| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
| |
|
#1
07-01-2013, 03:16 AM
| |||
| |||
 @@@الجزء التاسع والعشرون@@@ .. مانع:اااااااااااااااااااااااااااااااااااااااا ااخ الكل فطس عليه من الضحك... مانع:يدوووووووووووه دخيلج والله بتمجعينها من مكانها... اليده:والله يا الهرووم الي يضيج بالريم دوااااه عندي الريم:تعيش يدوووووووووووووووووه زيديه الكل ارتبش فهاليلسه خصوصا يوم اليده زخت مانع من اذنه يوم سهى عنها...خخخخخخخخخخ << خطيره العيوز وعقب افترقوا وراحوا يصولون لانه وقت صلاه المغرب... .................................................. ...... فليل الساعه 2 ونص الشباب نصهم سهرانين ع الورقه ونصهم رقود وبعضهم حواطه وبعضهم تقردين فالتلفون والبنات نصهن سهرانات يشوفن فلم وحد منهن راقد والي يسولف ...المهم الكل سهران... ........................................... انتبهت من رقادها زايغه اوين حلمت حلم يروع التفتت حولينها شافت البنات قاعدات يطالعن فلم قامت تريد تروح تشرب لها ماي من المطبخ الي برى وتوها نااشه وتعثورت بريل ميره وطااااحت الريم:ااااااااااااااي يعلج العفن يا ميروووووووووه..زين ما انكسر خشمي ميره : شوووووووووووووه عندج ؟؟؟ الريم : عنبولج هالنعفه بغيت اطيح وينكسر خشمي ... ميره : سيري لاه...دواه ينكسر الريم غزتها بعين:سحبيها رمستج ميره:اوووه سمحيلي كله ينكسر إلا خشمج الشيوخي..المهم .... وين رايحه ؟؟؟ الريم : بروووووووووح اشرب ماي ... تبين ؟؟؟ ميره :ييبيلي فياج .... وراحت الريم برا صوب المطبخ وشافت واحد واقف ومتساند على دعاميه السياره ...وسرحان يفكر ... وتقربت منه على بالها اخوها شهاب و وقفت صوبه فاجه حلجها وبعدها انتبهت على عمرها وفجت ربعان داخل الملحق مالهن ونست تشرب ماي والماي الي حق ميره .... وردت تطلع مره ثانيه عسب تيب ماي حقها وحق ميره ... وقدها واصله المطبخ وهيه اطالع وراها طلع جدامها ونقزت من مكانه يوم زقرها ... حمدان : الريـــــــــــــــــــــــــــــــم ؟؟؟ الريم زايغه: اوووووووووووف زيغتني بغيت اموووت حمدان خاطره يترفس من الضحك كيف شكلها وهيه زايغه حمدان كاتم ضحكته:اشحااالج؟؟ الريم:الحمدالله ما نشكي باس ... اشحالك انته ؟؟؟ حمدان : بخير ربي يعافيج..الريم بعدها فخاطرج ركبه الدراجه؟؟ الريم ضحكت:لا طابت النفس حمدان:اها انزين.... ليش ناشه الحين ؟؟؟ الريم افترت عنه :هاه.. يايه اشرب ماي واييب حق ميره ... حمدان : ميره ليش ما تيي اروحها تشرب ؟؟؟ الريم خاطفه عنه : ربيعتي واخدمها بعيوني ... حمدان يطالعها ويبتسم وفخاطره (فديت عيونج ... والله انها هالبنت تذبح من حلاتها والغمازه تقهررررررررر ) .................................................. ............. عند الشباب يالسين يلعبون ورقه ويدخل عليهم حمدان ويلس بعيد شوي عنهم وسرح بالريم شوي و نقز من زقره شهاب شهاب : حمدااااااااااااااااااااااااااان حمدان : يالبيـــــــــه ... شهاب : وين وصلت من الصبح ازقرك وانته مب وياي ... حمدان : السمووووووووووحه منك ... وقال فخاطره (لو يدري شهاب اني افكر فاخته..ااااااااااااخ ) شهاب : يله قوم خل عنك هالرمسه وخلنا نغسل منصور وسهيل غسال ... حمدان يقوم : غايته .... ونش يلعبون ورقه .... .................................................. ............. وتدخل الحجره وتحصل منى وميره قاعدات وتعطي ميره كوب الماي وتروح ترقد بس مستحيل ترقد دامها شايفه حمدان الخييلي كيف بترقد وهيه شايفه احلى ابطال قصتنا ... دخلت بسرعه وانخشت تحت اللحاف ومن داخلها تنتفض اول مره تحس مثل هذا الشعور .... الريم في خاطرها:يا ربي قلبي يعورني....والله يا ويلي لو شافني شهاب .....ولا سعيد اميييييه والله اكملت منى وميره مستغربات منها .... ميره:ريمووووووووووه شو فيج؟؟؟ الريم في خاطرها:ياويلي يا ميره اخوج ذبحني... منى:ريمووووووووووه شي يعورج؟؟؟ الريم فخاطرها:ااااااااااااااااخ يا بنت العم قلبي يعورني استغربن منها ليش ما ترد معقوووووووووووله رقدت...ونشت عليوووه بسرعه ومطت عنها اللحاااااااااف الريم تصارخ: يالسبااااااااااااااااااااااله بررررررررررررررررررررد<< طالعوا الخريط عليووووه:ههههههههههه قلتلكم هاي ريموه محد يعرفلها غيري الريم : حرااااااااااااااام عليج عليووووه ... وطلعت برا الحجره ...ولحقتهاا عليووه ... .................................................. ................ شهاب : ههههههههههههههههههههههههههههههههههههه غسلنااااااااااااااااهم وحليلكم .... مانع:عنبو هالفيوس الي عليكم صدعتوني هب حسوس عليكم وطلع عنهم وشل مخده ولحاف وطلع برى حمدان بصوت واطي:ياويلكم طنقرعليكم منصور يهمس عسب ما ينشون الباقين: والله انته وهوه غشاشين تتحسبوني ما اجوفكم تغشوووون .... حمدان : اقووووووووووول شهاب قم خله منصور دووومه جذيه خلنا نطلع برا .... شهاب : خلاص اوكيك يله قوووووووم بناخذلنا لفه على المكان ... وطلعوا شهاب وحمدان من الملحق مال الشباب وكانت الريم وعليوه يالسات برا ومن شافت الريم شهاب طالع ويا حمدان صاحت وعليوه تهديها ... وشافها شهاب تصيح واستهم وراح صوبهن وحمدان واقف بعيد ومستهم على الريم شوه فيها وخاطره يسير فيا شهاب صوبها بس قال لا عيب شوه بيقول عني .... شهاب يرمس الريم وحاقر عليوه يحب يتغلى عليها: الريم شفيج ؟؟؟ الريم تمسح دموعها : ما اعرف بس خاطري اصيح ... شهاب ينزل على ركبه على متستواهن وعليوه نشت وراحت داخل وعيون شهاب تلحقها .... طبعا عليوه عصبت ليش شهاب حاقرنها .... شهاب : شوه فيها ليش راحت ؟؟؟ الريم : ما ادري ... يمكن لانك حاقرنها ... شهاب : حرااااااااااااام والله بس اتغلى عليها ..... الريم : شهاب اخويه اسمع مني ترا من تغلى تخلى .... ويمكن عليوه اطير من ايدك بسبب غباءك (ضربته على كتفه) وخل عنك هالحركات البنت ما تقهر .... شهاب : ههههههههههههههههههههههههههههههههههههههه فديتها والله ... حتى مني انا ما بتقهر ما اظن ... الانسان الي تحبه تستحمل منه كل شي مب بس التغلي... الريم فخاطرها (الحمدالله انه ما سألني شوه فيج ؟؟؟) ومن بعيد واقف يشوف كل الي يصير ويراقب حركاتها حركه حركه .... ويتفداها فخاطره ويوم شاف شهاب ياي صوبه نزل راسه عسب ما يكشفه انه حاط عينه ع اخته ... شهاب : يله نروووووووووح ... حمدان : هاااااه .... يله غايته بس فسيارتي ولا سيارتك ؟؟؟ شهاب : لا مب فالسياير ... والله خاطري اركب البانشي ... حمدان فاج حلجه : الحين نص الليل .... شهاب : هيه شوه فيها .... حمدان : تبا توعي العيوز علينا .... شهاب : هههههههه خلاص انزين كلت فوادي ... حمدان يغمز له:لا فديتك امبونه فوااادك ماكلينه ناااس ثاانيين.. شهاب:دخيلك لا تذكرني... حمدان:افاااااااااااااااااااا شهاب:توني رحت عند ختيه وكانت يالسه حذالها..وبالعمد حقرتها...ويوم وخيت بيلس نشت وراحت دااخل حمدان:والله انك غبي حد يروح عند القلب ويحقره شهاب استغرب رمسه حمدان وفخاطره:غريبه رمسه حمدان اول مره يقول مثل هالرمسه..عن لا يكون وحده ضوت راسه والله ما استبعد...بس اموووت واعرف منوه هاااااااااي الي رامت تضوي راس الخيلي... حمدان:حوووووه وين وصل عقلك..اكيــــــــــــــــــــــــــد عند قلبك شهاب:هههههه حمدان:انزين كمل وعقب شو سويت؟؟؟ شهاب:ماشي حقرتني وراحت داخل..بس قالت لي ختيه جمله عيبتني... حمدان بفضووول:شووووه هيه؟؟ شهاب استغرب منه كيف منتبه عليه على عكس العاده:قالت لي...امممم نسيتها والله.. حمدان حاول يبين عمره مب مهتم:اهاااااااااااااا <<< ومن داخل محترق يبي يعرف ... شهاب : هيه قلت لها اني اتغلى عليها وقالت لي( من تغلى..تخلى) حمدان اووونه مب مهتم: انزين صدقها ... شهاب بسرعه : رووووووووح لاه عاد يوم ريموووووه تتفلسف وحمدانوه يتقحطن ... حمدان : ههههههههههههههههههه وفخاطره (فديت انا الفيلسوفه ) وراحوا اتحوطوا شوي وخلاف ردوا وخمدوها .......................................... بالباجر الصبح اليهال والشباب مشتطين منوه بيوصل الحوض اول والي شال فوطه والي شال كوره والي شال طاسه << كشخه والبنات يالسات تحت الغافه ويشوفن الشباب وهم يتسبحون طبعا مش الكل فالمسبح بس وشهاب وسعيد ومنصور ومبارك اخوا قوم نواري و وفيصل الصغير بعد اخوا نواري وهوه من عمر فهد وبطي وفهد وبطي طبعا وخلوف ^.^ ميره :يااااااااااااي والله الماي كشخه نواري:هيه والله طررر عليوه وهيه تصور فيديو:يالمخدي لا ترمسن بيطلع صوتكن فالفلم وبحركه لا اراديه حطن يديهن ع اثاميهن... والريم توها ناشه ولا تدري شو صاير بالدنيا الريم وهيه يايه صوبهن وتتثاوب:ااااااااااه شو تسون هنه؟؟ وميره تاشرلها تسكت لان عليوه تصور الريم بلقت عيونها وحطت ايدها ع اثمها ويلست حذال عليوه وهدوووووووووووووووووووووووء ولا وحده ترمس والريم تتثاوب .. روضه تهمس لها:شفطينا من كثر ما تتثاوبين.. الريم وايدها تحت خدها:اوووووووووووووووف الريم:اوووهووه والله ما اروم اتم ساكته بندي هالكيمره عليوه:انزين عادي رمسي ..بس بيطلع صوتج خخخخخ الريم:انتي بتخبرج منوه طالب منج تصورين؟؟؟ عليوه:منوووووووووع الريم اعتفس ويهها وسكتت..ونشت عنهن وراحت صوب الحوض توايج ع الشباب... الريم:وييييييييه فديت خلوووف يتسبح فياكم... منصور يقلدها:وييييييييه فديت خلوف يتسبح فياكم..مالت عليج وانتي شو تشوفين؟؟؟ الريم:وانته منوه رمسك؟؟؟ولا ايب لك ناس يتفدونك (وغمزت له) منصور سوى عمره ما سمعها وغطس فالماي ولا هوه بيموت قفطته جدام الشباب... منصور فخاطره :اوووووه الحمدالله ان حمدان مب هنيه؟؟؟ الريم :خلوف حبيبي غوص زين عن تغرق خلوف:لا انا اثبح ويا ثعيد... منصور يغمز لشهاب:برووك عطني الطاسه مبارك فرها صوبه:القف ومنصور عاطي الريم ظهره وترس الطاس ماي وجبها على ورى وفجأه شهقت الريم من الخاطر........ الكل:ههههههههههههههههههههههههههههههههههههههههههههه هههههههههههههههههههههههههههههههههههههههههه والبنات ما رامن يمسكن عمارهن وضحكن وطبعا كميره عليووه ما فوتت هذا الموقف الحلووووووووو والريم خرسانه ماي الريم:والله انك سباااااااااال ما عليه منصور يستهبل ومن داخل بيموت من الضحك:اووووووه سمحيلي والله ما تحراج وراي... سعيد وشهاب وفيصل وفهد وبطي ميتين عليها من الضحك ومبارك لف ع صوب خلاص ماات من الضحك ع شكلها كيف شهقت يوم انجب عليها الماي... والريم عصبت وراحت تبدل ثيابها قبل يشوفها حد وهيه خرسانه ماي.. وتوها داخله وهيه اطالع ثيابها كيف متخرسه وتمشي بسرعه وتسب منصور... وما انتبهت ع حمدان ودعمت فيه بالغلط.. الريم معصبه حده ومن دعمه فحمدان ارتخت وجنه شفط عنها الضيجه كلها... حمدان كان واقف الحبيب توه رايح صوبهم وشال فوطه.. الريم:اووه حمدان سمحلي حمدان مبتسم وفخاطره:فديت منطوقج..كان يتأمل شكلها كيف انها خرسانه ماي وشعرها مبلول وراقد ع يبهتها... الريم عضت شفايفها و فخاطرها:اااه والله انه رحيم..الله يعيني اليوم..احس شي بيصيرلي... حمدان انتبه ان فتره الصمت طولت من بينهم .. حمدان:لا بالحل..شو مخرسنج.. الريم لا اراديا دلعت لسانها:هههه منصور خرسني اونه ينتقم عن امس يوم شخطته يدوه.. حمدان:صدق ما يستحي..انزين بسرعه روحي بدلي ملابسج عن تزجمين واتمين مريضه..^.* الريم:انشاالله وخطفت عنه وهيه بتذوووووب.. الريم وهيه رايحه صوب الحجره وصوره حمدان ما فارقت تفكيرها وفخاطرها:فديته مهتم مني ويقولي عن تمرضين...والله هالانسان بيذبحني .. فمكان ثاني وبعيد عن مسبح الشباب وربشتهم وبعيد عن كميره عليوه خخخخخخخخ .................................................. ...... كانت يالسه عند الحديقه مالت الورد الجوري والياسمين تبا تقطف ورد وياسمين حق يدتها وهوه طالع شافها يالسه اروحها فراح صوبها عسب يزيغها .... عبدالله صرخ عليها : عنووووووووووووووووووووووووووووود عنود صرخت من الزيغه وطزتها شوكه فصبعها وطلع منها دم ومسكت ايديها وتقرب منها ... عبدالله لا اراديا : عنادي حبيبي اتعورتي ... عنود مستغربه وماسكه ايدها : لا ما استوى شي بس طزتني شوكه عبدالله يمسح الدم من صبعها بكنينكسه طلعها من مخباه : عنادي والله سوري مب قصدي ازيغج ... عنود اطالع عبدالله وتتأمله : هااااااه ... لا عادي ... وبحركه لا اراديه حطت صبعها الميترح فثمها ... عبدالله يطالعها ويضحك على براءتها :هههههههههههههههههه وبعدها سكت وقالها بنبره جاده .... عبدالله : العنووووووووووووود... عنود استغربت منه وصدت صوبه : عوووووونك ... عبدالله : انا خلاص ما اقدر اصبر اكثر ... انا برمس عمي عسب نعرس ... عنود منصدمه : شووووووووووووه ؟؟؟ عبدالله بس عبدالله : بس شوه ؟؟؟ ليكون ما تريديني ؟؟؟ عنود : لا مب جذيه .... عبدالله : اذا انج مب موافقه عليه خلاص ما بحيرج اكثر ما حيرتج ... عنود : عبدالله .. والله مب جذيه ... بس الجامعه ... عبدالله : الجامعه شوه فيها ؟؟؟ عنود : يوم اخلص الجامعه العرس ؟؟؟ عبدالله : لا عنوووودي .... انا اريد اعرس الحين .....والجامعه بتكملينها انشا الله .... عنود ساكته ... عبدالله : اريد اعرف رايج فالموضوع اذا انج موافقه او لا .... عنود استحت : خلاص عبادي سوا الي تبيه .... عبدالله من سمع كلمه عبادي تخبل : عنوووووووودي ... دخيلج عيديها ... عنود تستهبل : كلام الملوووووك لا يعاد .... عبدالله : لا والله ... عنود : هيه والله ... عبدالله : احبج يا العنيده ... عنود احمرت وقامت وراحت داخل ... وعبدالله يضحك عليها ويقول فخاطره : (فديتها والله ... احبها يا ناس واموووت عليها) .................................................. ................................. وبعد صلاه العصرفالصاله البنات متجمعات والشباب بعد ما عدا روضه وعنود راحن يتمشن فالمزرعه وراحن حظيره الخيووول لانه في خيل يديد انولد وراحن يشوفنه ....وبعض الشباب متحادين بعض فالقنص... والموجودين من الشباب: منصور+شهاب+مانع+حمدان+سهيل من البنات:الريم+عليوه+ميره+نواري+منايه+غلوي +ساره منصور : شوه رايكم شباب نروح نركب الخيول ؟؟؟ حمدان : ما شاء الله بعد شي خيول ... والله انه طررر ... سهيل:والله مزرعتكم فنتك شهاب : عيل قوم خلنا نسير... عليوه+نواري:نبى نرووووووووح بلييييييييييييييييييييييييييز الريم:شهاب اخويه فديت خشمك دخيـــــــلك اريد اركب حمدان تفاجأ من طلب الريم وابتسم مانع :ههههه وين تبين؟؟؟ ممنوووووع ما تركبين الريم اضيجت منه وفخاطرها :هذا شوه يخصه عليووه:ماشي ما يخصني جان ركبت الريم حتى انا بركب... مانع:انا قلت ممنوووووووووع....ما عندنا بنات يركبن خيووول الريم عصبت من الخاطر:والله ما عرفنالك مره تقول ما عندنا بنات يركبن دراجات......ومره تقول ما عندنا بنات يركبن خيول..عيل شو خليت لنا ..هااااه... عنبوه كله حقكم... مانع عصب منها....ومن طريقتها فالرمسه.... منصور يضحك:هههه دخيلك منووع خلهن يركبن اريد اشوف هالرياله الي فيهن... عليوووه:انا خلاص ما اريد اركب الخيل كنسلت.. منصور يضحك من خاطره:ههههااااي هههااااي خافت...الحين الثانيه بتكنسل الريم بجديه:انا بركب وبراويك ..والله اني قدها وقدود..وبتشوفون منصور:هههههه والله يا الريم جانج ركبتي ورمتيله....والله علي اعشيكم كلكم... الريم :وانا قدها وقدوووود شهاب:اصلا ريمااااني قدها...يله وبنفلس بمنصور عسب يعشينا عشا دسم...طبعا عليك تعشي الكل البنات والشباب منصور:امررررره تــــــــــــــم... الريم:احم..احم..شكرا اخوي العزيز ع رفع معنوياتي طول الوقت ساكت ويطالع بعيونه والكل يرمس ما عدا هوه هذا (حمدان) طول الوقت يطالع الريم كيف انها اتحادت وياهم كلهم وشهاب اخوها واقف وياها ومشجعنها...والريم كانت ملاحظه عيون حمدان عليها بس مخليه عمرها ما مهتمه ولا من داخل طاايره من الخاطر صارت تحس بشعور غريب كل ما صدت صوبه...وحبت انها تظهر شجاعتها جدامه واصرت انها تبهر الكل....بس الله يعين من الياي.. انقسم الشباب والبنات لقسمين إلي يشجع الريم والي ضد الريم وطبعا محد ضدها غير مانع مضيج عليها ليش تعاند فيه اصلا ما يباها تركب يخاف عليها يصير شي لاسمح الله.. عكس حمدان الي انعجب فالريم وعنادها وشجاعتها..... .................................................. .. فحضيره الخيووووووول...^.^ روضه وعنود فاتهن الشي الي الريم قررت عليه واتحادت ويا الشباب كلهم.. عنود:الله محلااااااااااااااه والله خباااااااااااال روضه:ياحلاااااااااته احلى شي انه ابيض... عنود:والله فاتها نوااري وميرووه... روضه:اسمع صدعه... عنود ظهرت من زريبه الخيل اطالع:روضه..تعالي شوفي ماشاالله الكل ياي... روضه:غريبه..احس شي صاير..كلهم الشباب والبنات... شهاب يفتح الباب بكبره ويغني تشجيعا للريم..وعاد الريم شعليها منتفخه...منوه قدها شهاب:تتترررررييييييييي...تتترررررريييييييي...تتررر رريييي... عنود:شو صاااااااااااير؟؟؟؟ شهاب:ابتعدوووا جميعا المشتركه الريم بنت محمد المنصوري ستركب الخيل..الرجاء عدم الإزعاج وعدم الازدحام وتوفير الهدوء اللازم للمشترك... عنود:هههههههههه عاش المعلق..... روضه:شووووووووووووه؟؟!!!! تركب الخيل..أكيد هاذي ينت.. مانع مكتف يدينه ورفع كتوفه صوب روضه بمعنى حركته ان الريم عنيده وراسها ياااابس روضه عصبت:الريم انتي تخبلتي.... الريم :بتخبل صدق اذا ما ركبت الخيل روضه تلف ع شهاب :شهاب قول شي...ليش واقف جيه....تعرف لو استوى شي لا سمح الله... شهاب قاطعها:انشاالله ما بيصير شي..والريم قدها.. (ولف صوب الريم):هاه ريموووووووه...اذا بتكنسلين عندج مجال الريم بثقه:نوووو وي...ما بكنسل ساره بدلع:..بس اتحملي النتايج لو درى عمي ولا سعيد الريم:والله ما يخصج.. شهاب :ساروووه..محد بيخبر ان ما خبرتي انتي.... عليوه ماسكه عمرها عن تنفجر جدامها من الضحك...وفخاطرها<<خخخخخ حليلها قفطوها الريم تصاصر عليوه:براويها هالمعفنه البزيه.... عليوه:اونها مهتمه منج جدام شهاب..ولا اظني فخاطرها تدعي عليج... الريم:هههههههههه عليوه:ايه ريموووه انتبهي على عمرج تقبضي زين الريم:عادي لا تخافين عليوه:والله بس السالفه تزيغ..وانتي فحياتج ما راكبه خيل... الريم:افا عليج عليوه...انا قدها.. الريم بهمس:اخوووج قهرني عليوه صدت صوب مانع وضحكت الريم:ليش تضحكين؟؟ عليوه :فديته اخوي خايف عليج... منصور :يله ريمووه استعدي الهندي يابه الخيل ميره تشهق:حرااااااااام عليك والله شكل هالخيل ما يطمن...لا بليز منصور غيره... منصور ذاب من سمع منطوق ميره:امررره تم منصوريزاعق:اقول بابووه غيره..ييب اليديد الي شارينه الاسبوع الي فات.. ورد الهندي وياب الخيل الابيض اليديد وماتن عليه البنات من حلاته وراحن صوبه وهوه مبين عليه هادي وما ينفر من الناس ... ميره : يالله محلاااااااااه ... منصور منوه الي مختارنه ؟؟؟ منصور يبتسم : عيبج ...؟؟؟؟ ميره : خبـــــــــــــــــــــــال من حلاته ... منصور يخورط:احم احم اختياري طبعا ميره ابتسمت شهاب : خلاص يوم عرسج بنزفج عليه شرايج ؟؟؟ ميره استحت ... حمدان : لا لا ... ميرووووووووووه ... بتنزف هيه وريلها على حمــــــــار وعربانته ... ميره عصبت: انزين ما عليه انته عرس وشوف شوه بسوي فحرمتك ... شهاب كان متأكد انه حمدان بيقول (ما يابتها امها الي بتضوي راس حمدان الخيلي ) بس حمدان قال شي ثاني .... ......................................... نهـــــــــــــــــــــــــــــايه هذا الجزء ..... ابغي رآيكم بالبارتات .. . > ترآ مب حلوه أنزل ولا أجوف رددود .. بقرأ البآرتات اللي نزلتها من شوي و من اخلصهم بكمل تنزيل البآجي بس لو على الأقل اجوف رد ..! __DEFINE_LIKE_SHARE__  |
|
07-01-2013, 03:59 AM
| رقم المشاركة : [ 2 ] |
| عضو جديد  | السلآم عليكم ورحمة الله وبركآته .. اخر بارت فالمنتدى اللي لقيت منه الروايه هذا و بدور تكملةة الروايه ف منتديات ثانيه . .. @@@ الجزء الثلاثووووون @@@ .................... ^ . ^ ميره : يالله محلااااااااه ... منصور منوه الي مختارنه ؟؟؟ منصور يبتسم : عيبج ...؟؟؟؟ ميره : خبـــــــــــــــــــــــال من حلاته ... منصور يخورط:احم احم اختياري طبعا ميره ابتسمت شهاب : خلاص يوم عرسج بنزفج عليه شرايج ؟؟؟ ميره استحت ... حمدان : لا لا ... ميرووووووووووه ... بتنزف هيه وريلها على حمــــــــار وعربانته ... ميره عصبت: انزين ما عليه انته عرس وشوف شوه بسوي فحرمتك ... شهاب كان متأكد انه حمدان بيقول (ما يابتها امها الي بتضوي راس حمدان الخيلي ) بس حمدان قال شي ثاني .... حمدان : يعلج فدى حرمتيه ... ما بخليها تيلس فياج ...خلاف تخربيتها علي.. شهاب @.@ فاج عيونه من رمسه حمدان وحمدان انتبه عليه ويوم صد عليه عطاه ابتسامه عريضه خلت مليون سؤال فوق راس شهاب ................... الكل يضحك عليهم :ههههههههههههههههههههههههههههه الريم : احــــــــــــــــــــــــــــــــــــــــــــــــ ـــــــــــــــــــم .... الكل صد صوبها ... الريم : يله عاد نسيتوني ابا اركب وانتوا فسالفه عرس حمدان وميره ... شهاب : يله يله ... انتي جاهزه ؟؟؟ الريم : افكوووووووووووووورس يس روضه : الريم عقلي ... خلي عنج الخبال ... الريم : لا تخافين تراني قدها ... مانع بجديه: الريم طيعيني لو مره فحياتج..... الريم :خلاص انا عزمت ... وبلييييز لا تحبط معنوياتي .... مانع : بس هالشي ما يناسبج تسوينه ... الريم : ههههههههههه لا انا بخليه يناسبني ... مانع عصب وسكت ... وعليوه اطالع اخوها كيف الدخان يطلع من خشمه ...(وفخاطرها الله يعينك يا اخوي ع عناد ريموووووه ) ................................. والتموا الشباب و البنات على الخيل ومنصور قابضنه عسب ما يمشي لحد ما شهاب يساعد الريم عسب تركب وركبت ومنصور يمشي الخيل شوي شوي ... طبعا والكل يترقب اللحظه الي بيفج فيها منصور الخيل وبتمشيبه الريم اروحها .... لف منصور بها اللفه الاولى وبدو يبتعدون عن مكان التجمع.... الريم : منصور يله فجه .... منصور : لا صبري بعد شوي..لفه ثانيه ... الريم : بس عاد يله والله لاعت جبدي شهاب يزاعق من بعيد:ريموووووووه يله راوينا شطارتج والشباب والبنات كلهم مشتطين ويزاعقون ويصفرون... الريم:يله عاد فجه.. منصور:متأكده انج خلاص تروميله اروحج الريم تتصرط وحاسه بخوف:يس يس مانع يزاعق من بعيد:منصوووووور لا تفجه..ما ترومله... الريم فخاطرها:ياربي بصيح..هالمانع واقف لي عظم فالبلعوم.... عليوه تصارخ:ريموووووووه شوي شوي..عن بنقزبج... ساره بصوت واطي:يعله ينقزبج عسى عليوه اطالعها بنص عين:على الداعين انشاالله ساره حايسه بوزها:عوذ بالله .. عليوه:عوذ بالله منج يالساحره.... منى :ماشاالله عليها ريمووه والله انها قويه نواري:عااااااااااااااشت ريموووووووووووه غلوي :غايته كلنا نشجعها.... البنات :غايته.. وكل البنات مشتطات ويشجعن الريم ويصفقن ويصفرن والشباب فاجين حلوجهم...وقطع عليهم شهاب وهوه يزاعق ويشجع ويصفر ....................................... فمكان ثاني من المزرعه كانوا متحادين بعض فالقنص إلي هم..سعيد وعبدالله وذياب وناصر... سعيد:يله عبود انته ابدى اول شرايك... عبدالله:عنلاتك اصغر عيالك جيه... ناصر:خلاص لا تتضاربون ..ذياب بيبدى ذياب:خلاص انا ببدى سعيد عدل شوي الهدف واايد مبعدنه سعيد :لا خله جذاك احسن... انسدح ذياب ع الارض وبدى يركز عسب يصوب ويوم حط ايده على الزناد وانطلقت الرصاصه هنيه هاج الخيل هناك بالريم ... ذياب : آآآآآآآآآآآآآآآآآآآآآآآآآآآخ .... ماصبتها .... سعيد معقد حياته ويناظر باقي الربع:ما سمعتوا صريخ عبدالله :لا انته تتخيل ما سمعت انا شي.. ناصر : سعيد خل عنك انته تبا تتهرب يله دورك ... سعيد : لا ما اتهرب ... ذيااااااااااااب ... ذياب : هلا سعيد:ناولني الشوزن.... .......................................... الخيل من سمع طلقه الشوزن نقز بالريم والريم تصارخ ومتقبضه بشعر الحصان بالقو...وهوه يربعبها..والشباب يربعون وراه كل واحد زايغ اكثر من الثاني...والبنات يصارخن متروعات ع الريم عليوه تصيح:يالسباله كله من دعاويج ساره ببرود:نعم!!! انا ما يخصني هيه مستريله ...تستاهل الي يصير لها عليوه زختها من كشتها:جب قطعيها الرمسه... واتكافخن البنات والباقيات يحايزن من بينهن عنود:عليووووه خلاص عليوه تصيح زياده..بس عنود خذتها ع ينب وقعدت تهديها وتقولها انه الريم ما عليها شر.. .............. الريم تصيح وتلعن الساعه الي فكرت فيها تركب هالخيل..ومن الزيغه ارتخت ايدها من شعر الخيل وطاحت طيحه قويه ع ظهرها وانجلبت ع الارض اكثر عن جلبه واتبهدلت واتوصخت من ساسها لراسها بالتراب والطين.. و اغمى عليها.... والشباب يترابعون الي يبى يلحق ع الخيل قبل ما يثور عليهم اكثر والي راحوا يلحقون ع الريم اذا تعورت... منصور وسهيل اتلاحقوا ع الخيل وردوه فالحظيره مالته..وشهاب حس انه هوه السبب لو صار للريم أي شي..لان هوه الي شجعها ع الي تباه... شهاب رفع راس اخته من ع الارض ويمسح التراب من ويهها ومن شعرها ويحس انه الدموع تتجمع فعيونه مانع زايغ:هاه شهاب طمنا..عسى الريم بخير... حمدان منفعل:شهاب بسرعه لازم نوديها المستشفى شهاب ومانع وحمدان متحاوطين عليها شهاب والدموع فعيونه ويهز اخته:الريم..الريم..الريم.. وبعده يمسح عن شعرها التراب وينظف ويهها من التراب ويمسح ع الشموخ البسيطه الي صارت لها في ويهها والدم الي ظهر منها.. حمدان وشهاب ومانع يتريون انها تنش وتقول شي لكن للأسف ما انتبهت لهم... شهاب يهزها اكثر:الريم دخيلج قولي شي... وفجأه الريم تفتح عيونها وتشوفهم كيف متحاوطين عليها وعيون حمدان ومانع عليها وفرحوا من الخاطر يوم شافوها فتحت عيونها الريم تناظر شهاب وتبتسم وترد وتغفي عيونها مره ثانيه...وهنيه زاغ شهاب اتخيل انه يفقد اخته للأبد... شهاب يلوي عليها ودمعته سبقته ويهمس فذنها:لو صار لج شي ما بسامح نفسي... وهالثلاثه زايغين عليها يوم هاج الخيل ماهمهم همتهم الريم وكل واحد يناجي نفسه وفخاطره يقول... .................................. شهاب:والله لو صار للريم شي ما بسامح نفسي..اختي حبيبتي اخاف اخسرها بسبت طيشي اني شجعتها..وليتج يا الريم سمعتي كلام مانع وروضه...وما سمعتي كلامي .................... حمدان:لا ما اصدق..اخاف يصير لها شي..حرام اول انسانه حبيتها ما اتخيل انه يصيرلها شي ..الله يحفظج يالريم وما يصيرلج شي والله ما اتخيل كيف بعيش اذا استوالج شي ..الله يسلمج يا رب..ليته فيني الي صارلج يالريم ولا فيج.... ................................ مانع:الله يسامحج يالريم..ليتج طعتيني وما ركبتي بس يوم فات الفوت ما ينفع الصوت...كله بسبت عنادج صار الي صار...لا حرام ما اتخيل يصير لها شي... لا والله بموووت ... كله عاد ولا الريم..ما اتخيل حياتي من دونها..بس ليتج يالريم تحسين فيني لو مره بس؟؟؟وتشوفين كيف غلاج عندي ما يسواه شي فالدنيا... ........................................ شهاب يشل اخته.... حمدان ما عيبه شكل شهاب... حمدان يشد قبضته ع كتف شهاب:اتعوذ من الشيطان..انشاالله ما فيها الا الخير.. شهاب:اعوذ بالله من الشيطان الرجيم حمدان:شهاب انا بقرب سيارتي عسب نوديها المستشفى..ومانع انته ازقر حد من البنات يساعدن شهاب.. مانع ما عيبه كيف انه حمدان هالقد مداري عليها بس طنش هالافكار الي يته فهالوقت.... وراح مانع يزقر البنات وجذب عليهن وقالهن انها بخير ما فيها شي بس اغمى عليها ... وبيودونها المستشفى عسب يكشفون عليها انها ما استوالها شي ... وعليوه ما صدقته لانها تعرف اخوها زين وكثر شوه يحب الريم ... و مبين من ويهه انها مب بخير ... وراحت عليوه تربع صوب شهاب عسب تشوف الريم ... شهاب يمشي بخطوات سريعه وعليوه تحاول تلحقه عليوه تصيح : ريماني ... ريمووه حبيبتي ... قومي انا عليوه دخيلج...دخيلج ردي علي...قولي شي... شهاب عصب وصرخ عليها : عليا دخيل والديج قومي عنها.. مب ناقصين ... دخيلج ... عليوه ردت ع ورا وتمت اتصيح فحضن بنت عمها وعنود تهديها وروضه راحت قبلهن الفله ولبست عباتها ويابت عباة الريم ... وحمدان ما قصر ياب السياره صوب الحظيره وشهاب ساعدته روضه وركبوا الريم وبسرعه سكر شهاب الباب وراح يركب جدام.... عليوه تصيح:برووووح فياكم..دخيلكــــم.. روضه والدمعه فعينها:شهاب بسير يمكن تحتاي شي.. شهاب معقد حياته:يله روحن دااااااخل ماشي سيره... وبسرعه حمدان طيره البورش صوب المستشفى... ومانع بعد نفس الشي ركب موتره وشخطها وراهم... قدهم مبتعدين عن المزرعه.. سعيد:هذا جنه موتر حمدان... ناصر:هيه والله وهذا مانع وراه... ذياب:والله جنه شي صاااااااااااااير...عيل ليش يسرعون جيه... عبدالله:يمكن يزامطون...عادي خبال شباب... سعيد:لا والله ما اظني خبالهم...انا سامع صريخ البنات بس انتوا ما صدقتوني... سعيد فر الشوزن من اييده وركض صوب البنات وتأكدوا يوم شافوهن يتصايحن وكل وحده تهدي الثانيه ان شي صاير سعيد يلهث من الركيض:هاه بنات شو صاير ليش تصيحن... عليوه من ياهن سعيد صاحت زياده... عبدالله:عنود شو فيها عليووه تصيح... ذياب عصب:وحده منكن تقول شو صاير... سعيد يدور الريم بعيونه يعرف انه لو سألها بتقوله... سعيد:روضه رمسي امي ولا ابوي ولا عمومتي فيهم شي روضه هزت راسها بمعنى لأ وراحت عنهم سعيد يوم يعصب خوزو عنه.. سعيد :بترمسن ولا لأ رمسن شو صاير حد مااااااااات.. عليوه تشاهق من الصايح ويلست ع الارض عبدالله:عليووه شي يعورج.. سعيد بحزم:عليووه قولي شو صاير عليوه تشاهق:الر..يم..الــر..يــ..ــم يا سعيد سعيد زاغ:شو فيها الريم..ووينها الحين.. ناصر:حمدان ومانع وينهم؟؟؟ ذياب:نواري شو صار للريم فهمينا وهيه وين؟؟ نواري:الريم ...الريم طاحت من ع الخيل..واغمى عليها وودوها شهاب وحمدان المستشفى... سعيد فج عيونه:شووووووووووووه؟؟وليش تركب الخيل؟؟؟ الكل اختبص من عرفوا ان الريم فالمستشفى والحال عليها ما يندرى عنه.........وبسرعه سعيد راح صوب الفله الي فالمزرعه وبدل وراحوا صوب المستشفى .................................................. .. ....فالمستشفى.... حمدان ربع داخل يقول للنيرسات اييبن حماله وشهاب شل الريم وحطها ع الحماله... وحده من النيرسات:اووووه شوهدا؟؟كلش تراااب حمدان :يعلج العوق بسرعه نقليها... ونقلوا الريم بسرعه ودخل عليها الدكتور وشهاب وحمدان ينتظرون برى... مانع يمشي بسرعه صوبهم:هاه بشروا شو قال لكم الدكتور شهاب ملتزم الصمت...ويدعي لاخته حمدان:توه الدكتور داخل عندها... مانع:الله يقومها بالسلامه... الدكتور تأخر عند الريم واايد... واستهموا عليها اكثر مانع يطالع تلفونه وشاف فيه 9 مس كول من عليوه و2من عبدالله 4 من سعيد...بس طنشهم من بين الهدوء السايد فالمكان سمعوا صوت حد ياي صوبهم ومبين من صوت كندورته انه يمشي بسرعه ومستعيل... شهاب يوم رفع راسه شاف جدامه سعيد والشرر يطلع من عيونه ويصاك ضروسه وشكله ناوي عليه نيه...شهاب من شافه غمض عيونه بقوا ورد راسه ع ورا... سعيد اول ما وصل صوبهم لا سلام ولا كلام سيده راح صوب شهاب وزخه من عقم كندورته ويعطيه بكس فويهه.... حمدان ومانع اتلاحقوا عليه وفجوا سعيد عن شهاب حمدان:سعيد استهد بالله ...اتعوذ من الشيطان..هذا اخوك سعيد كان اقوى منه ودز حمدان ويطيح ضرب فشهاب وشهاب مستسلم للي يصيرله..لانه يشوف عمره يستاهل أي شي اذا صار للريم شي...ماكان يصدر منه أي مقاومه.. سعيد:يالنذل هاي سوااه تسويها في اختك ..هذا بدال ما تمنعها وتهزبها... حمدان عصب:يا سعيد خلاص الله كاتب يصيرلها سعيد:حمدان بالطيب زول عن ويهي.. والشباب مشتطين ع الضرابه إلي استوت وسعيد مب طايع يفج عن شهاب وحمدان ومانع مب رايمين لسعيد... ومن وسط هالضرابه كلها سمعوا صوت خلى كل واحد يفج عن الثاني ...............:سعيـــــــــــــــــــــــــــــــ ــــــــــــــــــــــــــــــــد الهدوء عم المكان من سمعوا الصرخه ويوم التفتوا لمصدر الصوت انصدموا من وجود بوسعيد وحذاله عليوه<<ماتنلام توأم روحها ريمووووه.... عليوه حطت ايدها ع اثمها من شافتهم يظاربون وتمنت الموت قبل ما تشوف شهاب بهالمنظر..كيف انه ضعيف جدامهم وماله كلمه والدم يطلع من ثمه ومغطي ويهه من تحت بالدم ومخيس لحيته من ضرب سعيد له..وهوه مستسلم له.. عسب خاطر الريم....والريم المسكينه محد يدري شو الحال عليها من عقب الطيحه الي ما عينت من عقبها خير..... مانع منصدم:خااالي.. بو سعيد اتقرب صوبهم ولا نطق بحرف بس تموا كلهم واقفين يتريون الدكتور الي تأخر واايد عند الريم..ومن بينهم سعيد ميت غيض وقهر وخاطره يزخ شهاب ويجتله جدام عيونهم... وقطع صمتهم فون بو سعيد...الي من الصبح يرن وعاطنه طاااف ورد عليه... ام سعيد:هاه محمد بشرني عن الريم.. بو سعيد يحاول يخلي عمره طبيعي:الحمدالله بخير ما عليها شر كلهم صدووا صوبه يوم قال هالرمسه معناته بوسعيد يتأمل الخير عن بنته.... وبعد ما مضن ساعتين ونص من اول ما دش الدكتور ع الريم ..واخيرا طلع الدكتور وشكله مووووول ما يطمن بخير واول ما طلع الدكتور كلهم اترابعوا صوبه... بو سعيد:دكتوور الله يخليك طمني سعيد :هاه دكتور شو الحال عليها شهاب:دخيلك دكتور عادي ادخل عندها.. الدكتور:مين فيكم ولي امرها في هاي اللحظه اتمنى حمدان يقوله انا ... بو سعيد:انا يا دكتور..شو الريم شي فيها الدكتور:طيب الحقني لمكتبي... وراح الدكتور وسعيد وبو سعيد وراه.. حمدان فخاطره:كس بيتك ونحن بنتم جيه ما نعرف شو الحال عليها ومانع نفس الحاله يلاعن الدكتور وخاطره يروح ويشوف الريم شو الحال عليها.... فالمزرعه ام سعيد من قالولها ما قادره تقر مكانها وناصر وذياب يهدونها لكن بدون فايده... ام سعيد:ياويلي عليج يالريم...ياويلي عليج يا بنيتي ناصر:يا خالتي لا تسوين فعمرج جيه الريم انشاالله ما عليها باس ام سعيد:كيف يا ولدي ماعليها باس وهيه من 3 ساعات فالدختر ذياب:يا اميه استهدي بالله واذكري ربج.... نواري:ذياب انزين شلو خالتي عندها عسب تطمن عليها زين ام سعيد:ياولدي دخيلك ودوني عند بنتي... ناصر:يا خالتي بنشلج عندها بس انتي وطي راسج وارتاحي الحين ........................ جدام الغرفه مالت الريم... حمدان ومانع وعليوه واقفين ولاحد عطاهم خبر... مانع:يله عليووه بردج المزرعه... عليووه:شووووه؟؟لا دخيلك ابى اشوفها واتطمن عليها حمدان:شهاب روح البيت وخذ لك شور وريح شوي شوف شكلك كيف صاااااير... شهاب يهز راسه وهوه منجسنه:أي نوم بيهنى لي يا حمدان والريم مرقده هنيه وانا سبب الي هيه فيه... حمدان:لا تقول جيه يا شهاب ربها كاتبلها .. مانع:شهاب صدقه حمدان انته روح البيت وريح ورد عليووه وياك وجودها ما يفيد... شهاب يضحك بستهزاء:من وين بتيني الراحه يا مانع... وفجأه طلعت وحده من النيرسات ركيض ادور الدكتور مانع زخها: what happened for alreem النيرس :Miss alreem open her eyes!! عليوه شهقت:فديتها والله وخطفت تربع صوب الغرفه وشهاب بعد ما صدق وراها... مانع:طع....انا اتخبرها وهم يترابعون قبلي...والله ما يصير.. حمدان:هههههه حليلهم خايفين عليها مانع:انزين والله حتى انا خايف عليها حمدان فخاطره:كملت والله اخاف هذا بعد حاط عينه عليها ..اووف دومني انا مشعووووووووووور مانع:حووووه وين وصلت حمدان:هاه لا هنيه وياك... مانع:خلاص عيل انا بدخل... حمدان:خلاص انا اترياكم هنيه..وان طلع عمي عن الدكتور ببشره مانع فخاطره:وين تبى اونه عمي... مانع:خلاص صااار ...................................... __DEFINE_LIKE_SHARE__ |
|
| |
| |
|
07-04-2013, 10:02 AM
| رقم المشاركة : [ 3 ] |
| عضو جديد | شكلها الكاتبه ما كملت الروآيه لاني دورت الباارت الي عقبه وما حصلته .. المهم يزاج الله خير اختي ع النقل ♥
__DEFINE_LIKE_SHARE__
|
|
| |
| |
|
07-07-2013, 04:01 PM
| رقم المشاركة : [ 4 ] | |
| عضو جديد  | I liki it sooo mush albartaat ro333h p'lzzz kmleeha♥♥♥♥♥♥♥
__DEFINE_LIKE_SHARE__
| |
| ||
| |
|
07-07-2013, 04:19 PM
| رقم المشاركة : [ 5 ] | |
| عضو دائم  | بارتااااااااااااات تجن تسلمين ونتريا تكمله
__DEFINE_LIKE_SHARE__
| |
| ||
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| عندما لاترى فى الحياه غيرك ... انت وحدك | محروم.كوم | منتدى أخبار المواقع والمنتديات العربية والأجنبية | 0 | 09-28-2009 03:30 AM |
| كل شي يهون عند الحريم الا هذه!!! | راعـــ الــحــب ـــي | الإستراحه العامة | 28 | 09-19-2009 07:02 AM |
| كله يهون عشان خاطره | محروم.كوم | منتدى أخبار المواقع والمنتديات العربية والأجنبية | 0 | 07-13-2009 10:30 AM |
| كل شي يهون عند الحريم الا هذه!!! | محروم.كوم | منتدى أخبار المواقع والمنتديات العربية والأجنبية | 0 | 06-07-2009 02:40 AM |
| ** يهون عليك ** .... | أمير الحزن | شعر و خواطر | 4 | 05-31-2008 07:51 PM |
الساعة الآن 04:37 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227