الفرق بين الفروخ والقرانيس**صور طيور طرحناها في الساحل الغربي

محروم.كوم · #1 07-17-2009, 02:30 AM

ماشالله تبارك الله

السلام عليكم ورحمة الله وبركاته

مسيتم بالخير يأعضاء مكشات جيتكم بهالموضوع واتمنى ان يحوز على رضاكم وهو شرح مبسط عن الفرق بين الفروخ والقرانيس بالصور على طيور طرحناها في

الساحل الغربي في السنين الثلاث الأخيره والله يرزقنا ويرزقكم باللي مثلها واطيب ان شالله

الفرق بين الفرخ والقرناس

نستطيع ان نفرق بين الفرخ والقرناس من اول وهله ننظر الي الطير فيها وخاصه الشواهين

نميزها بدقوقها الفرخ تأتي دقوقه من النحر الى اسفل متواصله بعضها ببعض كالخطوط

وتتطلق عليه تسميه الفرخ من سنته الاولى لمدة عام الى ان يقرنس وبعد تغيير الريش كامل

تتباعد الدقوق عن بعضها غالبا ويطلق عليه قرناس بكر لمدة عام وبعدها قرناس ثاني وهكذا

لمدة عام بثالث ورابع وبعد كل قرنسه الدقوق في نحر الطير تختفي الى اسفل وتوضح اكثرعند

الشواهين والوكاره وبعض الحرار يحتارون فيها الصقاقير مابين فرخ وقرناس وهذا نادر

ولايميزونها الا اهل الخبره من قحوف عيون الطير وبعض معالمه

وهذي صوره طرادي ردام وهو فرخ مطروح في الجنوب

ودقوق الفرخ واضحه جدا

وهذه صوره اخرى له وهو قرناس بكر
والفرق بين الفرخ والقرناس في هالصورتين واضحه

وهالمزيونه فرحه الله يعوضنا فيها راحت من المقيض العام
طرحناها عام28 من اندر الجبليات اللي مرت علي وسره ولون وفعل
فيها شجاعه غير طبيعيه طفال الغنم تطلبه والارنب ماترحمه
شيهانه فرخ

وهذي صوره اخرى لها مع ولد عمي

وفرخ الشيهانه البحريه هذي يازين شوفها
مطروحه عند السفينه شمال الشعيبه
عند الشريف عبدالله هاشم ابو ماجد

وهذي قرناسه بكر عند الشريف ماجد شرف
طرحها عام 28 ومن اغلى القرانيس في ذيك السنه بيعت
40000 وسبب هالقيمه الفتخه اللي فيها

وهذي القرناسه البحريه طرحها ابو ماجد
ماشالله تبارك الله طرحها قبل يطرح الفرخ بأيام وهي قرناس ياثاني او ثالث
وهنا نقدر نميز بين الفرخ والقرناسه

وهذى الفرخ الحر اللي طرحته العام والله يرزقكم ويرزقنا
والطير على يد الشريف هاشم صالح

وهذى القرناس الصعب اللي يحير الصقاقير
وهالطير مطروح في مجيرمه عند فهد الحرازي
وعرفوه انه قرناس بمواسيه ماكملت وهالطير طلع فاعل جدا جدا
ماشالله تبارك الله

وهذى طير السعد اللي يتمناه كل طاروح طير ثامر الحربي
اللي بيع 380000 ماشالله تبارك الله والله يبارك له في حلاله
والحر قرناس ثاني والطير يجي في منطقة ابو شداد كل سنه من يوم
انه فرخ يحاولون فيه كل سنه ماقدرو عليه والسنه الثالثه الله جابه

وارجو من الله اني افدتكم وونستكمممممممممم
طاروح من الساحل الغربي
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بحر غيم شمس من الساحل الغربي إلى مكشات	محروم.كوم	منتدى أخبار المواقع والمنتديات العربية والأجنبية	0	07-11-2010 07:15 PM
صيد الفرق على الساحل الغربي	محروم.كوم	منتدى أخبار المواقع والمنتديات العربية والأجنبية	0	03-16-2010 01:00 PM
الساحل الغربي يااااويلي	محروم.كوم	منتدى أخبار المواقع والمنتديات العربية والأجنبية	0	12-11-2009 04:20 PM
الساحل الغربي	محروم.كوم	منتدى أخبار المواقع والمنتديات العربية والأجنبية	0	10-11-2009 04:20 AM
:::...صيد القميري في الساحل الغربي...::::	محروم.كوم	منتدى أخبار المواقع والمنتديات العربية والأجنبية	0	09-20-2009 11:40 PM