الرجل لامنه حظر في المسرات
يدور ويسلم وينطق جزيله

ولاينقص الحى(ن)في المجالس كريمات
لان الكبر ماهو بيعطي جميله

قد قالها ربي عليم السموات
لايدخل الجنه ولا له فضيله

لان الكبر بيّن ويفرض ملامات
ويّفرق شمول الاهل والقبيله

ويزرع لهم فتنه وينهي علاقات
ولايحصد الا كل هرجه رذيله

اما التواضع والوفاء والجميلات
تعلى لها شأن(ن) وترقى طويله

ويعرف لراعيها فعول (ن) عطيبات
فعله سمين ولايدور هزيله

يمناه تفعل في صعاب المهمات
ويسراه لليمنى تشيل الثقيله

حافظ مقامه في صلاته ولا بات

الا وصلى ركعتين(ن) في ليله

وهذا قليل العرف من ماض(ن) فات
بيّن لنا الصاحي وبيّن هبيله

واختامها صلو عدد عشر مرات
على الرسول اللي يحل العقيله


كلمات /عبدالرحمن محمد عبدالله آل عبيد الدوسري