هلا بالعين

الجهوري · #1 06-30-2009, 02:52 PM

هلا بشوف الدوا نعت الطبيبي
دواه يزل هم(ن) في جبيبي
هلا به من بعيد ومن قريبي
هلا به من مرد ومن مجيبي
وجيت بشوق ولهف(ن) يمتطيبي
على يمين وفي يساري الرقيبي
وهاتف لا يودي ولا يجيبي
وجيت بحبل للموده ينتخيبي
وجيت بعشق للديار الحبيبي
هلا بالعين واهل العين صيبي
تحيه طيبه بعنبر وطيبي
هلا بالعين وبالأصحاب نيبي

هلا بعشق(ن) لها يجتيبيبي
هلا بشوق(ن) لها ينتصيبي
هلا برمالها وبدع(ن) كثيبي
هلا بواحاتها وبنخل(ن) رطيبي
هلا بحفيت ومبزر قريبي
غلايا حفيت بشموخ(ن) مهيبي
ودنا مبزر وخضر(ن) يكتسيبي
هلا بهيلي وفوع(ن) يبتديبي
عقب قطر(ن) وكر العين هيبي
وأهل مسعود وجيمي يلتهيبي
وعود(ن) والنيادي والجينيبي
وأهل الكويت وسعيد الصحيبي
وأهل صاروج وشرع(ن)ابها صبيبي
وأهل مزيد ومعسكر كتيبي
واهل زاخر ونعم(ن) ينتجيبي
واهل معترض وجهلي يقتيبي
واهل الخبيص وشعر(ن) بي يشيبي
هلا بالعين ومقام يعتنيبي
واهل يحر(ن) وعالي يعتليبي
واهل ساد(ن) ومرعب هاب جيبي
هلا بسواقها وكل شي سيبي
واهل وقن ووقن(ن) ينتهيبي
هلا بالعين شمس(ن) لا تغيبي
هلا بالعين وبأهل العين طيبي
هلا بشوف الدوا نعت الطبيبي

تمت بحمد الله

__DEFINE_LIKE_SHARE__

الرهيب القطراوي · 07-05-2009, 01:27 PM

هلا بشوف الدوا نعت الطبيبي
دواه يزل هم(ن) في جبيبي

هلا به من بعيد ومن قريبي
هلا به من مرد ومن مجيبي

يسلمووووو يااخييييي الجهوري على الكلمات الروعه وتقبل مروري.......

& الودعاني عاشق الريان &
__DEFINE_LIKE_SHARE__

$_راعية الاستيشن_$ · 07-05-2009, 03:18 PM

هلا بالعين وبأهل العين طيبي
هلا بشوف الدوا نعت الطبيبي

صح لسانك اخويه الجهودي تسلم يمناك وربي لاهانك

ننتظر المزيد من ابداعاتك اخويه __DEFINE_LIKE_SHARE__

الجهوري · 07-06-2009, 05:37 AM

المشاركة الأصلية كتبت بواسطة الرهيب القطراوي

هلا بشوف الدوا نعت الطبيبي
دواه يزل هم(ن) في جبيبي
هلا به من بعيد ومن قريبي
هلا به من مرد ومن مجيبي

يسلمووووو يااخييييي الجهوري على الكلمات الروعه وتقبل مروري.......

& الودعاني عاشق الريان &

تسلم يا اخووي على المرور الحلوووو ولارد الاحلى والأطراء الغاوووي وتقبل مني كل احترام وتقدير __DEFINE_LIKE_SHARE__

الجهوري · 07-06-2009, 05:40 AM

المشاركة الأصلية كتبت بواسطة $_راعية الاستيشن_$

هلا بالعين وبأهل العين طيبي
هلا بشوف الدوا نعت الطبيبي

صح لسانك اخويه الجهودي تسلم يمناك وربي لاهانك

ننتظر المزيد من ابداعاتك اخويه

تسلم الغاليه وصح بدنج وربي لا هانتي وتسلمي على الاطراء واليديد قريبا بحووول الله وتقبلي مني كل احترام وتقدير وامتنان للأطرائج وردج ومرورج الاحلى __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شقق للايجار بالعين	محروم.كوم	منتدى أخبار المواقع والمنتديات العربية والأجنبية	0	05-03-2010 12:20 PM
مطلوب شقه 3 غرف بالعين	محروم.كوم	منتدى أخبار المواقع والمنتديات العربية والأجنبية	0	04-19-2010 09:50 AM
للبيع أرض بالعين	محروم.كوم	منتدى أخبار المواقع والمنتديات العربية والأجنبية	0	11-11-2009 10:30 AM
للايجار بالعين	محروم.كوم	منتدى أخبار المواقع والمنتديات العربية والأجنبية	0	11-01-2009 11:50 AM
للايجار شقق بالعين	محروم.كوم	منتدى أخبار المواقع والمنتديات العربية والأجنبية	0	07-24-2009 06:40 AM