شعر حب اشوفكم الرايكم فيه

مزيونة الغربيه · #1 06-28-2009, 11:54 PM

آسف انا في جيتي لك تسرعت***ظنيت الاقي فيك شيٍ فقدتـــــه

كنت احسبك مجروح مثلي تولعت ***جربت فرقى شخص قلبك وهبتـــه

كنت احسبك من مر جرحك تجرعت***حبيت فيك احساس طفلٍ لمحتــــه

لو...قلت...اه بوسط روحي توجعت ***ولو شفت دمعاتك شعوري سكبتـــه

ولو تطلب اعيوني ابد ما تمنعت ***واعطيك قلبي لو بعد ما طلبتــــه

وصلت بك..... اعلى مكان وتربعت***وفي قلب غيري ياالغضي ما وصلتـه

واصبر على صدك واشوفك تدلعت ***واعطيك ود وما اظنك حسبتــــه

اذهلتني بطباعك اللي ...تطبعت ***حتى قصيدي فيك ابد ما فهمتـــه

لو كان غاياتك حروفي فانا بعت ***منك الشعور اللي بنفسي كتبتــــه

خل القصايد تنفعك يوم ودعت ***وافرح بجرح الشاعر الي جرحته

وأرجوك من صدك تراني تشبعت***خلك مع اللي عاجبك او عجبتــه

يكفي قهر في جيتي لك تواضعت***تركت غيرك لجل عينك وبعتــه

ياليتني عن حب مثلك... ترفعت ***ياليت قلبي قبل اعرفك دفنتـــه

لكن اب ابعد دامني ماتولعت ***الله يرحم حبنا اللي ذبحتـــــه

انا شريت الود والحين انا بعت***وانا عطيتك قلبي اللي قهرتـــه

في يوم جيتك اطلبك ود واقنعت***نفسي بانك شخص عادي عرفتـه

كمل حياتك مثل ما انا توقعت ***تبقى اسير الماضي الي فرضتـه

ولا يحزنك اني جبان وتراجعت ***حولك بدالي الف شخصٍ عجبتـه

اما انا لا يمكن اخضع ولا طعت ***يحرم على اعطيك قلبٍ خذلتــه

باريّحك من شوفتي يوم قاطعت ***اسلوبك اللي بة تجامل كرهتـــه

غلطان يا المقفي انا ماتتبعت ***غيري يتابع خطوتي ما تبعتــه

ما ينحني راسي لو اني تقطعت ***وما هو بنا من لا رميتة لقطتـه

وان كان غرك حكي عذالي وطعت***الله يعلم كيف قلبي سكنتــــه

اللي ملا قلبك علي وتسمعت***خله يعوض شخص مثلي خسرته

انا بما فية الكفاية تولعـت ***واللي بقى من قلب فيني حرقتـه

وان شفتني صدفة بعينك تطلعت ***ذكرتني با نسان غالي فقدتـــه

باول لقا سلمتة احساسي وضعت ***غلطت حياتي يوم قلبي سلبتـــه

واستسمحك في البعد كاني تراجعت ***ما عاد ابلقى فيك شي نزفتــه
__DEFINE_LIKE_SHARE__

مزيونة الغربيه · 06-29-2009, 11:56 AM

افااااااااااااااااااااااا وين ردودكم __DEFINE_LIKE_SHARE__

الرهيب القطراوي · 06-29-2009, 01:30 PM

ولو تطلب اعيوني ابد ما تمنعت .......واعطيك قلبي لو بعد ما طلبتــــه

وصلت بك اعلى مكان وتربعت.........وفي قلب غيري ياالغضي ما وصلتـه

بداية موفقة يااختيييييي مزيونة الغربية وكلمات روعه وتستحقين التقيييييم وتقبلي مروري......

& الودعاني عاشق الريان &
__DEFINE_LIKE_SHARE__

غلا البحرين · 06-29-2009, 05:20 PM

غلطان يا المقفي انا ماتتبعت ***غيري يتابع خطوتي ما تبعتــه

ما ينحني راسي لو اني تقطعت ***وما هو بنا من لا رميتة لقطتـه

صح السانج

ثانجسوو ع الطرح

و الله يعطيج العافيه

و لــآ تحرمينا من اليديد __DEFINE_LIKE_SHARE__

مزيونة الغربيه · 06-30-2009, 02:27 PM

مشكوررررررررررررررررررررررررين ع الردود الغويه __DEFINE_LIKE_SHARE__