صدى الصمت

نزيف المشــاعر · #1 07-06-2009, 05:31 PM

السلام عليكم ورحمة الله وبركاته
لكل محب تركه حبيبه

الفن أولف ياهل الحب وشكي من واحدآ لامن تذكرته ابــكــــــي

باقول كل اللي حصل منه وحكي و أبين الخافي وقول الحــقيــقه

الباء بديت اشوف منه التـــغــلي يوم اعترفة وقلت له انت خــلي

صار يتفنن في عــذابي وذلـــــي ما كنت أظن الغدر يتبع طـــريقة

التاء تمادا في غروره وصـــــــــده والصبر مني انتهى عند حـــده

قلبي من الخاين ضــــــروري ارده وارتاح من جملة همومآ تعــيقه

الثاء ثلاث ايام عابش بـــــــدونه خل الذي غروه هم ينفــــعـونه

بكره يخلونه يذوق المـــــؤنه ويوجس مثل ما اوجسة الساعة بدقيقة

والجيم جاملته احسبه يــقــــدر واثره بمر فرقــــاي ورد وصــــــدر

وانا انتظر انه يجي ويـــتــعـــــذر لا كن ترى مثله يخون بــــرفـــيقه

والحاء حشى ما شفة طبعه مع الناس ما فيه رحمه ولا عنده احساس

ياخذ ذهب صافي ويعطيني انحاس ياويل منهو بالهوى نشف ريقه

والخاء خدمته من عيوني ولا فاد ولا هقيت انه يجازيني بعـــــناد

القلب بسبابه تقول فيه وقــــــاد من حر ما فيه كن وسطه حريقه

والــدال دام الحب ويــاه ما بيـــــه مابي احد من الناس يــطــــريه

اللي جرى للقلب والله مكفـــــــيه خلو فؤادي لايزيد احــــــتراقه

والذال ذكرى صاحبي تتعب الروح والنوم ماله داخل العين مصلوح

اشكي صراحه واشتكي عدة اجروح حالآ مثل حالي من اللي يطيقه

والراء رماني اقشر الحظ بالـــحب مع واحدآ ما أظن له بالهوى طب

حسبي عليه الله عدد كل ما هــــب نسناس ريحن في طـــريقة

والزاء زمان الحب عندي تحــــــول اصبح بدال الحب كرهآ مـــطول

راح الغلا اللي بذكره له مــــــــن أول مثل القمر لا غاب وفى بريقه

السين : سم الغدر ذقته ملا كأس ماهي غريبه نشربه من بعض ناس

مثله ولو قدره نشيله على الراس ما ظن يوم تصير روحه شفيقه

الشين: شلت الهم عنه لحـــــالي ولا شكيت الحمل واللي جرالي

صابر على ظيم الدهر والـــــــــيالي روحي بمر الريق صارة شريقه

والصاد صدقوني اذا قلت مابــــــيه ولا ينتظر لحظه انا اجيه وارجيه

ولا يحسب اني لعبتن بين ايـــــاديه يقدر يمشيني ورجلي عويقه

الطا: طعم حبه ولونه كرهـــــــــته من شان شي يدري اني عرفته

ولو حبه بشيك الهوى ماصـــــرفته حتى ولو روحه لروحي شقيقه

الضا: ضما قلبي من الشــــوق زايد والقرب اصبح بيننا اليوم كايد

والحب ما اظنه ولا هوب عـــايد لو عشة وحدي على ارض سحيقه

والعين عي القلب ما هو حـــــاصل يقول مقدر مع اهل الغدر اواصل

الحب جمله ما يجي به فواصـــــــل وينعاف لو روحي ببحره غـريقـه

والغين : غادرة المحبه بلا حـــــــــد وبينت أهم الأسباب مـــــوجـز

ومن يتهمني بالكذب قلت يعـــــجز يثبت علي الكذب بايت طريــقه

الفاء : فلا والله بقى له معي شي ولله ما يطري ببالي وانا حـــــي

طويت انا صفحه قديمه معه طــــي طي الثياب اللي يريد اتعليـــقه

القاف: قــررة انهي الوضع كــــلـــه وعاف شمس الحب وارقد بضله

ومن جى يبي روحي معه قلت خله خله تجف اجروح فيها عمــيقــه

والكاف: كل الذي منه لازم انســاه وانسى جميع الذي جرى من سواياه

الحب له بلوى ويـــــــاكبر بلــــــواه الا نصبلك بالعدى من جفيـــقـه

اللام: لا والله ما ظـــاق صـــــــدري على فراق اللي جحد كل قدري

ادري بشي ويعض الاشياء مــدري هذا يخص الله ري الخلـــيــقـه

والميم : ما ودي انا اجني على الحال ودي اعدل كل شي بها مال

واترك زمان راح وريـــــــح البــــــال والحظ لامنه ملازم لزم تفـيــقه

والنون : نيت صاحبي ليه شينــــــه وانا امشي معه بنيه حســيــنـــه

الحين انا بطلت زيــنـه وشـــيــنــــه ما ابغى غسل حبه ولا ابغى رحيقه

الها: هدمة الحـــب ويــــاه مــليــت مليت من كثر التمني وياليـت

ياليتني بالـــعمـر ماكــنـت حبــيــت ولا عرفة الحب ولا طــــريـــــقه

والواو ولت كل ذكــرى ومــاضـــي من دون ما نحتاج شرع وقاضي

هذا حصل واللي حصل فيــه راضي ارتحت من هم بروحي وضيقه

والياء: ياليت القى حـــروف زيـــــاده بكتب كلام غير هــــذا زيـــــاده

واكمل حوار قمت انـــا في اعــداده لو يسمعه قلب قطع من خفيقه

وتقبلوو تحياتي ......
نزيف المشاعر =====>عندما انتهيت من صنع سفينتي جف البحر <===== __DEFINE_LIKE_SHARE__

راعـــ الــحــب ـــي · 07-06-2009, 08:32 PM

يسلموووووووو ع الطرح الغاااوي ..!! __DEFINE_LIKE_SHARE__

روح الخور · 07-06-2009, 09:38 PM

ياليتني بالـــعمـر ماكــنـت حبــيــت ولا عرفة الحب ولا طــــريـــــقه

والواو ولت كل ذكــرى ومــاضـــي من دون ما نحتاج شرع وقاضي

هذا حصل واللي حصل فيــه راضي ارتحت من هم بروحي وضيقه

والياء: ياليت القى حـــروف زيـــــاده بكتب كلام غير هــــذا زيـــــاده --------------------------------------------------------------------------------

يسلموووووووو ع الطرح الغاااوي __DEFINE_LIKE_SHARE__

♕ وليد الجسمي ♕ · 07-09-2009, 05:02 PM

ما شاء الله ع الابدااع الغااوي

ان شاء الله الى الامام دوووووم

اشكررررررررررررررفننننج ع الخاطره الغاااااوي

والله يعطيج العافيه ونتظر منج زوود

كلمات فى قمة روعة

وتقبل مرورى __DEFINE_LIKE_SHARE__

الرهيب القطراوي · 07-09-2009, 08:53 PM

الحب له بلوى ويـــــــاكبر بلــــــواه الا نصبلك بالعدى من جفيـــقـه

اللام: لا والله ما ظـــاق صـــــــدري على فراق اللي جحد كل قدري

ادري بشي ويعض الاشياء مــدري هذا يخص الله ري الخلـــيــقـه

يسلموووووو يااختيييي نزيف المشاع كلمات روعه بارك الله فيج وتقبلي مروري......

& الودعاني عاشق الريان &
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يا بحر بعد ما ضاق بي الصمت	محروم.كوم	منتدى أخبار المواقع والمنتديات العربية والأجنبية	0	02-24-2010 05:10 PM
الصمت لغة الأذكياء	محروم.كوم	منتدى أخبار المواقع والمنتديات العربية والأجنبية	0	10-11-2009 12:10 AM
الصمت..!!	بنـ الشارجة ـت	الإستراحه العامة	12	07-09-2009 10:54 PM
الصمت	محروم.كوم	منتدى أخبار المواقع والمنتديات العربية والأجنبية	0	05-06-2009 09:50 AM
إلى كل من آثر الصمت !	قـلب دبـي	الإستراحه العامة	6	08-03-2008 05:22 AM