يا كيف ابسلا وانسا ماضي تطوا=وانا على حب الخلا كالهواوي
وشلون ابنسى يوم مثلي تهوا=بين الفياض ودون مرعى الشواوي
بين النواوير اقطف عشوب حوا=والا النصي راسه بالارياح لاوي
ذاك الزمان اللي للاحساس روا=يبري جروح البال للضيق قاوي
يوم السحايب تقبل بخير نوا=دون المناشي تسقي ثمام ذاوي
يطفي رطيب الرمث بالسيل ضوا=ما يشتعل بالنار والعود راوي
بالوالمه كيف النشاما مسوا=والطير الاشقر فوق الاجوال هاوي
يوم الحباري بالدعايب تزوا=يقودها خربن عليه الدعاوي

والذيب بارجوم العوالي تعوا=فيها يدوج بخاليات النحاوي
واليوم تاكي في ذرا الدور جوا=على المساند بالترامس قهاوي
هذا مسار القيظ مشكاه دوا=يصيح بالعالي بصوتن رغاوي
يالله يا باري فؤادن تكوا=وامسى كما هرشن بالاطعاس ثاوي
تعيد للي بالصحاري تبوا=مكان قاصي في كنافيه ضاوي
يسيح فيه البال ضيقه تشوا=يسير من بين الطلاح الغباوي
اليا تكا واشعل جرومن تثوا=صار السلم ريحه كما الطيب جاوي
وابعد ظليمن بالخوافي تغوا=ماهو على فعل الغوايه يراوي
باله نزيهن ما بداني تنوا=وافي سليم الدين عاف البلاوي