| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
06-22-2013, 07:06 PM
| رقم المشاركة : [ 146 ] |
| عضو جديد |  مرحبا ساااع افااااا يالغاليه ووين البارت لــيــشــ مــا كملتيه __DEFINE_LIKE_SHARE__ |
|
| |
 |
|
06-24-2013, 04:49 PM
| رقم المشاركة : [ 147 ] |
| عضو جديد | خطيييييييييييرة
__DEFINE_LIKE_SHARE__
|
|
| |
| |
|
06-30-2013, 09:35 PM
| رقم المشاركة : [ 148 ] |
| عضو جديد  | السلآم عليكم ورحمة الله وبركآته ..، > التكملهه للقصه .. آعتذر جداً من اللي تنزل الروىآيه .. لآني بنزل البارتات اللي لقيتهم .. " ما لقيت الروايه كلها .. .." . . . !@!...!@! الجزء الثاني عشر!@!...!@! هاذي الي استعمرت قلبي... ……………………………………………………………… .......وتنهد تنهيده ارتياح طلع منها كل الشوق والوله لأول نظره فالمول...... عليوه استغربت الريال مبهت يطالعها ويبتسم وهيه عبالها هذا طيفه...عليوه ما عرفت شو تسوي ولا من وين تطلع..ياربي ارد من وين ماييت ..ولا اكمل واسير عند الريم..اووف وعنود الدبه وينها..وين سارت عني...وليش هذا موجود هنيه ومنسدح بعد..جيه ما يدل الميلس وين..اووووف انا شو يخصني هذا بيت خالي وهوه باي صفه موجود...لاخلاص بسير فوق عند الريم ما عليي منه... وخطفت عليوه من جدام شهاب وبعدين تمت تربع ع الدري رايحه صوب الريم. شهاب غمض عيونه:آآآآه يا حمدان حمدان انتزغ:هاه خير شياك... شهاب:يا حمدان خلاص...خلاص رحت فيها.. حمدان:يا ريال زيغتني ارمس شفيك...طمني شهاب:يا حمدان استعمرت قلبي...شفتها...شفتها... حمدان :عنلات صداك يالهرم زيغتني ..قلت شي استوالك...منوه هاي الي شفتها... شهاب:ااااااخ ياقلبي يعورني حمدان :سلامت قلبك...انته كل يوم والثاني وتقولي اااخ يا حمدان .. شهاب:لااااااااااااااا يا حمدان استوعب شوي....انته ما تذكر ذاك الغزال الهنوف إلي شفته فالمول...... حمدان:اهااااااااا صح..صح اذكرت أي وحده...انزين شو فيها شهاب:اقولك من دقايق وانا ارمسك صخيت دخلت عليي وهيه تمشي بسرعه جنها رايحه عند حد وانا ما انتبهت لها كنت عاطنها ظهري بس سمعتها تقول (استغفر الله حشى من كثر ما افكر فيه اتخيله جدامي..) حمدان معناتها تفكر فيني...ااااخ احس صوتها فعروقي..يتخلخلني... حمدان : ههههههههههههههههههه الله يعينك الريال متخشع شهاب:تعرف خاطري اسير الحين فوق... حمدان:ليش؟؟؟ شهاب:اااه لان الغزال شرد عني فوق... حمدان:خل عنك المصاخه قوم اطلع انا وصلت وبعدين روح استفسر عنها من عند اختك...... شهاب:هيه والله بس شو بيصبرني لين ما اتروح انته حمدان:عنلاتك احم ربك يوم ان الشيخ حمدان ياي يلوفك شهاب:هههههههه السموحه يله وين وصلت... حمدان:انا الحين برى بس بنزل ختيه صوب الميلس وبرد الخيمه يله بسرعه روح ازقر اختك ..بتخيس ختيه برا يلين ما انته تشل عمرك..... شهاب:ماعليه حمدانوووه انا براويك حسابك بعدين ..يله اجلب فيسك.. حمدان:فديت فيسي ما تروم عليه مزيووون.... شهاب:اقولك..اسمع صوت مترو دبي مالكم..وسكر فويهه حمدان يضحك:هههههههههههه عنلااااااااتك ميره:اوووف ساعه تقردنه ..استمليت انا محد يرمسني ..إلا اطالع الشارع... حمدان:هههههههههههههههههه .................................................. .... نرجع لعليوه وشو استوالها.......... دقيت الباب دقيت الباب الريم :من؟؟؟ عليوه فخاطرها:والله ولهت عليج... قامت الريم متثاقله وفتحت الباب عبالها اخوها.... واول ما فتحت ما حست الى بالإنسانه الي ستفقدتها واااايد حاضنتنها..... الريم تمت فاجه عيونه مب مستوعبه ومن دون سابق انذار تمن دموعها سيول ع خدها ونفس الشي عليوه تمت اتصيح وكل وحده تصيح من يانب.... الريم وهيه تصيح: عليووووووووووه عليوه:عيونها... الريم:حارب راح... عليوه ما عرفت شو تقولها... ربيعتها هنيه واخوها المسكين فهد هناك.. عليوه:ريماني فديتج اول شي مسحي دموعج... الريم :خلاص عليوه ما بشوفه راح ...عليوه راح ما ودعني...راح وخلاني..دخيلج عليوه ما اعرف شو اسوي بلاه ...والله ما بتضارب وياه ...والله ما بتنازع وياه...بس قولوله يرد دخيلكم قولوله يرجع...ع الاقل يودعني ...ليش يروح بهالسرعه...دخيلك حارب رد ...الله يشلني انشالله مثل ما شلك...وزاد صياحها. عليوه بعصبيه:الريـــــــم...شو هالرمسه ربج اختاره ليش قاعد تدعين على عمرج...واذا انتي رحتي اانا منو بيتم لي..حرام عليج الي تسوينه.. وتمت بعد هيه تصيح ...ما استحملت الي تقوله الريم..... قامت الريم وراحت الحمام وغسلت ويهها ...هيه وعدت شهاب انها ما تصيح.. وردت ويلست حذال عليوه.... الريم تمط عليوه من خدها:يالدبه بدال ما انتي تهديني انتي تصيحين...جنه بنتبادل الادوار...... عليوه ابتسمت:انتي صيحتيني...وانا مب ناقصه... الريم :افاا ليش؟؟ عليوه:ياليابسه ولهت عليج واااايد الريم اطالعها بنص عين:وااااااااااااااااااااضح!!! عليوه:حرام عليج...عيل يله قومي سويلي درب بروح بيتنا... الريم:هههههههه يا بوج امزح...امزح..ما تقهرين.. عليوه:لا ما اقدر........ الريم تتنهد مع ابتسامه بسيطه:تصدقين....ولهت عليه (ونزلت ع خدها دمعه كلها وله لولد اخوها الغالي إلي مستحيل تلاقيه إلا في الفردوس انشاالله) عليوه ما صدقت ع الله تسكت من الصايح وبعدها ردت ادمع عليوه تمسح دمعه الريم :هاااه خلاص رديت حق دوري...خلاص عاد يا الريم الي يروح ما يرجع بس عليج بالدعاء والقران... الريم ابتسمت لبنت خالها الي تحاول اطلعها من حزنها باي طريقه... الريم :تعرفين...خلاص انشاالله مابتنزل مني ولا دمعه انا وعدت شهاب اني خلاص ما بصيح وبخلي ايماني بربي قوي.... عليوه مليون علامه استفهام ع راسها:شهاااااااب؟؟؟؟!!!! منوه هذا بعد؟؟؟؟ الريم :اوووه صح...هاذي سالفه طويله عريضه...بخبرج اياها بعدين عليوه:لا ما يخصني الحين تخبريني... واندق باب الحجره... الريم تقوم:خلاص بقولج ايها عقب...قومي بشوف من عند الباب وتعالي بننزل تحت ما ضيفتج شي... عليوه اونها زعلانه:مااااااااااليد اريد اعرف... الريم سوتلها طاااف وفتحت الباب.... كانن الثلاثي عنود وروضه وميره.... الريم:هلا والله... وسلمن ع بعض ميره+عنود:حسن الله عزاج يا الريم الريم :الدوام لله.... عنود:يالمعفنه طالعوا عيونج شو مستولهن..اضعفيتي الريم ابتسمت روضه:بتخلينا واقفين لين متى الريم ماسكه الباب عنهن:هههههه السموحه.... نزلنا تحت حجرتي ما بتدخلونها معفوسه فوق حدر... ميره:ما يخصني انا احب الحجر المعفوسه.... روضه وعنود:ههههههههههههههه عليوه طلعت من ورا الريم :انتي بكبرج معفوسه يالمفعوصه... ميره:اهليييييييين طالعوا الصرصور وين منخش عليوه:عنلاتج انا صرصور...يالدبه وينج يعني نحن ما نشوفج إلا فالجامعه..ولهنا عليج...... ميره:احم ..احم ادري انكم ما تستغنون عني.... البنات:هههههههههههه .................................................. ............. برى البيت التقوا الشباب حمدان وشهاب وبعدين يوهم منصور وسهيل ومانع... وتعارفوا على بعض حتى تقدرون تقولون استوو اكثر من ربع وخصوصا شهاب ومانع....وكانوا الشباب يسولفون ويحسبون كم باقي عشان تخلص الاجازه ويردون للكليه وكل واحد يدعي عليها من صوب.... بس كانوا اثنين يحسبون الدقايق ويتحرقصون متى بيمر الوقت..وينشون ههههههههه هذيلا هم شهاب ومانع...شهاب يتريا عليوه تروح عسب يروح يستفسر...ومانع بعد نفس الحاله اذن المغرب وتفرقوا الشباب وقاموا يصلون....... ونفس الشي البنات قامن وصلن وردن ويلسن في الصاله العوده الي في الطابق الثاني...عقولتهن ما يحبن يلسه الحريم في الميلس...بيتمن يرمسن عن المرحوم ويصيحن وبيصيحنهن وياهن.....وهن شبعن من جو الحزن كل هالمده يعني شو يسون يضاربون ربهم ...هاذي حكمه الله وهوه يختار من يشاء... ميره:ويا حيكن والله اتولهت ع سوالفكن....بس ما جنها الشله ناقصه ورن تلفون روضه:هههههههه بنات حلال روضه:مرحبا والله منى:اهلييييييييييييين المرحب باجي روضه:تصدقين لو طارين مليووون جان احسن منى:هااااااااه...اعترفي شو رمستي عنا.... غاليه تصارخ عدال منى:اشحالج رووووضوووووووه روضه:ههههههه الصدعه عدالج..عنلاتها شو هاي روضوه بعد روضه حطت سبيكر... منى:طبيها عنج...وشحالكوا واخباركوا واخبار ريموووه ميره تزاعق:ههههههه ايه منااايه ظهر عرج المناصير منى:لحظــه...لحظــه..يا ان اذني وصلت دبي ولا انها خربانه الريم:ههههههه لا اذنج مب خربانه منى:يعني ميرووه الدبه هنيه ...وانا اشوف ليتات بيت عمي اروحها تولع ميره:احم ..احم شكرا عنود:اقوووول مناايه بسج من الخريط البنت بتنفجر من الخقه...تراها ما تصدق عمرها......... منى:ماشاالله شعندهن بنات دبي...حتى عنود الساحره هنيه عليوه:ايه منوووه حدج لا تغلطين ع بنت عمي كله ولا العنيدي البنات:ههههههههههههه ميره :اقووول مناتي بيعبر رصيدج قومي تعالي صوبنا منى :اكيد بيي ما اتريا معزوم ...اقووول بنات العم قومن لاقني فالسكه..بنيكم انا وغلوي..... ميره:عيل رفجه عليج تيبين سهيل وياج..هاتيه خاطريه امطله غزوزه.... منى: انشاالله من عيوني ...من الصبح يصيح اونه يبى يروح عند خلوووف....روضوه خلووف اخوج هنيه... روضه:هيه ...موجود...يله بسرعه طلعن من الباب الصغير بنلاقيكن فالسكه... منى:خلاص اوكيه...مع السلامه روضه :الله يحفظج.... .................................. روضه :يله منوه بيروح وياي ...مب لازم الكل يروح...ولا قعدن بسير انا والخدامه.... عنود:افا والعنز تيس...انا بسير وياج ميره:ما يخصني انا بعد بسير.. عنود:خلاص بنسير انا وروضه وميره وانتن يلسن ..اوكيه الريم+عليوه:اوكـــيه.... واول ما نزلن البنات عليوه يلست جدام الريم ... الريم استغربت شعندها هاذي عليوه:الحين تقوليلي السالفه الطويله العريضه ..من متى انا ماكلني الفضول.. الريم استغربت:أي سالفه؟؟؟؟؟؟؟؟؟ عليوه: الريم لا تبدين تسويلي الهمج مالج...سالفه الي اسمه شهاااااب الريم:اهااااااااااااااااا..علني ما اخلى منه...فديته وفديت قلبه وروحه عليوه استغربت وقالت شياها بنت خالها استخفت شو هالرمسه الماصخه من متى الريم تتفدى شباب ما تعرفهم........ الريم ضحكت على عليوه لأنها عرفتها انها فهمتها غلط.... الريم :حووووووووه لا يروح تفكيرج بعيد هذا إلي اسمه شهاااب اخويه عليوه:تقصين عليي من متى عندج اخو اسمه شهاب...ريموووووووووووه جنج استخفيتي الريم:برايج لا تصدقيني بعدين اروحج بتعرفين.... عليوه:تعرفين اعتقد بيتكم فيه سكن والسكن لابسينج الحين.... الريم:ههههههههههههه ليش عليوه:تتذكرين قبل خمس ايام تقريبا يوم ما طعتي تروحين فياي المول... الريم:هيه اتذكر..ليش عليوه:خبرتج عن الاثنينه الي تموا يلاحقونا ومانع ما انتبه لهم... الريم:انزين كملي عليوه:تتذكرين يوم خبرتج عن الريال الي تم يطالع ويوم انتبهتله نزلت الغشوه.. الريم:انزين اتذكرها هالسالفه شوفيها... عليوه:انزيـــن...تعرفين انه اليوم تراوالي منسدح فالصاله مالتكم ...متأكده امره نفسه الي في المول ما انساه واحد حليو شكله كشيخ...والله انه يعق الطير من السما...ومادري كيف اليوم اتراوالي فبيتكم ويالس يرمس فالتلفون بعد...شفتي يوم قلتلج بيتكم كله سكن وينون...اللهم سكنهم في مساكنهم. الريم:ههههههههههههههههههههه قومي تعالي براويج اثثنا غرفتين فقسمنا عليوه:والله ...يله دخلت الريم ودخلت وراها عليوه........ عليوه:ماشاالله...ليش حق منوووه... الريم:الله يسلمج ...حق اخواني...وهاذي حجره ذياب اخويه العود عليوه:والله اني مب فاهمتنج مره تقولين اخويه شهاب ومره ذياب.. الريم مسكتها من ايدها: تعالي ....ودخلن حجره ثانيه عليوه:الله هالحجره احلى .....وتمت عليوه توزع نظرها فارجاء الحجره عليوه تشهق:والله انه هوه...هيه والله متأكده انه هوه الريم: منو هوه؟؟؟ عليوه تأشرلها عالصوره المحطوطه ع الكمودينا.... الريم:هههههههه هذا هوه السكني إلي كان منسدح فالصاله.... عليوه:يعني إلي شفته مب يتراوالي حقيقه ... عليوه غمضت عيونها الريم:عليوه شو فيج؟؟؟ عليوه:ياويلي...يالفضيحه... الريم:ليش؟؟؟ عليوه:تعرفين اني دخلت عليه لا احم ولا دستور ويلست ارمس عمري وانا عبالي يتراوالي وحضرتي مب متغشيه وشعري يوايج من تحت الشيله... الريم:ههههههههههه الله يعينه اخويه اكيد انصعق من شافج عليوه تتخنصر:ليش انشاالله شو شايف جدامه ينيه ...فديتني والله اني غرشوب (وجبلت ع المرايه تعدل قصتها) الريم جبلت ع الشبريه:فديته اخويه يايب ملابسه من الدوبي ولا علقهن فالكبت... وراحت تفتح الكباته عسب تعلق الملابس عليوه:هاتي بساعدج... ويلسن يرتبن الغرفه ويعلقن الملابس وهن داقات سوالف ......................................... في السكه حذال الباب الصغير ...كان موقف موتره ومتساند ع البونيييييت يدوخ ويفجج راسه ع قولته ........ وطلعن البنات من الباب الصغير سايرات يلاقن منى وغاليه وكانت ريحه الدوخه ماليه جو السكه لانها ضيجه .... ميره : امف ... ما تشمن ريحه زقاره وع وع ؟؟؟ عنود : ههههه صايره الحين الدوخه موضه ... ميره : الله يبطنه هالهندي الي خاطف مناااا ... لوع بجبديه ... ومنصور قاعد يسمع رمستهن لانه كان قريب ومب باين وعرفهن منوه هن ... وقال فديت جبدج يا مياري....وتعمد يحافظ على هدوءه ويشوف شو مطلعنهن الحين فالسكيك.... ..................... عنود:دومج انتي أي شي خايس يلوع بجبدج.. ميره:فديتني رقيقه... روضه:عيل مره ريموووه هفت المدواخ مال سعيد من السياره ..بغى يتينن لأنه عباله غيبه وماخلى مكان ما دوره فيه واتروعت يكشفها وردته مكانه فالسياره... ميره:هههههههههه عيل انا فديته اخويه حمدان امره ما يدوخ عنود: نحن عندنا ناصر ما يدوخ الا اذا معصب من شي .. (روضه فخاطرها :فديته والله ).. عنود:اما منصور اخويه موته شي اسمه زقاره ما يودرها امره... روضه:الله يعينه يحرق صدره بهالسم ميره:اخ اسميني اكره اسم منصور...ما ادري ليش... .................... منصور يوم سمع حبيبه قلبه تقول جذاك جنه حد عطاه طراق ع ويهه بس بعده حافظ على هدوءه .................. وتوهن منى وغاليه واخوهن الصغير سهيل طالعين من بيتهم... ميره اتخبلت من شافت سهيل تموت فيه خصوصا ايام الدوام دايما اطرشله حلويات عند اخته منى... ميره تصارخ لا اراديا: يا ناس يعلني افدى سهيل...شيخ الرياييل ............................. منصور انصعق ما عرف شو يسوي بسرعه ركب موتره وشغل الليتات وحرك السياره...... ميره:عنلات صداه الخايس زين ما دهسنا...ما يستحي يشغل الليتات ويشوف ان حريم جدامه....وين يبى معفد سيارته السكيك...جيه قلن الشوارع عنود تركز فرقم السياره:اممممممم والله هذا جنه اخوي منصور.. ميره تقفطت... عنود:غريبه شو يسوي هنيه.. روضه:والقووووم اكيد سمع رمستنا...... ميره وجنه حد صفعها ع ويهها....لانها طول الوقت راديو ما يبند وتزاعق وتساب وتتفدى ..وامورها طيبه ودربها خضر.. ميره تصد صوب السياره وتركز فيها ...وانعادت جدامها احداث اليوم الي كانت شموه اختها عند منصور وهيه راحت تيبها من عنده....انصعقت ميره هذا يعني ان عنود اخت منصور ربيع حمدان اخوها.........يالفضيحه وانا من الصبح طايحه فيف سب جدام اخته..... ميره:عنودي سمحيلي ع رمستي والله ما كنت اعرف انه اخوج... عنود:هههههههههههه لا عادي ادريبج اننتي تسبين من هب ودب ميره:ههههههههه فديت العنيدي روضه:حووووه بسكن من هالمغازل يله قوم منى يترينا وراحن البنات ولاقن قوم منى وردن بيت قوم روضه ويلسن البنات مع بعض وقررن يختمن القران عن حياه المرحوم واتفقن انهن يختمنه هاليمعه وكل وحده بتقرى كميه...ووزعن ع عمارهن الاجزاء عسب يختمنه فاقصر مده ممكنه.... .................................................. ...... خلاص يوم يعصب لاحد يوقف جدامه وكان يسوق السياره بسرعه جنونيه وما يعرف وين يسير ولا اصلا شو فيه غيض منها ولا قهر...هذا كان منصور ومن طلع من السكه وهوه مب في حاله ما يعرف دربه بس جذاك يسوق بسرعه عباله بيبرد الحره إلي فيه من الكلام إلي سمعه...... وفجأه رن تلفونه... ويوم شاف الشاشه زاد قهر.... << سهيل يتصل بك >> منصور قبل ما يرد : يالنذل...... وما رد عليه وفر التلفون فالسيت الوراني سهيل استهم ع ولد خالته وينه ليش ما يرد عليه ..قبل شوي كان وياه فالخيمه. اما منصور ابتعد وااايد عن مكان العزا مع انه ما يعرف وين يسير بس المهم انه يبتعد...ما يريد يكلم او يسمع حد....معصب فوووووول وسهيل للحين ثالث مره يدق ومنصور ما يرد... سلطان:هاااه سهيل عسى ماشر... سهيل انتبه:هاه ...لا والله ماشي ناصر:سهيل شوفيك...شي صاير سهيل ابتسم وقام عنهم:ههههههههههه لا لاتحاتون ماصار شي... وطلع عنهم وتم يتمشى ويدق ويطرش مسجات لمنصور سهيل:اوووف يا ربي شو فيه ليش ما يرد علي...انا متأكد منصور ما يسوي جذاك إلا اذا... (ويقاطعه) عبدالله:خير سهيل ...منصور شوفيه؟؟؟ سهيل:ما اعرف بس ادقله ما يرد عليه....بشوف بدق حق عنود بتخبرها..... عبدالله فهالحظه خاطره يسدح سهيل ويدوس ببطنه...كيف يقول اسم خطيبته ع لسانه لا وبعد بيتصلها يستفسر.... عبدالله فخاطره:دمارج يا عنود لو رديتي عليه... .................................................. ....................... سرحانه في عالمها الخاص وهيه في وسط جمعت البنات وتلوم عمرها على الكلام الي قالته وتقول اكيد انها جرحت منصور ميره في خاطرها : الحين شوه بيقول عني منصور ... صدق اني غبيه ليش انا اخترش يوم اكون ويا البنات ولا اهتم من الباقي ولا اراعي شعورهم بس انا ليش جيه مهتمه من شعور منصور ... يمكن لانه ربيع اخويه بس واخو ربيعتيه ... ما ادري ما اريد افكر فيه جيه بس هوه الي يفرض نفسه عليه ... تعبت خلاص ... آآآآآآه تولهت على دبدوبتي الصغيره (شموه) وليش انا ما اتذكر شموه الا يوم افكر بمنصور … ههههه يمكن لانها هيه الي جمعتني ويا منصور … آآآآآه يا منصور .. ويقطع عليها افكارها صوت منى وهيه تقول منى : ميروووووووه … وين عنود تلفونها حشرنا من كثر ما يصيح … ميره : ما اعرف وين راحت بس يمكن راحت ويا روضه تراويها البروجكت مال الكيمياء … انزين اذا حد من الشله ردي عليها منى : اوكيك … وتشوف الشاشه مكتوب فيها <<سهول يتصل بك>> ومنى حليلها على نياتها ع بالها ربيعتهن سهيله وهو كان سهيل ولد خاله عنود منى ترد : فديت انا هالصوت هلا والله بحبيبه قلبي…. يالخاينه اطلعين تلفون وتعطين العنيدي رقمج وانا اخر من يعلم … وين ايام الثانويه يوم كنتي تقولين فيها منايه حبيبتي والله اني احبج واول وحده بتاخذين رقمي … خلاص انا زعلت منج ههههههههههههههه حليله المسكين سهيل صخ وهوه يسمع منى وهيه ترمس جذاك ولا عطته فرصه يرمس …بس واضح انها راده عتلفون عنود وعبالها ربيعتهن….وتم سهيل سرحان وهوه يفكر كيف ينبهها بدون ما يحرجها.. منى:سهيله وينج؟؟؟!!! سهيل انتبه لها بس ما عرف شوه يسوي …. منى : سهيله عنوني شفيج ما تردين عليه ؟؟ سهيل يحاول يغير صوته عسب تتحسبه بنت : ههههه لا فديتج وياج ... الا وين عنود عنج ؟؟؟ منى مستهمه على سهيله (سهيل) : سهول حبيبتي انتي مريضه ... سهيل حصلها فرصه عسب ما تعرفه : هيه منى : سلامتج ما تشوفين شر قلبي ... بس الصوت صاير يروع مب صوت سهيله الشجي هههههههه سهيل : هههه فديت انا قلبج ... ههههه عاد شوه نسوي يوم مرضنا واخترب الصوت الحلووووو هههههههههه منى : يله عاد نباج تغنيلنا بس ويا هذا الصوت ما اظن ينفع بيشردون كل الي قاعدين ويااااااانااااااااا خخخخخخخخخخ سهيل : ههههههههه خلاص عيل حبيبي انا بخليج لانه امي تناديني……………. منى : الله وياج ... بااااااااباااااااااااااو سهيل : بااااااااااباااااااااااي منى:اقووووووول سهلوووه لحظه يت العنيدي تبينها سهيل:خلاص فديتج عطيني اياها... منى:اوكييييييييييك... منى تمد لعنود:عنووود هاذي سهيله الريامي تبيج...حليلها ميهوده لو تسمعين صوتها يروع.... عنود استغربت وفخاطرها منو هاي سهيله الريامي وخذت التلفون وحطته ع اذنها..... عنود:مرحباااااااااا سهيل:اول شي طلعي من المكان وسيري بعيد عنهن عنود اتفاجأت كيف منى ترد ع سهيل...ومنوه هاي سهيله الريامي... عنود:لحظــه... ابتعدت عنود عنهن وراحت صوب الحوش... سهيل:هههههههههههههههههههههه ما اروم امسك عمري من الضحك............ عنود:عنلاتك انته ما تستحي فهمني ليش تضحك...ولا والله بدفنه فويهك... سهيل:ايه يالعنز رفجه خبريني منوه إلي ردت عليه عنود:عنز فخشمك يالهيس.....وسكرت فويهه وتوها راده داخل........ ..............:عنــــــــــــود افترت عنود وراها تشوف مصدر الصوت انصدمت يوم شافته.... عنود باستغراب:عبـــــدالله؟؟؟!!!!؟؟!!!؟!!! ^.^ ^.^ تتوقعون شو رده فعل عنود من شافت عبدالله؟؟؟؟ وعبدالله شو بيسوي اذا درى انها عادي ترمس سهيل ولد خالتها فالتلفون؟؟؟ ومنصور شو الحال عليه؟؟؟؟ وسهيل شوه بيصير حاله بعد ما كلمته منى ؟؟؟ انتظروووووووووني فالجزء الثالث عشر |
|
| |
| |
|
06-30-2013, 09:36 PM
| رقم المشاركة : [ 149 ] |
| عضو جديد | !@!...!@! الجزء الثالث عشر!@!...!@!
__DEFINE_LIKE_SHARE__
..............:عنــــــــــــود افترت عنود وراها تشوف مصدر الصوت انصدمت يوم شافته.... عنود باستغراب:عبـــــدالله؟؟؟!!!!؟؟!!!؟!!! عبدالله مبتسم:اشحالج.... عنود نزلت راسها اصلا هيه زعلانه منه وما بترمسه.. عنود بدون نفس:بخير ربي يعافيك عبدالله حس بخطيبته بعدها زعلانه عليه:عنوووووووووووووودي... عنود حست بشعور غريب وجنه الزعل كله راح عنها:عيونها عبدالله شاق الحلج:تسلم عيونج....بعدج زعلانه عنود:للأسف..........انا ما اقدر ازعل من الي احبهم عبدالله:والله اني من ثلاث ايام ما بتت..عنلاتج يا بنت حميد ما اعرف شو مسويه بقليبي........ عنود:هههههههههههههه حليله قليبك هالكثر متأذي.... عبدالله:شوووو متأذي إلا متخشع... عنود:هههههههههههههههههه عبدالله:يعلها دوووم هالضحكه... عنود ابتسمت ابتسامه ذوبت عبدالله عبدالله زاخ راسه:اخخخخ يا ناس مااروم والله احبها عنود:عبدالله شعندك استخفيت... عبدالله:اذا بستخف عشانج عادي عنود:وجان استحي...لادخيلك استهد بالله عبدالله: انزين....اقول عنودي سمحيلي عن ذاك اليوم...بس انا اغار عليج من الهوا إلي يلامسج...تعرفين جزيئات الهوا إلي عدالج اغار منها... عنود:هههههههههههه لا عاد مب هالكثر.... عبدالله بمزح:انزين خلصيني متى تبينا نعرس انا عيزت من كثر ما اتريا..والله تعبت رحميني يا بنت الناس... عنود نزلت راسها:حرام عليك عبدالله....احترام لسعيد واليازيه مب هالسنه عشان ولدهم المرحوم....وبعدين ما مدانا اليوم ثالث ايام العزا..... عبدالله:اهاااا صح كلامج... عنود:انزين شو رايك... ودق تلفونها>>>> عنود:مرحبا الساع سهيل:يالدبه يالعنز ليش تسكرين فويهي...صدق ما تستحين عنود:تفيجت والله سهيل:انا كنت ارمس منصور وخليتج انتي يالعنز قلت بعدين بفضالج عنود:حرمتك العنز يالهيس ... انزين شوه تبا ؟؟؟ سهيل: مزرعه و بيت شعبي طويله العمر ... هههههه عنود : خلاص اوكيه راجع المكتب هههههه سهيل : العنيدي .... عنود : عونك ... سهيل : عانج الرحمن ... بس منوه البنت الي ردت عليه ؟؟؟ عنود : شوه تباها ؟؟؟؟ سهيل : خبريني منوه هيه ... بلييييييز عنود : ترجاني اكثر ...خخخخخخخ سهيل : عنود ... يله عاد .... عنود : انته ما تستحي ع ويهك ترمس البنت ... وحليلها وهيه عبالها ربيعتنا.. سهيل : هههههههههه انزين شوه اسوي ... يله منوه هيه ؟؟؟ عنود : هذي منى بنت عم الريم و روضه ... سهيل : اهااااااااااا اخت سلطااااااان عنود : يمكن ..... انزين شي بعد ؟؟ سهيل : هيه ... عنود : شووووووه ؟؟؟ خلصني ؟؟؟؟ سهيل : جلبي ويهج ... ويمدحووونه صوت القطار هههههه وسكر في ويهااااااااا .... وتغيضت عنود منه وااااااااااااايد واول ما رفعت عيونها صوب عبدالله شافت شعلت غضب جدامهاااااااا عنود : عبدالله شفيك ؟؟؟ عبدالله متغيض : منوه الي ترمسينه ؟؟؟ عنود وتأشر ع تلفونها بكل عفويه : هذا سهيل ولد خالتيه ... عبدالله وزاد غيضه : لا والله ... عنود : عبدالله شفيك ؟؟؟ عبدالله معقد حياته : ليش ترمسينه ؟؟؟ لا وجدامي بعد ؟؟؟ عنود وبدن دموعها يتجمعن فعيونهاااا : عبدالله انته ليش تسوي جيه ؟؟ عبدالله بعصبيه : ليش ترمسينه ؟؟؟ يله قولي شوه بينج وبينه بسرعه ؟؟؟ عنود ودموعها ينزلن على خدها :لا تنسى انه سهيل اصغرمني... وانا وهوه ومنصور رابين رباعه.... والتفتت عنه تبا تروح << ودق تلفونها>> عنود:مرحبا ناصر:شوفيه صوتج.. عنود تبتسم: لا ولا شي... ناصر:انزين بغيت اقولج يوم تردون بيت عمي راشد زهبي اغراضج انتي وبطي بنسرح باجر دبي....بسنا من اليلسه ثقلنا عليهم عنود:خلاص نشاالله ناصر:شي فخاطرج... عنود:لا سلامتك..بس هالله هالله بعمرك... ناصر:خلاص برايج.. عنود:الله يحفظك...وسكرت عنه عبدالله :منوه هذا بعد سهيل صح... عنود :لأ...هذا ناصر اخويه... بس اتصدق ما توقعت انك تشك فيني ... اسمحلي عبدالله انا بروح داخل و باجر راده دبي وبريحك ومالي رده العين مره ثانيه... وخطفت عنه وراحت عند البنات ... وتم عبدالله يناظرها لحد ما دخلت واختفت من جدام عيونه ... والله ستر محد شافهم رباعه ولا قالوا عنهم كلام ما ينقال ..................................... طلع عبدالله من الحوش وهوه يير وراه آمال الخيبه ..ما صدق انه يرضيها وزعلها زياده...بسبت انه يغار عليها هالكثر.... .............................................. وردت عنود ودخلت الحمام وغسلت ويهها وراحت صوب البنات... ميره:حشى هالكثر متولهه ع سهلوووه وخذتج عنا هالكثر.. روضه:لاااااااااا عيل اكيد الرصيد خلص عنود:ههههههههههههه لا حليلها سهيلوووه بس متولهه عليها منى:عنود عطيني رقمها.... عنود ارتبكت ما عرفت شو تسوي اصلا هيه ما عندها رقم سهيله وهن يتحسبن سهيل ولد خالتها سهيله ربيعتهن.... عنود تحاول تتهرب من طلب منى : انزين عيل وين عليوه وريموووه ؟؟؟ ما اشوفهن بينكن وين راحن عنكن ؟؟؟ ميره : راحن المطبخ اييبن لنا عصير و ورق عنب .... عنود : اهااااا ... عيل انا بروح وبرد يوم ايين زقروني.... منى وهيه توقف : عنود ... صبر بروح وياج .... عنود في خاطرها : يالله اوني ابا اتهرب من طلبهاااا ... شوه اسوي يا ربي ... ميره فهمت على عنود انها تبا تتهرب من طلب منى وقالت حق منى ميره : مناااااااااااايه تعالي بقولج شوه استوى فالفلم الي شفناه فالجامعه يوم ما طعتي تقعدين الين العصر ... منى : عنود بتقولي شوه استوى و نحن رايحين المطبخ .. ميره : عنود ما شافته ... لانه كان عندها كلاس ذيج الساعه ... يله تعالي عسب يوم الاحد الياي بنحظر الجزء الثاني منه وما يسير تشوفينه وانتي مب فاهمه شوه اتسوى فالجزء الاول... منى : اهاااااااااا ... عيل عنود برايج روحي ... عنود ارتاحت وشكرت فخاطرها ميره انها قدرت تخلصها من سؤال منى .. .................................................. .............. عنود راحت حجره روضه ويلست ع المكتب مالها وطلعت ورقه من اوراق روضه وكتبت فيها.... يعذبني بخصامه.....ولا ادري وش علامه يقول اني جرحته....يغالط في كلامه يعرف اني احبه....ولا لي غير حبه قريب الكل مني...ولا ابغي إلا قربه منع عني حنانه...وهوه غالي مكانه مكانه في عيوني....ولو يقسى زمانه وهوه اغلى الحبايب ...وقلبي فيه ذايب حرام انه يصدني...من دون ذنب وسبايب وطاحت دمعتها وخيست طرف الورقه...ودخلت روضه.. روضه اتروعت:عنودي شو فيج..؟؟؟!!! عنود تمسح دموعها:ولا شي روضه:مب علي انا..بسرعه شو فيج؟؟؟ عنود طاحت فحظن روضه وصاحت زياده روضه:بسم الله عليج عنودي غناتي شو فيج؟؟؟شي يعورج؟؟؟ عنود:لا يا روضه ...عبدالله... روضه:شو فيه عبدالله؟؟؟؟ عنود:عبدالله ما يفهمني وكله يشك فيني..ما اعرف شو اسوي يا روضه نصحيني... قبل شوي شفته فالحوش وكان شزينه وفجأه انقلب علي وتم يهازبني...بسبه انه سهيل ولد خالتي داق لي تلفون...وصاحت زياده روضه تمسح ع شعرها:عنودي فديتج...هذا خطيبج ولازم يغار عليج عنود:ادري يا روضه بس مب هالقد..عذبني... روضه:انزين انتي هدي شوي...ويصير خير انشاالله..مب لازم تصيحين لازم تفرحين لأن خطيبج يحبج ويغار عليج.... ............................. وهن سايرات المطبخ....دق تلفون عليوه عليوه شافت الرقم ابتسمت وطالعت الريم عليووووه:مرحبا والله مانع:اهلين شحالج...شو تسوين وما بسج يله قومي بردج البيت عليووووه:هههههههههههههه شوي شوي علي مالحقت شي الريم:انا بسبقج اوكيه عليووووه تهز راسها:خلاص اوكيك مانع:يعلج العفن والله انه صوتها...ليش ما تخبريني انج عندها عليووووه:كيفي....انته شو تبى؟؟؟ مانع:عطيتيها الورقه... عليووووه:لا بعدني.... مانع عصب:بعدج ما عطيتيها....شو تترين بعد؟؟ عليووووه:انزين لا تعصب الحين نحن رايحين صوب المطبخ بعطيها فالمطــبخ الريم اطلع الكوبات من الدرج.... عليووووه:واخبارج يا ريمووووووووووه الريم استغربه طريقه عليووووه فالسؤال:الحمدالله بخير...بس غريب سؤالج تراني من الصبح فياج.... عليووووه اطلع من مخباها ورقه وتمدها صوب الريم:خذي الريم تمسك الورقه:....شو هاي.... عليووووه:مااعرف ..فتحيها وانتي بتعرفين....وخبريني عقب....هههههااههاااي الريم استغربت وفتحت الورقه وعليووووه يلست ترتب الكوبات الريم بعد ما قرت الورقه ابتسمت ابتسامه ذوبت الانسان الي دخل المطبخ من دون ما تحس فيه لانه كان واقف فمكان ما يشوفنه وهوه يشوفهن.... عليووووه استغربت من ابتسامه الريم : حووووه ريمووووووووه .... الريم سرحانه : هااااااااه شوه عندج ؟؟؟ عليووووه : ليش هالابتسامه كلهاااااا ؟؟؟؟ الريم ارتبكت : لا ما شي بس اتذكرت موقف صارلي ... عليووووه بفضووول : شوه كاتبلج منووووووووع ؟؟؟ الريم : ما شي بس اعتذار عن الي صار فالمطبخ عليووووه والفضول بيذبحها : شوه صااار فالمطبخ ؟؟ بسرعه قوليلي... الريم تضحك : هههههه سالفه طويله ... مب مهم تعرفين... عليووووه : افاااااااا وانا حبيبتج وربيعتج وبنت خالج وتوأم روحج... ما بتخبريني . مانع فخاطره وده يذبح عليووووه بسبت فضولهااااا وطلع من المطبخ بسرعه عسب يتصرف وما يخلي الريم تقول حق عليووووه عن الي صار ... عليووووه : ريماني حبيبي يله قولي شوه صار ؟؟؟ الريم : اوكيك لا تنسدحين علينااااا .... بقولج .... الله يسلمج كنت فالمطبخ ... يقطع عليها تلفون عليووووه .... عليووووه وهيه ترد : الووووووووووو مانع : وينج ؟؟؟ عليووووه : وعليكم السلام ورحمه الله وبركاته ... هلا والله باخويه العزيز مانع ... مانع : انزين تعالي برا ابااااااااااج شوي ؟؟؟ عليووووه:وين برى؟؟؟...وشوتباني؟؟؟لا لا ما بظهر انا مشغوله الحين... مانع:عليوووه عن الجذب...سرعه طلعي شوي...ولا تعرفين استريحي مكانج انا بييج...وسكر فويهها... عليووووه اطالع الريم:والله يسويها... مانع:هيه اقدر اسويها.. عليووووه:بسم الله ساحر...خبرني من متى انته هنيه مانع صد عنها:ما يخصج...اشحالج الريم؟؟؟... الريم :الحمدالله بخير ربي يعافيك... عليووووه:لااااا والله ...انا ارمسك وعاطني طااااف...اوكيه بخلي المكان حقكم باااي وشلت الصحن وطلعت... الريم :حوووه اتريني وصدت تمسك الصحن بتطلع..وزخها مانع من ايدها الريم:بطل ايدي.... مانع :لحظه اريد اقولج شي... الريم:مانع لو سمحت خوز ايدك...تخيل لو حد شافك بعدين يرمسون عني رمسه مب اوكيه... مانع:اقص لسانه إلي يرمس عنج... وطول الوقت عليووووه لافه براسها توايج عليهم وما حست حد واقف وياكل من الورق العنب إلي فالصحن إلي شالتنه.... شهاب وهوه ياكل: يعلني افدى اليدين إلي شالتنه... عليووووه اتصنمت منوه يرمس والصوت قريب ويدين منوه...كانت تتمنى انها تلف بويهها وماتحصل حد جدامها...بس ضنها خاب وشافت شهاب جدامها..وشهاب بعد نفس الشي انصدم من شافها اصلا يتحراها الريم اخته لأن هن الهنتين تقريبا مثل الطول ومثل الجسم... شهاب:سمحيلي الشيخه اتحراج الريم عليووووه ذابت من شافته وفخاطرها:يعلني فداه محلاه والله انه رحيم عليووووه:لا عادي ترانا انا و الريم واحد... شهاب فخاطره : آآآآآآخ يا قلبي بمووووت .... والله انه الله يحبي يوم انه جمعني وياهاااااااااا ... شهاب : السموحه منج الشيخه ... من رخصتج ... ويلف عنها يبي يروح وتزقره .... عليووووه : شهاااااااااااااب شهااااااااااااب فخاطره فديت هالصوت .... يالله محلا اسمي ع لسانهاااا شهاب : عوووونج الغاليه عليووووه استحت :عانك الرحمن .... اسمحلي عن اليوم المغرب ... لاني متعوده ادخل بيت خالي جيه ... هههه يعني دفش لا احم ولا دستووور .... السموحه منك شهاااب يبتسم وماتت عليووووه من ابتسامته وعرف انها تصير بنت خالهم : لا افااااا عليج الغلا ..... عادي ما صار شي ..... عسب تعتذرين .... عليووووه ابتسمت ابتسامه ارتياح .... شهاب : من رخصتج الشيخه ... شي فالخاطر عليووووه : سلامتك ... الله وياك.... وراح عنها شهاب وهوه وده يطير من الوناسه ... وهيه قبظت دربها ونست انه مانع والريم فالمطبخ ولا قعدت تراقب اذا حد بيي...بس الله ستر وما حد درى بهم مانع : الريم... الريم خايفه حد يدخل المطبخ : عونك .. مانع مستهم عليها : ليش عيونج جيه صايره ؟؟؟ الريم : ما فيها شي مانع : كيف ما شي وهوه صاير تحتها هالات سوده .. ممكن اعرف ليش جيه؟؟ الريم ساكته وبدن دموعها تنزل لانها اتذكرت حارب _ الله يرحمه _ مانع متلوم فيها : ريماني ... دخيلج ما تصيحين ... والله دموعج غاليه ... الريم تمسح عيونها : مانع ... مانع فخاطره عيون وقلب مانع مانع : امري ... الريم : شوه بغيت مني ؟؟؟ مانع : اريد اعتذر منج ... الريم ابتسمت من بين دموعها : خلاص اعتذارك وصل ... ممكن ارووووح مانع : هيه برايج ... وخطفت الريم بتروح ... وقدها واصله الباب ... ومانع يزقرهاااا مانع : الريم الريم : لبيه مانع : لبيتي حايه ... أحبج ... الريم ما عرفت شو تسوي تستحي ولا تعصب وراحت تربع داخل وتخاف انها تضعف جدام مانع..ولا تعق عليه كمن كلمه بعدين تندم عليهن ... ............................................. مصدر حياتي عزتي واعذرني مقدر أواصل بالهوى حاني الراس صحيح حبك نقطة الضعف فيني ما نكرت لكن عزتي ما لها قياس ................................... شهاب مات ذاب استوى عاشق خلاص ما يعرف شو يسمي عمره ..من شاف عليا وهوه مب فحاله..خلاص تقدرون تسمونه<< عاشق عليوه >> ........................ تتوقعون الريم بتحب مانع وإلا بس جذاك تسوي جدامه؟؟؟ شهاب وعليوه شو رايكم فيهم؟؟؟؟ عنود بتسوي شي عسب ترضي عبدالله قبل ترد دبي ولا لا؟؟؟ @@@الجزء الرابع عشر@@@ مضت الايام وهالعوايل كلهن صارا تقريبا عايله وحده والكل صار يعرف شهاب وذياب انهم عيال بو سعيد من حرمه ثانيه حتى اهل الريم من بعيد يعني عماتها وبناتهن وخلاتها وغيرهم وااايدين والعيوز ام سعيد (اليده) زعلانه ع ولدها محمد ليش ما يخبرها عنهم من قبل حتى انها روحت بيت ولدها بو سلطان ومنى وغاليه طايرات من الفرح انه يدتهن بتيلس عندهم...... طبعا مرن الايام وبدى شبح حارب ينسحب من البيت لكنه ثابت فقلوبهم ومضى على وفاته 7 شهور تقريبا........... بعد مرور سبع شهور من الاحداث الماضيه الظهر ع الغدا ...:ابويه فديتك دخيلك.... ام سعيد:ريمووووه يوزي عن ابوج روحه تعبان... ذياب:انزين انتي شو تبين نحن بنسويلج ..ابويه تعبان خليه يرتاح بس طلبي سعيد:ذياب طبها عنك هاي محد يسويلها سالفه...دوم تتطلب عصبت منه ما تعرف ليش وراحت عنهم ولا تغدت... الريم:الحمدالله شبعت اليازيه:ما تغديتي الريم :ما اريد انسدت نفسي <<وراحت حجرتها>> ذياب:حرام عليك حتى ما هنيت عليها تتغدى... سعيد ياكل:عادي بتزعل شوي وبترضى مزنه:ماماتي اليد لحم ذياب :فديت الي يبون لحم تعالي انا بعطيج بوسعيد:هاه ذياب انشاالله مرتاح فشغلك اليديد ذياب:الحمدالله ابويه مرتاح وايد ربي يطولي بعمرك دخلت الريم وبدون نفس مسويه عمرها زعلانه:روضوه روح عنها الباص وتريد حد اييبها من الجامعه... ذياب:الحمدالله ..خلاص انا بروح اييبها ام سعيد:ابويه ما تغديت برايها اختك ما عليها شر لو بطيت عليها شوي... ذياب:الحمدالله اميه شبعت تسلم يدينج الغدا حلو... يله من رخصتكم ... بوسعيد+سعيد : الله وياك ام سعيد : ابويه ذياب هلله هلله بالسواقه السنعه .... لا تسرع ... ذياب يبتسم ويأشر على عيونه : من عيوني يالغاليه ... .....وطلع..... فالجامعه.... نوره:هاااه رويض ما يا دريولكم.. روضه اطالع ساعتها:ما ادريبه بطى عليه..مع اني قلت حق ريمووووه اتقوله ايي بسرعه واطرش الخدامه فياه... نوره:يوم إلا ع ريمووه اشك انها قالتله... نوره:خلاص عيل بدق حق مبارك ايي يشلنا.. روضه:لااااا استريحي...انا استحي...خلنا بنتريا الدريول نوره:يالله بالستر حد يستحي من ولد عمته... روضه:هيه انا...يله تعالي هكووووه وصل... (نوره بنت عمه روضه ومعاها بنفس التخصص وإلي اهلها هم اخوها العود مبارك...واختها الثانيه قد الريم واسمها ساره...واخوها صغير صف سابع واسمه فيصل) نوره:والله مستحى هالبنات ماصخ..حد يستحي من ولد عمته.. روضه تيرها من ايدها :يله بسرعه ... وراحن صوب السياره... ركبت نوره وفرت الكتب وفسخت جوتيها وتربعت ع الكرسي نوره تهبب بشيلتها ع ويهها:حررر سرعه بابوه طول ع المكيف...احترقنا فالشمس يالسين نترياك ساعه.. ويت روضه وركبت حذالها وسكرت الباب... روضه:تتنهد:ااااه يالتعب... بعد فتره صمت....وبعدها السياره ما تحركت ذياب يتحنحن:احم..احم...الشيخه روضه تراني هب دريول عندج صخت نوره...وطالعت فالمنظره وشافته انه ذياب وبغت تموووت يالفضيحه ذياب:يله نزلي وركبي جدام... روضه:ههههههههههههههههه اسمحلي..ونزلت وركبت جدام>> ونوره ميته من الفضيحه وبسرعه تلاحقت عمرها ولبست جوتيها ورتبت كتبها وتغشت..<<عقب ما شاف وشبع شوف روضه:عادي نواري......منوه إلي توها تقول <تقلدها> والله مستحى هالبنات ماصخ...حد يستحي من ولد عمته.. نوره من كثر القفطه تمت تصيح ودموعها يمشن ع خدها من تحت الغشوه اما ذياب ميت من الضحك عليها بس من دون صوت عسب ما يحرج نوره.... روضه : نوروووووووووه ... شوه اخبارج بعد ؟؟؟ نوره ساكته من الموقف البايخ الي صارلهااااااااا وذياب رحمها وعطى روضه نظره يقولها فيها لا تحرجين البنت خلاص صكي الموضوع .... وروضه فهمت عليه وسكتت وتلومت ف نوره وايد ..... وشغل ذياب المسجل وكانت اغنيه ميحد حمد........ ((سألت الروح)) وبالصدفه كانت نوره تموت على هاذي الاغنيه ... فسكتت من الصايح وقعدت تسمعهااااااا ... بعد هالاندماج ويا الاغنيه بند ذياب المسجل عسب يسألهن شوه يبن من الغدا .... ونوره تتحرطم عليه في خاطرهااااا وتقول ما رام يبنده الا فهالمقطع الحلووووووو ... ذياب : نوووووره .... بنت عمتيه ... نوره توها انتبهت : هلاااااا ...... ذياب : شوه بغيتي من الغدا ؟؟؟ نوره : مشكووووور ما اريد امي اكيد بقتلي غدا ... ذيااااب : افاااااااا تردين عزيمه ولد عمتج ؟؟؟ نوره : ما عاش الي يردك ولد العمه ... خلاص الي تطلبونه اطلبولي فياكم .... ذيااااب ابتسم لها : ونعم بنت عمتيه ..... نوره : تسلم ... ذياب مبتسم : الله يسلمج ويبقيج ... روضه : لاه حلفوا انتوا بس ... قولووووا والله !!!! ذياب + نوره : شياااااااااااج توج بخير ؟؟؟ روضه مكتفه ايدينها : ليش تسولفون .. ومخليني بروووحي ... وانته استاذ ذياب ليش ما تسألني شوه ابا من الغدا ... وانتي نووووره يوم كلمتج ما رديتي عليه قول لسانج مقطوووع ويوم يكلمج ذياب يطلع لسانج ... هااااااااه .. ذياب : لحظه ... خليني اجاوب على السوال الي حقي ... انتي بتتغدين فالبيت العزيمه حق نواري بس ... (( غمز حق نوره فالمنظره عسب يطفرووون بروضه وهيه فهمت عليه )) روضه : لاوالله ... نوره بنت البطه البيضه وانا بنت البطه السوده ... نوره : انتي شوه لج ولد عمتي وعازمني ... شوه تبين ؟؟؟ روضه : مثل ما هيه بنت عمتك انا اختك يا حضرت الاستاذ ذياب ... نوره تغايظها : انتي تغارين ؟؟؟ يله اعترفي انج تغارييين مني ؟؟؟ ههههههه ذياب ساكت ويطالعهن وهن يتناقرن ... روضه : ما عليه ذياب بخبر عليك ابويه .. وانتي مستحيل اكلمج مره ثانيه ... وصدت على الجامه اطالعهاااااا زعلانه منهم ... ونقزت نوره من ورا وهيه توايج براسها جدام على روضه ولمسه بكتفها ايد ذياب .. ارتعش ذياب وردله مواقف كان يحاول يتناساها ... وسرح عنهن شوي ... ذياب يركض على الدري مستعيل يخاف تفوته اول محاضره : اووووووووف والله اتأخرت شوه اسوي بياكلني البروفسووووور ... ضرب بنت وهوه خاطف وطاحن اوراقها وكتبها من ايدينهااااا ... ذياب في خاطره : اوووووووووووووووف انا مب فاضي ... البنت فخاطرهاااا : وين عيونك ما تشوووووف دومكم انتوا مستعيلييين ... I am very sorry ذياب : البنت : لا عادي ... ذياب : تتكلمين عربي ؟؟؟ البنت : هيه ... ونزلت تلم اوراقهااااوكتبهاااااا المتناثره على الدري ... ذياب وهو ينزل على ركبه يساعدها ويلم الاوراق والكتب مالاتهاااا : السموحه منج الشيخه ... بس كنت مستعيل .... البنت : لا عادي حصل خير ... ذياب وهوه يوقف ويمدلها بالكتب مالاتها : تفضلي الشيخه... السموحه منج مره ثانيه ... ومن رخصتج تراني تأخرت وايد ... البنت : مشكوووووور ... وبالحل ... الله وياك ... وراح ذياب عنهااااا ... وصورتها ما فارقت خياله ... كيف انها مغطيه شعرها بشيله ملونه ... وهيه لابسه بدله مب ضيجه ... مع انها فبلاد براااااا وهيه ملتزمه بحجابهاااااا ... وقال فخاطره : نعم من رباااااااااج ... ويوم دخل الكلاس كان البرفسووور بعده ما وصل وحمد ربه ... وراح وقعد حذال مطر ربيعه ... مطر بنقمه : ما بغيت تيي ؟؟؟ ذياب : شوه اسوي استوالي حادث ... مطر خايف عليه: اشووووووووه ؟؟؟ تعورت ؟؟؟ شي يعورك ؟؟ ذياب : هههههههههههههههههههه مطر : ذياب ... شي يعورك ؟؟؟ وليش تضحك ؟؟؟ ذياب : ههههههه حادث قبل ما ادخل الكلاس .... مب حادث سياره ... مطر : عيل حادث شووووه ؟؟؟ ذياب:بخبرك خلاف.... مطر:لاااااااااا الحين؟؟؟ ذياب بهت صوب الباب وتم فاج عيونه مطر:حوووووووه شياك؟؟؟ ذياب:تشوفها ... مطر:منوووووه؟؟؟ ذياب:هالبنت......توني داعم فيها واتبهدلت حليلها طيرت كتبها..من كثر ما كنت مستعيل.... مطر:هيه هاذي يديده عندنا فالكلاس اظني اسمها نوف.. ذياب:حافظ عليها ملتزمه بحجابها... نوووف والله اسمها بعد لايق عليها .... الله يخليها للاهلهااااا .... .................................... .................................................. فالمعرض نوف: ذياب .... ذياب : هلا والله نوف ... نوف: اشحالك ؟؟؟ ذياب : الحمدالله بخير ... اشحالج انتي ؟؟؟ نوف : بخير دامك بخير .... ذياب : الا ما قلتيلي شوه تسويين هنيه ؟؟؟ نوف : يايه اخذ هديه حق امايه فعيد الام تراه باجر ... واريد اسويلها حفله ... ذياب مبتسم : الله يخليها لج... وشوه اخترتيلهاااا ؟؟؟؟ نوف: ما اعرف شوه اخذلهاااااا .... انته شوه خذيت حق امك ؟؟؟ ذياب بحزن : الله يرحمهاااا ... ويعلها جنه الفردوس ... نوف تلومت فيه : سووووري ذياب ... والله مب قصدي ... اسمحلي ... ذياب ابتسم لها عسب ما تتلوم فيه وايد : لا عادي ما صار شي ... شرايج تاخذين حق امج ... عطر ... نوف وهيه تتأمل ذياب وتقول فخاطرها : آآآآآه يا ذياب ياليتك تحس بالي فقلبي صوبك ... والله احبك ... لا ما احبك ... انا اموت على التراب الي تمشي عليه.. ذياب : نوووووف ... شوه فيج ؟؟؟ شي يعورج ؟؟؟ نوف توها انتبهت الحبيبه : لاااااااا ... ما فيه شي ... ذياب : عيل اكلمج وما تردين عليه ؟؟؟ نوف : سوري كنت افكر ... ذياب : منوه سعيد الحظ الي ما خذ تفكيرج ؟؟؟ نوف فخاطرها ليتك تعرف بالي معذبني وهوه مب حاس فيه ... ليش جيه يا ذياب تعذبني لييييييييش؟؟؟ نوف : افكر بواحد ... ذياب تغيرت ملامح ويهه : اوكي ... عيل من رخصتج ... مطر يترياني برا ... انا قلتله خمس دقايق اخذ تيشيرت واطلع ... السموحه منج تحيرت عليه وااااااااااااايد .... نوف مستغربه : الله وياك ... وراح ذياب عنهاااا وهوه متضايق كيف غناه روحه تفكر بانسان ثاني غيره ... آآآآآآآآآه يا نوووف ... حرام عليج ... ليش سويتي جذيه ... حرام عليج .... ........................................ وتغيرت معامله ذياب حق نوف وصار يحاول يعتبرها مثل اخته او مجرد زميله دراسه ... وسكر ابواب قلبه على المشاعر الي تولدت فيه ورمى مفاتيحه فبحر حبه لهاااااا عسب ما يخرب على الانسان الي تحبه نوف وتمنالها السعاده ... ................................. دخلت الكلاس وهيه ادوره بعيونهاااا ... بس ما شافته ... قالت يمكن متأخر و بيي بعد شوي ... وشافت ربيعه مطر قاعد ومجهز كتبه حق المحاظره وراحت صوبه بتسأله عنه ... نوف : صباح الخير مطر مطر : صباح النور والسرووور يا هلا ... نوف : اشحالك ؟؟ مطر : بخير ربي يعافيج.. اشحالج انتي ؟؟؟ نوف : بخير الحمدالله ... وسكتت شوي ... مطر مطر : لبيه ... امري بغيتي شي ؟؟؟ نوف : تسلم ... امممم ... ذياب وين ؟؟؟ مطر : ذياب فبيت خاله .... (( طبعا كان ذياب يسكن فشقه ويا مطر عسب ما يحس بالوحده وهو ما يروح بيت خاله الا اذا فيه شي او فالاجازات )) نوف خافت : ما من شر ... بس مب فالعاده يروح فايام الدراسه ؟؟؟ مطر : تراه مريض ... نوف وجنه مطر جب عليها ماي بارد ... ولا رامت تتحرك ... وحاولت تلف عنه بتروح مكانها وكانت تمشي بثقل ... الين قعدت مكانها وطول المحاظره سرحانه ويوم يسألها البرفسوووووور شوفيها تقول مصدعه ... ...................................... وبعد الكلاس راحت وفتحت موقع الجامعه مالتهم وخذت رقم تلفون ذياب من المسؤول بعد موووت وحياااه .... بس لكنها ترددت تتصل به عسب تطمن عليه بس اخر شي تشجعت واتصلت .... ذياب : اووووووووف ... اكيد هذا مطر.......... وسكت التلفون .... الحمدالله انه سكر ما اروم انش احس عظامي متكسره .... ودق التلفون مره ثانيه ..... اووووف ما صدقت متى يسكت يرن مره ثانيه ....وقام بكسل ورد على التلفون من دون ما يشوف الرقم ... ذياب : مطووووووور ... والله يصفعك ... اذا ما حليت عني .... حرام عليك خلني ارتاح والله بموووت من التعب و المرض ..... وقلبي يعورني خلاص ما اتحمل ... نوف خلتني مثل الصقر المكسور جناحه ...( وتنهد) ...حرام عليج يا نوف تسويين بالي يحبج جذيه ... بس ما اقول غير الله يسعدج يا نوووف .... ............................................... صقر لقيتة مسقاي سم مكسور جناحة من أصحابة طايح على الارض وينزف دم ويون من حر ماصابه حنيت له يوم يتألم والدمع قاطر من أهدابه أخذت عنة حمول الهم عامين أراعية وأشقابه ويوم طاب طار وماسلم وقطع وريدي بمخلابة ............................................... نوف انصدمت من الي سمعته و جان تصيح... وذياب صخ من سمع صوت صياح وعرف انها نوف الي سرقت قلبه ... ذياب منصدم : نوووووف ... نوف تشاهق من الصياح وما يسمع غير شهقاتهاااااا ذياب تنهد : نوف ... ليش تصيحييين ؟؟؟ نوف تحاول تسكت عمرهاا بس ما تقدر... ذياب : ممكن تقوليلي ليش تصيحيين ؟؟؟ نوف تشاهق : ذيــ...ـــاب... ذياب : عونج... نوف تشاهق :انته شفيك علي ؟؟؟ ذياب يتنهد من الخاطر : آآآآآآه ... انا ولا انتي ... نوف : ليش تسويبي جذيه ... حرام عليك ... ارحم قلبي الي يموت يوم يشوفك متضايق... ويفز فزات غافل لامس النار بيده .... ذياب يكح: كح كح كح .... نوف : سلامتك .. يعله فيني ولا فيك .. ذياب : كح.. دخيلج ما تقولين جذيه .. نوف : ذيــــــــــاب ذياب : قلبه وروحه وحياته ... نوف : احــبــــك.... ذياب : بموووووووووووت خلاص ... نوف بخوف : ذياب ... ذياب ... ذياب ساكت والكلمه تتردد في اذنه ... وشلت عنه المرض والتعب كله ... نوف زاد خوفها وبدن دموعها ينزلن على خدهاا : ذيــ....ــاب ... دخيلك لا تخليني اروحي ... رد عليه ... دخـيــ....لك ... ذياب يهمس : نوف ... حبيبي ... دخيلج ما تصيحييين ... علشان خاطري .... نوف تحاول تهدي من الصياح ... وسكتت بس بقى صوت شهقاتهاااااااا .... ذياب : نوف ... تبين تذبحيني ؟؟؟ عسب تفتكين ... نوف : بسم الله عليك .. يعل يومي قبل يومك ... ذياب : عيل لا تصيحين تراج تقطعين قلبي ... ودموعج تراها غاليه ... نوف ابتسمت وسط دموعهااااااا ... وقعدوا يسولفوووون ... ................................. ................. ومضت الايام وحب نوف وذياب يزيد يوم عن يوم وخلاص ذياب قرر انه اول ما يرد الامارات ويحصل ابووه سيده يخطبها عسب ما اطير من ايده... ............... مطر : ذياب قوم ... قوم ... ذياب : هممممممممم ...... مطر : قووووم ... نوف تباك.... ذياب فز من سمع نوف : شوه نوووف ..وينها (وتم يتلفت) ؟؟؟ مطر : هههههههه اسميج يا نوف ما خليتي حق ذياب شويه عقل.... ذياب: هههه بايخه ما تضحك ... مطر: هههههههه ادري انها حلوووه بس ما تبا تقول ... المهم روح البنت خاست عند الباب ... يله قوووم .... فز ذياب من على الشبريه وما عرف وين يسير الحمام يغسل ويهه ولا يروح عند الباب ... توه بيوصل الباب ... زعق عليه مطر .. مطر : حووووووه وين تبى ؟؟؟ منا درب الحمام ... ذياب معتفس : اوووووووووه صح ... وراح صوب الحمام ومطر يضحك عليه وعلى خباله ... .................................. ذياب يبتسم من خاطره : السمووووووحه ... تأخرت عليج ...(( واستغرب من الشنطه الي عدالهاااا )) ... نوف مبتسمه : لا عادي ... ذياب ويأشر على الشنطه :شوووووه هذا ؟؟؟ نوف : هاذي شنطه سفر ... ذياب بلع ريجه : ادري بس ليش ؟؟؟ نوف : برد الامارات .... ذياب متفاجئ: شوووووووووووووه ؟؟؟؟ وليييييييييش؟؟؟ شي ناقصنج ؟؟؟ تراني انا حاظر البي .... نوف : لاااا ... تسلم ... حبيت اسلم عليك قبل لا ارد الامارات.... ذياب بكل يئس اتساند ع الباب:صدمتيني يا نوف...ليش بعدج ما خلصتي الكورس...ولا ما بتكملين..... نوف:لا بكمل بس بروح الامارات لأن الحين عندنا اجازه وبتم شهر ويوم بيبدى الكورس انشالله راده امريكا... ذياب ارتاح:الحمدالله يعني مب للأبد.... نوف: بس لا تنسى يا ذياب مردي لإماراتي الحبيبه ... ذياب: صح كلامج ... والا انا الين متى بقعد هنيه ... يمكن العمر كله ... نزل ذياب راسه متضايق من الحاله هاذي الي قاعد فيها بعيد عن ابوه ولا يدري بشي عنه... ويقطع الصمت صوت نوف... نوف: ذيـــاب... ذياب رفع راسه يطالعها ويتأمل ويههااااا لانه ما بيشوفها شهر كامل ... نوف : ما اريد اسافر وانته متضايق جذيه... ذياب يحاول يبتسم : نوووف ... اهون عليج تخليني بروحي هنيه ؟؟ نوف سكتت ما عرفت شوه تقوله انها ما تبا تفارقه ولا دقيقه بس ما تقدر لانه ابوها لزم عليها ترد الامارات بعد ما لزمت عليه يدتهاااااا ... ((نزلت دمعه من عينهاااا)) ذياب : نوووف ... لا دخيلج ما تصيحين ... خلاص انا بحاول اصبر هالشهر ولو اني اشوفه دهر من دونج ... نوف تمسح دموعهااا بس علشان ذياب: والله انا الي بموووت فالشهر.. ذياب : بسم الله عليج ... حبيبي دخيلج ما تعيدين هالرمسه مره ثانيه ... نوف : انشا الله... واطالع ساعتها وتشهق ... اميييه اتأخرت ... يله حبيبي انا رايحه(وحطت ايدها على ثمها بسرعه لانه هالكلمه طلعت لا اراديا منها) ذياب شاق الحلج وحط ايدينه على قلبه : آآآآآآآه يا قلبي بيوقف ... نوف استحت وشلت شنطتها و رايحه عنه صوب اللفت ...بس زقرهااا ذياب : نوف... نوف : عيونهااا ... ذياب : تسلم عيونج ... اهتمي بعمرج ... ولا تتأخرين ... تراني بموووت بلياج نوف : انشا الله ما بتأخر ... وتم ذياب يطالعها الين ما سكر اللفت ... ............................................... بعد شهر ردت نوف امريكا ... وكانت تتجاهل ذياب .. وذياب لاحظ عليها بس كانت لهفته عليها تخليه يتوهم الي تسويه نوف ... في بدايه الكورس الثاني والاخير حق كل من ذياب ونوف ومطر ... كان ذياب واقف ويا ربعه جدام الكلاس .... ويوم شافها يايه الكلاس ... Hi… miss Nooof .. توم : Hi … Tom … how are you ?? نوف : fine …thank you… and you ?? توم : fine … thanks نوف: how about your holiday?? :توم not bad…see you in class…good bye نوف: وخطفت عنهم من دون ما ترفع عينها صوب ذياب good bye … I love this girl….she is very kind:توم عصب ذياب من كلام توم وكان وده يكفخه ...بس ما حب يسوي حق عمره مشاكل ... وتم كلامه يرن فاذنه ...وهوه مستغرب من غناته شوه فيها ...ودخل الكلاس وراح وقعد مكانه وما مرن دقايق الا البرفسووور ياي ...فالمحاظره كان ذياب فعالم ثاني ونوف فعالم ثاني والباقين منتبهين على البرفسووور ... ذياب فخاطره : شوه فيها نوف ؟؟؟ ... وليش ما كلمتني اليوم ؟؟... وليش اعتبرتني مب موجود بينهم ؟؟؟..... شوه فيج نوف ؟؟؟ ... انا لازم اعرف شوه فيها ... بعد المحاظره لازم اسألها ... نوف فخاطرها : آآآآآآآآآآه يا ذياب ... اكيد الحين معصب عليه ... آآآآه يا قلبي ياليتني مت قبل لا يصير هذا كله ... آآآآه يا ذياب شوه بتسوي يوم تعرف بالي صاااااااااار .... ودمعن عيونهاااااا ... وانتبه عليها البرفسور ... What is happen to you … miss Nooof??البرفسور: Na thing sir , I feel pain in my eyes … can I go to WC??نوف: Yes , you canالبرفسور: Thanks sir نوف : طلعت نوف من الكلاس وراحت الحمام تغسل ويهاا ... واستغل ذياب الفرصه وقال حق البرفسووور انه مريض ويبي يستأذن ويروووح العياده .. فسمحله البرفسووور ... (( وحليله طيب هذا البرفسووور)) وطلع يركض وهوه يدورهاااااااااا ... وشافهاااااااا توها بتطلع من المبنى مالهم فراحلهااااا ركض عسب يكلمهااااااااا ذياب : نوووووووف ... نووووووووووووف نوف فخاطرها قلب وحياه نووووف ... بس لازم اتركه بعد الي صار ... وقفت والتفتت عليه ... نوف : نعـــم ... ذياب استغرب من ردها وقال يمكن عينها تعورهاااا ... ذياب : اولا : الحمدالله على السلامه ... ثانيا : سلامت عينج ... ثالثا: شوه فيج ؟؟؟ نوف بدون نفس:الله يسلمك ... ما فيه شي ذياب عصب: ليش ترمسيني جيه من دون نفس ؟؟؟ نوف لفت تبا تروح بس ذياب زاد غيضه وزخها من ايدها ذياب معقد حياته:نوف يوم ارمسج لا تروحين وتعطيني ظهرج.. نوف صاحت وفخاطرها:والله غصب عني يا ذياب ...ما اقدر ..ما اقدر ذياب تلوم فيها يوم صاحت وفج ايدها... .................................................. ............. تتوقعون نوف شو فيها ع ذياب؟؟؟ وتتوقعون ليش تتهرب منه ؟؟؟؟ ونوره وساره بيكون لهم تأثير فالقصه ولا لأ؟؟؟ اذا حبيتوا تعرفون تريوني فالجزء الياي |
|
| |
| |
|
06-30-2013, 09:37 PM
| رقم المشاركة : [ 150 ] |
| عضو جديد | @@@الجزء الخامس عشر@@@ ذياب استغرب من ردها وقال يمكن عينها تعورهاااا ... ذياب : اولا : الحمدالله على السلامه ... ثانيا : سلامت عينج ... ثالثا: شوه فيج ؟؟؟ نوف بدون نفس:الله يسلمك ... ما فيه شي ذياب عصب: ليش ترمسيني جيه من دون نفس ؟؟؟ نوف لفت تبا تروح بس ذياب زاد غيضه وزخها من ايدها ذياب معقد حياته:نوف يوم ارمسج لا تروحين وتعطيني ظهرج.. نوف صاحت وفخاطرها:والله غصب عني يا ذياب ...ما اقدر ..ما اقدر ذياب تلوم فيها يوم صاحت وفج ايدها... ذياب بحنان:نوف حبيبتي ممكن اعرف شو فيج...خبريني والله استهميت عليج.. نوف مشت عنه لأقرب كرسي ويلست وغطت ويهها بيدينها وتمت تصيح ذياب استهم عليها... وراح صوبها.... ويلس ع ريوله ع مستوى مساوي لمستوى راسها مجابلنها... ذياب:نوف حد من اهلج فيه شي؟؟؟؟ يعني ان ما قلتيلي بتقولين حق منوه..؟؟طمنيني عليج انتي شي فيج بس مب راضيه ترمسين.... بعد فتره صمت هدت نوف.. راح ذياب ويابلها ماي وشربت وريحت نوف اطالع دبه الماي :ذياب ..ترى كل إلي اسويه غصب عني ذياب استغرب :ليش منوه غاصبنج؟؟؟ نوف:محد غاصبني بس الي اسويه عسب سعادتك ذياب:نوف انتي شو تقولين اصلا انا سعادتي تكون فياج انتي ..هيه انتي وبس. نوف:بس والله مب بايدي يا ذياب الي صار غصب عني ذياب واكبر علامه استفهام ع راسه:يا بنت الناس فهميني شو الي صاير؟؟ نوف بلعت ريجها: ذياب تتذكر يوم قلتلك ان يدتيه لزمت ع ابوي انه يردني الامارات... ذياب :هيه اتذكر اصلا ما نسيته لأنج يايه متعنيه صوب شقتي وتبيني انسى.. نوف دمعت عينها:تعرف ليش لزمت عليه؟؟؟ ذياب :ليــــــــــــــش؟؟؟ نوف بحزن:تباني اوقع ع ورقه الملجه.. ذياب وجنها الدنيا دارت به..مب مصدق الكلام الي تقوله نوف..معقوله نوف بتزف لغيري...لا نوف قاعده تتغلى علي...هيه انا متأكد نوف حبيبتي حقي انا...حقي وبس...يعني نهايه الكورس بخطبها.... ذياب رفع عيونه صوبها برجى:بس انا شارنج يا نوف ورايدنج......لا توافقين عليه..لا توافقين ..انا بخطبج نهايه الكورس صدقيني يا نوف غلاها بالحشى ثابت ولو بغيري حببوها)))))))) نوف انفجرت صياح ما استحملت نظره ذياب:والله ..مب بايدي...انا باغضتنه ما اباه..لكن يدتيه الله يسامحها غصبتني عليه ..انا اريدك انته يا ذياب..انته ما غيرك..وتمت تصيح... نوف ترفع يدينها بتمني: يعلني الموووووت قبل لا انزف عليه دخيلك يا ربي تاخذ روحي قبل هالعرس.. .................................................. ....... انتهى الكورس وردت نوف الامارات جسد بليا روح خلت روحها عند ذياب امانه ووصتها تهتم فيه وتراعيه لأنه الوحيد الي فالعالم الي سكن قلبها ومحد بياخذ مكانه خلاص( سكن فالقلب واتمكن )..خلاص تعتبر عمرها انسانه ميته بدون مشاعر واحاسيس ..مشاعرها واحاسيسها كلهن وهبتهن حق ذياب ما غيره ومستحيل تحب انسان غيره...صح انهم غصبوها ع حامد ولد عمها بحكم انه هوه يحبها ويباها....لكن اذا غصبوها ع العرس مستحيل يغصبون قلبها انه يحب مره ثانيه......لان قلبها صار مش ملكها ملك شخص ثاني .. بعد مضي ثلاث شهووووووور من الاحداث السابقه ومضت الايام وعرست نوف ... وبعد شهرين من عرسها حملت وفرحت انه الممرضه بشرتها وقالتلها انها بتيب ولد...وقالتلها انه بعد خطر ع حياتها لان نفسيتها زفت ...اما حامد طاير من الفرحه وحاط نوف فعيونه وخصوصا انها حامل وبتيب له ياهل........خلاص نوف الحين فشهورها الاخيره من الحمل وتعبت وودوها المستشفى حامد:نووفووتي فديتج شو الصحه... نوف بتعب: والله يا حامد تعبانه خلاص احسني بمووت حامد:بسم الله عليج يعلني قبلج انشاالله....يله اذا ولد شو بتسمينه واذا بنت شو بتسمينها....... نوف تتكلم بصعوبه:اذا ولد ذياب...واذا بنت...اااايييييييييييي حامد ما عرف شو يسوي وخطف يربع يدور الممرضه وين الممرضات وشلنهاااا غرفه الولاده ...وحامد يتريا برا وهوه على اعصابه ... وبعد شوي طالعت الممرضه و استلمها حامد بالاسئله .. حامد : شوه مدام ولدت ؟؟؟ الممرضه : يس سير حامد : شوه يابت ؟؟؟ ولد ولا بنت ؟؟؟ الممرضه : ولد ... انته بابا ؟؟ حامد : يعلج العور هيه بابا ... شوه مدام تعبانه ؟؟؟ الممرضه : مدام بكييييير ((بخير)) .. همدلله (( الحمدالله )) حامد : وين بيبي ؟؟ الممرضه : عند ماماه سوي يردع ((عند ماما يرضع)) حامد : عادي ادخل داخل ؟؟؟ الممرضه : لا باباه مافي ... حامد : عنبولج هالسوده ... بدخل يعني بدخل الممرضه راحت عنه .. وهوه راح عند نوف داخل بعد ما كلم امه وامها وقالهن انها ربت ... حامد عند الباب يتحنحن : احم احم الدكتوره : اتفضل حامد: السلام عليكم الدكتوره : وعليكم السلام حامد شاف نوف راقده ... ويت الممرضه وشلت الولد عسب تنظفه ... حامد : شوه صحتها الحين ؟؟؟ الدكتوره : تمام ... بس هيه فيها تعب كتييير وطلعت الدكتوره وقعد حامد على الكرسي يتأمل نوف ... وتحركت نوف وفتحت عيونها وشافت ذياب ... نوف وتمد ايدها : ذياااااااب ... ذياب يمسك ايدها : الحمدالله على السلامه ... نوف : الله يسلمك ... ذياب : حبيبي شوه صحتج الحين ؟؟؟ نوف : بخير دامني شفتك ... حليلها نوف كانت تشوف حامد ذياب ... وتتكلم وياه ... على بالها ذيااااااب... و حامد كان فرحان لدرجه انه وده يطيييير ... وبعد دقايق بدت نوف تستوعب وينسحب خيال ذياب ويتحول حق حامد ريلهاااا .... نوف : حامد ... حامد : قلبه وروحه ... نوف : وين ذياااااب ؟؟؟ حامد : فالحضانه ... نوف : حامد ... اريد اشوفه ؟؟؟ حامد : الحين بتيبه الممرضه لج ... ويت الممرضه يايبه ذياب حق امه ... سبحان الله كان ذياب الصغير يشبه ذياب الكبير لانه نوف من كثر ما تفكر في ذياب طلع ولدها يشبه ... وقعدت نوف تتأمل ذياب الصغير و تبوسه وتقول فخاطرها : فديتك ... تشبه ذياب ... آآآه يا ذياب ... ياليتك كنت ابوه ... الله يسامح الي بعدني عنك ... وفجأه تعبت نوف وين الممرضات ... الي شلت ذياب الصغير والي كانت تعابل الاجهزه ... بس نوف كانت ماسكه ايد حامد وتوصيه على ذياب ... نوف وهيه تتنفس بصعوبه: حــ..ا..مـ..د ... خل ذياب فعيونك .. واهتم منه زين... تراه هذا ولديه حبيبي ...لا تخليه بروحه ... لا تعبه بالدراسه ...دخيلـــــــــــك حامد بخوف عليها : انتي الي بتخلينه فعيونج ... وبتهتمين منه ... انتي الي بدرسينه .. وبتربينه احسن تربيه ... نوف وعينها دمعه : حـــ..امــ..د ... ذياب خله فعيونك ... لا تعاتبه ... لا يا حـــــ....ــا..مـــــــ.......... وطلعت روحها وانتقلت الي باريهااااااااا .... ويوم وصل الخبر لذياااااب تمنى الموووت قبل انه يسمع هالخبر ... وانه غناة روحه راحت وما بترد ... خلاص نوف حبيبتي ... راحت وما بترد ابدا ... كله من ولدهااااا هوه الي قتلهااااااااا ... آآآآآآآآآه يا نوووووووووف ... ليش رحتي وخليتيني ؟؟؟ ... ليش ما خذتي روحي وياج ؟؟؟ ... كيف بعيش من دونج ... يوم انزفيتي على حامد ... كنت عايش على انج في يوم ممكن ترديلي ... اما الحين على أي امل الي بعيش عليه ؟؟؟... ليش يا نوووووووف ... ليش خليتني عاشق من دووون معشووقته ... ليش نووووف الي ماتت ؟؟؟ ليش ما مات الولد؟ لييييييييييييش ؟(( استغفر الله العظيم اللهم لا اعتراض على قدرك )) ورد ذياب الامارات عسب يحضر عزا روحه الي راحت ... وحضر العزا هوه ويا ربعه وربيعات نوف الي كانن يدرسن رباعه ... وطلبن ربايعها انهم يشووفوون ولدهااا ... راح ذياب وياهم عسب يشوفه ... ويوم شافه تم حاضننه بين ايديه ويبوسه ويصيح صياح يقطع القلب ... وبعدين يت وحده من ربيعاتهم وشلت الولد عنه و ودته عند اهله داخل ... ............................................. طبعا نووف ما فارقت تفكير و وجدان ذياب ... كان يتخيلهاااا فكل مكان وكان يسمع كل كلمه قالتها كل ليله وكان ما يرقد الا وهوه يتأمل صورهم رباعه يوم التخرج.... ودمعه عيونه يوم تذكر الي صااااار ... نوف: ذياب ... ذياب ... يله بسرعه ... بنتأخر ... بتبدأ الحفله .. ذياب متلعوز ويا معقمه بدله التخرج مب قادر يسكرهاا: اووووووووووف ... شوه هذا؟؟؟...ما اقدر اسكرها ... خلاص روحوا انتوا انا بلحقكم عقب ... you can go … we came later …نوف تكلم باقي الطلاب عسب يروحون: ذياب : ليش ما تروحين فياهم ... انا بيي عقب ... نوف تتقرب منه عسب تسكر له المعقمه : ما اقدر اخليك بروووحك ... اخافك تضيع ... وما توصل قاعه الحفله ... هههههه كانت ايدين نوف تحاول تسكر المعقمه وذياب خلاص مب قادر يستحمل يحس نوف وايد قريبه منه لدرجه انه يسمع انفاسها ويحسهن وبالغلط لمست ايد نوف رقبته وارتعش ذياب منها بس حاول ابين انه هادي ..... نوف بعد ما سكرتها : اوووووووووه .... خلاص سكرتها ... ذياب بعده على اثر لمست ايدها : مشكووووره تعبتج ... نوف : العفوووو ... تعبك راحه ... يله انرووح ... ذياب تنهد : يله ... سرييناا ... وطول ما هم ماشين صوب القاعه ... كل واحد سرحان فعالمه ... ذياب فخاطره : آآآآآه يا نووووف ... خلاص بعد اليوم ما بقدر اشوفج ولا اسمع صوتج ... بس انا لازم احاول انسى لانج خلاص بتصيرين ملك شخص ثاني ... وعيب علي افكر فوحده معرسه وساكنه ويا ريلها ... بس ما اقول غير الله يوفقج ويسعدج ... ترا اذا انتي سعيده فحياتج جني انا الي حياتي سعيده ... نوف فخاطرها : آآآآآآآه يا ذياب ...آآآآآآه بعد هذا اليوم خلاص بحكم على قلبي بالمووووت ... خلاص قلبي بيقعد عندك ... برد الامارات جسد بليا روح وقلب لانه محد يستحق قلبي وروحي غيرك انته يا ذياب ... الله يسعدك و تحصل أبوك واهلك ... ودمعت عينها بس مسحتها قبل الا حد يشوفهاااا... وبعد ما خلصت الحفله قعدوا الطلاب يتصورووون ويا بعض عسب يتذكرووون بعض و يرووون اهلهم ربعهم و زملاء دراستهم ..... نوف كانت قاعده ويا البنات و ذياب ويا الشباب وكل واحد منهم وده يقول حق الثاني كلام وايد بس كل واحد فيهم يمنعه ضميره ... والتفتوا كلهم صوب مطر يزاعق ويقولهم تعالوا بنصور صوره جماعيه بعد ما شبع الحبيب من التصوير ويا الاجنبيات الي كل ساعه وحده تيه تبا تصور ويااه مطر : ذياااااااااااااب ... نووووووووف ... يله تعالوااااا بسرعه ... ذياب : لا ما اريد اصور ... نوف : حتى انا ما اريد ... بس البنات ما خلن نوووف يرنهااا غصبن عنها عسب تصور وياهن .... مطر سار صوب ذياب : يله عاد قوووووم بنصور رباعه ... ذياب بدون نفس : مالي خاطر ... مطر عاف الي فيه لانه ما يخبي عنه شي : حلفت عليك الا تقووووم ... بدبرلك صوره وياها ارواحكم عسب الذكرى ( وغمزله ) وذياب مات عليه من الضحك وعلى حركاته ... ونوف اطالعهم من بعيد وتقول فخاطرهاا : فديت انا هالضحكه وراعي هالضحكه ... بعد ما صوروا الصوره الجماعيه قال مطر حق نوف وذياب انه يبا يصور وياهم وطبعا وافقوا بس هوه كان متفق ويا بنيه ثانيه تي فالوقت الي يبون يصورون فيه ... وتزقر مطر عنهم ... وبالفعل سوت البنت الي طلب منها مطر ايااه .. مطر يلتفت على ذياب : اقول ... اتصور انتوا ... بروح اصور وياها وبرد لكم ذياب ما عرف شوه يسوي ... نوف : ذياب ممكن نصور رباعه عسب الذكرى ... ذياب ابتسم ... وكل هاذي الاحداث الطويله مرت في خاطر ذياب مثل الشريط السنمائي روضه: ذيــــــاب ... ذيــــاب.. ذياب توه انتبه : هلاااااااااا روضه : ذياب شي فيك ؟؟؟ ذياب : لا ما فيه شي .. روضه : واضح ... ليش عيل ما ترد على نوره يوم كلمتك ؟؟ ذياب التفت ورا: وينها نوره ؟؟؟ روضه : لا اخويه شي فيه .. بمنوه كنت سرحااااااااان ... جيه انته طلبتلنا الغدا و وصلت نوره بيتهم ... وانته مب هنيه ... يله اعترف بمنوه كنت تفكر ... اكيد بوحده اجنبيه من ربيعاتك ... صح ؟؟؟ ذياب عصب من كلام روضه بس كتم غيضه وسكت ... وروضه حست انها ضايقته : ذيااااااب .. والله اسفه ... مب قصدي شي .. والله كنت اتمصخر فيااااااااااااااك ... ذياب دخيلك ... اسفه ... وشافها ذياب انها فاي لحظه بتصيح ... وهوه ما يحب حد يصيح جدامه فابتسم لها وقالهاااااا عادي بس ما تعيدها ... ولا بيزعل عليهااااا و وصلوا البيت ودخل حجرته سيده واستغربوا منه ... ............................................. في مكان ثاني من بقعه الامارات الحبيبه.... فالكوفي... حليله قاعد يبى يونس ربيعه بس ربيعه مول مب عاطنه ويهه وصدق بدى يتضايق منه... سهيل:شرايك نسير المبزره؟؟؟ منصور مشغول فالمنتدى:ما اريد سير اروحك سهيل: انزين شرايك نرد دبي والله تولهت عليها وايد.. من اسبوع ونحن هنيه منصور عقد حياته وفخاطره:لازم يالنذل بتتوله عليها...<<عباله ميره منصور بدون نفس:جانك متوله عليها هالكثر سير اروحك سهيل عصب :ايه منصور شعندك جذاك ترمسني جني ماكل حلال ابوك...ما احيدني مسوي بك شي اتم ترمسني من طرف خشمك... ونش وخلاه يالس اروحه يلعب فالمنتدى..... .................................................. ........... كانوا متجمعين فالصاله ويدخل عليهم بدريسه وهوه تعبان وباين التعب في ويهه : السلام عليكم الكل : وعليكم السلام وراح وحب ابوه وحرمت ابوه على راسهم ... شهاب : اشحالك ابويه ؟؟؟ بوسعيد : بخير ونعمه ... الا انته اشحالك ؟؟ شهاب انسدح وحاط راسه على ريل حرمت ابوه : الحمدالله بخير ... اشحالج امايه ؟؟؟ ام سعيد تمسح ع شعره : بخير فديتك ... تغديت ؟؟؟ شهاب: لا امايه ... ما شتهيت ... ام سعيد : شهاب ... شكلك تعبان ... شي يعورك ؟؟؟ شهاب وهوه مغمض عيونه : لا الغاليه ... ما يعورني شي ... انا بروح ابدل .. ونش عنهم يبا يروح يرتاح ويبدل ... وقده عند الدري حس بدوره فراسه ... وتمسك بالدري لحد ما راحت عنه ... وكمل طريقه صوب حجرته ... دخل الحجره وعق بعمره على الشبريه يحس عمره تعباااان ... اول مره يحس مثل هالتعب كله ... قال تعب خفيف و بيروح بعد ما ياخذله شور ... ............................................. الريم نازله تحت ادور شهاب لانه اليوم ما شافته ومنها تقوله عسب يروحون البر ويقنع امهم وابوهم .... الريم : امااااااااااااااااااااااااااااااااايه ... ام سعيد: شوه ؟؟؟ لا تزاعقين تراني اسمعج ... الريم : وين شهابوووووووووووه ؟؟؟ ام سعيد: عيب عليج هذا اخوج ... الريم: خلاص اوكيه ... وين اخي العزيز شهاب ؟؟؟ ام سعيد: فحجرته توه ياي من الدوام الريم تنش : اوكيك ثانكس ... مريوووووووووووم ... ام سعيد : وابويه عليج يالطفسه... والله هالبنت خبله... الريم تربع على الدري وتضحك على امها لانه ما تحب حد يزقرها مريوووووم ........................................ فهد:عليووووه عليوه ع الكمبيوتر:خير فهد:تعرفين...اليوم اتذكرت حارب فالصف عليوه انتفضت وخلت الكمبيوتر ولفت صوب اخوها:الله يرحمه...وشوه الي ذكرك فيه... فهد ونبره الحزن واضحه عليه: كان دايما يوم يهزبني الاستاذ ولا يمشكلني حد من شله قوم خالد الفاسده كان دايما يدافع عني ...ويقول اني ما سويت او انه يكفخهم... (وسرح يتذكر هالاحداث) خالد:ايه فهووود ولد امك...بتتصفع تراك.. فهد:جـــب يالسبال لا تيب طاري امي ع لسانك.. سيف:ههههههههه والله بعد استوت الديايه تراد علينا فهد يزخ سيف من حلجه:ثمن رمستك يالهيس قبل تعقها... واتعافدوا الشباب ع بعض وتموا يضاربون...وتقطع عليهم صرخه قويه خلتهم كل واحد يفج الثاني... حارب:بــــــــــــــــس؟؟....!!!شعندكم تضاربون جنكم يهال.. خالد:جب انته محد رمسك... حارب خزه بنظره خلته يسحب رمسته وينطم... حارب:فهد تعاااااال اباك... وراحوا شوي ع صوب... حارب:فهد شفيك انا قايللك انهم شله فاسده وراعيين مشاكل ولا تقرب صوبهم فهد:حارب هم الي بدواا وتموا يقولون لي الفاظ وسخه حارب:انزين اتجاهلهم... فهد:لين متى بتجاهل ...عيزت ما استحمل رمستهم الخايسه سيف داش عرض:بعده ما خلص اجتماع الديج بديايته هههههههههههههههه خالد:ههههههههههههههههههههههه حلوه منك يا بو هناد حارب عصب عليهم وطلعن شياطينه واييهم مصطن ويزخ سيف من حلجه ويرده عاليدار ويسدحه الدعنه ويعطيه بكس ع ويهه... فيصل:حروووب قوم عنه هذا ما يرزى بعدين يعقك بمشاكل...وايبون ابوك عسبته... ............................................... شهاب شو فيه؟؟؟؟وشو يعوره؟؟؟ فهد كيف بتمر حياته المدرسيه بليا حارب؟؟؟؟ ذياب شو الي ذكره بنوف الله يرحمها؟؟؟ الريم شو تبى من ابوها عسب تحن عراسه يوم الغدى؟؟؟؟ احداث وااايد تنتظركم ما استوت بعدها...بكشف عنها انشاالله فالأجزاء اليايه....
__DEFINE_LIKE_SHARE__
|
|
| |
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| عندما لاترى فى الحياه غيرك ... انت وحدك | محروم.كوم | منتدى أخبار المواقع والمنتديات العربية والأجنبية | 0 | 09-28-2009 03:30 AM |
| كل شي يهون عند الحريم الا هذه!!! | راعـــ الــحــب ـــي | الإستراحه العامة | 28 | 09-19-2009 07:02 AM |
| كله يهون عشان خاطره | محروم.كوم | منتدى أخبار المواقع والمنتديات العربية والأجنبية | 0 | 07-13-2009 10:30 AM |
| كل شي يهون عند الحريم الا هذه!!! | محروم.كوم | منتدى أخبار المواقع والمنتديات العربية والأجنبية | 0 | 06-07-2009 02:40 AM |
| ** يهون عليك ** .... | أمير الحزن | شعر و خواطر | 4 | 05-31-2008 07:51 PM |
الساعة الآن 04:39 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227