بعض اشعاار بركات الشمري من شاعر المليون !!

» [ ™S a s a ] ~ · #1 01-03-2008, 02:46 PM

قصيده "جانا الليل"
مشاركة / الرائع بركات الشمري !
..

..
قم ولّم الإحساس .. جانا الليـل
رتّب حنينه .. شبّ مصباحـة !!
الصب ... صب وأغرق المنديل !
والموت عينه .. عين لمّاحـه !!
لانام جرحه .. أشعل الـقنديل !
شف كيف تصحى باقي جراحه !؟
ولاحط ( آهه ) في يدينك/ شيل !
ياشين ! حِس ّ شلون صدّاحـة !

واحضن دموعك بالخفا/لاقيـل :
( ماكل وردة حب ... فواحه ) !!
وقل للمواجع : أصبري .. والويل
للي خذاه البعد ..... وارياحـه !
وقل للأماني : لاعطاك ِ السيـل
للحين فينا .... منتي مرتاحـة !
قلّي : أحبك : قل : أحبـك حيـل
خل الطعون اتعيش في راحـة !
تعال أقهويك الـهـلا والـهيـل
وافتح لك الحفّاق .. واجتاحـه !
عاشقك شاعر من ظهور الخيـل
شاعرك عاشـق حـب ّ ذبّاحـة
يبرق لك الاوجاع كان تخييـل !
وبرق المواصل فيك مـا لاحـة
ذبح لك عيونه عشـان تسيـل !
ولحّنك ( غنوة مأتم افراحـه ) !
يرسم عيونك للجـدي وسهيـل
ويعد ْ بسمك حـب ْ مسباحـه !
أغناه حظـه بالتعـب / وبْخيـل
حظ ٍ حرمه يموت في راحـه !!
يالله تعال انموت / جانـا الليـل
خل الحنين .. وخل مصباحـة !!
ماطاح من كتف الليالي حيـل !
بس طاحت من الروح تفّاحـة !!
ردية بين بركات الشمري وابراهيم الرشود

ليل الهموم السرمديه بنا طال
......... والصبر ماأثمر ولابان ... تينه !
قم غن ّ ياشادي الأحاسيس موّال
......... لااهل القلوب المرهفات الحزينه !
كزّه دخيلك للخوي طيّب الفال
......... اللي بجفاف الوقت تندا يمينه !
هاك الصديق الوافي الشامخ العال
......... من بعد ربي جيت له / أستعينه !
رجّال لكن عن ثلاثين رجّال
......... لامد ّ مد ّ .. وشوف مدة يمينه
وادري لو إني قلت " تكفون ياعيال "
......... جاني يشيل الروح في راحتينه !
ياصاحبي جيتك وانا بشكي الحال
......... وبشكي عليك اشيا .. بعمري دفينه !
شتقول باللي لابغى الدمع ماسال
......... واللي يغني .. للمواني / حنينه !
ماعاد تسوى عيشة اليوم بريال !
.........ضاقت بعيني " ويل عيني " المدينه !
تعبت أنا احطب للصبر حزمة آمال
......... ومنّاك عمري يحطبنه .. اسنينه !!
قمت اكتم الضيقة وادور لها بال !
......... واكذب واقول لشين وقتي ! يازينه !
قالوا تصبّر والأماني لها جال !
......... طيّب صبرنا لكن الجال ... وينه !؟
ماقلت في هذا الزمن شي ! هو قال
......... إن الليالي ماتعرف السكينه !
ماكل كلمة داخل الصدر تنقال
......... بعض الحروف تموت ظيم وغبينه !
حتى الهنوف اللي لها القلب مدهال
......... غابت وانا للحين .. ناطر يدينه !
راحت وخلّت لي قصيدة وسلسال
......... وغصة ودمعه بالمحاجر .. سجينه !!
كنّا مع الأطفال ماكننا ... اطفال
......... نسكت وكل ٍ قام يشرح .. بعينه !
للحين طيفه في خيالي .. ولازال
......... للحين أحسّه بين قلبي ... وبينه !!
باصاحبي جيتك ولاعاد به حال
......... ضاقت بعيني " ويل عيني " المدينة !
بركات الشمري

أبطيت لكن ماعلى مثلك جدال
................ياولد ( محسن ) طوّل الله سنينه
بالجود والطيبة .. وبجلال الأفعال
....................والمدّه اللي مثل طبعه سمينه
ياشاعرٍ ماطاح قدامه عقال
.................إلا على راسه لِقَطهْ ويمينه !
انت الذي لاقال .. قالو:- [ ترى قال ..
..............وان قال طال .. وكلنا عارفينه ] ..
مديّت لي صوتك .. وردّ الصدى طال
...............والحين جيت أعلّمك كان وينه
انا حبسته في ظلوعي ولازال !
.............أعتّقه .. وأشرب أساه وحنينه
صوتك ذبحني حط في حلقي أقفال
..........وأحكم حصاري بين صمتي وبينه !
تشكي علي الضيقة اللي بلا جال
..............وانا من أول قلت :- [ ماني سفينه ] !
ماني (سفينة عشق) .. ياشط الآمال
.........أنا ف بحر الضيق قصّة حزينه
تحكي بها الدنيا والأجيال ل أجيال !
...............وأكنّها بين الجروح الدفينه
وتشوف زولي لاوقف بين الأزوال
..........من طيبته .. تقدر كذا تستبينه
وأنا أتبسّم كلما شفت رجال
.........من طيب خِلق –الحمدلله- وطينه
مير انت تشبهني على كل الأحوال
........وتدري .. تشابهنا غبنهم غبينه !
أخوي .. وأفخر فيك في كل موّال
........ولاعلي من الحسد .. والرطينه
أنا علي إن شفت حاسدك يختال
.......آطا شِنِبِه .. وأحط صبعي بعينه
يعني توكّل وامش من عال .. ول عال
.......إلين تبني من طموحك .. مدينه
وجدال .. ما والله على مثلك جدال
......وجنونك .. ادع الله يطوّل سنينه

ساقي الثيل لـ بركات الشمري

تعبت انا أنثر هم قلبي على الناس ..
..... وتعبت ادور للحقيقة ....../ حقيقة !
يلعن ابوه .. شعور .... لابوه إحساس ..
..... لاجيت أسوي من جراحي / حديقة !!
شف لي طريقة لاغدى دربنا.. ياس ..!
..... تعبت انا ترديد ..( شف لي طريقة ) !!
ماعاد ياسع للحزن أي ....... كرّاس .!
....... وماعاد قلبي يحتمل ... أي ضيقة !
شفني رشفت من الغرابيل كم كاس !
..... والصبر مابلّت أمانيه .... / .. ريقه !!
أكبر مصيبة طيحة إنسان .. حسّاس !
..... تسوى بعيني .. موت كل الخليقة !!
أكذب على نفسى إذا قلت " لاباس " !

..... و" الباس " أصلا ً من زهوري رحيقة !
ياما تعبت أشحذ من عيوني .. انعاس !
..... مامر ( ........ ) .. عيني .. دقيقة !
صعبه تشوف بعينك الحلم / ينداس ..!
..... كنّك اتطفي .. من دموعك / حريقة !
الموت ماهو لاانحني .. للتعب/ راس !
..... الموت نفسك ... لانحنت / للخليقة !
كل الدروب أشوفها / ياس في ياس !
..... سايق عليك الله ( شف لي طريقة ) !

منـقـوول
السموحه خويتكم
ديمـوه الغلا

__DEFINE_LIKE_SHARE__

..عزت نفسي.. · 01-03-2008, 06:08 PM

كل الدروب أشوفها / ياس في ياس !
..... سايق عليك الله ( شف لي طريقة ) !
..

تسلمين الغلا ع الابيات الغاويه ..

وصح السان الشاعر .. __DEFINE_LIKE_SHARE__

الطوفان · 01-04-2008, 07:04 AM

يسلمو على الموضوع الرائع..وربي يعطيكم العافيه

نترقب كل يديد منكم وكل ابداع وكل حـصري واللـه

لا يحرمنا منكم تقبلوا مروري المتواضع من اخوكم

الــمــتــواضــع الــطــوفـــان __DEFINE_LIKE_SHARE__

مافيا 2008 · 01-04-2008, 03:17 PM

ألْفْ شـ كــر على الموضوع الاكثر من رائع

يعطيكــ العافــــــــــية ونترقب كل يديــــــــد

ولاهنت __DEFINE_LIKE_SHARE__

» [ ™S a s a ] ~ · 01-04-2008, 04:51 PM

المشاركة الأصلية كتبت بواسطة ][عزت نفسي][

كل الدروب أشوفها / ياس في ياس !
..... سايق عليك الله ( شف لي طريقة ) !
..

تسلمين الغلا ع الابيات الغاويه ..

وصح السان الشاعر ..

الله يسلمج الشيخه

تسلمين ع المرور الطرر __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شلة بن فطيس في شاعر المليون	بنت الـحـمـايـل	شاعر المليون للكبار1	33	05-09-2010 01:26 PM
حصريا..الحلقة الاولى...من شاعر المليون+افتتاح شاعر المليون(فيديــو)	محروم	شاعر المليون للكبار2	35	09-20-2009 03:39 PM
حصريا..الحلقة الاخيره من شاعر المليون+لحظات تتويج بطل شاعر المليون+حضو أمير الشعراء	محروم	شاعر المليون للكبار2	25	06-21-2009 02:31 PM
في شاعر المليون ..	قطريه	الشيوخ و رؤساء الدول	10	04-13-2008 10:25 PM