تعرفون شو ستوي ويايه

حكومة ال نهيان · #1 07-18-2009, 08:51 PM

السلام عليكم ورحمة الله وبركاته

انا عضو يديد فالمنتدى وهذا اول موضوع حقي

ببدا في السالفة

قبل 5 شهور استوالي حادث غير حياتي فوق تحت
يوم الجمعة الساعة 7 المغرب
ظهرت انا وربعي واخويه ركبنا السيارة ورحنا البر يلسنا هناك اربع ساعات تقريبا
فالرده اترجيت اخويه انه يخليني اسوق فوافق وسقت عند الدوار شليت ع تايرين ونقلبت السيارة من الساعة 10 ونحن طايحين لين 12 كنت اسمع صوت اخويه وهو يصيح وربعي ماعرف وينهم كنت انا الوحيد الصاحي بس كان راسيه منطر ظهرت من السيارة وشوف ربيعي عبود طايح فصوب وعلو منقلبه عليه السيارة انا ماعرفت شو اسوي وماحسيت شو ستوي لين المستشفى هناك انا كنت فالغرفة وشوف ابويه وابوربعي يالسين يصيحون رحت ادور عليهم شفتهم في ثلاجة المستشفى حسيت بغصة دورت ع اخويه فالعناية

يتني حالة منذاك اليوم ماحب اروح البر ولاحد يب طاريه

احينه انا عندى سؤال
انا السبب في موت ربعي وشلل اخويه؟

دخيلكم ردو __DEFINE_LIKE_SHARE__

اماراتية دلع · 07-18-2009, 09:41 PM

لا حــول ولا قوه الا بالله ..

هذا التهور وما يسوي..

بس الحمد الله انك على قيد الحياه ولزم تحمد ربك على هذا الشي واتمنى انك تبدي حياه يديد وتتعلم من الماضي..

وتترحم على ربيعك اما اخوك والله ما اعرف شو اقولك بس حاول تخفف عنه ..

هذا الموضوع اتمنى كل شباب المنتدى يقرونه لان ما يفيد الندم بعدين ..

الله يعينك على مصابك هذي الدنيا بس الواحد لزم يخذها بكل حذر وتفكير قبل ما يسوي اي شي .. __DEFINE_LIKE_SHARE__

toota4 · 07-19-2009, 12:21 AM

لا حول ولا قوة الا بالله
انت مو السبب فلي استوى هذا قضاء وقدر وانت ما تقدر تغير القضاء والقدر
هذا طيش شباب بس حاول انك تنسى ولي فات مات وحاول انك تخفف عن اخوك

وحاول انك تفتح صفحه يديدة وتعيش حياة سعيدة ولا تفكر انك تروح البر مرة ثانية.......................... __DEFINE_LIKE_SHARE__

أحبـــك · 07-19-2009, 01:02 AM

صبِــأإأإح الخير .،’.

لا حول ولاقـوة إلا بالله .،’.

ربي يـرحم إلي توفى .،’. وربي يشـفى المريض.،’.

ليش تفكر في انك السبب ؟!!

فكر بطريقـه ثانيه .،’. مـا سـألت نفسك ليش انت مـاياك شي؟!

إلي صار درس صغير والحياه دروس .،’,. لازم تحمـد ربك .،’. و تعتبر هذي حياه ثانيه لك .،’

عشـأإأن تغير كـل شي في حياتك للأحسـن .،’. الحادث إلي صار كان شي ومكتوب سـواء انت او أخوك او ربيعك إلي كان يسـوق .،’.

أنصـح إلي تشوفه متهور في السـواقه .،’,. صـح الأغلاط إلي في حياتك .،’,.

حط في بالك انه شي ومكتوب وأن إلي صار مثل فرصه ثانيه لك او تحذير عشان تصلح كـل أخطائك .،’.

وإلي توفي ترى عمره وقف في هذاك الوقت .،’. وإلي صابه شي ترى إختبار لصبـره .،’.

السمِــِـِوحـه على الإطــاله .،’.

حــبيت أقول إلي في خاطريـه .،’. __DEFINE_LIKE_SHARE__

( همس الليالي ) · 07-19-2009, 05:13 AM

لا حول ولاقـوة إلا بالله

:؛

الله يجبركم عما اصابكم .. هونها تهون

:؛

ولا تلوم نفسك .. وتزيد هموك
ما عمرك فكرت ان هذا قدر من الله تعالى

القدر مكتوب لو بعد ميه سنه خلاص قدر الله وماشاء فعل

:؛
ومثل ماقلت وخيتي احبك الحياه دروس وعبر ..
اتمنى ماتلوم نفسك .. وحاسب نفسك عند الله

:؛

طيب لو اقولك عن سالفه ولد بو حمد والله تنزل عيونك دم مو دمع
هذا واحد

الله انعم عليه بـ عيال بارين .. ماشاء الله ..
وكان جداً الرجال راعي فزاعات ونخاوهـ .. وصيته ذايع بين الجيران

قدر الله وصار لـ ولدهـ الكبير حادث .. وقدر الله توفى صديقه وعاش هو
صارت حياته هموم في هموم .. ونادراً مانشوفه واقف ع باب بيتهم .. وحالة حاله

رحوله الشيبان والشباب ونصحوا انه يطرد الحزن من قلبه .. وهذا قدر ومكتوب

مرة شهور .. وانتكست حالة الولد الكبير ولد بو حمد ..
وحالة تزيد وتزيد وطاح في العياذ بالله في امور يا دافع البلا
جت ذيك الليه .. الوكاد كان جاي في الليل ع الساعه 4ص الوكاد ..

:؛

وطلعو عيال عمي وخوالي يصلون في المسجد .. الا يوم شافوا النيران في بيتهم
ودخان .. اتصلوا ع الدفاع المدني .. والحمدالله طفو النار

اللي صار

:؛

الاب جاها تشوهـ .. ولا الحين يتحسب على اللي غير حالة ولدهـ
اولادهـ : الولد الوسط .. اقطعوا يدهـ .. لأن البيت بكبره طاح عليه وسببله تشوه
الولد الثاني : فقد بصرهـ .. الولد الصغير : جاه تشوهـ من الدرجه الاولى ..

الام : تشوهت .. وحالتها كانت خطرهـ جدا جدا .. وقدرالله وتوفيت بعدها بكم يوم

السبب

؟

ولد بو حمد : هو الذي اشعل النار في منزلهم
ولا الحين الولد ترا ما مسكوهـ ..

وقصه حقيقه .. والله

:؛

:؛

شوف ياخوي حجم : اللي انت فيه الحين وحجم قدر بو حمد وعياله
الحمد لله ع نعمه الصحه والعافيـه

:؛

يعطيك العافيه ع طرح الموضوع __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
هل تعرفون ما معنى ( بيض عيون ) تفضلوا وراح تعرفون >>>	محروم.كوم	منتدى أخبار المواقع والمنتديات العربية والأجنبية	0	01-28-2010 01:20 AM
بخاطركم تعرفون شو الي شاغلني عنكم هالفتره .. ؟؟ تعالوا وشوفوا الصور .. منها تسلية ومنها تعرفون السبب	BiN_RaSHiD	عدسة الاعضاء , كاميرا الاعضاء	67	10-08-2009 09:19 AM
قصه علي النعيمي وسبب نجاحه	محروم.كوم	منتدى أخبار المواقع والمنتديات العربية والأجنبية	0	04-29-2009 05:50 PM
افرحو ويايه	حكومة الغلا	التبريكات والمناسبات	12	06-27-2008 03:58 AM