x [ كل إمارة .. شو أشهر أكلة عندهم؟! ] x

%صاحبة السمو% · #1 01-03-2008, 04:22 AM

.

أكلة هل الفجيرة :

حافظ على هل الفجيرة ... من تيهم أتقييّل عندهم ضيف ... الله على الكرم الطافح فوق اليبال ...وخصوصا بعد يوم يقربوبك عندهم وتاكل هذيج الأكلة ما ودك بعد تظهر من الفجيرة .. بس الود ودك أتّم تظرب بالخمس ألين يوم الثاني .. وأكلتهم مشهورة وهيه :

طاسة حلوى حارة وعدالها دلة أقهوه الملقمه في حزتها

أكلة هل راس الخيمة :

ياسلام أتسلم على هالأكلة المشهورة اللي عندهم .. .. أموت على طبيخكم اللي ما ينطبخ اللا على ظو يريد وحطب وما بينهن طابوقتين .. الصراحة يعت مشتهيه طاسة جامي ويقط ولبن من أمارة راس الخيمة ......... السموحة بويه منكم ..

و أكلتهم هي الجامي و اليقط و اللبن

أكلة هل أم القيوين :

لاااااااااا .. كله عاد ولا هل أم القيوين ..

الصراحة عندهم أكلة والله ما تخطر على بال واحد بيموت من اليوع .. أسمييييه عندهم أكله ..

ما يطبخونها اللا حزّة الغدا من عقب صلاة الجمعه ..

وهيه أكلة البياح:

تراهم مشهورين أبها ومحد شراتهم وشراياهم .. أنتوا ما تشوفون عربهم ومواطنينهم شقايل ينبع الكرم منهـــــ ــــم ..

أكلة هل عيمان :

ما يحتاي بعد أزيد عليكم الزود . . معروفين هل عيمان بخبز الرقاق هنتين أبييّزة .. وخصوصا بعد أوف حلاته اذا كان مدهون بدهن خنين .. وووووووه ..

وحظك من السما لو حالفك الحظ حد منهم عزم عليك تقرب عنده في البيت تاكل من ريوقهم أو غداهم أو عشاهم ...

.. ياجماعة الخير عليكم بخبز الرقاق المدهون بدهن خنين
من هل عيمان

أكلة هل الشارجة :

لا لا لا .. كلكم غلطانين .. هب الدانقو ولا شي ولا حتى الباجلة . . هذه كلها خرافات واحد مصطول يوعان .....

عندي انا المعلومة عن أشهر أكله عند هل الشارجة ........... الصراحة غلبتوني .. هيه نعم صدقتوا ..

ماشي أحلى من الدانقو حزّة العصر وحاط جدامك

هالطاسة الممزورة دانقو ولوميتين من الحامض

.. تعصرهن في الملة أمممممممم ....... أوففففففف أشوووووو هالعذاب ياجماعة الخير ..

أبتسم أنته تاكل الدانقو في الشارجة

أكلة هل دبــي :

أكلة هل دبي المشهورة هيه : الهريس .. واللي ماياكل منها يخيس . . وهل دبي معروفين في الأعراس لازم يكون في وسط الحوي

جدر هريس ..

واللي يقرب لازم يغرف له بالمظراب في طاستة .. وأنا مستحيل آكل هريس من أي أما رة ثانية اللا دبي .. أقصد كل أمارة ولها خصوصيتها في أكلاتها الشعبية المشهورة .... .....

وقربوا هريستنا تراها طايحه >>

اكله هل بوظبي والعين:

كل أكله روحها صوب .. وكل وحده منهن ترمس عن عمرها .. ما أدري أشوووووو أطريلكم واللا أشوووووووو ..

ترى كل وحده أحلى من ربيعتها .. بس أن بغيتوا الصدق : ترى ريوق هل بوظبي وهل العين شي مذهل وخرافي ..

يعني أفداهم ويطول في عمارهم عربنا القبايل هل بوظبي والعين فديتهم والله ...... ..... أوه سامحوني نسيت أخبركم بأسم أكلتهم المشهورة على الأقل في نظري أنا ... ...

خبز خمير بثيث مفروكه والمظروبة ...

م ن ق و ل

•
• __DEFINE_LIKE_SHARE__

مستانسهے · 01-03-2008, 03:01 PM

.

•
.

أكله رااث الخ ــيمهــ..كككك..فناانهـ..

ولا عن ل الأكل تمااااامـ ..أديت بلاديه والله ..^^..

يثـلمونيشـن الغ ــلاآآ ع الطرح الكـــول الح ــلوو..^.^..

نترياآآ يديدج اديتج ..^^..

لاخ ـــلاآآ ولا ع ــدم ....

ربيه يعطيج الع ــآآآفيه ..^___^..

.

•
.
__DEFINE_LIKE_SHARE__

كاشخه ومفلسه · 01-03-2008, 04:32 PM

هههـﮯ يااابووجـﮯ يوعتينآآآ خخـﮯ

يسلـ،،ـموآآ يالغلآآآ ع الموضوعـﮯ اللذيذ ... خخخـﮯ

ربيـﮯ يعطيجـﮯ العآآفيهـﮯ ... __DEFINE_LIKE_SHARE__

بنت زايد الخير · 01-11-2008, 09:49 PM

تسلمين حبيبتي والله ما فيج حيله __DEFINE_LIKE_SHARE__

آqنه كاشخهـﮯ · 01-12-2008, 07:42 AM

خخـ..هيهـ والله حتى ان ـأإ يع ـت خخـ..

يثلم ــggأإأ الغ ـلآ ع هالط ـرح الط ـر

لاع ـدمن ـأإأج

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بمناسبة شهر رمضان المبارك من vbاشترك 6 أشهر واحصل على 6 أشهر مجانا	محروم.كوم	منتدى أخبار المواقع والمنتديات العربية والأجنبية	0	08-17-2009 11:00 PM
Hb أقوى عروض سيرفرات vps اشترك 6 أشهر واحصل على 6 أشهر مجانا hb	محروم.كوم	منتدى أخبار المواقع والمنتديات العربية والأجنبية	0	08-10-2009 08:40 PM
كانني أكلت	محروم.كوم	منتدى أخبار المواقع والمنتديات العربية والأجنبية	0	06-20-2009 03:30 AM
يمي يمي لا تفوتكم أكلة ولا أحلى ^_*	المحبوبة	فن المطبخ والطبخ	16	01-22-2008 06:46 PM