العامل اللي تبغا يكحله وعماها

محروم.كوم · #1 10-11-2015, 01:11 AM

السلام عليكم

مسأ الخير والله يسعدكم باالدآرين

السالفه والقصه صغيره وفيه شوي من الفكاهه والعبر

عندي عامل باالاستراحه له تقريبآ فوق سنه وزود المهم عندي نخل غارسهن باالاستراحه بمكان

واحد ومحدد

والعامل هندي مايعرف يقول مافيه معلوم او ماادري كلشي يبزع ويعرفه وهو من جنب القده

لانطول عليكم جبت لي 6 فروخ نخل وقل له حطهن باالظلال الين أجي بكره انا اغرسهن وادور

لهن مكان مناسب وبعيد عن النخل الكبار والصغار ومثلكم عارف انه لازم يبعد النخل عن بعض

اقل شي من 4 الا 5 متر وكل مازاد البعد افضل واحسن للعسبان تاخذ راحتها باالتمدد والكبر

الشاهد ومالكم باالطويله يوم جيت العصر واثره يحترين عند باب الاستراحه مبسوط وفاله

24 قراط غير العاده وش عندك مبسوط ياشوكت بيه قال بابا بابا كله تمام خلاص

انا فرحت احسب الغنم ولدآ او شي طيب صار قلت له وش فيه خلص

قال نخل نخل ميه ميه انت جيب جديد قل وش فيه ولد النخل هههههههه قال لالا يناضرني

وهو يضحك قال تعال شوف ميه ميه ولا فراخ الجمعيه

والله واشوف هاالمنظر والشي اللي قطع قلبي فيه

قلت ياشوكت ياليت امك ماجابك او يوم جابك طلعت بنت ولا جيت عندي هههههه

اثره يااخوان جايب الفروخ وغارسهن بجنب النخله الكبيره على باله هاذي امهن الكبيره

وهذولاي عياله اللي كانوا ضايعين خخخخخ المشكله مغرسهن ماصقات مره ياليت هن بعاد

كان قلنا اشوا ومعليش

قلت عاد وشو اسوي امر الله شق القربه اللي صار صار

قلعناهن من جديد وتم الغرس والحمدلله جت سليمه وابشركم انهن سالكات ولله الحمد والمنه

وعقبال ماتذوقون خرافهن :good2:

للفائده

العامل مهما كان قديم او جديد وخاصة اذا ماهب عربي لازم توريه وتعيد الكلام مية مره عليه

اتمنا للجميع دوام المحبه والسعادة ويصلح لنا ولكم النيه والذريه

واتمنا اني كتب شي مسلي ومفيد __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أقوال مضحكه .... لكـــن حكيمه!!!!	محروم.كوم	منتدى أخبار المواقع والمنتديات العربية والأجنبية	0	04-21-2010 05:21 AM
وصايا ام حكيمه لإبنها	محروم.كوم	منتدى أخبار المواقع والمنتديات العربية والأجنبية	0	05-29-2009 08:51 AM
أبيات حكيمه للشافعي... روووعه...	محروم.كوم	منتدى أخبار المواقع والمنتديات العربية والأجنبية	0	05-14-2009 02:40 AM
خمس احجار كريمه من اجل حياه حكيمه ^^	الفلاسي_399	الإستراحه العامة	12	12-27-2008 03:23 PM
احبكم رجعت من جديد تبغا ترحيب	a7ebkom	تراحيب وتهاني	18	06-22-2008 11:27 PM