~ فزاخر وتحديدا فعزبة ابو عبدالله ... تيمعو عربنا ماعدا قوم دبي اللي كانو ع العصر بيحركون وقوم خالوه ام بطي وخالوه ام احمد وقوم شهاب حمووود: ماماه وين غزوله روضه الحينه تباها هااا والبارحه رافع خشمك عليها غزوله زعلت واتصلت فباباتها وشلها وياه دبي حمودي: لا ليش حرااام عليه ليش يشلها دبي ام مبارك: تراك انت ما تباها حمودي: الحينه اباها روضه : عاد البنت ع كيفك ساعه تباها وساعه ماتباها حمودي: اووووف ما حبكن ام مبارك: عيل تحب منوه فديتك حمودي: احب غزوله وعمي شهاب ويديه سلطان روضه : بس حمودي : هيه ام عبدالله : وانا ويدك محمد؟؟؟ ما تحبنا حمودي: لاااااا ام عبدالله : برايك عيل يوم بسير صوب عزبتيه العصر لا تسير وياي حمودي: كيفي بسير الموتر مكتوب باسمج شوووه ام محمد : رويض قربيه من الضوو ناوليني اياه بحرق له هاللسان عنبوه من لسااان عليك ما مطوووله ما شافو غير غبرة حمود ههههههههههه صدق انه يدوه بتحرق له لسانه حمودي: حتى انتي يالعيووز ما حبج ام محمد : رويض انتي وعبدالله مبزينه بزود يامج لازم تشدون عليه شؤي رواضي : صدقج والله يدوه عبدالله يقول جي بعد لازم بنشد عليه انا خوفي يوم بربي يغاااار عاد مادري كيف بتصرف وياه والله متغير وايد ام مبارك: لا ما عليج انتي من تشوفينه لا تهتمين الا فيه وهو ما بيغار ان شاء الله رواضي : ان شااء الله بس صدق غزوله وين نوره اللي كانت مغمضه عيونها تستمتع بالجو : شلها خالها سعود يحوطبها بين هالعراقيب ~~~~~~~~~~~~~~~~~~~~~~~~~~~~~~~~ فطيم.. كنت فغرفتنا انا وريم هالغرفه معروفه لنا ولساروه ولهنو يوم بيونا رتبت قشارنا وحطيت لي شؤية غلوس وردي وتعطرت شليت شيلتيه البيضا وطلعت وانا امشي صوب قوم يدوووه شفت موتر هل بوظبي يا حيهم والله تولهت ع الهنووووف نزلو وانا وصلت بعد وياهم بنفس الوقت سلمنا وقلت للبشاكير يشلون سمان هنو لغرفتنا نوره : حشى يالهنوف زهبة عروس ما خليتي شي فابوظبي ما يبتيه هنو: ههههههههههههه لا فديتج هذا بالمره للسفره ما فيني ارد بوظبي بعد وفطيم قالت لي التكيتز ع طيران الامارات يعني بالمره يبته وياي اريح لي روووضه: صدقها ماباقي شي ع السفره فطيم: تاخرو قوم ريم هنو: ليش وينها فطيم : سارت هي وشهاب وراكانووه للبدع ايبون الدراجات من هناك هنوف : اهااااا سمعته حمود يرمس راكان بس ما طرا انه فالبدع ع بالي موجود نواري : اليوم الغدا علي بس شوه فخواطركن عاد محتاره شوه اطبخ فطيم : لا لا لا خلي عنج انتي تكرفين فدبي وهنه بعد!! بنريحج دامج عدنا دلعي عمرج ام مبارك: صدقهن البنات هن بيسدن عنج فطيم : يالله هنو مهاري بنحوط شؤي قبل لا اي وقت الغدااا هنو : اوكيك سعود ... شفت فطيم وكم بنيه يالسين قريب من العزبه ما عرفت منوه يمكن ريم مادري قربت منهن وانا منزل الجامات كلها ومطووول ع ميحد وغزوله مستاااااااااااانسه تنعش وتصفق وتناقز تخبلت وحليلها فريت لها راسهاااااا : شيوخنا هالاهداااااااء لعيوووونكوو ياناعم العود مزحك يذبح وجدك يذبح وانا كل ما جا منك يحلالي الله الله يا فتان من قدك حتى عيوني لوصلك موقهااا ساااالي.... هنو : ويل حالج فطامي فطيم: لا يسمعج هههههه هنووو: هههههه ونحن بو عزوز مالنا اهداااء سعود: انتي هنا لم ارك يا فتاااه هنو: ههههههه معذووور اكيد ما بتشوفنا يالسه عدال ناعم العود سعود: سلامي عليج فاهمتني اشحالج بنت العم هنو : والله بخير وسهاله ومن صوووبك ولد العم سعود: انا لا تساليني اسالي ناعم العود جانه بخير فانا بخير فطيم:........^^ هنو: وين اهدائي ابا اهداء لي ولمهاري ما يخصني سعود: ما طلبتي الغاليه فالج طيب هنو: فالك ما يخيب سعود: الا قولي فالك فطيم هنو : ههههههههههههههههههه فطيم.......^^ ............................... هيمن على ارقى الجمال ولمه جمع ثقافات البشر في تاجه قمه على قمه وذوووقه قمه ذوق وجمال وغرت وهاااجه هنو: جااااااااااااااااااااااااان استانس فطيم... شفت موتر شهاب وصل صوبنا شهاب : يا عساها يمعة خيرر^^ ريم: هنوووووو ورمهاري هون!! هنو: لا هونيك ههههههههههههههه ريم: فديت روحج ...نزلت اسلم عليهن سعود: بو احمد نزلنا؟؟ شهاب : غايته نزلووو وسعود نزل غزوله وياهو سلاحه وشهاب عصاااا سعود : هاليوله لعيون عرب طـــرف كحيل وفي رموووشه سمه والعود يكسي تاجه وديباجه خصر مثل كسره وراها ضمه فتحه على حد السكون تواجه شهاب وهاليوله لعيون ريمان والهنوف ومهاري يستاهلن بنات عميه البنات يصفقن ومستانسااات وغزوله ومهاري يرقصن مصدقات عمارهن سعووود: بو سلطان انزل راكان... كنت اطالعهم واتجنب اطالعها شوهالموقف الخايس قلت لشهاب خلهم عنك نزلني فالعزبه بس ما طاع شهاب : خله عنك المزاج طاقع اليوم سعووود : عيل يااااااااااااااااااااابس شهاب : عاااااشوو عااشوو ريم قربو منا ويبسوووو ووانا انعش لانهم 3 ماي برذرز اما البنات ما فيهن اونهن عاااد ذابحنهن الحيا بس يصفقن ومهاري وغزوله يرقصن من خواطرهن ومستانسات اهتم من همه وهمي همه منهاج قلبي منهجه منهاجه دمه على دمي ودمي دمه وهو الدوا وانا طبيب اعلاجه شهاب: عاااااااااااااااااشت غزووووله وشليتهااا وهي تيبس ورافعنها فووووق... فووق ..فوووق والكل يصفق لهاااااا عقب نزلتها عضيت بطنهاا غزوله : هههههههههههههههههههههههههههههههههه يدحك في ذمتي يانور عيني ذمه ذمه ولا لي حاجة محتاجه لكن لك شي فوادي ضمه يامن على قلبي حكم بسياجه غزوله: نذلني ابا القص عند مهالي شهاب : فالج طيب بنت غااانم ارقصي فدبي ما يرقصوونج شكلهم البنات: ههههههههههههههههه شكلها جي شوفو كيف اتخبلت وحليلها سعود بعده يووول وطربان قرب من غزوله ويبس عندها تحت: ما عليج منهم يغارون منج رقصج احلى عن رقصهن ياسيد مغرور الجمال وعمه ياتاج راس الحسن زيد احراجه قل تم يا عمري وقولي تمه يا نشوة القلب الشجي وافراجه ريم: عاااااش الشيخ سعوووود سعود: عسى عيبة شيوخنا اليوله ترا اذا ما عيبتهم حاضرين انيولهم لين الفير شهاب : علها ما عيبتهم ماشي شغله انيولهم لين الفير سعود: فذمتيه اني ليول لعيونهم لين يقولون بس شهاب : والله مسوي لها سالفه طالعو فطيم انتو اونها مستحيه هنو..... راكان ما التفت صوبي ولا حتى سلم؟؟ ويقول شهاب جوه طاقع حد مضايقبه؟؟ ريم: انزين شباب يالله من غير مطرووود ربي يحفظكووو سعود: افاااا ريم: لو سمحتو الحينه الاجتماع اغلق شهاب: اقوولك تعال بيووونا عقب يبغونها الدراجات شوف منوه بيسولهم اجتماع مغلق سعود: الا اذا شيختهن طلبتهاااا شهاب : هيه كبر راسها بعد كبره سعود: علني افدا راسها يالله بنروووح الحينه حشو فينا ع راحتكن ريم: ماشي شغله انسولف عنكو ؟؟ شهاب: عيل منوه طلع سالفة شنغل ومنغل غير سوالفكن عنا البنات: هههههههههههههههههههههههههههههههه ~~~~~~~~~~~~~~~~~~~~~~~~~~~~~~~~~~~~~~~ وع حزة الغدا الحريم تغدن رواحهن والريايل بعد ع صوب حطولهم الغدااا وعقب الغدا اللي قيل واللي يلس يتفاول واللي سرح لحلاله ابو محمد< خليفه >: وهذي علوومكن عيل ريم: اعلومنا اعلوم الخير بشوفتك عميه هنو: باباتي بنطلب منك طلب لا تردنا ابو محمد : فااالكن طيب وما خاب فذمتيه مهره : باباه نبا الموتر يوم اتي ساروووه بنت عموه ناعمه هنو طالعت ريم وفطيم الحينه انا رازه بعمري وادلع ابا اطلب ابويه وهي تسبقني بو محمد: شوه بغيتي الهنيفي هنو: خلاص ابويه سبقتني ام لسان خليفه: ههههههههههه بشور مهير جانه ارخصكن فالكن طيب هنو: يا سلام جانا بنتريا مهير يرخصنا مهير : ابويه عادي خلهن يسيرن بس يشلني وياهن مهره : نحن بنات انت شوه تبا ويا البنات مهير: ماباكن ابا اطالع الرسوم فالموتر خليفه : ههههههههههههه يصير خير يابوج لين ايون قوم عمتج ذكريني ~~~~~~~~~~~~~~~~~~~~~~~~~~~~~~~~~~~~~~~ وع العصر وصلن بنات قوم ام احمد وبنات قوم ام بطي وساوره كلهن يلسن مع بعض والحريم مع بعضهن واليهال يلعبون حولهن والجووو كان كشخه ما يتفوووت هنو: ريم ما اعتقد بيطيعون ناخذ الموتر دامنا هالكثر ريم: هيه خليها عقب يوم نكون بس نحن عمي ما راح يقولنا شي عادي هنو: انا اقول جي بعد بسير اخبر حمود لا ايب الموتر هنو... سرت لين قريب برزة الرياايل بس استحيت اكمل اتصلت بحمود قالي نحن وراج يالخبله مادري متى بيسوي لي سالفه دومه مفضحني التفت وراي لقيتهم واقفين صوب الدراجات هو وزيود وركان استحيت لاني اساسا ما سلمت ع راكان وانا من الصبح موجوده: السلام عليكووو كلهم: وعليج السلام هنو: اشحالكوو؟؟ زيود: بخير ومن صوبج هنو : تمام.. شوه تسووون حمود: الحينه انتي ياياه تتخبرين شوه نسوي هنو: اصلا انا غلطانه اوقف عندكو مابا شي بس قول لبويه خلاص مانباه الموتر الحينه عقب حمود: نعم نعم اي موتر ان شااء الله هنو: الحينه انت موقفني تتخبرني عن شي ما يخصك وعطيتهم ظهريه وكملت دربي للبنات ويوم وصلت سمعت ريم ترمس سلامه ربيعتها اونه البنات يستحن لانه يمعه كبيره وجي ما يبغون ايووون فقررنا نحن انا وريم نسير لين عزبتهم وفطيم ونواري وروووضه ايتمون مع قوم ساروو وقوم علايه والبنات ريم: لا فضيحه ندخل عزبتكو بنتلاقا بين العراقيب اوكي سلامه : وانا كيف بعرف انتي وين ان شاء الله ريم: يعني نحن دوم وين نتلاقاااا ؟ سلامه : اوكي منوه وياج انتي ؟ ريم بس انا وهنو تعالي انتي ومهره وشميس سلامه : اوكي يالله الحينه بنظهر وتلاقن البنات ويلسن سوالف وضحك ولابد من القرض ريم : سلامي عند لج فكره جهنميه اهداء لج من عبقرينو سلامه : علني فداها عبقرينو وافدا افكارها ويش قولي ريم: بما انا ما نستغني عنج وحتى فسفرنا لابد نشوف ذا العوينات فكرت فطيم انه وصل الرحم يمدحوووونه وانتي لازم تسيرين تسلمين ع خوالج هنو: هيه لازم ما تستحين من متى ما سرتيلهم لازم تسيرين لااازم شمسه ومهره : الله كشخه هيه صدقهن لازم نسير سلامه : ههههههه ترا حمدان قال بالصيف بنسير كلنا صوبهم ريم : اقوولها صلة رحم تقولي بالصيف هنو: انتن لازم تقنعووونهم انه بهالاجازه تسيرون لبنان نبا نتلاقا هناااك ما يخصنااا عااد فحمدان اصلا كافي البارحه سوالكن طااف بتتريونه لين الصيف مهره: صدقتي والله شمسه : ني عن نفسي حبيت الفكره سلامه : وني غرمتبي يا غير ما با نفرح عقب ننصدم بالواقع ريم: انتن توجهن لسلطات العليا وانا متفائله خير سلامه : ع طاري السلطات العليا هذي هي امايه تتصل شكلنا بنروح يالله بنات سرينا ريم: ربي يحفظكن ولا تنسين بشريني اول باول سلامه : اوكيك البنات : فداعة الله ريم وهنو: فداعة الرحمن ~~~~~~~~~~~~~~~~~~~~~~~~~~~~~~~~~~~~~~ عند الشبيبه ... الشواب يالسين ع صوب والشباااب الللي يالس وياهم واللي واقفين صوب مواترهم صوب المواتر... شهاب وسعود وذياب واحمد ومبارك يالسين يشوفون موتر احمد يباله كم شغله عاد لازم هم يهندسون فالموتر عقب يخربونه ويودونه الصناعيه خخخخ شهاب.... وياهم واسمعهم واشوفهم يضحكون ويسولفون بس هب رايم اركز مادري شو يقولون ولا ليش نحن واقفين اساسا ....رفعت راسي شفت النجوم والسما صااااااافيه والجوو باااااارد من الخاطر قلت بسير اخذ جكيتي موتريه بعيد شؤي منها ابعد عن هالحشره فالعاده جو الشباب هذا جوي انا واستانس عليه بس اليوم مادريهادي مش كسلان ولا فيني رقاد بس افكر فيها يالله انا يالس اعلقعمري بوهم اكيد بس هالوهم غزاني بلاحول ولا قوه مني انا ما بااا احب اصلا ومش مال هالسوالف بس حبيتها .. هيه حبيتها ما عرف عنها غير اسمها بس حسيتها حبووبه وطيووبه وان يت ع الزين هي غرشووبه وصلت موتريه فتحته وخذت الجاكيت شفت فوني معقوله انا نسيته فالموتر ولا حسيت بعمري شفت الاتصالات ولا 12 اتصال ورسالتين يلست فالموتر وبابه مفتووح شفت الاتصالات من بينها الريم متصله اتصلت بهااا ما ترد عقب اتصلت شهاب : مرحبا ريماني ريم: انت وينك عن الفووون شهاب ليش؟ ريم : لا بس خلاص يدوه كانت تباك وعقب زقرنالها مطر بدالك شهاب: يعني سدها بوغيث مالها حايه فيني الحينه ريم: لا خلاص ما تبااك الحينه شهاب: انتي حد يربع وراج ريم: ههههههههههه لا بس امممم حشره ىبنات وجي ما اسمعك عدل شهاب: انزين تعالي صوب موتريه انا هناك بناخذ علووومج اليوم ريم: ههههههههههههههه ماشي علووم اليوم اليومين اليااايه بخبرك علوم تسر خاطرك ان شااء الله شهاااب: هيه شفتي مطوووور وين اتيني الحينه ريم: لا فديتك بس صدق اليوم ما يلست معهن غير ربع ساعه مادري ثلث ساعه لانه امهن ما طولت وغير هذا نحن البنات يتريوونا والله ما مدانا انسولف بشي شهاب : يا حيج ع الاقل شفتيهن سمعتي صوتهن ريم: ويل حاله بو احمد تصوووبت شكلك شهاب: منذ مبطي فديتج ريم: ههههههههههههههه حلوه منذ مبطي شهاب : انزين لا تنسين اخوج اي خبر معلوووومه تراهو على نااار ريم: فالك طيب بس عاد اسمحليه الحينه بنزهب العشى شؤي وتعالووو انت والشباب شلوووه العشى صوب الشواب اوك شهاب: اوكيك باي ريم.... وحليلك يا شوشو ثرها سلامه مخشعتنك ربي يجمعك وياها ع خير .... كنت اروم اسولف واضحك وياه اكثر بس وين وانا اشوف بوغيث يالس ويسولف ع يدوتيه ومندمج فالسالفه والله ابا اتهور واصوووره شكله غراااام اليوم كندووورته كركميه وسفرته كركميه بزيتي والجاكيت زيتي والله اني ذبت من شفته وارمس مع شهاب بلا ذهن بس لازم بقوووم العشى بينحط ولازم نزهب لو اني ما شبعت من شوووفه فالمطبخ..... فطيم: سارووه ما شفتي القلب اليوم ساره: لين الحينه شفته مرتين ههههههههههه فطيم: ما شاء الله ما تضيعين وقت ساره: حرام عليج والله شوف وحرقة يوف الا من بعيد ولا هو ما شافني فالمره الاولى عليااا: ما عليج عوضيها بالسهره ساره: ههههههههههههههه فطيم: انتي جب جب ما حبج انتي وخواتج سخيفات ريم: صدقها اونه فضيحه نرقد عندكن عليا: انزين صدق فضيحه روواضي ياسلام عليكن سوالف والحريم والريايل يتريووون العشى انقفضن انتي وياها ودوها الصواني بسرعه هنو شليت صينيه انا اشوف رواضي تهازبنا واضحك وما كنت منتبه كنت بدعم راكان بس هو قدر انه يتفاداني : السموحه منك ركووو ما شفتك راكان... الحينه انا اتهرب منها طول اليوم اقوم اقربمنها هالكثررر يالله وربي ولهت عليج : لا لا عادي يبيها عنج هنو: لا هذي باخذها صوب الحريم راكان... عيونها فيهن لمعه تجذبني وقفت لاني اللي دخلت ولا اللي طلعت مبهت هنو: عاد اسمحليه ابا مر راكان راكان : تحركت بحيث انها تمر من عدالي وانا ساكت واطالعها بس ما صحاني من حلمي الا صوت زيوووود زايد: وييييييييييييييييييييييو كرفوووووهااااا هنو: ما يخصك زايد ضحكت ع هنوف دومي احب اتمصخر عليها بسرعه تعصب شفت راكان واقف ومعطينا ظهره ضربته بالقووو ع جتفه هااا بو سلطان ما نويت تحرك جاجزلك باركن شوووه راكان: لا الحينه بندخل تراني اتريا حد اي وياي داخل زايد: يالله من بعد العشى قوم خالوه ام بطي وام احمد ردو لبيوتهم وما تم غير عربنا قوم ام محمد وعيالها وطبعا عقب العشى الشواب بالنسبه لهم سهرانين الساعه الحينه 11 ونص ما بقى غير البنوتات متوالفات ع ضوهن ريم وساره وفطيم وهنووو انا رواضي ونواري سارن يرقدن عيالهن وعقب بيكملن سهرتهن ريم: يالله محلى الجو ومحلاها هاليلسه هنو: ان شاء الله جو لبنان يكون احلى واحلى لو سلامه وخواتها بيسيرن بعد فطامي : ان شاااء الله ريم: سارووه ليش ما تسافرين معانا ساره: ما فيني والله اول شي ابويه ما بيطيع بعدين انا مستحيه والله ما صدقت ملجت الا وسارت وياهم سافرت فضيحه ريم: انتي تبالغين بتفكيرج عادي بالعكس والله هنو وفطيم: هيه والله ساره... شفت فوني يرن كانت رنة ميود مدمنه روحي مالت ميحد^^ هنو: حبيب القلب سوت لنا طافت قامت فطيم: اكيد بتقوووم ساره...@@ قمت عن البنات اتمشيت بعيد شؤي : الووه مايد: مرحبا بدافي الصوت ساره: يا مرحبا الساااع مايد قبل كل شي توووووووووووووووولهت عليج ساره: انا قلت شبعت مني البارحه واليوم شايفني مايد: انتي شبعتي مني ساره: حشى عليه مايد: عيل كيف انا اشبعمنج هاااه ساره: هههههههههه مايد اشحالج قلبي ساره: بخير وعافيه فديتك ومن صوووبك الغالي؟؟ مايد والله يسرج الحال دامني اشوفج واسمع صوووتج ساره: يعلها مديم حالك غناتي مايد: سوسو ابا اشوووووووووووفج ساره: لا لا فضيحه اخواني والبنات وعيال عمي كلهم سهرانين والله استحي بيحسون فينا مايد ما يخصني فاخوانج ولا بناتولا عيال عمج حرمتيه وبشوووفها هم شلهم ساره : اممممممممم اوك بس ما نطول وايد حرام البنات روحهن يالسات مايد: ما يخصني هن حرام وانا برايه ساره: لااااا ما قلت جي مايد : التفتي وراج ساره: ههههههههههههههه كيف ما حسيت فيك مايد: انتي ناويه توصلين اخر العزبه من كثر ما تتمشين تعبت وانا الحقج هههههههههههه ساره : فديت روحك مايد: فديت من تفداااااااني يا عرب ~~~~~~~~~~~~~~~~~~~~~~~~~~~~~~~~~~~~~ مطر .... والله اليلسه اليوم مع الشباب حلوه وصدق غيرت مودي لكن ذكراج يا مواز وين اشرد عنها سرحت بافكاري لاخر عيد اتصلت اباركلها دوم نتسابق منوه بيعايد الثاني صباح العيد قبل مطر: السلام عليج ورحمة الله موزه : وعليك السلام والرحمه مبااااااااااااااااااااااااااااارك عيدك ههههههههههههههههه مطر: ليش تسبقين انا متصل اعايدج غشااااشه مواز : كيفي ههههههههههههه مطر: علني افدا ضحكتج ياربيه اشحالها غرشوبة البلاد موزه: البلاااد عاد هههه انا دامني اسمع صوووتك بالف خير حبيبي مطر: فديت روحه الكاشخ اشوف كشخته من ورا الفوون موااز: فديتك والله حبيبي انت اعلومك مطر: واللع اعلوم الخير فديتج توني طالع من الصلاه وبسير للبيت مواز : حبيبيي مطر: يا كل حبيبج موزه : حبيبي كل عيد بتعايد علي قبل الكل صح مطر: اكيد فديتج موزه: قوول وعد مواااز بلاج حبيبي مش اول عيد يمر علينا مع بعض هذا موزه: ادري بس مادري ليش اباك توعدني مطر: اوعدج اني طول العمر وياااج غناتي اصلا انا كيف اعيش بلاج قوليلي مالي حايه فهالدنيا دام بعيشها بلاج موزه فديت روووحك حبيبي والله احبك احبك احبك مطر: وانا اموت اموت اموت فاللي يحبني مطر.... صحيت من الحلم اللي كنت فيه كنت احس صوتها فاذني وكانه الشباب يسمعونه اطالعهم ابا اشوف حد منهم سمع اللي سمعته حسيت عمري متضاااااااااااااااااااااااااااااايق اذا انا هذا حالي عيل هي شوه حالها وانا اللي ااعرف انها ما وثقت ولا سلمت قلبها الا لي على وعد مني اني اصونه واحفظه .. بس انا ما كنت عند وعدي .... لا يا مطر انت بعدك عند وعدك انت تحبها الا تعشقها ... وريم؟؟ ااااااه ياقلبي شليت بعمري وسرت بعيد عنهم كلهم خذت الفووووون وارسلت لهااااا جـف الكـلام ودق قلـبي لذكـراك حتى سيـوف الوقـت بك ذكــرتني أغلـيك انا ... وأعيش دايـم لذكـراك وأحط شـوقي فعيـوني وجفنــي هـذي وعودي وارســل الروووح تفداك <ما انساك> انا ** لو كل الظروف احرمتني وارسلتهاااا... من قريت تم التسليم شفت رقمها تتصل عرفت انها بتدق حولته ع الصامت وانا اشوووفها يالله معقوله انا خايف ارد عليج مستحي منج شوه بقوولج اني ما كنت قد ثقتج ولا اني خلفت كل وعوووووودي اللي وعدتج ارسلتها على طول عاتبت نفسي حيل يوم اني ابطيت واحرقت من كثر الحسايف خفوقي يا من على قلبي وروحي توليت يا قبلة اشعاري واستاذ ذوقي يامن خذاني "الوقت "منك انا يــت اقدم اعذاري وحبي وشووووقي وبعد اتصلت ... انا ليش اسويبها كل هذا انا ما بعذبها بس ما اقدر اني اتم متجاهل شوقي لها كافي الفتره اللي حرمت عمري منج والله كافي .. ارسلت لها انا وانت... لو نبتعد مليووون عام!! يبقى غلانا كنه اليوووم مولووود!! موزه.... اتخبلت خلاااااااااص حرام عليه ليش يسوي كل هذا ليش؟ ارسل له .. ليش ما ترد علي؟؟ مطر ارسلت لها... الا وين الدرووب اللي توديني لاعز انسان؟؟! اجي من لهفتي مشتاق لضحكه وراعيها الا يا صاحب القلب الرحيم اليانع الهتان ترى ذيك الضماير شوفتك بالحيل ترويهااا موزه... مطر دخيلك روف بحالي مطر.. ما تحملت اقرا مسجهااا ولا اتخيل حالهااا على طول اتصلت بهااا موزه:........ مطر:..... موزه بصوت كله عبره.: انت وينك؟؟ مطر: ........ موزه : ليش تعذبني مطر مطر:.........موزه صحت ما قدرت ايود عمري زود صحت ومن خاطري بعد لين متى بسكت محد يدري بسالفتي مع مطر ابدا ولا مخلوووق منوه بشكيله بعده غيره هوو صحت وصحت وصحت بصوت عالي مطر.... ما قدرت اتحمل اسمع صياحها هالويه هذا حرام يصيح هالعيون حرام تدمع هالقلب حرااام انه ينجرح حرااام كلمتها وصوتي كله بحه ورجفة شووق: حبيبي غصب عني .... حياتي لا تصيحين وغلاتي عندج لا تصيحين مواز بعدها تصيح و تصيح: ليش ما طمنتني بمسج ع الاقل حرااام عليك حراااااااام مطر: ....... موزه بعصبيه: لا تسكت رمسني وين كنت وليش كل هالقطااعه ليش مطر: مواز... انا ...اا انا موزه: هيه انت شوو؟ مطر... ما اتخيلت عمري فيوم اقولها اني خنت وعودي لج لا ما اقدر اقولها اغلقت الفون وفريته بعيد عني ~~~~~~~~~~~~~~~~~~~~~~~~~~~~~ سعود... مبارك سار يسهر عند واحد من ربعه ومايد مادريبه وين اختفى ومطر شفته يدوووخ ويالس بعيد عنااا وقوم راكان يالسين يلعبون كيرم سعود.: ملل شهاب صدق ملل سعود: قم بنتصخر ع رقيه وسبيجه شهاب: عيد عيد ما سمعتك ... غريبه وين الحب والشيوخ والقلب سعود: عاد انا ملان شهاب : غايته ~~~~~~~~~~~~~~~~~~~~~~~~~~~~~ عند البنات .... رواضي رقدت حمود ورقدت وياه ونواري ياتهم تكمل سهرتها وياهم وساره لين الحينه عند مايد سعود وشهاب: سلااااااااااامن عليهن البنات : وعليكو السلام والرحمه سعود: هيه صح ما خبرتج ام غزوله وين شفت ريلج ذاك اليوم نوره؟؟؟؟؟؟ شهاب: تخيلي ريلج وين كان نوره: وفروو على اعماركو هالعبط ثقتي عمياء فيه شهاب: انزين ريمان تدرين مطووور شوه يسوي الحينه ريم: برااااااااااااايه سعود: اقووولج هنووووو تدرين فطامي وريماني شوه قالو عنج قبل لا اتييين هنو: عسل على قلبي رمستهن شهاب: فطيم تدرين شيخج مرقم كم بنت البارحه فطيم: نعااااااااااااااااااااام سعود: ههههههههههههههههههههههههه واخيرا وحده حست فيهن فطيم تضحك هااااا شهاب: فذمتج فذمتج غيرانه فطيم: ااا نو سعود: وليش ان شاااء الله ما ينغار علي ولا ما ينغار علي هاااا فطيم: لا بس ثقتي عميااااء ع قولت نواري سعود: هيه اذا جي اوكي نوره: متى بنسوي حفل تخريجكو سعود: مادري والله ما فكرنا لين الحين خل تظهر النتايج على خير فطيم: شوه شوه شوه تخرج مادري شوه عاد اول مره تتخرجون عادي طاااف ما نبا حفل تخرج شهاب : لا والله ريم : وليش ان شاء الله فطيم: يدورون اي شي يخرب علينا السفره نواري: هذي والتيكتز عندج وخايفه هالكثر كيف لو السفره هب مضمونه فطيم: والله مادري ليش خايفه ع هالسفره هالكثر احس يدووه هب راضيه عليها هههههههههه الكل: هههههههههههههههههه سعود: لا فديتج ان شاء الله بتسافرين وبتستانسين والحفله برايها تتاجل اصلا ما حطيناها فبالنا فطيم... استحيت منه هو يفكر فيني وانا همتني السفره وكلمنا السهره سوالف وضحك لين اذان الفير عاد شنغل ومنغل سارو يرقدوون ومايد وساره ما يندرابهم وين والبنات صلن ودخلن غرفتهن بعد ومطر شغل موتره حرك من زمان وقوم حمود وركو وزيوووود بعدهم سهرانين لعب ومادري شووه فغرفة البنات كلهن رقدن لانهن من غبشه واعيات الا هنووو تفكر وتحاتي ركو هب على عوايده مول متغير شو السالفه ويلست تتقلب لين رقدت وهي تحاتي ركوو ريم.... يودت فوني وارسلت مسج لمطر اذا هو ناسيني اليوم انا لازم اذكره هيه لازم اتقرب منه هو يحبني ويباني انا حسيت بهالشي البارحه بس فديت روحه تعود ع الغموض فحياته شكله وتعود ما يسال عن حد ولا حد يسال عنه وانا لازم اكسر هالحاجز "تصبح على خير ويعله رقااد العافيه" بس رقدت وانا اتريا رده وما رد >< cut حابه اعتذر عن تاخري فالبارت والله معاكو حق لو زعلتو مني بس ربي يشهد علي اني احاول اكتبه لكن يا غير الظروف ما تسمح ولا احيانا الافكار ما تطلع لكن اجتهدت وايد اني اطلع بارت يناسب مستواكو الراقي ^^ وكل الشكر لمن سال ولمن تابع القصه احبكن فذمتيه ^^ واهدااااااااااء للغوالي
__DEFINE_LIKE_SHARE__
هلي يا وجد عمري وامطري يالمزون... خلي سحب المحبه يالغلاااا تلتقي... موت احبك حبيبي مهتويك بجنووون... كل ما غبت عني لك لضى بارقي... | |
| ||
 |
|
09-29-2009, 07:30 AM
| رقم المشاركة : [ 187 ] |
| عضو جديد  | فديييييييتج ياميثوه ع هيك إبدااآآااآآع والله انه مافيج حيله يابنت العم
ربي يخليلج بناتج << أقصد بنات أفكآآآآآرج.... اليوم يتي ع العوووق باغاني ميحد الي بالبارت فديتج فاهمتني......ههههههه ربي لآآآهانج ..... وواصلي الأبدآآآآآع <<أوني اشجعج.....عسب ماتقولين هنو ماتحدر ع القصه تشجعني فدييييييييييييييت رووووووحج آمووآآآآآآآآآآآآآآآآآآحه>> __DEFINE_LIKE_SHARE__ |
|
| |
| |
|
09-29-2009, 07:39 AM
| رقم المشاركة : [ 188 ] | |||||||||||||||||||||
| عضو فعال |
يوم تخلص القصه وانتي تابعينها بارت بارت هع وعن ميحد اقووول مدمنه روحي وعيني مدمنه ..... ومسمعي مدمن وقلبي فيه صووووع وعن بنات افكاري والله انهن من كم اسبوع هب لين هناك لكن ان شاء الله يردن لي بالسلامه وبقوه بعد ههههههههههه وفديت هنووووو انا يوم قامت تحدر نورتنا فذمتيه __DEFINE_LIKE_SHARE__ | |||||||||||||||||||||
| ||||||||||||||||||||||
| | ||||||||||||||||||||||
|
09-29-2009, 01:31 PM
| رقم المشاركة : [ 189 ] |
| عضو ذهبي  | [align=center]ڕبي يعطيج آڷف ع‘ـآفيـہ .. فنتظـآر آڷبـآرت آڷيـآي ^^ **[/align] __DEFINE_LIKE_SHARE__ |
|
| |
| |
|
09-29-2009, 06:02 PM
| رقم المشاركة : [ 190 ] | |
| عضو فعال | الذين يشاهدون محتوى الموضوع الآن : 4 ( الأعضاء 4 والزوار 0) مــ ي ــث المنــاصــير* خيمآۈيـﮧ* هآع* قلبي معنّا مرحباااا السااااع يعلها يمعة خير ^^هاليمعه __DEFINE_LIKE_SHARE__ | |
| ||
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| زواج المسيـــار وآآآآآآهـ من زواج المسيـــار | محروم.كوم | منتدى أخبار المواقع والمنتديات العربية والأجنبية | 0 | 06-19-2010 01:10 AM |
| صعب تلقي حد يحب بضمير | محروم.كوم | منتدى أخبار المواقع والمنتديات العربية والأجنبية | 0 | 05-29-2009 02:40 AM |
| ..|{.. وفقه ربي بغ ــيري ..}|.. .. | ! غرشوووبة بوظبي ! | الإستراحه العامة | 14 | 11-04-2008 01:13 PM |
| [ تضميني ] ... وڪأن ( الثلج ) هــgg " ص ــدري " | بنت الشيبه | هواتف , مسجات , وسائط , برامج , ثيمات , نغمات , بلوتوث | 29 | 07-09-2008 07:48 PM |
الساعة الآن 05:37 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227