شو رايكم بالقصيدة

wadha · #1 03-20-2008, 03:53 PM

شاب فقير خطب بنت عمه المليونير

وزود عمه طلباته عليه فقال القصيده:

[align=center][align=center]سبحان من يرزق بتوع الملاييـن

------------------ الرازق اللي ما يخيب الرجـا بـه

لي عم عنده معـرضٍ للصواليـن-------------------

-------------------أموت واعرف بس من وين جابـه

وإذا سألته قـال بعـت الدكاكيـن--------------------

------------------ما يدري إني ما هضمت الإجابـه

الشاهد إني رحت له قبـل يوميـن -------------------

---------------------في قصره العامـر ودقيـت بابـه

قال ارحب ارحب عدّ ورد البساتين ----------------

---------------------يا مرحبا باللـي لفـا يـا هلابـه

قلت البقا عـدّ النفـل والرياحيـن--------------------

-----------------يا شيخ شمل اهل الكرم والذرابـه

قال اسلم الله يحفظك لي من العين -----------------

-----------------وآمر أوامر حضرتـك مستجابـه

قلت الصراحة طالبٍ قرب غاليـن------------------

-------------------ودي تزوجنـي كريمتـك يـابـه

ثنّى وقال اهليـن والله وسهليـن -------------------

----------------والكون ترخص لجل عينك رقابـه

لكن ترا عندي شـروط وقوانيـن------------------

----------------قلت اشرط اشرط يا حبيب الغلابـه

قال أولاً مهر العروسـة ثمانيـن------------------

----------------غير الرسوم وغير حق العصابـه

والثانية عمك يبي منـك سبعيـن------------------

------------------رسم الأبـوّة والنسـب والقرابـه

وام العروسة حقها منـك ستيـن ------------------

-----------------عشانها ست الحسـن والمهابـه

واخوانها كلن يبي منـك خمسيـن-----------------

------------------عداً ونقـداً تنـدرج فـي حسابـه

وخواتها الخمس اعطهن من ثلاثين--------------

-----------------عشان تتوثـق عـروق النسابـه

وتجيب طقم عيار واحد وعشريـن ---------------

---------------وخاتم من الماس المصفى ترابـه

واكياس متروسة كعوب وفساتيـن---------------

-----------------ألوانهـا واشكالهـا مـا تشابـه

وموتر بسواقـه وفيـلا بدوريـن ------------------

------------------أثاثهـا مـن بطرتـه ينحكـابـه

واحجز لنا قاعة بقصر السلاطيـن---------------

---------------واحجز بهـا رقاصتيـن وربابـه

وامنع دخول اهل اللحى والبزارين--------------

----------------واعزم أميـر المنطقـة بالنيابـه

هذي الشروط اللي على بالي الحين--------------

---------------وذكرني اللي ما حسبنـا حسابـه

قلت اذكر الله يا عـدو المساكيـن----------------

------------------واستغفـره لا يبتلـيـك بعـذابـه

الظاهر إنك منت عارف أنا ميـن -----------------

----------------أنا لو ارقا فـوق متـن السحابـه

ما جبت حتى نص درزن مواعيـن----------------

--------------واضحك بكيفك واعتبرهـا دعابـه

شروطكم هذي شـروط المجانيـن-----------------

---------------شروطكم شغـل ابتـزاز ونهابـه

شروطكم تقصم ظهـور البعاريـن-----------------

-----------------شروطكـم همّـن وغـم وكآبـه

شروطكم والله سيوف وسكاكيـن----------------

--------------تذبح بنات المجتمع مـع شبابـه

وين الرضا والعطف واليسر واللين--------------

----------------اللي ذكرهـا الله بمحكـم كتابـه

وين الصفات اللي أمرنا بها الديـن ---------------

------------ وين اختفى نهج النبي والصحابـه

يا عم جعل اللي خلقنا من الطيـن----------------

----------------يرد عقلك مـن خطـاه لصوابـه

ويجعل نصيبي عند غيرك قل آمين---------------

------------ويحسن عزا الصابر ويجزل ثوابه

قال انت لو فكرت تفكير صاحيـن ----------------

-------------ما شفت في مجمل شروطي غرابه

حنا بعصـر العولمـة والمزاييـن ------------------

------------ ماهوب عصر الفلسفة والخطابـه

الناس تسعى للرتـب والنياشيـن-----------------

---------------وانت اهتمامك بالشعـر والكتابـه

والشعر ما ينفعك لو هو دواويـن ---------------

----------------ما دام جيبك مثـل بيـت الخرابـه

يا بوك لا تسمع كلام المصاخيـن---------------

------------واسأل مجرب عاش في وسط غابه

قلت الله اكبر يا محـرر فلسطيـن -----------------

--------------من يسمعك يحسبك ذيـب الذيابـه

تراك شايب راس مالـك رياليـن -----------------

------------- والبنت ما تسوى جنـاح الذبابـه

قال انقلع مالت على وجهك الشين---------------

----------------لا عاد اشوفـك عندنـا يالزلابـه

قلت ابشر ابشر لكن الباب من وين---------------

-------------واقفيت من عنده على صوت بابـه[/align][/align] __DEFINE_LIKE_SHARE__

خذني بقايا جروح · 03-20-2008, 04:05 PM

تسلمين حلوه القصيده __DEFINE_LIKE_SHARE__

εïз~اَلِمَيّث}● · 03-20-2008, 05:59 PM

السلام عليكم ورحمة الله وبركاته

صح منطوووق الشاعر

فـ ذمتيه انه مافييه حييله

طرر الكلمات

ربي يعطييج الف الف عافيه الغلا ع النقل الطيب

وربي لاهانج

نترقب اليديد من جداج

السموحه ع القصور

اختج

الميث

[ تم نقل الموضوع للقسم المناسب ]

__DEFINE_LIKE_SHARE__

بوالجازي · 04-03-2008, 01:00 AM

السلام عليكم ورحمة الله وبركاته

صح السانك الشاعر

يسلمووو على القصيدة الغاوي

يعطيك العافيه

نترقب جديدك __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ياشباب وش رايكم بالنيسان الربع 2010 والا 2009 نبغى رايكم	محروم.كوم	منتدى أخبار المواقع والمنتديات العربية والأجنبية	0	06-27-2010 08:50 PM
طلب وش رايكم	محروم.كوم	منتدى أخبار المواقع والمنتديات العربية والأجنبية	0	05-23-2010 08:40 PM
وش رايكم في الباثفندر 2005 و 2004 . . رايكم يهمني	محروم.كوم	منتدى أخبار المواقع والمنتديات العربية والأجنبية	0	11-18-2009 08:40 PM
رايكم يهمني ابا رايكم في هذا التصميم	بنت صلالة100%	تصاميم الاعضاء	22	11-02-2008 04:55 PM
شو رايكم بالقصيدة	wadha	المواضيع المكرره	0	03-20-2008 03:54 PM