آاعترفلڪ فالبدايـﮧ گنت ابا اتسلى فهواڪ

єℓкšнє5αн · #1 07-17-2009, 02:57 AM

قصة آاعترفلڪ فالبدايـﮧ گنت ابا اتسلى فهواڪ

قصة من تأليفي
:: єℓкšнє5αн ::

ها اوول موضووع انزله لكم وحبيت انه يكون فهالقسم,,وان شاء الله اشوف ردود غاويه وتفااااعل وياايا واتمنى من كل اللي يقروون القصه يعطووني رايهم فيييييييها ,,,..

وان ماعيبتكم خبروني عسب ما اكمل
بس ان شاء الله تعيبكم

اعترف لك فالبدايه كنت ابا اتسلى فهواك
جيتك وقلبي معايه رحت وظل قلبي معاك
كنت لاهي كنت سالي كنت ماخذها تسالي
كنت ماشي بس فجأه طحت كلي في هواك
كنت ابيك تمــــوت فينـي واستـلذ انك تبينـي
كنت ابي تمشي ورايه صرت انا امشي وراك
مدري اسلوبك جذبني والا هو طيبك غلبني
او انا مكتوب اني مــا احـــب حــــدن ســـواك

بعرفكم ع بطلة القصه..وهي طبعا واكيد ..فطــــــــامي

فطامي طيبه وحبوبه ..من مدينة العين ..تدرس فمدرسه الصاروي .. ..اول ثانوي ..وهي خجوله بدرجه كبيره وعندها اخت وحده اصغر عنها بـ3 سنوات ..وعندها اخو يدرس فـ الجامعه اسمه منصور..وعبود فثاني ثانوي ..

احم احم بتعرفون باجي الشخصيات يوم بتقرونها

يلا أخليكم ويا القصه ^^

البـــــــــــارت الآول

يوم الأحد ..نشت فطامي الصبح الساعه 6 تمسحت وصلت وعقب نزلت تحت وتريقت ..طبعا مب من عوايدها … دايما امها تي تهزبها واطلع روحها لين اتنش حق المدرسه ..بس مدام هذا أول يوم حق المدرسه اكيد بتتنشط وبتتحمس ..روحت اتلبست ورتبت عمرها وروحت عند ماماتها
فطامي:ماماتي
ام فطامي:عيوونها
فطامي:ماماتي وصليني المدرسه
ام فطامي:شو اوصلج ..توها الساعه 6 ونص ..بتروحين تخمين المدرسه انتي والا شو
فطامي:خخخخخخخخخخخ ..اونه بعد العيوز تعرف اتنكت ..
ام فطامي:عيوووز فعيييييينج ..ذلفي عن ويهي بروح اوعي اخوانج
فطامي يت فبالها فكره جهنميه :فديتج انتي استريحي وانا بسير اوعيهم..وجااان تربع فووق ..واتجهت صوب منصور..فتحت الباب ..بس ما لقت حد راقد ع الشبريه ..ومحد فالحمام ؟؟ استغربت الحرمه ويييييييينه هذاااااا..لايكون مب راقد فالبيت ؟؟
وجان تسمع صوت
:بووووووووووو
فطامي :يمااااااااااااااااااااامي
:هههههههههههاااايييييي
فطامي:طيحت قلبي يالسخييييييف…ما يضحك ..ههه
عبود:ههههههههههههه..ما يضحك ليش تضحكين هااااه
فطامي:انته شو يايبنك اهنيه
عبود:اللي يابج اهنيه يابني
فطامي وهي تمط كشته:انزييييين ليش ما تحلق هالكشه ..والا عايبتنك
عبود:أأخ ..هدي شعرررري
فطامي:مابي مابي ..ليش تخووفني
عبود:والله شو اسوي يوم انتي جباااااانه وخوااااافه وتنقزين بسرعه
فطامي:انزين ما عليه بررررردها لك
ملاحظه:عبود طيب وحبوووب ..وهو اكبر عن فطامي بسنه ووايد يحبها وما يرضى عليها ابدا ..بس يحب يطفرها وااااايد
وجان يدخل عليهم منصور وهو معصب
منصور:حووووووووه شو اتسوون فغررفتي ..
فطامي زايغه:هاااه ..
منصور:انجلعو بررررع
فطامي:انزين منصور يلا اباك توصلني المدرسه من وقت
منصور:انا الساعه 8 بظهر
فطامي:اففففففف
عبود:طيررررتيييييني
فطامي: ما يضحك ..وظهرت
منصور:انته بعد تتريا حد يهزبك ويطردك ..الحقها
عبود:انزين ..ها ظهرررررنا
ملاحظه:منصور البجر .. عمره 23 سنه ,,,ويدرس فالجامعه (اخر سنه )وهوما شاء لله عليه حليو ..حنطاوي البشره شعره طويل بس مب وايد ..وملامحه حلوه وهاديه ..وهو جاااامد شوي وغامض ودوم يهزب عبود بس طيب وحبوب ويحب اخوانه وما يرضى عليهم
..
فالمدرسه قبل ما يدق الجرس ويوزعون البنات
فطامي:بنااات انا خااايفه يحطووني فصف ابروحي
عويش:لا ان شاء الله ..يارب يحطونا كلنا مع بعض<<< ربيعة فطامي الروح بالروح
ودووم:والله انا قلبي يعوورني
فطامي:واناا بعد
وديمه:بنات انا ما شفت ميثوه
عويش:هي حتى انا ما شفتها
فطامي:لايكون بتروح مدرسه ثانيه
ودوم:لالالالا ما اظن بنات عمها اهنيه
وجان يدق الجرررس
مريوم:بنات يلا انسير دق الجرس
البنات:يلا
..
بعد ما وزعو البنات ..ومن حظهن ..فطامي وودوم وعويش حطوهن فصف واحد
فطامي:يااي انا مب مصدقه
عويش:الله كشـــــخه
ودوم:حرام امون بروحها ..وحتى مريوم وميثوه
فطامي:هههه يحليلهن
..
مرن الثلاث ساعات بسرعه ..وفالبريك تيمعت الشله ويلسن يتحطون فالمدرسه
امون امبوزه:حطوووني بروحي
مريوم:وانا بعد ..
فطامي:انا وعويش وودوم فصف واحد
مريوم:حظكن ..أي صف حطوكن
عويش:اخر شعبه ..6 ..وانتي
مريوم:انا4 ..وانتي ميثوه
ميثوه:انا 3
ودووم:الصراحه المدرسه تلوووع بالجبد
فطامي:هييييييييه والله مب حلوه..خلاص ابا ارد عاااتكه ..ابا مس اليازيه فديت روحها والله اشتقتلها
مريوم:فديتها والله ..
عويش:بنات انا ابا جلاكسي ..يلا انروح نشتري
البنات:يلا ..وروحت اشترن وقعدن ع زاويه ويلسن يسولفن وكل وحده ترمس ع ابلتها وعن بنات صفها
..
وآخر الدوام
فطامي:يلا صبايا اخوي وصل ..نلتقي باجر ..جاو
البنات:بباي
ركبت السياره وعقب روحو البيت بدلت ثيابها وتسبحت ونزلت تغدت وعقب عقت عمرها ع الشبريه وخمدت

الساعه 7 بعد المغرب فطامي اول ما صلت المغرب وخلصت صلاه زخت التلفون ويلست ادق ع ربيعاتها <<<ما شاء الله
فطامي:ههههههههههههههه
عويش:ماااا يضحك
فطامي:محد قالج ضحكي واااااااااالله<<معصبه الاخت خخخخخخ
عويش:جب جب
فطامي:اقوول عويش انا بسكر عنج الحين اوكي
عويش:لا يكون زعلتي
فطامي:لا ما زعلت
عويش:هيه ادريبج انتي ويهج لوح ما تزعلين
فطامي:لاااااا والله
عويش:خخخخخخخخ
فطامي:يلا جلبي ويهج
عويش:اوكي ع أي صفحه
فطامي:هاهاها ماااااال اوول انتي
عويش:انزين لا تخبرين حد
فطامي:اقوووووووووول
عويش:قولي ياكثر ما تقولين
فطامي:سمعتي صوت القطار
عويش مستغربه:قطااار؟
فطامي:هيه بسمعج اوكي..ويت
عويش:اوكي ..تووووت تووووت تووووووت
خخخخخخخخخخخخخخخخ ..اكيد ما فهمتوا شي..فطامي سكرت الخط فويه عويش هههههاايي
واونه صوت قطار ..عويش عصبت من هالحركه ويلست تتحلفلها خخخخخ
بعد ما سكرت التلفون
فطامي:هلا هلا والله
علايه:اهليييييين
فطامي:انا اقول ليش البيت منووور
علايه:احم احم
فطامي:طاااااااع هاي..يا غبيه انا اقصد بابا مغير الليتات ..هاهاها
علايه:سخييييييييييييفه
فطامي:خخخخخخخخخ ..اشحالج
علايه:بخييييييير..اشتقتلج من زمان ما شفتج
فطامي:يااااربي هالانسانه كيف جذابه ..امس كنت عندكم فالبيت
علايه:ههههههههههههههههه
ملاحظه:علايه بنت عم فطامي وهي قدها عشان جيه هم وايد مع بعض ..فنفس المدرسه لكنهم ما يشوفون بعض وايد لانه كل وحده تكون ويا ربيعاتها
..
الصوب الثاني ..فالميلس
منصور:ياخي شو تباني اسوووي ..تدري انه ورااي جااامعه
حمد:والله كلنا ورانا جامعه <<< اخييييييرا ظهر البطــــل لووول خخخ
منصور:فديت خشمك ما عليه السموووحه منك وحقك علينا ..ما عليه بنمرك البيت وبنسأل
حمد:لا مانبا ..اقعد فبيتكم ابرك لك
منصور فاج عيوونه:هاااااه
عبود ماسك ضحكه لكن ما قدر:ههههههههههههههههههههههههههه
منصور:حوووه انته ..ع اشو تضحك..انجلع برع
عبود ميود ضحكته:لالا مايخصني انا ياي هنيه قبلكم
حمد:عبود شو المدرسه وياك
عبود:والله زيييييييييينه
حمد:يلا شد حيلك هالسنه ..ولا تيب دواويح ..شد حيلك من البدايه
عبود قافط:افا عليك..لا توصي حريص
::ملاحظه:حمد اخو علايه..يدرس فالجامعه ..عمره 23..لعاااااااب ..والكل يعرف هالشي ..ودووومه يضارب ويا فطامي..عشان جيه كل واحد يكره الثاني ..وما يدانون بعض ..واحيانا يحاول يقردن فطامي لاكن فطامي تقفطه وتعطيه فالووويه وما تسويله سالفه عشان جيه يكررها زياده ويقول عنها متكبره ومغروره وشايفه عمرها ..
..
فالصاله
فطامي:ياخي انتي بسج من الكمبيوتر ..ابغي اعرف انتي يايه عندي انا والا يايه عشان تقعدين ع الكمبيوتر
علايه:صبري بس بكمل هالقصه حرام عليج
فطامي:من دشيتي وانتي مجابله ها
علايه:حرام عليج توني الا يالسه
فطامي:انزين انزين خلاص لا تصيحين
وجان ايونهم الشباب
الشباب:هود هود
حمد:سو درب حق عمكم حمد
فطامي:عمنا اونه ..ضحكتني ..كككككك
حمد:بسم الله ..اعووذ بالله ..حد رمسج انتي ..امره جاهزه حق طولة اللسان
فطامي:هيه عبالك محد عنده لسان طويل غيرك انته
علايه:اوهووو ..بدووو
منصور مبتسم:اشحالج علايه
علايه:بخيييييييييييير ..وانته
منصور:يسرج الحال
علايه:دوووووم
عبود:وايد متفاعله ماشاء الله
علايه:خخخخخخخ ..ما يضحك
عبود:محد قالج اضحكي هاهاها
حمد:يلا علايه خلينا بنظهر
علايه :وييييييين توونا ياين
فطامي:لالالالالالالالا...خلكم
حمد حب يقهر فطامي:علايه.انتي قلتي ودني شوي وردني ما اتحمل سخافة فطامي ..بنسير باسكن يلا
فطامي:ها ها ها ..علايه ما تقوووووول جيه انزييييييين ...وبعدين بي وياكم
حمد:لالالا قري مكانج ..السياره ما تسد اكثر عن اثنين
فطامي :فتك وما تسد..ههعهع
علايه:فديتج تعاااااالي ويانا

حمد: ترا لو يت ما بوديج من الحين اقولج
فطامي اضايجت من كلامه :خلاص علايه برايكم
حمد استانس وايد يوم شافها اضايجت
المهم بعد ما روحوا .. يلست فطامي ويا اهلها ..وع الساعه 10 ونص روحت ترقد
..
يوم الأحد الساعه 7و40 دقيقه صباحا
فغرفة فطامي
ام منصور:فطاااامي..فطااامي بسج نشي ..فطااااامي والصمخ ..بتتأخرين ع المدرسه نشي
فطامي:هااا ..امايه الله يخليج خليني ارقد
ام منصور:شو اخليج ترقدين ..تعرفين الساعه كم الحين
فطامي:امايه فديت روحج ..5 دقايق بس
ام منصور :لا 5 دقايق والا 10 دقايق...يلا نشي
فطامي تنش :اووووووف ...حرام عليج امايه ..توووه واصل
ام منصور مستغربه:امنووو
فطامي:منوو غيره ..فاااااااارس أحلامي ..حرام عليج لو خليتني بس اشووف شكله افففف..نحااااااااااسه
ام منصور:عن قلة الأدب ويلا ع الحمام ..تراج متأخره
فطامي:امايه تعبااااانه ..خليني اغيب اليوم
ام منصور:اللهم طووولج يا روووح ..وبعدييين وياج انتي ..اخوانج ما يسوون جيه
فطامي وهي تنش:ها ها قمنااااااا
روحت تتريق وعقب تلبست وعدلت شعرها وحطت جحال وشوي قلوس خخخ وروحت المدرسه ..وصلت الساعه 8 و7دقايق..وطبعا الشيخه فاطمه متأخره 7 دقاايق <<ياويلج يا سواد ليلج..ويوم دشت المدرسه شافت الوكيله فويها وقالت بتسويلها طاف وبتكمل دربها
جمول: تعالي انتي وين رايحه
فطامي زايغه :هاه
جمول:من اولها بتتأخرين انتي ..ما تشوفين الساعه كم الحين ..اردج بيتكم
فطامي :ليييييييش حرام ما تأخرت وايد
جمول:تعالي ويايه داخل بكتبج انذار بس لانه هاي اول مره
فطامي اووف منها هاي بعد :انزيييييين
جمول:انتي وين يايه عرس والا مدرسه
فطامي مستغربه:مدرسه ليش؟
جمول:شو هاللي مسوتنه بويهج
فطامي:عادي حاطه جحال وشويه قلوس
جمول :سيري مشي والا صدقيني بردج بيتكم
فطامي والله تسوييين خييير :ان شاء الله فديتج بس لا تعصبين علي والله ما اتحمل تراني <<ياويل حالي
جمول اطالعها بنص عين :نعم؟
فطامي:ماشي كنت اكح ..
المهم عطتها ورقة دخول ..ودشت الصف
..
فالبريك
كانن البنات يسولفن عن الرياضه
عويش:حوه ما اسمحلج لا تغلطين ع الوحده
مريوم:سيري انتي وهالوحده من زيينهم عااااد
عويش:يسد انه سماعيل وياهم
ودوم:اوووف ما ادري شو اللي عايبنج فيه
عويش:من اللي فوزنا ..من اللي خلانا ناخذ الكاس؟
ودوم:بالحظ فديتج
عويش:كل اللي يسويه بالحظ مستحيييل؟
فطامي:بسكن خلاااااص
وجااان يدق الجرس
شيوم:يلا علينا دين
البنات:يلا
..
يوم الخميس الساعه5ونص..فبيت بو منصور كانت فطامي يالسه فالصاله اطالع فلم هندي وجان اتشوف منصور متكشششششخ وبيظهر من البيت ..وربعت صوبه
فطامي:علـــى ويـــــــــــــن ان شاء الله
منصور:ما يخصج انتي ..يلا جلبي ويهج
فطامي امبوزه:افاااااااااا ..انا اجلب ويهي
منصور:ادريبج لو خبرتج بتقولين بي وياك
فطامي:لالالالا ما بقول..خبرني انته وين بتروح
منصور:بروح السينما..لا تقولين بي لاني بظهر ويا الربع
فطامي وهي تحيس بوزها:اممممممممم..انزين ما بي ..بس شوف ابا اروح عند علايه
منصور:اوكي خلاص تلبسي ع السريع ..بترياج فالسياره
فطامي:اوكي نص ساعه وبيك
منصور:شوووووووووه..عندج 5 دقايق تسمعين والا لا
فطامي:منصور حبيبي ..ربع ساعه بسرعه والله
منصور وهو يطلع :قتلج 5 دقايق ان ما يتي بي بمطج من كشتج وبركبج السياره
يحليلها فطامي ربعت فوق تلبست وحطت جحال وقلوس خفيف كالعاده ونزلت تحت ..واول مانزلت شافت منصور داش البيت وزاااغت
منصور:تدرين لو كنتي متأخره دقيقه وحده كنتي الحين بتكونين فالقبر
فطامي:ما ترووووووم
منصور:متأكده اني ما اروم؟؟
فطامي زايغه:اهون عليك ؟؟
منصور:بس بس يلا امشي وانتي ساكته
فطامي: انزيييييييين
..
فبيت بو حمد كانوا الأهل كلهم يالسين فالصاله ويسولفون ويضحكون ..وجان تدخل عليهم فطامي
فطامي:السلااااااااااام عليييييييييكم ...
الكل:وعليكم السلام
بوحمد:هلا والله بالطش والرش..هلا ببت اخوي
فطامي روحت وسلمت ع الكل :اهلين عمي ^^
حمد:ها اشعندها الدبه يايه عندنا
فطامي:أولا انا مب دبه ..ثانيا انا ما يايه عندك انزين ..يايه عند عمي وعلايه
علايه:ويييييييييو قفطووه خخخ
حمد معصب:ما يضحك ..اوكي ..وجان يظهر خخخخ
علايه:تعالي ويايه المطبخ
فطامي :يلا
فالمطبخ ..الحبايب يالسات يغنن <<مرتشبااااااات ع الأخر ..فطامي اطبل وعلايه الخبله ترقص خخخخ
بلغ حبيبك وقله باخذك منه ..هذا هو الحل ومالي أي حل ثاني
ما اقدر اقعد واشوفك بس واستنى..كل يوم عنك بعيد زود جناني
من يوم شفتك وانا في داخلي ونه ..ولعت قلبي ترا شبيت وجداني
قله ترا اموت لو ما تبتعد عنه..لازم انا اهواك ولازم انته تهواني
ياليت قلبك عرفني من صغر سنه ..والله لحبك واضمك بين احضاني
حبيب قلبي منعت القلب لكنه..يبغيك انته ولا يبغي احد ثاني
مره وحده
حمد:.عااشوووا ..لالا الصراحه خطيييييرااااااااااات
البنات استحن يوم شافو حمد ..وكل وحده ويها محترق ومب عارفات شو يسون والا شو يقولن
علايه:انته شو يايبنك اهنيه
حمد:والله الواحد حق شو ايي المطبخ ؟؟..يوعان حالي حالكن ..
جان يروح صوبهن
حمد:الله شو مسويات,,باكل وياكن
البنات:لااااااااااا
فطامي:اجلب ويهك يلا ماشي
وفـ هالوقت رن موبايل حمد..وحمد اول ماشاف الرقم تغيرت ملامح ويهه
حمد :الوو هلا بو عسكور..اقولك بتصلبك بعد اشوي اوكي.باي
فطامي وعلايه يلسن يطالعن بعض وعرفن انه المتصله وحده مب بو عسكور خخخخخ
حمد يطالعن وهو مستغرب:بلاكن؟
فطامي:ماشي ماشي
حمد:انزين يلا انا خلني اكل شوي لاني بسير
علايه:ويييين بتسير
حمد:بسير المول الشباب يتريوني
علايه:اهاااااااا..اوكي بس بشرط
حمد:شووه
علايه:بني وياك
حمد :هاللي ناقص بعد ..تبين كف قولي
البنات:خخخخخخخخخ
..
من الصوب الثاني
حمدان:الوو ها وينك انته ياخي..
عبود:ويني بعد فالبيت
حمدان :تستهبل انته والا شو..يلا ورانا مباره
عبود:خلاص الحين ياينك
حمدان:اترياك..ترا الشباب كلهم عندي
عبود :خلاص 10 دقايق واكون عندك ..يلا اجلب ويهك ولا تقعد تتفلسف علي
حمدان:اوكي ما عليه بأدبك انا فالمباره
عبود:هههههههههه..يحليلك انته ..اسكت اسكت اخر مره فزنا عليكم 7/0..لك ويه ترمس بعد
حمدان:لا هالمره غير
عبود:ههههه دوم تقول هالمره غير ونفووز عليكم هههاي
حمدان:اوكي اوكي بنشوووف
عبود:ههه اوكي..يلا باي
حمدان:باي
::حمدان اخو حمد ..يدرس فثاني ثانوي. .المهم بعد عشر دقايق وصل عبود عندهم وكانو كلهم متعيمعين (الشباب ..((شباب العايله بس))..ويلسو يسلفون وعقب روحوا يلعبون
انتهت المبارة بفوز فريق عبود كالعاااده خخخخخخخخ...واستانسو ويلسو يتخققون عليهم خخخخ

بعد ما خلصت المبارة روحوا الشباب بيتوهم ..ودشو عبود وحمدان داخل
عبود:كليناهم ..كليناهم ههههاي
حمدان:..كلتك ينيه قوول آمين
عبود ناقع من الضحك عليه:هههههههههههههههه
حمدان: اونه كليناهم وين تحسب عمرك انته
عبود:ما الووومك مهزووووم اكيد مقهوور الحين ..
حمدان:اسكت اسكت ياخي
عبود:اذكرك بكلامك قبل المباراه؟
حمدان:لا تذكرني ولا اذكرك..اصلا انتو فارين اليهالو عندي ..وماخذ خلوف وعيسى وياك
عبود:انته بغيت هايلاك شسويبك
حمدان:انا اشدراني انهم ما يعرفون يلعبون
عبود:ياخي هالكلام دوم تقولي اياه بعد كل مباراه
حمدان:انزين قوم قوم بنسير نلعب بليستيشن وبعلمك الأدب
عبود:اسكت لا تقول بفوز عليك لا تتقفط عقب
حمدان:لا هالمره صدق بتشووف ان ما يبت عليك 10 ما كون حمدان
عبود:هههههه..اوكي بنشووف
..
خلونا انسير اشوي صوب المول ..بالضبط عند حمد ..وربعه ..عاد هايل الصبع ما خلو بنت فالمول بحالها ..كل ما شافوا وحده ربعوا صوبها هههه<<مجاعه خخخخ
سيف:ياخي ليش اليوم نحس ..محد طاع يتعرف
حمد:انته شفت شكلك قبل ما تروح تتعرف هههههههههه
مايد:خخخخخخخخخخ
سيف:ما يضحك اوكي
مايد:شكلك اللي يضحك
أحمد:شباب شباب ..لقيتلكم وحده ..اطيح الطير من السما
حمد:وييينها هاي هاتها صوبي
أحمد:تعالو ورايا
سيف:صبر صبر ..خلكم جي رزه شراتي
حمد:طاع شكلك انته ..
مايد:هههههههه..يلا ويينها
لحقو احمد وروحوا صوبها
حمد:يا سلااااام عليك..اسميك ذووق انته
أحمد وهو يتخقق:عشان تعرفون اني شي
مايد:خلوها حقي انا ابغيها
حمد:لا اخر وحده انته خذتها ..هالمره حقي انا
مايد:اوكي سيرلها
روح حمد صوبها وهو يغني
شوق قلبي غرد وغنه فـ الخفوق وزاد تعذيبه..يشتكي من عوق يسكنه فالحشى ولا حد يدريبه
البنت يلست اتشوفه بنظرات وعقب صدت عنه
وحمد يكمل ولا عليه
روف وارحم وانته لي منا لو تشوف الحال بتذيبا كم ليله فيك تسهرنا وما اطول الوقت حسيبه
البنت روحت عنه وهو تم يلحقها عاد اخر شي طفرت منه
البنت:وبعدين وياك انته
حمد:فديت صوتك فديتك شفتك عشقتك هويتك ياليت تدري ياليتك غلاك ياكبر قدره
حمد وهو شاق الحلج:اشحالج الشيخه
البنت:كنت بخير من شفت شيفك هذي مرضت
حمد:افاااااا والله ..ما هقيت هالكلمه تظهر منج ..انتي بالذات
البنت مستغربه من كلامه اللي يسمعه يقول ها يعرفني من سنين
حمد:انزين ممكن سؤال ..وعقب بروح عنج
البنت:خييييييييير
حمد:انتي ليش امبرطمه وماده البوز شبرين ..شبلاج؟
البنت:ما يخصك ولو سمحت اذلف عن ويهي لاني مب فاضيه
حمد:اوكي بس بعطيج رقميه وان احتجتي شي اتصليبي
البنت فخاطرها:ماشاء الله عليه ..والله انه غااااوي ..ليش ما اتعرف عليه..
البنت بعد ما فكرت وبتردد:اممم اوكي
حمد ما صدق على طول عطاها الرقم
حمد:اترياج فليل ..وروح عند ربعه
الشباب:ها بشر شو صار
حمد:بتتصلبي الليله
مايد:والله انك مب سهل
حمد بخبث:شوفوا شو بسويبها ..
المهم ع الساعه 12 فليل حمد يالس يترياها لكن محد دقله
وجان يوصله مسج ما صدق طاااار من الفرحه لاكن يوم شاف الرقم اضايج
حمد:اوووف منها هاي..مب وقتها الحين
(( انته مو قد الكلام ..كل يوم لك كلام انته تلعب بالقلوب..انته جاهل بالغرام))
حمد طرش لها وهو يضحك عليها ((تظلميني يالحنون ..وانتي قلبي والعيون ..واسمعيي عذر ابتعادي وبعدها قولي اخون))
وطرشت له((انته شخص بلا ضمير لا تحب ولا تغير انا مثلك ما لقيت لاكبير ولا صغير))
جان يطرشلها
((درس عادي واللي صار ..صدقيني بإختصار في ظروف وعاكساتي مالي فيها أي غرام))
وبعد هالمسج اتصلتبه البنت لاكنه يسكر الخط فويها
::ملاحظه هذي وحده من الضحايا اللي عنده ..لعب عليها وعقب ما مل ودرها وعذبها وذلها ::
المهم بعد نص ساعه اتصلتبه البنت..<<اللي فالموول
حمد:احم ..السلام عليكم
البنت بدلع:وعليكم السلام والرحمه
حمد:اشحالج؟
البنت مستحيه:الحمد الله بخير ..ومن صوبك؟
حمد:بخيير دامج بخير
البنت:دوم
حمد:ويااااج
البنت:امين
حمد:ويييييييينج ليش تأخرتي من الصبح اترياج
البنت:كنت يالسه ويا الاهل ..
حمد:كنت احاااتيج<<بدا النفاااااااااق
البنت:امممم ما قتلي شسمك انته؟
حمد:انا ..طولي بعمرج اسمي ..الشيخ حمد
البنت:اوونه شيخ ..طلعت خقاق
حمد:من زمااااااان خخخ..وانتي شسمج يا حلووه..
البنت:اممم شو تتوقع
حمد:ريم؟
البنت:لالالا
حمد:شوو عيل
البنت:ساره
حمد :عاااشت الأسامي
ساره:عاشت ايامك
خلونا من هااايل شكلهم بيطولون لين الفير خخخخخخخ
..
فبيت بو منصور ..فطامي كنت تتجلب يمين ويسااار لكن ما ياااها رقاااااد ..وطووول الوقت تفكر ..يا ترى فمنووو ..الحين بتعرفون لا تستعيلون خخخخخخخخخ
فطامي:اففففف يا ربي ..شفيني ليش افكر فيه ..؟؟ لا يكون بديت احبه لالالالالالا مستحيل انا ما احبه اكره وما احب اسمع سيرته ..بس ليش يا فبالي ليش ليش؟؟ ..امممممم والله اني شاكه بعمري لا ما اريد ما احبه ماا اريد احبه هذا لعااب راعي بنات افففف اووه انا ليش اعوور راسي مع واحد صايع شراته خله يوووولي ..ردت بترقد لاكنها نشت ..اوووووف والله ما ارووم ارقد ..وروحت الصاله بس ما لقت حد كلهم
رقوووود..وردت الغرفه وع الساعه 3 ونص رقدت

يوم الميعه الساعه 1 ظهرا
شواخ:فطامي..فطاااااامي بسج نشي من الرقاد
فطامي:.........<< لا حياة لمن تنادي خخ
شواخ:فطامي يالدبه نشي
فطامي:ذلــــــــفي برع وخليني ارقد
شواخ:حوووه بسج بتخيسين من الرقاد نشي
فطامي:شواخ وقسم بالله ان ما ظهرتي والله ياويلج
شواخ:مالي خص ماماتي قالت لي سيري وعي فطامي بيون قوم عمي ع الغدى يلا
فطامي يوم سمعت عمي..يا حمد فبالها :خلاص اوكي اوكي
شواخ فتحت الليت بندت المكيف ..وفطامي تقول فخاطرها صدق انها دبه بأدبها ما عليه ..وردت مره ثانيه تفكر بحمد ..ياربي شفيني شفيني ..والله انه ما يستاهل ..خل انش واتلبس قبل لا ايوون
نشت فطامي تسبحت وعقب تلبست وروحت تصلي وعقب روحت صوب المنظره وتعدلت وفهذاك الوقت دشت عليها علايه
علايه تفتح الباب بكل دفاشه:هاااااااااااااي
فطامي :بسم الله الرحمن..شوي شوي والله قلبي بيطيح
علايه:خخخخخخخخخخ..ان شاء الله عموو..اشوفج ..الله الله ..حق شو متعدله هااا..
فطامي:بس كيفي هع هع تغارين
علايه:مالت ..من زييينج عشان اغار ..تعالي تحت يلا كلهم اهناك
فطامي:انزين صبري بس بحط قلوس
علايه:والله انج حلوووه خلااص عاد
فطامي:احم احم ادري اني حلووه ..بس صبري
علايه:يااااااربي منج
فطامي:ها ها خلصناااااااا
..ملاحظه:شواخي تدرس بثالث عدادي..خبيييله وفرفووشه ومرات تسويلهم جو..بسس طيبه وحبووبه وحلوووووه ما شاء لله عليها .
المهم
نزلن تحت وروحت فطامي تسلم عليهم
فطامي:اشحالج عمو
ام حمد:بخير ربي يسلمج ..وانتي اشحالج
فطامي:والله بخير دامج بخير
حمدان:فطامي تعالي عدالي من زمان ما يلست وياج
فطامي:لا والله احلف انته بس
عبود:ايه بس يلا ..هاللي ناقص ..
روحن البنات يلسن صوب الحريم ..والشباب ع صوب ثاني ..ومنصور يالس يرمس حمد عن الكووره وحمد مسويييله طاااف وطوول الوقت اعيوونه ع البنات..ومنصور انتبه عليه
منصور:حمووود
حمد:...
مصنور:حووووووووووه انته وينك ارمس منو انا من الصبح
حمد:هاا هاا شو تبه
منصور:ها فعينك شو بلاك امنو اطالع
حمد يتنهد:محد ..كمل كمل
منصور:شو كمل كمل ..انته صاحي؟
حمد:.......
منصور:حوووووووووووووووووه
حمد انته ع منصور:بلااااااك
حمد ماشي بس اذكرت شي ..وجان ينش
منصور:وين وين؟
حمد:ولا مكان بسير عند الوالده تولهت عليها
عبود وحمدان يطالعونه ويقولون عياااااااااااااار
كل ما يتقرب حمد منهم دقات قلب فطامي اتزييييد
حمد:مرحبا صبايا؟
البنات:مرحبا
حمد:اشحالج فطيم.؟
فطامي:الحمد الله بخير ..وانته
حمد:يسرج الحال
فطامي مستغربه من اسلوبه غريبه دوم يضارب ويايه اشمعنى اليوم لا..لا يكون حاله مثل حالي..
حمد:ها فطيم ويينج فشو تفكرين؟
فطامي حبت انها تكون طبيعيه: ماا يخصك
حمد عصب:مب منج مني انا للي عطيتج ويه وقلت برمسج ..وروح عند الشباب وهو مب طايقنها ويلس يتحلفلها ما عليه بتشوفين ان ما كسرت خشمج وخليج اتبوسين ريوولي عشان اسامحج مااكون حمد
عند البنات
علايه:اييييييه شو سويتي
فطامي :شو سويت ..ما سويت شي
علايه:حرام عليج ليش فشلتيه
فطامي:امممممممم..علايه نحن دوم جيه ..غريبه يزعل يعني
علايه:هيه صح انا بعد قلت جيه ..غريبه يزعل..!!
فطامي:المهم نحن ما علينا منه هذا اخوج ماصخ
علايه:احم احم ما اسمحلج تراني
فطامي:يــــــــالله ,,نشي نشي ويايه
علايه:ويين..؟
فطامي:بنسير اندق ع يزوي بقوللهم ايون اهنيه
علايه:لا ما يحتاي
فطامي مستغربه:لييش..؟
علايه:بتشوفينهم فالامبزره ..ترا بنسير اهناك اليوم
فطامي مستانسه:والله ...؟ عيل ما قالولي
علايه:اكيد ما بيقولولج لانج بتحتشرين عليهم
فطامي:خخخخخخخخخخ ..دبه تدرين
علايه:لا حبيبتي انا رشييييقه ..حتى شوفي شوفي
فطامي:اممممممم اقوول علايه
علايه:قولي يا كثر ما تقولين
فطامي تهمسلها:حمد بعده يرمس بنات
علايه :ماادري والله بس اكيييد ما تغير
فطامي :اهاااا
علايه:ليش تسألين
فطامي:لا ولاشي قلت يمكن تغير
علايه تغمزلها:عليييينا
فطامي:مالت عليج ..من زيييييين اخووج يعني ..لا تخاافين مابا شي بس ياني فضوول وبغيت اعرف
علايه اونها مصدقه:اهااااااا

المهم ع الساعه خمس ونص تحركوا من البيت وروحوا الامبزره
يا ترى شو بيستوي هناك …؟؟
الحين بتعرفون

طبعا راحوا بسيارتين
سيارة منصور وسيارة حمد ..بو منصور وام منصور وعبود وفطوم وشواخ روحوا بالرنج ..وبو حمد وام حمد وحمدان وعلايه روحوا بالفتك ..
فسيارة منصور
بومنصور:منصور اتصلت ع عمك وقتله اينا الامبزره
منصور:هيه يايين فالدرب
بومنصور:ايواااا..وعمتك.؟
منصور:حتى عموه اتصلتبها وقالت ما تقدر تي لانه ريلها تعبان وما تقدر تخليه ابرووحه بس عيالها بيون
بو منصور:ايوااا
عبوود يصارخ:هييييه وصلنااااااا
فطامي:اييييه صمختني
عبود:اوه سوري نسيت انج حساسه
فطامي:لاوالله
ام منصور:بس بس سكتوا ..وصلنا
بعد ما نزلوا من السيارة شافولهم مكان هادي وما فيه زحمه ويلسوا فيه
فطامي:الصراااااحه الجو رووووووووعه
علايه:هيه والله صدقج ..يلا تعالي خل نتمشى اشويه
منصور:وين وين..انثبرن اهنيه
فطامي:شووووووه
منصور:قتلج قعدي هنيه يلا ..
فطامي:يا سلااااام ..نبه نمشي
علايه:نحن ماينا اهنيه عشان تقعدونا
فطامي:هيه والله
منصور:اوكي سيرن بس لا اطوولن
فطامي وعلايه:اوووووكيه وطاااارن..
علايه:اففف منه اخوج معقد
فطامي:هههههههههههههههه ...حرام عليج اصلا هو بس جيه يرمس
علايه:كرييهه
فطامي:ايه ما اسمح لج انزييين
علايه:اوووووونه
فطامي:هيه بعد شووه تراه اخوي وما ارضى
علايه:اندوووكم ..عيل انتي دوومج تسبين اخوي ومااقولج شي
فطامي:اخيييييج... تقارنين اخوي بإخوج
علايه حاطه ايدينها ع خصرها:لاااااااااااوالله ..حلفي انتي بس
فطامي:هههههههههههههههه
مررره وحده
علايه:فطاااااااامي اييييييييه شوفي هايلاك ..ليش يطالعوونا
فطامي:من زينج عشان يطالعوونج
علايه زايغه:مب وقتج الحين قومي انرد عند الاهل
فطامي:لاااااااااا ..مينوونه انتي لو ردينا مستحيل يخلونا انروح مره ثانيه
علايه:الشباب ياين صوبنا والله اني زااايغه
فطامي:لا تخافين .مادام اني وياج تطمني
علايه:اففففف ..الله يستر
فطامي:تعالي ويايه هذاك الصوب
الشباب روحوا صوب البنات
الريال:ياطيب القلب حكم قلبك الطيب اخرت غيرك وبعدته وقربتك
اربيعه:ليه التباعد معنك دايم قريب من وين ما اصد فعيوني تخيلتك
فطامي وعلايه زاااايغااات
فطامي:ياااااويلي
علايه:كلا منج يالسباااااااله قتلج انرد ما طعتي
الريال:اشحالكن الشيخات..؟
فطامي وعلايه:.........<<امسويات طااااااف هيهيهيهي
الريال:تبوني اوصلكن مكان ..تراني حاضر ..؟
البنات يلسن يطالعنه بنظراااات وعقب صدن الصوب الثاني
الريال:تذبحني النظره من اعيوونك السود وييلي على ذيك العيون الجميله
فطامي:وقسم بالله ارد عليه
علايه :لاااااااا الله يخليج لا تفضحييينا
فطامي:هايل زودوووها
علايه:خلينا انرد احسن
فطامي:لا مابا الا ارد عليهم
علايه :ايييه فطااامي خلاص انا وانتي اليوم بنموووووت
فطامي مستغربه :ليييش؟
علايه:شووفي امنو ياي صووبنا
مرره وحده
حمد:انتن شو تسووون اهنيه هااااااه
فطامي:لا ولا شي
حمد مفووول:يلا التعنن..وانتووو ايييه ما تستحووون ع ويوووهكم <<يرمس الشباب
فطامي وعلايه زايغااات ..حمد عصبي واكيد بيضارب وياهم ياربي ونحن السبب شوو نسوي الحين كيف نهديه
فطامي:حمد خلاص ما صار شي
حمد:انتي جاااااااااااااااااب ..ويلا سيييييييييرن ..حسااابكن بعدين
فطامي وعلايه:اووكي وروحن
فطامي:شو بكييفه هااا
علايه:حمدي ربج انه ما مد ايدينه علينا جدام الخلق
فطامي:والله ما يروم منو يحسب عمره ..ويلست تقول فخاطرها بنشووف شو يقدر يسوي
عند حمد ..حمد كان يالس يسوولف ويا الشباااب عااااااااادي ولا جنه تووهم مغازلين خواته
الريال:اسمحلي ياخي ما كنت ادري انهن خواتك
حمد:مسمووووح الشييييييخ ..بس لا تعيدها مره ثانيه
الريال وهو يغمز له:بس تبه الصراحه ..خواتك طلعن غاويات
حمد معصب:برووك قسم بالله بالعقال
مبارك:هههههههههههه لالا التوووبه ههههههههه
مايد:ها ما ايووز عن سوالفه
مبارك:اسكت اسكت ..ما ادري منو اللي قال خل انسير صوبهن
حمد:خلاص حصل خير..يلا سمحولي بروح عنكم الحين
مايد ومبارك:سلم سلم
حمد:يوصل ..فمان الله
مايد ومبارك:الله وياك
حمد روح عند الاهل وشافهم كلهم متيمعين حتى عيال عمته سلم ويلس ولا رمس
فطامي وعلايه استغربن منه بس بعدين سون طاف ما سوييييينا شي والله يعصب بكيييييفه خخخخخ ويلسو يسولفون مع بنات عمتهم
بعرفكم على بناتها
يزوي وميثه ..يزوي عمرها 17 وميثه عمرها19 حبوبات وما شاء الله عليهن ملكااات جمال
فطامي:من زماااااان ما شفنااااكن..والله لكن وحشه
يزوي:هيه والله ..اشتقنالكم وايد
علايه:لالا ما اشتقتي لنا ..لو اشتقتي جان يتي بيتنا
يزوي:والله دوم احشر اخواني محد يفضالي
ميثه:لالالا ما عليكن منها تخرررررط عليكن لا تصدقنها
فطامي:زخيييييناااااااج
يزوي:حرااااااام عليكم والله هذو علاوي وسألنه
علايه:خلاص خلاص صدقناااج لا تصيحين
يزوي:اندوووكم اصيح اوونه..يخسي انا اصيح ع شي تافه شرات ها
ميثه وعيونها ع حمد:اممم..ايييه بنات مب جنه حمد محلوو؟؟
البنات:هيه
ميثه:ما شاء الله عليه ..يخــــــبل ..يا حظ اللي بتاااخذه
فطامي :الا الله يعينها عليه
علايه:ايييه تراه اخوي
فطامي:انزين محامية الدفاع ما قلنا شي
وفذاك الوقت حمد رمس
حمد:اشحالكن بناات <<يقصد يزوي وميثه
يزوي +ميثه:يسرك الحال ..ومن صوبك
حمد:يسركن الحال بخير دامكن بخير
ميثه تهمسلهن:فدييييييييته والله حتى صووته تغير لالا صدق انا بتخبل عليه
يزوي:بس اييه فضحتييييينا انتي
فطااامي حست بشوية غيره ليش تتفداه هاي اففف منها وليش انا اغار ..؟؟ياربي خل تتفداه برايها ...بس والله قلبي يتقطع يوم اسمعها تتفداه
ميثوه:فطااامي ..فطااااامي ..حووه فطااااامي وينج؟
فطامي توها انتبهت لها:ها ..هلا ..آمري
ميثه:بشووو تفكريييين..؟
فطامي:لا ولا شي بس احاتي الامتحانات ..مابقي شي والله اني خايفه
يزوي:هي والله حتى انا بعد خايفه
البنات:الله يعيييييييينا
حمد يرمس الشباب:ياخي قومو خل نتمشى اشويه
الشباب:يلا..وقامو بينشون
البنات: ع وييييييييييين
الشباب :ما يخصكن
علايه:حرااااااااام خذونا معاكم
علي :يلا يلا مناك ..ما شي
البنات:حلاااااااااااااااام
وفذاك الوقت وقفت سياره ونزلو منها بوذياب وحرمته وعياله ونشو كلهم يسلموون عليهم
ملاحظه هـــامه:بوحمد وبومنصور وام علي وبوذياب اخوان من نفس الام والاب .. ام علي ما عندها الا علي وميثه ويزوي ..علي تقريبا عمره 24 ..يشتغل وهو حليو وحنطاوي وعليه جسم ووايد يحب خواته ويلبيلهن طلباته لانه ابوه مريض وام علي دوم وياه ....بو ذياب ما عنده غير بنت وولد ويحبهم وايج ومدلعنهم واااااايد ..وحرمته بعد طيبه وحبوبه ..وذياب ماشاء الله علييييه ريال وتقريبا عمره 21 سنه واخته امون عمرها 19 بنفس عمر ميثه حلوه وشوي مغرووره بس طيبه
فطامي:زين انكم يتو والا كنا بنروح عنكم هههه
امون:لاوالله ..عيل انه لحقنا عليكم هههههه
المهم الشباب اتفقوا ياخذون البنات معاهم عشان يمصخرونهم ويستهبلون عليهم ويغيرون الجو اشويه والبنات تخبلن وطارن من الفرحه خخخخخ
المهم سارو بفتك وبرنج حمد خذ معاه علي والبنات ..ومنصور خذ معاه عبود وحمدان وذياب لانه ما يبه حشرة البنات
فسيارة حمد ..كانوا مرتبشين مشغلين اغاني وحمد وعلي ايولون والبنات يصفقن ويصفرن <<يا سلااااااام
وفطامي كانت تتفداه فالثاااانيه 360 مره ..وبعد ما شبعوا حواطه ردوا بقعتهم ويلسوا يشوون وعقبها تعشوا ..وبعد العشى
ميثه:آآآآخ بنقع من كثر الاكل
علايه:ما شاء الله دحيتي دح
ميثه:قولي ما شاء الله
علايه:ما شاء الله ما شاءالله
فطامي:ايه بنات اشرايكن نباتن عندي الليله
علايه:لالالا عندي انا
ميثه استانست :اووكيه
يزوي:شو اوكيه انتي بعد ..بنرمس امايه ولو طاعت عقب بنرقد عندها
فطامي اوهووو لالا شو يرقدون ادريبها تبه ترقد عشان حمد بس ما عليه ان ما خربت عليكم
فطامي:لالالا اكيييد بطيييييييع خليني انا برمسها
يزوي اتلتبها :هاااج التلفون
فطامي:الووو ..هلا عمو..اشحالج ..شخبارج عساج خير؟؟
ام علي:اهلين والله..يسرج الحال وانتي اشحالج فديتج؟
فطامي:بخير دامج بخير..عمو اناعندي طلب
ام علي:آمري فديتج
فطامي:نحن البنات اتفقنا انه نرقد الليله فبيت عمي بو حمد ..ونباج توافقين ..؟
ام علي:والله انا ما عندي مانع
فطامي:فدييييييتج والله مشكوووووره عمو .. يلا الحين بخليج
ام علي:مع السلامه
فطامي :باي
البنات يلسن ينطنطن من الفرررررحه
فطامي:ما قلتلكن بخليها توافق هع هع هع
علايه:بس باقي نقنع عمي بوذياب
امون:لا انا مافيني بروح البيت تعبانه
البنات:لااااااااا
يزوي:يوووم واحد بس
امون :مره ثانيه
بو منصور:يلا بنات ركبن السياره بنسير
علي:ايه انتن يلا
علايه:لالا هايل بين ويانا
علي:رمستن امايه..؟؟
علايه:هيه هيه ..رمسناها وقالت انها مواافقه
علي:اهااااااا
وكل واحد ركب سياره وفطامي روحت معاهم بعد ما رمست امها وخذت الموافقه منها
فالسياره حمد حب يغير الجو لانه كان الجو هادي
حمد:اووف فطامي انتي بعد لازم ترقدين عندنا ..اففف الله يعينا عليج الله يصبركن عليها بنات
يزوي +ميثوه+علايه:خخخخخخخخخخخخخخخخ
فطامي:ه هه هه هه وااااااااايد يضحك ..والله انا ما يايه عندك انته انزين ..وبعدين لوسمحت لا ترمسني
حمد:اولا انا ما رمستج وثانيا انا رمست البنات ما رمستج انتي لانج انتي اصلا مب بنت ..وثالثا محد قالج اضحكي ..اوكي
البنااات صخن
بو حمد:بسك انته شو بلاك ع بنت عمك اصطلب
حمد:والله يا بوي شوفت عينك انا ما رمستها هي رزت بويها ..وعاد تتحمل اللي ايها مني
حمدان :انزين شغللنا شي نسمعه
فطامي دمعت عيونها وصدت الصوب الثاني عشان محد يشوفها وهي تصيح ..ياربي اكررررره والله اني اكررهه ما احبك حمد انا اكرهك اكرهك والله انك كرييييييه وحقير وما تحس اففف منك ع شوه احبك مالت عليك وع شيفتك وعلى قلبك اللي ما فيه رحمه بس ما عليه هذا اخر يوم تشوفني فيه ..
حمد تلوووم وقال في خاطره ياربي انا شوسويت اكيد الحين معصبه مني بس احسن تستااااهل عشان تعرف اني اهمها واني شي ..والبنات صخن ولا رمسن ما يبنه يفشلهن شرات ما فشلها ..وبعد ما وصلن البيت دشن البنات غرفت علايه وعقن عمارهن ع الشبريه

فطامي:آآآآخ جسمي متكسر
علايه:والله انا بعد ..ميثوه حبيبتي دلكيلي جسمي شوي
ميثوه:نققققققعي انا بروحي متكسره وابا حد يدلكلي جسمي
علايه:مااااااالت عليج انتي ما تنفعييييين
مميثوه:لا ما انفع
وفذاك الوقت حد دق الباب
علايه:منوووو
حمد: اححم انا حمد..فجي
فطامي فخاطرها لالا الله يخلييييييييج لا تفتحييييييين
علايه:اووكي روحت فتحت الباب..خيير شو عندك
حمد:انا يااااي ويايب ويايه باتشي
علايه:وااااااااااو..ايبه واجلب ويهك
حمد:لالالا مب حقج انتي
علايه:عييل..؟؟
حمد:انا يايبه مخصوووص حق ميثاني.. هاااج فديتج خذيه حقج..بس هاااااااه لا تخلينهم يقصوون عليج وياكلووونه عنج..وخصووصا فطامي تراها دبه وبتااكله كله فدقيقه وحده
فطامي شافته بنظرة وصدت عنه وعقب ظهرت من الغرفه
علايه:ايييييه انته حرام عليك اللي تسوي فيها
حمد:شو ما سويت شي قلت الصدق انا
يزوي:شوفيك كل شوي قلت لها كلمة تجرح لو انا مكااانها بكرهك وبدعي عليك ليل ونهار
حمد حس بضيق :اقولكم انا بروح ارقد تعبان وجان يظهر
علايه:ما ادري هالولد متى بيعقل وبيحس

حمد بعد ما ظهر من عندهم نزل تحت ورووح الصاله وجان يلقى فطامي اطالع تلفزيون وكانو عيونها حمر وحتى خشمها وقال اكيييد صييييحتها صدق اني ما استحي بس بعد هي تستاااهل اللي ايييها مني وقال بسيرلها
حمد:هاااه فطووم..اشوفج يالسه اهنيه
فطامي طالعته بنظره وعقب ردت اطالع التلفزيون
حمد:اقووول فطامي
فطامي:خير
حمد:ابغي ارمسج فموضووع
فطامي وقلبها يدق بقووو بس ما بينت له:شوه
حمد روح يلس حذالها بس بعيد شوي:اممممم انا ابغي اتزوج
فطامي:انزين والمطلوب مني..؟يعني تباني ادورلك ع عروس
حمد:لالا ما يحتاااي..العروس موجووده بس بغيت رايج فيها
فطامي شوي وبتموووت:اوكي منوو هي
حمد:شرايج فميثاني ..تنفع تكووون زوجة لي...؟
فطامي هنيه انصدمت وانصعقت لالالا مستحيل حمد يحب ميثه يعني هو فكر فيهااا آخ قلبي شسوي شسوي الحيييييين الله يساااامحك يا حمد والله صدمتني بهالكلام..بس انا اللي احيده قبل انه عمي يبه يزوجه ميثه بس هو اللي رافضها معقووله بدا يميييل لها ..؟!
حمد:فطووم..فطامي وينج ؟؟
فطامي:وياااك ..بس يالسه افكر اذا تليقون ع بعض..هيه حمد بصراحه ميثوه ما شاء الله عليها قمررر واخلاق وما تتعووووض ..الله يووفقك وياها ..بعدين هي تعزك واااايد يعني لو خذتها اكييد بتسعدك
حمد:اهااااا..اوكي مشكووره ريحتيني
فطامي:يلا انا بروح ارقد وطاااااارت فووق
حمد يقوول فخاااطره افففف شوفيها هاي ما تحس عنبووو ولا حتى تغااار من هالبغله ميثوه شو اسوي معاها يعني ..وجان تي خطه فباله وقال مافي غييييييييير هالحل

عند فطامي دشت عليهم وهي تصييييييييح هن زايغااات ما يعرفون شو يسون ...وبعدين قالت لهم انها تعبانه وبترقد وهم رقدو معاها ..
اليووو الثاني ..ألصبح الساعه 8 ونص نشت فطامي من الرقاد وشافت مكان ميثه فاظي المهم روحت توضت وصلت وعقب نزلت تحت وشافت حرمة عمها يالسه تتريق
فطامي:صباح الخيير
ام حمد:صباح النور هلا واالله بالغاليه ...تعالي فديتج تريقي وياااي
فطامي روحت تتريق معاها
فطامي:عيل وينها ميثوه
ام حمد:يالسه هي وحمد فالحدييقه
فطامي :اهااااا وتقوول فخاطرها يا سلام لازم اسير واخرب عليهم هيهيهيهييه <<<نذله
ام حمد:وين رايحه تعالي فديتج ما كلتي شي
فطامي:شبعت الحمد الله ..المهم عقب رووحت شافتهم يالسين وحمد اول ما انتبه لفطامي زخ ايد ميثه وميثووه منزله راسها اوونه مستحيه
فطامي:هااااااااااي...شو شكلي خربت عليكم الجو الروومنسي هههههههه
ميثوه مستحيه:عادي..
حمد:هي والله خربتي علينا
فطامي:عن اذنكم ما بخرب عليكم انا وجان تروووح صوب الحماااام..<<حمام حمدان ..ويلست تقوول فخاطرها صدق انهم ما يستحون ع وييهم..وهاي ميثه خلاص كرهتها لو ريلها شوو بتسوي
حمد انقهر زياده صدق هاي ما عندها قلب جان يخووز ايد ميثه ويدزها بقوو
ميثه::آآآي ايييه انته شوي شوي ع ايدي
حمد توه يستوعد اللي سواه:اووه سووري فديتج المهم انا بروح داخل الحين
ميثه:اوكي عراحتك
المهم روووح عنها حمد وبعد اشويه يتها فطامي
فطامي:ها وينه عيل حمد عنج
ميثه:رووح داخل
فطامي اها
ميثه:فدييييته والله ما توقعته جيه..يبادلني نفس الشعور.؟
فطامي مصدومه:يحبج..؟
ساره:لا بس احس انه يحبني
فطامي:اهاااااااا..انزين خلينا انسير داخل
وفذاك الوقت شافو لكزس داشه البيت وجان ينزل واحد منها ودشن بسرعه داخل البيت
ام حمد:بلاكن جيه تتراكضن
فطامي:ولا شي عمو بس واحد ياي وجان اندش
حمد:اوه ها اربيعي مطور ...يلا انا بظهر ..تامريني بشي امايه؟
ام حمد:سلامتك حبيبي
حمد:تامريني بشي ميثه
ميثه:ابدا سلامتك
حمد:الله يسلمج فديتج .وجان يظهر بس قبل لا يظهر شاف فطامي بنظرات وعقب ظهر
فالميلس
دخل حمد وسلم ع ربيعه
مطور:ياريال وينك صارلي ساعه اترياك
حمد:اسمحلي بس كنت يالس عند الحب مالي هههههه
مطور:اوب اوب الحب هههههههههه..شو اطوورت العلاقه
حمد:اقوولك انا مستاااااانس اليوووم ..
مطوور:ليش شو السالفه؟
حمد:واحد يصبح بويه حلو كيف ما يكون مستانس
مطور وهو يتخقق:مشكور مشكور
حمد:طااااع ها ع باله اقصده هو
مطور :ههههههههه
حمد:قم خلنا انسير لا نضيع البنات من يدينا
مطور:والله انته صااايع..الحين ما عرفنالك تحب وتغازل ما يستوي
حمد:من قالك ما يستوي ..عندي انا كل شي يستوي
مطور:ما اقول غير الله يعين حرمتك عليك والله الله يعيييييينها ..عن جد الله يعينها
حمد:فكناااا زيييييييين ..وجان يظهرووون
..
خلونا انسير عند البنات اشويه ^_*..ع الساعه 2 ونص البنات كانو كلهم يالسين يتغدون ودخل عليهم حمد
ام حمد:تعال فديتك تعال تغدا
حمد:متغدي ويا ربيعي..امايه انا بروح ارقد وعيني حق صلاه العصر
ام حمد:ان شاء الله فديتك
دخل حمد حجرته وانسدح ع الشبريه ويلس يفكر بفطامي ..كيف اقنعها واخليها تحبني ..؟؟ابغي اعرف هاي ع شوه مغرووره من جمالها والا من دلالها ..ابغي اعرف !!!!..بس ما عليه يا فطيم انا وراج وراج والزمن طويل..بخليج تعرفين منوووو حمد ..وعقب رقد ..
عند البنات
..
فطامي :يلا بنات انا برووح البيت الحين
علايه:لالالا ماشي بتمين اهنيه لين فليل..وعقب تعشي وبخلي حمد يوصلج
فطامي:انا مالي نفس اشوفه بعد تبينه هو يوصلني
وجان يطهرلهم حمد:ولا انا مالي نفس اشوف رقعة ويهج تصدقين ..
علايه نقزت:بسم الله من وين طلعت انته
فطامي:هااا ساحر
حمد كان يبه يقهر فطامي :يزوي تبوني اوصلكن البيت ..؟
يزوي:هيييه ابا ارووح بيتنا مليت منكم خخخخخخ
علايه:مالت عليج
حمد:خلاص عيل اترياكن فالسياره
ميثووه:ثواني ونكون عندك
فطامي تقول فخاطرها اونه يعني يبه يقهرني مالت عليك ههه عندي اخوي الحمد لله بي وراي فأي وقت ..
حمدان :فطااامي...فطاااااامي
فطامي :بسم الله زيغتني
حمدان:صارلي ساعه ازقرج ما تردين علياا
فطامي:شو تبه
حمدان يتقرب صووبها:شووفيج ؟..؟ بشو تفكرين
فطامي:امممم ماشي
حمدان:لا كان امبين عليج انج تفكرين بشي
فطامي:هي كنت افكر ارد بيتنا
حمدان:افااا مسرع ما مليتني منا
فطامي تضحك بدون نفس:ههه لاما مليت .بس تعبانه شويه
حمدان:انزين سيري رقدي فغرفة علايه
فطامي:لالا مافيني ..صح علايه وينها ؟..؟
حمدان:يالسه ع اللاب فغرفتها ..
فطامي:انا بروح عندها..شي فخاطرك..؟
حمدان:ابد سلامتج
..
خلونا انسير صوب حمد ..حمد بعد ما وصل ميثوه ويزوي البيت ..يلس يتحووط شويه وعقب رود البيت ..دخل البيت بس ما لقى حد فالصاله فقرر انه يسير غرفة علايه واول ما دخل شاف فطامي يالسه ع اللاب توب وتقرا قصه تجدم منها بس ما حست ويلس يشوفها ويقول فخاطره ما شااء الله عليها وايد حلوه..الحين عرفت ليش خقااااقه هالبنت ..
فطامي اول ما شافته شلت الشيله وحطتها عراسها:اييييه انته ليش ماادق الباب قبل ما ادش ..
حمد :كيفي ..غرفة اختي
فطامي معصبه:عيب علييييك
حمد عصب عليها:زييييين خلاص لا تحتشرين عليااااا ..اول ماشفتج بدون شيله قلت اكيد هاي علايه
فطامي شافته بنظرات كره وصدت عنه وحمد تم واقف يطالعها فطامي كانت متوتره شويه ها لييش يطاالعني وليش واقف خل ينجلللللع
حمد روح يقعد قريب منها:ما شاء الله عليج احلويتي
فطامي من غير ما تصد صوبه:ادري
حمد:وغديتي حرمه
فطامي:غصبن عنك
حمد:ههههه انزين فديتج ليش معصبه
فطامي:فداك الند قول امين
حمد حاول يمسك اعصابه:امممم انزين خبريني شو تقرين انتي ؟؟
فطامي:ما يخصك
حمد:انتي من وين وارثه هاللسان الطويل..ما احيد عمي لسانه طويل ولا حرمته
فطامي:بعد ما يخصك
حمد:انتي ليش وايد شايفه عمرج ..حد قالج انج حلووه..؟؟
فطامي:هيه
حمد:منوووو!!!
فطامي:انته
حمد:ههههههههههههههه..ليكوون صدقتي عمرج ..؟؟انتي اشين ما رأت عينااااي..بس جاملتج شويه عشان ما تتقعدين من شكلج
فطامي:الحمدلله ع كل حال..وانا واثقه من جمالي
وفذاك الوقت ظهرت علايه من الحمام:انتوو شو بلاكم ..عنبو 24 ساعه ضرااابه ..بسكم
فطامي:اخوج اللي يبدا ..والا انا فحااالي حليلي مالي خص فحد
حمد:شو اسوي احب اضارب وياج..ملاان وما عندي شغله
فطامي:وانا ما عندي شغله الا انته
علايه:بس بس خلاااااص ..بسكم ضرااااابه
فطامي:انا ما قدر اقعد اهنيه دقيقه وحده..بسير بتصل بـ منصور بخلي أي يشلني..ما اقدر اتحمل اخوج وثقااالت دمه
حمد:فكـــــه..روحه بلا رده
فطامي: والله انك ياهل
حمد معصب:ثمنـي رمستج
فطامي:رووح لااه ..وسارت الصاله واتصلت بيتهم وردت عليها شواخ
فطامي جنها تبه تصيح:الوو
شواخ:هلا فطااامي
فطامي:اقولج وين منصور
شواخ:منصوور هنيه يالس يشوف التلفزيون ليش؟
فطامي:خليه أي وراي..الحيـــــــن
شواخ:خلاص اوكي
فطامي:يلا باي ..وسكرت الخط ..بعد 10 دقايق دخل منصورالبيت
منصور:هوود هود
بو حمد:هدااا هداا..حياك محد غريب
منصوردخل وسلم عليهم
ام حمد:اصبلك قهوه
منصور:لالا والله ..الحين بروح ياي اخذ فطامي وبروح ..عندي شغل
وجان تيهم فطامي وهي لابسه عبايتها وشيلتها ..وسلمت ع عمها وعمتها
علايه:اشوفج باجر فالاسكوول..بيبااي
فطامي :باي
فطامي ركبت السياره وكان امبين عليها مضايجه وتعبانه وحتى ما تكلمت ابدا فالسياره ..ووصلت البيت ونزلت سلمت ع امها وابوها ورووحت غرفتها وسبحت ..وعقب ظهرت وصلت المغرب ..وعقب انسدحت عالشبريه ..آآآه ياربي ليش حمد جييه كريه ..بديييت اكررهه..شو هالقلب مره اكره ومره احبه ...بس انا خلاص مستحيل اروووح بيتهم مره ثانيه ..اااخ بطني بمووت من اليووع بسير اكل لي شي ..نزلت تحت ..وشافت علي ولد عمها يالس بروحه ..دخلت عليه
فطامي:السلام عليكم
علي:وعليكم السلام والرحمه
فطامي:اشحالك
علي:يسرج الحال ومن صوبج
فطامي:بخير وسهاله..ليش يالس بروحك ..وينه منصور عنك
علي:يالس اترياه من الصبح ..قالي بسبح 10 دقايق وبردلك وللحين مايا
سكتنا شويه وعقب رد علي ورمس
علي:شخبار الدراسه
فطامي:والله زييينه
علي:يلابالتوفيق..شدي حيلج عاد
فطامي:افا عليك..لا توصي حريص
وفذاك الوقت نزل منصور
منصور:عسى بس ما تأخرت عليك
علي يتطنز:لا الصراحه عند كلمتك..10 بالضبط نزلت
الكل:هههههههههه
منصور:شسوي ياخي الماي حلو قلت بيلس اشويه
علي:هي وتخليني انقع اهنيه
منصور:مشكلتك هههههههههههه
فطامي:منصور وين راحت امايه
منصور:روحت ويا ابوي العرس
فطامي:اهااااا.. وانا اقوول مالها حس
منصور:زين يلا عيل انا بظهرالحين شي فخاطرج
فطامي:هي ابااروح عند يدوه..تولهت عليها
منصور:بسج حواطه..توج يايه من بيت عمي
فطامي:هههه شسوي ملل
منصور:جابلي دروسج
علي:صدقه اخوج ..سيري درسي ابرك لج
فطامي تتأفف:زيين زييين بروووح وروحت
علي تم يطااالعها ليين ماروحت وعقب قال:فطوم تدري انك
منصور يقاطعه :لالا ما تدري ..يلا خلنا نسير
علي :يلا
..
فغرفه فطامي..يلست تدرس يحلييييييلها لين ما لاعت جبدها
فطامي:اووووف..والله لاعت جبدي شو هالموااد...استغفر الله..الحمدلله خلصت ..بروح بتصل بعواش من متى ما رمستها
فالصاله ..
فطامي:شواااخ
شواخ كانت تشوف التلفزيون:هاا
فطامي:مايت امي؟
شواخ:لا بعدها
فطامي:غريبه ..؟؟
شواخ:لا عادي تراهم رايحين عرس وشي طبيعي يتأخروون
فطامي روحت صوب التلفون واتصلت بعواش
فطامي:الوو
عواش:هلاوالله
فطامي شاقه الحلج:هلااااا بعوااااااشي..هلا بالقاااااطعه..اشحالج يالدبه والله اشتقتلج
عواش:فديتج والله مي تو اشتقتلج وايد..
فطامي:اشحالج
عواش:بخير الحمدلله انتي اشحالج
فطامي:زيييينه بس تعبانه شويه
عواش:سلامتج من شوه
فطامي:من الدراسه خخخخ
عواش:اووونه..صدق انج دحيحه..تصدقين انا طوول الاجازه ما فجيت كتاب واحد ..ولا قربت صوب الشنطه
فطامي:علينا وايد واجبات
عواش:عاااادي
فطامي:انزين يلا بخليج الحين..نتلاقا باجر فالمدرسه

عواش:لا تتاخرين ..وتاخليني اخييييس بروحي هناك
فطامي:ههههه..لالا بي من وقت باجر
عواش:هي عشان انقل منج
فطامي:مااالت عليج..مصلحجيه
عواش:من زماااااان
فطامي:يلا باي باي
عواش:ههه باي
..
يـــوم الأحد الصبح الساعه 5 ونص..نشت فطامي وصلت وعقب روحت تقرا شويه قران لين الساعه 6 وعقب تلبست وتكشخت ونزلت تحت وتريقت وجي ع الساعه 7 ور10 دقايق روحت المدرسه ..فطامي وهي داشه الكلاس
فطامي بصوت عالي:السلااام علييييييكم صبااايا
البنات الموجودات فالكلاس:وعليج السلام
فطامي حطت شنطتها وعقب روحت عند عواااش:ها عسى ما تأخرت عليج
عواش:لالالا ما تاخرتي
فطامي:شفتي اني عند كلمتي
عواش:عطيني الوجبات سرعه
فطامي:كم تدفعين..؟!!
عواش:بتذليني؟؟
فطامي:ههههههه..لا افا ما عاش اللي يذلج ..بس انا اسولف معاج ..روحت خذت الوجبات وعطت عواش وعواش يلست تنقل وبعد ما خلصت
فطامي:تعالي نتمشى فالساحه
عواش:لالالا مافيني
فطامي:يلا خلينااا نتمصخر ع البنات شويه
عواش تغمزلها وتضحك:نتمصخر ع البنات..والا تشوووفيييين ناااااااااس؟؟
فطامي تمسكها من ايدها وتيرها وراها:الاثنيييييييييين
وجاااااااان يخلص البارت

شو رايييكم..!!! __DEFINE_LIKE_SHARE__

راعية الونه · 07-17-2009, 03:22 AM

ناااااايس
بانتظار التكمله __DEFINE_LIKE_SHARE__

وحشـ عيونكـ ـتني · 07-18-2009, 03:29 PM

يسلمووووووه..

نترياااا الباااااجي...^ __DEFINE_LIKE_SHARE__

الشامخه22 · 07-23-2009, 02:58 AM

اهئ اهئ اهئ كملي كملي
رووعه القصه

نتريا البارت الياي

وتقبلي مروري.. __DEFINE_LIKE_SHARE__

كليـ ـغلا · 07-24-2009, 06:31 PM

القصة ابدااع ×ابدااع ..~

يسلمو ع البارت ..~

ننتظر البارت الياي لا تبطين علينا ..~ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ضـَحَـڪتنِــے ـآللّـﮧ يهَديـڪ / ڪلمَـﮧ قديمَـﮧ مَـآ [ ـآبيـڪ ] ..!	غلا البحرين	كلمات الاغاني	102	09-19-2012 06:33 PM
ڪل مادعيت اللـﮧ يجيبـڪ زدتنـيے ببعاد رح اللـﮧ لايردڪ يمڪن الدعوات مقلوبـۃ » p!c	روحيے فداڪ}• ~	ملحقات وأحتياجات التصميم	202	07-05-2010 10:44 PM
ڪل هـذآ حب ـآللّـﮧ ۈآڪبر ! ۈيـن مآ آطآلع ـآشۈفڪ هُۈآجيـس مآبي ـأحسد نفسِے فے حبڪ ـآڪثر حبڪ ـإللي فيني مألـﮧ مقيآييـسْ لۈ بعبر واللّـﮧ مـآ اقدر ـآعبر	غلا البحرين	نغمــات للهــواتف	11	06-16-2010 06:33 AM
~ آوعدڪ مـآ تشوف ذيڪ آلآبتسـآمـﮧ // وآوعدڪ لآآغيب عن عينڪ وآروح ! [ sms ]	منو قديـ	هواتف , مسجات , وسائط , برامج , ثيمات , نغمات , بلوتوث	13	10-11-2009 09:43 PM
~ آوعدڪ مـآ تشوف ذيڪ آلآبتسـآمـﮧ // وآوعدڪ لآآغيب عن عينڪ وآروح ! [ sms ]	أنا الدلع وبس	هواتف , مسجات , وسائط , برامج , ثيمات , نغمات , بلوتوث	34	10-07-2009 02:00 AM