خاتم غريب لبسته أم الدجيجات

محروم.كوم · #1 08-17-2015, 07:40 PM

مساكم الله بالخير ياأخوانى الطيبيين وحيييييتو وياهلا ومسهلا
ياليت يكون هالموضوع شامل لذكر القصص الغريبه وشاركو بالموضوع يالنشاما
الله من قصصن كثيره عندكم أذكروها خلونا نوسع صدورنا
ونقرأ العجايب اللى صارت للكثير منا

أبقولكم قصة خويتمن شريته (خاتم ) صابتنى فتره هوايتن غريبه أدور أسرار الأحجار ومصدقتن نفسى وأشترى من الخويتمات الغالى والرخيص وأجرب والله مالقيت إلا الفلس والكذب والعلوم الكثار اللى كلها نصب

المهم فى يوم من أيام رمضان الماضى الله يشرفه ويحلى أيامه ويعوده علينا وعليكم وعلى أحبابنا وأحبابكم بالخير واليمن والتبريكات يارب

شريت لى خويتم مكتوب عليه لفظ الجلاله بخط دقيق موواضح كثير

المهم توضيت لصلاة العشاء وسميت بإسم الله الرحمن الرحيم ولبسته وماعندى من طوارى الشيطان شى
ولابسته عياقه أصلا ماهو عشان أى شى
ولبست عبيتى وظهرت للمسجد أبصلى العشاء والتراويح
ودايم أخذ بنيتينى الصغيرات هالنوبه ماأخذتهن معاقبتهن يومنهن أزعجنى ماقدرت أنوم منهن وأروح للمسجد غيرمسجد حارتنا اللى فيه قصيراتى من حريم الجيران
المهم
ياناس لاحظت يادافع البلا إنى مانى مضبوطه وش ذا الأمام يقرأ وأنا أهتزززز بالصلاه ياربى

وأمسك روحى وأسمت نفسى وأشد على حالى مااااااااااااش عجزت أقدامى تنتفض
كنى عجيزن بها داء الرعاش أو الزهايمر ياربى ستررررررررررك
ابخشع مع الأمام عجززززززززززت أصلااا مافكرت بالخاتم بس تروعت
قلت وش وراى يادخيل الله
والله إن الأمام يقرأ وأنا افكر وش أنا ماكله
أكلت قريضه من مكرونة قصيرتى أم عبدالله
ونتفة مريقيقن أشتهيته مرسلته عليه قصيرتى أم على وتوصينى عليه تقول أرقه من صلاة العصر

وكاس حليب وفذتين تمر
أمحق حياه ماهو من كثر فطورى
والامام يقرأ وأنا أرقى نفسى وأنا واقفه
مدرى وش ذا البلاااا اللى صادنى
وأتعزم وأكمل معهم
ويوم خلص الركعتين وأطلع من الصف الأمامى وأروح للخلف بس ماسكه الصف مع المصليات
ويقرأ الأمام وأنا يادخيل الله أهتزززز وأروح يمين وأروح يسار
ورقيبتى كنها رقيبة الديك اللى كل شوى ناقرن له نمله
عووووووووووووووذه
وأحس إنى متضايقه أحس إنى بصييييييييييييح والله العظيم مازليت عليكم ولاكتبت شين ماصار
ويقرأ الفاتحه ثم قل ياإيها الكفرون

وش صار لى
بسم الله الرحمن الرحيم قعدت أصيح بصوت عالى هزززالمسجد وأقول للأمام أأأأأأأأأأأأأأأأأأأأأأأأأسكت الله يلعنك أأأأأأأأأسكت وأبكى وأرجف وحالتى حاله والدموع أربع أربع
والحاله وزيه كسرت خاطر نفسى هههه
المهم إنى قويه ماقطعت صلاتى
وكملت الصلاه يوم سلمت وإلتفت على خواتى المصليات لين ولاوحده جنبى كلهن اللى متراصات وزانى مدرى وين راحن وأناظر جهتهم لينهن ماخذات زاويه ويناظرن فى باإستغراب وخوف وهلع المسيكينات
أأأأأأأأأأأأأأأأأأأأأأأفا ياذا العلم والله ماعليه خلاف بغيت أقول لهن بس سكت
بسم الله الرحمن
ويوم فكرت لينه والله العالم من خاتم الرمله اللى لابسته لاعادت
والحمدالله إنى ماأخذت بنياتى معاى وإلا كان كرهنى الضعيفات
وعوذه وعويذاء من هالأحجار الغريبه

أتمنى إن كل عضو يذكر القصص اللى صارت له أو سمعها عن سر الأحجار
وسلاااااامتكم
أختكم أم الدجيجات __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أم الدجيجات	محروم.كوم	منتدى أخبار المواقع والمنتديات العربية والأجنبية	0	08-16-2015 07:30 PM
[News] تطوير نتائج بحث جوجل الخاصة بالألعاب لتشبه البحث عن المشاهير	محروم.كوم	منتدى أخبار المواقع والمنتديات العربية والأجنبية	0	05-21-2015 05:52 AM
[ شراء ] Traidnt.Net : خاتم موود (خاتم المزاج)	محروم.كوم	منتدى أخبار المواقع والمنتديات العربية والأجنبية	0	10-10-2014 05:22 AM
اصل البرقع واول من لبسته ..!	قلـ قطر ــب	التراث والحضارة	2	03-18-2011 06:51 PM
ان شاء الله-حاتم العراقي+قصي حاتم	@ العامري @	نغمــات للهــواتف	21	05-22-2008 03:18 PM