#poem_5611759c85280 td {font-family: Tahoma, Verdana, Arial, Helvetica, sans-serif;font-size: medium;font-weight: bold;} ابدعت من جزل الفرايد والامثال طاروق قافه من جديد الجزالي اقولها والله عالم عن الحال ابيح ما كنه فصدري ليالي دقيت سلف الجيب وخترت رجال رجال ياقف للحمول الثقالي في خوته ما يوم عكر لي البال ولا يوم ضاق وقال نبغى العيالي لا من ركب يمناي ما وفر المال ولا هو من اهل الثرثره والخبالي والجيب راح وقام يقطع فالاميال ضاري على فجوج الخلا والجبالي نبغى ديار'ن للطواريح مدهال من الجنوب اليا حدود الشمالي امشي على شط البحر كلي امال ياما تخيلته موكر قبالي واليا قنصت بديرت'ن حولي جبال اتخايله فوق الحصى والرمالي قرناس من ديرة هل الفرس رحال فيه الوصوف النادره بالكمالي ياما على صيدته عقب بلأفعال مثل الشجيع اليا نخوه الخوالي هو منوة القناص من مر الاجيال يازين لامن هد من رجم عالي نصبح على طاريه وامسي بالامال وعما كتبه الله مرتاح بالي هذي الحياه وكل يوم'ن بها فال مالي عن المكتوب فر ومحالي ووقت المسا طفيت في مرقبن عال نبعد عن ازعاج المدن والهبالي مع ربع شجعان'ن لهم فالخلا جال فيهم وصوف المرجله بالخصالي وقام الخوي جهز من البن فنجال راكد على حمسته ماهو عجالي والنار بشقار الحطب جالها صال يا زين شبتها بقرب الدلالي ووقت الصلاه نقوم ماعنها حال هي البقا بعد الفنا والزوالي وعقب الصلاه وبعد مالجمر ينهال قمنا نجهز صيدنا للرجالي والسالفه دارة بها الهم ينزال ما بيننا مذكور قيل'ن وقالي خوة نشاما عزوتي لا الزمن مال قد سجلت في شطر بيتٍ طرالي هذا ولد عم'ن وهذا ولد خال وهذا خوي'ن محزمي لليالي وختامها من بعد ما قافنا طال نطلبك دعوه ياعظيم الجلالي انك تغفر الذنب عن كل نزال ما دام فالدنيا نعد الرحالي