(الختاميه )هذه رساله لكل شاعر في هذي الأستراحه ..!!

بن حمرور · #1 03-24-2008, 01:57 PM

[align=center]الســـــــــلام عليــــــــكم

بدش في الموضوع على طوووول

والفاهم يحلل ويفسر

بالمبتدى بندب عليه امسالـــــــــي
في ذا الزمن لو يا قصر او طالــي

ندوى غريم الشعر والترنولــــــــه
من فيض نهري كل مابه محالــــــي

يافاهمين القول ياشعـــــــــــــــــاره
بضرب على مد الكره زلزالــــــــي

واللي مخرفت لا يجيني يشكـــــــي
شيطان شعري في الفكر يبرالـــــي

يرسم لي الخطه وانا انفذهــــــــــــا
واخط قولي ع السطر زنجالــــــــــي

متغطرسا" واثق وانا من سالـــــف
عهدي مكون من قروم الشالــــــــي

لي في الشعر نظما" تجي وموثـــق
مخلف" من صوب عم وخالــــــــــي

يعني كذا الأشعار هي تملكنـــــــــي
وأهج فيها مثلما يحلالــــــــــــــــــي

غاطي على وسغاه متراصفنـــــــــي
مستخسر البيعه ولا لي مالـــــــــــي

ماخذ ثمان وست من سيدهــــــــــــم
واربع تربع بينهن ما ضالـــــــــــــي

فيهن ومنهن خذتهن بالنصفـــــــــــه
وغيري يدور حاكمه والوالــــــــــي

وبالدرسعيه نظمنا نشدوبـــــــــــــــه
ياحاقرين القول ياهبالــــــــــــــــــــي

هاتو من الغطري هدايب صوفـــــــه
بنسج بها بيت القصيد ايتالـــــــــــــي

ولا على افنون الغطو مرووبــــــي
ودي اقيل عند من يرثالـــــــــــــــــي

صوب الذي له مزملي بالـــــــــــــوده
بصوغ له در الثمنج الغالــــــــــــــي

كود العرب تقرا على ترميمــــــــــــه
في منتدى الشعار يالعذالـــــــــــــــــي

بقلب لكم دفة محاور فكـــــــــــــــري
ودي ابين كل رخيص وغالـــــــــــي

الشعر ماهو كل قول وقبطــــــــــــــه
ولاهو زماليل ولعب جهالـــــــــــــــي

غزلو على بحر الطويل اهدوبـــــــــه
ولا على المسحوب او الأهلالـــــــي

ماهوب قول الشعر لي زرتوبـــــــــه
فتق قريحة صدري ولا زالـــــــــــــي

ودي اطول قوليه وارمبيـــــــــــــــــه

لاكن منهو لي يفت امقالـــــــــــــــــي؟

خوفي من الرحمن عز المولـــــــــى
اقول واجرح عزتي في آلـــــــــــــــي

يكفي ياشيطان الشعر مــــــــن دورك
داري هنا مالي بها مدخالـــــــــــــــي

بشد وين اهل الشعر تتغنـــــــــــــــــى
لي يفهمون امثالهم وامثالــــــــــــــي

مالي بخوة صايرين الضكــــــــــــــــه
لأن الضكك يزعج ولا يهنالـــــــــــــي

بختم قصيدي في استراحة زايـــــــــــد
هذا وتمت والعذر ف التالـــــــــــــــــي

وارجو السموووحه

تحياتي لكم
ذايـــــــــع الصيــــــــت

نلقاكم على خير انشالله
فداعت الله[/align] __DEFINE_LIKE_SHARE__

ήoOήY · 03-24-2008, 02:40 PM

SoO NiIiCe .. tHnX

__DEFINE_LIKE_SHARE__

غزيل الدار · 03-24-2008, 03:32 PM

بن حمرور

صح لسانك .. ابدعت صراحة

يحق لك تقول

لي في الشعر نظما" تجي وموثـــق
مخلف" من صوب عم وخالــــــــــي

انا اعتبرت نفسي شاعره ويت افت المقال فت وقريته اكثر عن مره بس ماطلع وياي شي ><

ان شالله حد يدش ويفهمنا سالفة 6 و8

ويعطيك العافية على القصيد الطيب ونترقب يديدك __DEFINE_LIKE_SHARE__

εïз~اَلِمَيّث}● · 03-24-2008, 10:06 PM

~---{
حي الله الشآآآآعر

صح منطووقك الشيخ

مآآعليك زود شآآعر وآبيآآتك تثتلك ..~

~.. آآآم حيرتنيه مآآلنا فـ الشعر .. آلآآآ شكيه فـ هالابيآآت..~

غاطي على وسغاه متراصفنـــــــــي

مستخسر البيعه ولا له مالـــــــــــي

ماخذ ثمان وست من سيدهــــــــــــم
واربع تربع بينهن ما ضالـــــــــــــي

فيهن ومنهن خذتهن بالنصفـــــــــــه
وغيري يدور حاكمه والوالــــــــــي

وبالدرسعيه نظمنا نشدوبـــــــــــــــه
ياحاقرين القول ياهبالــــــــــــــــــــي

::

كح كح السآلفه اظنيه فيهآآ حدو حدود ؟!

آآآم و آظنيه هذا النوع لي مستخدمنه من الفنون البديعيه فـ الغطو
النوع الأبجدي ×_×

هذا حديه فـ العلم

مآآعليك زوود يآآآ الشيخ

آبدعت بآبيآآآتك وربي يعطييك آلف عآفيه ع الطرح

ربي لآآآهآآنك

نترقب اليديد من جدآآك

والسموحه ع القصور

آختكم

الميث }---~

__DEFINE_LIKE_SHARE__

ж شـمـوخ عـراقـيـه ж · 03-24-2008, 11:20 PM

[align=center]

.
.

..//.. [mark=FF0000]بسم الله الرحمن الرحيم[/mark] ..//..

حي الله الشيخ ذايع الصيت

قصيدتك اليوم تختلف عن باقي قصايدك

وفيها نوع من التحدي .. !!

مممم بس في كلمات ما فهمت عليها لأختلاف اللهجه >_<

بس أنا أقوول لك أنك شااعر وهالقصيده تشهد لك وكل قصايدك

يعطيك ربي الف عافيه على الطرح المميز

عسى ربي يوفقك ويحفظك وين ماتكون

واترقب الزود من قصايدك .. ~

مودتي وأحترامي

والسموحه جان بدر منيه قصور

أٍخٍـٍٍٍٍٍـٍـٍتٍـٍـٍٍكٍـٍـٍمٍ

ж شـمـوخ عـراقـيـه ж

.
.

[/align] __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ترهيم طفايه حريق بأغراض متعدده الأستخدام .....تم العمل كاملأ في الأستراحه	محروم.كوم	منتدى أخبار المواقع والمنتديات العربية والأجنبية	0	07-10-2010 07:30 AM
شاعر يرد على شاعر آخر ... صراحه كلمات قويه ...	محروم.كوم	منتدى أخبار المواقع والمنتديات العربية والأجنبية	0	08-11-2009 11:30 AM
التصفيات الختاميه للمـ 4 ـيدان 14-11-2008 المتأهلين من دولة الامارات	» [ ™S a s a ] ~	حلقات الميدان للكبار 4	15	12-09-2008 11:43 AM
التصفيات الختاميه للمـ 4 ـيدان 14-11-2008 المتأهلين من دول مجلس التعاون	» [ ™S a s a ] ~	حلقات الميدان للكبار 4	8	12-05-2008 12:57 AM
حصريا..الشاعر محمد مريبد العازمي(نجم شاعر المليون1) في شاعر المليون2	محروم	شاعر المليون للكبار2	11	01-26-2008 05:26 PM