قصة حب حقيقية

مجروح محروم · #1 07-15-2009, 09:14 AM

قصة حب حقيقيه

اخواني واخواتي اعضاء منتدىاستراحات زايد.. يشرفني اني أحكي لكم هالقصة الواقعية اللي تحمل كل معاني الحب والألم
والامل فنفس الوقت لكم ..

وبداية ً حبيت أقولكم ان القصة مكتوبه على إيد اخوي ( رعبــــــــــوب ) ... في المنتديات الاخرى مب هني طبعا

ففضلا ً إذا بودكم تنقلون القصة .. للحفاظ على حقوق الكاتب . فمن الواجب ذكر المصدر واسم الكاتب

ومشكوريــــــــن .. و اتمنى منكم الاستجابة للطلب ..

وهذي القصة حصلت لأقرب الناس لي عسب جي حبيت انقلها لكم ..

وهذا مضمون القصه :

( بشاير ) و ( علي ) أهم الشخصية الرئيسية فالقصة ..

فأيام ماكانت بشاير في سن 17 .. تعلقت واااااايد فولد عمتها ( نواف ) وحبته

حب ماله اول ولا آخر .. وولد عمتها نواف اكبر منها بثلاث سنوات ..

وهو بادلها نفففس الشعور .. فدايما ً كانت تدور أي فرصه تجوفه فيها ..

ودومها مرتزة فبيت عمتها والسالفه

انها متخبله عالريال ..

وهو ريال طيب وعلى نياته .. وكفاية انه جماله وحسن سلوكه غطوا على

شخصيته .. فما تنلام ليش انها حبته ..

لكن مثل ما يقول المثل ..لا الفرح دايم ولا الحزن دايم ...

فيا اليوم اللي كبر فيه ( نواف ) وصار لابد انه يشتغل .. ففضل انه يسافر بعثة

لبريطانيا.. و مع السفر كللل شي تغير

دامت مدة سفره 4 سنين ... من عقب ما سافر .. اتصل لبشاير يطمنها عليه ..

اهو اتصال وااااااااحد وبس .. ومن عقبه نسى كل اللي كان بينهم .... كل شي ..

لا خبر ولا حتى رساله تتذكره فيها

كل اللي عطاه لها صورته و كاتب عليها ( المغترب ) ..

تمر الأيام و بشاير بلهفة لنواف .. فخاطرها تسمع صوته .. تعرف شو صار له ..؟

ليش كل هالغيبه ..

مرت سنتين على سفره .. و مثل ما يقولون اللي بعيد عن العين بعيد عن القلب ..

لكن هالمثل ما آمنت به بشاير

ولا فكرت فيوم انها تنساه .. رغم كل اللي سواه وياها ..

كبرت بشاير .. وصار عمرها 19 سنه .. والكل طالبها ويبه يخطبها .. لكن الأهل

مب موافقين ، والسبب ان البنيه متمسكة بولد عمتها ..

فبيوم من الأيام ..

ياها اخوها الصغير وبيده رساله .. المسجين مايدري شالسالفه و إهي اكبر

وحدة فالبيت .. فناولها الرساله وقالها :

بثاير .. مادري ثفت الورقه هذي فوق الثطوح .. فيها كلام .. مادري ثو انتي اقري ثو مكتوب !!...

قرت بشاير الرساله واهي مصدومه ...

يا ترى شاللي كان فالرساله ؟؟ ومنو اللي كاتب هالرساله ؟؟ وشالسبب ؟؟

كل هذا بتعرفونه فالجزء الثاني انشالله __DEFINE_LIKE_SHARE__

الياهله · 07-17-2009, 12:11 PM

حرام عليك مجروح محروم ليش تحرق اعصابي ليش ما كملتها انا زعلت وبصيح __DEFINE_LIKE_SHARE__

مجروح محروم · 05-23-2015, 08:27 PM

لاتستعيلين الجزء الثاني بعده اتريي 2020 يمكن انزله ههههههههههههههههههههه
توني اتذكرت اني مسجل في هذا المنتدى واشوف مواضيعي اذا كنتي حيه ردي علي واذا ادشين المنتدى لو حتى عب 100 سنه ههههههه المهم ماتاخرت في الرد والله الايام تمر بسرعه يوم كنت كاتب الموضوع كان عمري 14 والحين انا 21

والله ايام المنتديات __DEFINE_LIKE_SHARE__

مجروح محروم · 05-23-2015, 08:27 PM

لاتستعيلين الجزء الثاني بعده اتريي 2020 يمكن انزله ههههههههههههههههههههه
توني اتذكرت اني مسجل في هذا المنتدى واشوف مواضيعي اذا كنتي حيه ردي علي واذا ادشين المنتدى لو حتى عب 100 سنه ههههههه المهم ماتاخرت في الرد والله الايام تمر بسرعه يوم كنت كاتب الموضوع كان عمري 14 والحين انا 21

والله ايام المنتديات __define_like_share__ __DEFINE_LIKE_SHARE__

мѕ.ѠяЭǝиѕԋ™ · 05-24-2015, 05:00 PM

غباااااار ههههههههههههههههه،

هالموضوع انكتب قبل لا اسجل.
وانا مستانسه داشه عبالي موضوع يديد.
انزين ي المجروح.
وبشاير بعدها مصدومه هالسبع سنوات هههههههههههههههه.
هالقصه انكتبت يوم كان عمري 11 سنه توي طالعه م البيضا.
احين بتخرج ..
اومايقااااد ههههههههههههههههههههههههه

العمر كله برو. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصة حب حقيقية	عاشق مدريد	قصص و روايات	8	09-03-2012 01:40 AM
قصة حقيقية ...	غرام الفتك	قصص و روايات	12	06-12-2009 05:23 PM
قصة حقيقية	ولد ناس وماينداس	استراحة قصص وابداعات الاعضاء	8	01-23-2009 11:30 AM
صور تغسيل ميت حقيقية ...	•¥شٍـٌٌ«•»ٍٍـٌٍوٍُاٍخُ¥•	الإسلام والشريعة	20	08-19-2008 11:14 AM
قصة حقيقية	wadha	الإستراحه العامة	2	04-07-2008 10:29 AM