رواية هويتك و انت في وسط القلب اغلاهم

Xaayysha · #1 03-17-2015, 07:30 PM

نبدأ اول شيء بالشخصيات:-

عائلة بو منصور:-
بو منصور: انسان حبوب و طيب وايد و هو يحب عياله وايد ولا يرفض لهم أي طلب
ام منصور : طيبه و مافي اطيب عنها و تحب عيالهم اكثر من روحها
منصور : عمره 24 خاطب بنت عمه فاطمه و هو يمووت عليها و هو وايد طيب و يحب اخته الوحيدة عائشة ... و هو بصراحه جميييل و خشمة سيف و وسيم بمعنى الكلمة
عائشة : حبوبة و طيبة عمرها 19 جمييله (البطلة)
عمر و ناصر (تؤام): 15 سنه شياطين و يحبون يلعوزون خلق الله و دووم يغصصون بأختههم لاكن سوالفهم حلوه

عائلة بو محمد:-
بو محمد و ام محمد : نفس بو منصور و ام منصور
محمد : عمرة 26 متزوج بنت خالته سارة وهو يحبها واايد و يموت فيها و عنده بنت اسمها حصه وهي امووووره عمرها سبع شهور تشبه عمتها فاطمه
فاطمة : عمرها 23 جميلة و حبوبه و طيبة وهي مخطوبة لولد عمها *منصور *
ذياب : عمرة 20 جمييييل يعني جماله ما ينوصف يحب بنت عمة بو منصور *عائشة* و هو البطل

عائلة بو مايد :
بو ماييد : عصبي جداً و الكل يخاف منه
ام مايد : طيبه واااايد و على نياتها تحب عيالهاا واايد
مايد : عمره 21 هو يحب عائشة بس يدري انها تحب ذياب و مافي امل انها تكون له *مهندس*
سموي: بنت خقاققه لابعد الحدود و شايفة نفسها وايد معنى جمالها عادي 0 عمرها 15 قد عمر و ناصر **و وايد تحاول تتقرب من عمور و نصور

نبدأ البارت الأول :
كانت عائشة توها راده من الجامعه وهي خلاص طفرت *تدرس ادارة اعمال*دخلت البيت و هي اصلا ماتعرف ان ميود موجود نزلت شيلتها ع جتفها و دخلت الصاله تسلم بس مالقت امها و ابوها شافت حد قاعد عبالها اخوها منصور تجدمت عواش تبي تزيغه (كان عاطنها ظهره و ميوود و منصور واايد يتشابهون)تجدمت عواش

عواش : بووووووووووووه (في هالحظة نقز ميود و نش من الغنفة )عواش انصدمت يوم شافته و علطول لبست شيلتها
ميود : اسف والله اسف عمي اتصل به ربيعة و قال يباه ضروري و قالي ايلس هنا قم عمور و نصور بروحهم و هم رقود
عواش : انا الي اسفة خلاص انت اقعد و الحين
ميود : اوكي
و صعدت لغرفتها و فرت اغراضها و بدلت بسرعه و نزلت تحت لان عيب تخلي ولد عمها بروحه
يوم نزلت كان منصور قاعد راحت و سلمت عليه
منصور : فدييت اختي شيخة الحريم
عواش : حبيييبي انت ادري هالدلع وراه شي قول قول من الاخر
منصور : والله اني مييت يوع توا راد من عند المهندس
عواش: من عيوني كم منصور عندي
منصور : تسلمين
وراحت عواش المطبخ تييب الغدا لمنصور و ميود جهزة لهم الغدا طبعاً الخدامه طابختنه بس هي حطته ف غرفته الطعام المهم راحت تزقرهم
عواش منصور ميود يلا تعالو تغدوا
منصور : عواش حبيبتي يصير تشليني و توديني
عواش و ميود : ههههههههههههههههههههههههههههه
عواش : يلا قوم روح كل لا تيلس ترمس وايد
قاموا منصور و ميود يتغدون و هي راحت غرفتها تاخذ فونها و عقب بترد الصاله
نزلت الصاله و فتحت الوتساب ( هي عندها ف الوتساب عيال عمها كلهم و عادي اخوانها يدرون بهالشي يعني عادي و هم واثقين منها ) المهم فتحت كم قروب و عقب ملت جان تهد الفون و سرحت و فنفس الوقت ذياب دخل بيتهم ( ذياب متعود يسير بيت فم عواش كل يوم و هم يعرفون ان هو ايي مب عشان شي بس عشان يشوف حبيبتة عواش )و شافها سرحانه راح و قعد صوبها لصق فيها جان اتنش لانها ماعرفت منو بس يو شافت ذياب جان تفر عليه المخدة و قالت له: حيووووووووان واللله زيغتني
ذياب : افاا الحين انا تقولين عني حيوان
عواش :جب
ذياب : فديتج و قبل ما يكمل كلامه دخلوا منصور و ميود الصاله جان منصور يسوي نفسة معصب و يقول ل ذياب : مسوود الويه تتفدا بأختي
ذياب : شلك انت
منصور : روح ول اصلا كنت اسولف معاك بس ترا محد يتفدا بأختي غيري
ذياب : عيل ليش تتفدا انت بأختي
منصور : اولاً هي خطيبتي و ثانياً هي بعد شهر بتصير حرمتي
ذياب : فكنا ياخي انت روحك تعرف اني احب اختك
منصور : بعطيك بكس ان عدتها مره ثاني ( اونه يسوي نفسة معصب ) و ترا اختي مخطوبة مايستوي جي تقول يدام خطيبها ( انصدموا مايد و عواش و ذياب من ها الكلام بس ترا منصور يسولف )
ذياب : نعم نعم نعم الشيخ عيد شقلت
منصور : الي سمعته
ذياب : يعني....
منصور: هي ميود خاطبنها
ذياب مارام يستحمل و هو قايم بيروح قال ل عواش : لا و تقولين اعتبره اخويه ... كانت عواش تبا تقوله بس ما عطاها المجال انها تشرح و طلع بسرعه
عواش اتنرفزت من كلام اخوها وقالت له و الدموع ف عينها : انت كيف جي تقول ... وركضت غرفتها و قعدت تصيح و هي بالها عند ذياب وهي حست بشي ينغزها ف قلبها بس احساسها كان صدق في محله و ذياب اول ما طلع من بيتهم و هو يمشي بسرعه ماتهمه لا اشاره ولا غيرها مصدوم من الكلام الي سمعه ... و فجأة تدعمة سياره و انجلبت سيارة ذياب و في نفس الوقت قررت عواش تتطمن عليه و تفهمه السالفه دقت له بس شخص ثاني رد عليها
عواش و هي تصيح : الو ذياب دخيلك خلني افهمك السالفه وقاطعها الشرطي

الشرطي: اختي صاحب هالتلفون مسوي حادث و اتمنى تبلغين اهله بالموضوع و سيارته دعمت سيارة شاب ثاني و انجلبت سيارته وسكر فويهها و هي مصدومه من الكلام الي تسمعه و فجأة تصرخ و تقول ذيااااااااااااابببب لااااااااااااااااااااااااااااااااااااااااا و وصل صوتها لعند منصور و ميود و منصور علطول قام يروح يشوف اخته و ركض لغرفتها ودخل شافها تصييح و هي اول ما شافته قالت له : كلا منك كلا منك انت السبب والله ما اسامحك اذا ذياب صار له شي
منصور راح صوبها و قال لها : عواش حبيبتي اهدي و فهميني شو فيج
عواش و هي تصيح : ذياب ذياب سوا حادث و انجلبت السياره
منصور انصدم صدمه كبيره و عرف ان ذياب بسبته هو سواا الحادث
عواش: منصور دخيلك ودني عند ذياب الله يخليك
منصور : انشاءالله قومي البسي و انا بروح افتح الموتر
قامت عواش بسرعه لبست عباتها و منصور اول ما نزل من فوق ما لقى ميود و سار يشوف عمور و نصور ف غرفتهم و لما دخل شافهم يلعبون بلاي ستيشن قال لهم : انا وعواش بنطلع انتوا يلسوا هني
عمور و نصور: انشاءالله
وراح مع عواش السيارة و اتجهوا للمستشفى و اول ما وصلوا مالقوا حد لان محد بلغ حد من الاهل و اصلا امه و ابوه و اخوانه مسافرين عشان فطوم تجهز زهبتها و قعدوا منصور و عواش ع الكرسي و هم يتريون حد يضهر لهم كملوا ساعه و فجأه ينفتح الباب و يطلع الدكتور عواش قامت و ركضت صوبة
عواش : دكتور طمني شخبارة
الدكتور : وحظرتج منو تكونين ؟
عواش : انا بنت عمه
الدكتور : الحمدلله حالته مستقره
عواش : انزين دكتور عادي انشوفه
الدكتور : ممكن بس شخص واحد
راحت عواش عن منصور الي كان قاعد و يدعي على نفسه لان هو السبب
عواش : منصور دخيلك بيخلون بس شخص واحد يشوفه خلني اروح الله يخليك
منصور : خلاص اوكي انا بترياج هني
عواش راحت و دخلت عنده و هي كل ما تتقرب منه دموعها تزيد ... وصلت عنده
عواش : ذياب حبيبي يلا قوم ترا منصور يقص عليك والله ( وصياحها زاد اكثر) ذياب دخليك نش الله يخليك والله اني احبك و ما افكر بغيرك دخيلك قوم عشاني عشان حبنا عشان كل شخص يحبك قوم الله يخليك و في هالحظه بدى ذياب يستعيد و عيه و و اول ماشافته عواش يستعيد وعيه علطول نادت الدكتور و الممرضه و منصور مستانس بس بعد حاس بالذنب
عواش من فرحتها راحت عند منصور و حضنته و قالت له : منصور ترا ذياب قام قام
و منصور مستانس الا طاير من الفرحه عشان اخته و طلع الدكتور
الدكتور لمنصور : يا اخ المريض استعاد وعيه و نحن بننقله للغرف العاديه و بنسمح لكم تزورونه
منصور : انشاءالله
و تموا عواش و منصور يتريونهم ياخذون ذياب للغرف العاديه و فنفس الوقت اتصل منصور بالأهل خبرهم ان ذياب سواا حادث بس قال لهم حادث بسيط عسب ما يخافون و قال لهم اييون اليوم الثاني
و ييت الممرضه عندهم و قالت لهم يدخلون ... دخلوا عواش و منصور الغرفه و اول ما وصلوا منصور راح عند ذياب و قاله : ذياب دخيلك سامحني ترا والله ما كان قصدي و انا كنت اسولف و انت ما عطيتنا المجال ان نشرحلك

ذياب : مزحك ثقيل ترا و مسموح
عواش : الحمدلله ع السلامه ذياب و ماتشوف شر
ذياب : الله يسلمج و ترا سمعت كل الي قلتيه
عواش استحت و ف نفس الوقت انصدمت و مر هاليوم على خير و
في هاليوم بيطلع ذياب من المستشفى و منصور اصر ان ذياب يكون ف بيتهم بما ان اهله محد و ذياب وافق على طول عشان يكون قريب من نظر عينه عواش

نهاية البارت الاول اتمنى يعجبكم .
__DEFINE_LIKE_SHARE__

Xaayysha · 03-17-2015, 08:27 PM

انشاءالله باجر بنزل البارت الثاني __DEFINE_LIKE_SHARE__

Xaayysha · 03-18-2015, 03:30 PM

البارت الثاني

في سيارة منصور الي كان مع ذياب لان توهم راجعين من المستشفى ومنصور الي طلع ذياب وفي وجهتهم لبيت بو منصور

منصور: ذياب عادي اسألك سؤال

ذياب: اكيد عادي
منصور : انت تحب عواش
ذياب : منصور شو هالسؤال ما يبالها تفكيير وانت الصلا اول واحد يعرف اني احبها و اموت عليها
منصور: بلاك عصبت مجرد سؤال .... انزين انت لين متى ناوي اتم جي و تعلفها فيك
ذياب : منصور ترا انا مب مني و الدرب بيي اخطبها وخلاص انا لازم اكون مكون نفسي و متوضف و محد بيرضى فيني جي و انا اصلا ما برضاها ل عواش انا باقيلي اقل من سنه و بتخصص و بستوي محامي و من اتوضف و اكون نفسي انشاءالله بيي و بخطبها و هي اصلا تدرس الحين و هي يعني صغيره عمرها 19
منصور: توني اعرف انك تفكر زين
ذياب : شقصدك يعني ي الخايس
منصور : هههه جب جب
و وصلوا البيت و ام منصور و عواش ماخلوا شي ما سووه عشان ذياب
-------------------------------------------------------------------------------------------

و بعيد عن الامارات في لندن

فطوم : ماما متى بنرد انا خلصت

ام ذياب : انشاءالله بعد ثلاث ايام

فطوم : مب جنه وايد
ام ذياب : الحين ي الخايسه يوم خلصتي ما تبينا نتنفس شويه
فطوم : زين خلاص انا بروح اكلم اخوي و حبيبي ذياب
ام ذياب : روحي فكينا من حشرتج
راحت فطوم غرفتها عسب ترمس ع راحتها .. اتصلت ع ذياب
فطوم : هلا والله شحالك حبييييببي ذياب
بس منصور الي رد عليها مب ذياب
منصور : السلام عليكم منو ويايه ؟
انصدمت فطوم
فطوم : ان... اناا .. هذا مب فون ذياب
منصور : وانتي منو ؟(بدا يتنرفز)
فطوم : اخوي لو سمحت هذا فون ذياب و انا اخته ممكن تعطيه
منصور: فطووووووووم
فطوم انصدمت يعني منو هذا و كيف يعرف اسمها
منصور : فطوم شفيج انا منصور
انصدمممممممممممممممت وااايد
فطوم : منصور ممكن تعطيني ذياب
منصور : بس ذيا و قبل ما يكمل كلامه ذياب طلع من الحمام
ذياب : نعم الشيخ ماخذ فوني بدون استأذان و ترمس فيه
منصور : اختك كانت متصله
و عطا منصور الفون ل ذياب
ذياب : الو
فطوم : شحاللللللك ذياب حبييييبي اخويه فديييت صوتك
ذياب : افداج حبيبتي الحمدلله بخير وانتوا شحالكم متى بتون والله متوله عليكم و شو بتيبيلي
فطوم : خييييييبه شوي شوي اول شي كلنا بخير و ثاني شي بني بعد يومين وثالث شي اكيد
ذياب : حبيبتي والله انزين شو تبين الحين
فطوم : ي الخايس بس جي اتصلت اطمن عليك
ذياب : يلا باي برح اكل يوعان
فطوم : زين زين روح ما تفكر الا ف بطنك
ذياب : هههههه هذا اهم شي
فطوم: خلاص روح كل الحين و سلم عليهم
ذياب : منصور بعد صح
فطوم : خايس قلت كلهم
ذياب : زين باي
فطوم : باي
و سكر عنها
و نزل ذياب غرفة الطعام و راح يتغدى معاهم
ذياب: السلام عليكم
كلهم : عليكم السلام
بو منصور : تعال ذياب ايلس
ذياب راح قعد صوب عمه و قعدوا يتغدون و تموا ياكلون بهدوء لين ما خلصوا
كلهم : الحمدلله
قاموا و راحوا يقعدون في الصاله
بو منصور: ذياب شخبارك شو صحتك الحين

ذياب : الحمدلله و بعد انتوا مشكورين ما قصرتوا
ام منصور : تستاهل اكثر
منصور : تستاهل زود ي النسيب
كلهم : هههههههههههههههه
و عواش استحتتتتتت عرفت اخوها شو يقصد
و في مكان ثااني في الامارات بيت بو مايد
مايد : انتي لين متى بتمين جي يعني هي شو سوت لج
سموي : انا ما احبها ما ابلعها تقهر وايد
مايد : والله انج مادري كيف يعني بصراحه انتي الي خقاقه و ما تنبلعين
سموي سوت له طاف و راحت و مايد راحي اتصل بربيعه حمدان ربيعه الروح بالروح
مايد : هلا والله
حمدان : فديت صوتك ياخي اشتقت لك ما بغيت تتصل و نسمع صوتك استاذ مايد

مايد : حبييبي والله انزين شو رايك نتلاقى في دبي مول

حمدان : خلاص تم بس متى

مايد : الحين ؟

حمدان اوكي يلا بروح اتلبس و بييك

مايد : اوكي

و سكرا عن بض و كل واحد راح يتلبس و يروحون لانهم من زمان ما شايفين بعض لان حمدان كان مشغول بأمور عرسه لانه بيتزوج شما .... و شما تصير ربيعة عواش

اتلاقوا حمدان و ماييد و يلسوا مع بعض ليين الليل و هم اصلا ما شبعوا من بعض بس مجبورين

.... و بعد يومين الي في هاليوم بيردون اهل ذياب و كلهم رايحين المطار يسقبلونهم

في سيارة منصور

منصور و ذياب و عواش و عمر و ناصر

و في سيارة بو منصور

بو منصور و ام منصور و بو مايد و ام مايد

وففي سيارة مايد كانوا مايد و سموي الي بالغصب راحت

في سيارة منصور حشره و سوالف و وناسه و ذياب بس قاعد و يشوف عواش و هي مستحية

منصور : الشيخ عيونك عم اطيح

جان يضربة ذياب و يقوله : انت شلك الحين خطيبتك بتي لا تخليني

منصور : خلاص شوفها بس تراها ميته من المستحه

عواش : جب اسكتوا انت وياه

ذياب : انزين انا كنت ساكت هذا اخوج النشبه

منصور : راكب سيارتي و جي تقول عني

ذياب : اعرفك ما بتنزلني لانك تستحي اتنزل واحد من جي ففتي فايف ف الشارع

منصور : خلاص اسكت و شوف الشارع

ذياب : عندي القمر ليش اشوف الشارع

عمر : اييه انت وين تبا ترا بخليها ترد مع امي و ابوي

ذياب : اتخسي الا انت و الله ترا ما بيبلك هاك الشي

عمور : ياخي انت محد يروم لك

ذياب : محد يروم لي تراني قوو شو تتحرا

و وصلو المطار

عواش كانت تتريا بنت عمها فطوم بفارغ الصبر

و فجأه شافوهم

و كلهم تموا يحظنون بعض و الي يصيح وووووووو

نهاية البارت الثاني اتمنى يعيبكم

و باجر انشاءالله بنزل البارت الثالث.
__DEFINE_LIKE_SHARE__

Xaayysha · 03-22-2015, 04:38 PM

المهم يوم ردووا في سييارة منصور
ذياب : منصور شو رايك كلكم تباتون اليوم ف بيتنا
عواش نطت : لا لا لا
ذياب : ليش يعني
عواش : الشيخ اليوم المباراه و انتوا ما عندكم رسيفر bein sport
ذياب : ماشاءالله ولد ولد
عواش : كيفي
ذياب : ليكون بعدج مدريديه من يوم كنا صغار
عواش : يس افكروس و هل يلام العاشق اذا عشق
ذياب : ما ينلام غيري يوم اني حبيت حجر ما يحس فيني
عواش : زين صد هناك
ذياب : يا حظهم والله تشوفينهم و انا ما تعبريني
منصور : ذيابو اصطلب
ذياب : زين زين
ذياب : طيب ليش ما تصيرين برشلونيه
عواش : نعم الشيخ شقلت وع وع برجع ما لقيت
ذياب : برشا برشا
عواش : هاها هاي اهم شي ان انا عندي 10 دوري الابطال انت كم عندك؟
ذياب : ...........................
عواش : هاهاهاهاهاها نعم لقد اخرسته
منصور : كفو الشيخه طالعه ع اخوها فدييت المدريديه
عمور : عاشت اختي المدريديه
عواش : ههههه فديتكم والله
ذياب : افضل السكوت
كلهم : هاهاهاها هههههههههههههههههه
وعقب عواش قالت لمنصور : منصور حبيبي
منصور : ها
عواش : ابا ماي قول حق الي صوبك يشل ايده ....... ذياب كان محطي ايده فوق الثلاجه الي ف السياره و عناد عصر ع ايده

منصور : ذياب شل ايدك شيخة الحريم تبا ماي
ذياب : قول حق الي وراك ان مب شال ايدي
منصور : عواش يقول مب شال ايده
عواش : منصور قول للي صوبك اني خلاص مابا بروح بيتنا بشرب
منصور : تقولك عادي ما تبا بتروح البيت و بتشرب
ذياب : قولها عادي
منصور : اففففففف لا بقولها ولا بقولك عندك لسان مصري و هي عنها لسان مصري و كل واحد فيكم يروم يرمس
كلهم : هههههههههههههههههههههه
عمور : الشيخ منصور
منصور : ها الشيخ عمور
عمور : ابا سيدي PES 2015 مال البلاي ستيشن
منصور : الشيخ اضن من اسبوعين يبتلك
عمور : منصور عاد لا تذلني كنا نلعب انا و عواش و نصور كان مقهور لان عواش طلعته من الدوري و سار و كسره
منصور : والله انتوا بعد .. خلاص الحين بوديك اشترلك ولا تنسى تشتري كول اوف ديوتي اليديد
عمور : على هالخشم
منصور : و من هالبوك
كلهم :هههههههههههههههههههه

نهاية البارت اتمنى اشوف الردود __DEFINE_LIKE_SHARE__

Xaayysha · 03-23-2015, 08:58 PM

البارت الرابع

منصور ودا عمورالمحل و خذ له السي دي و يوم رجعوا السياره
عمور : شكرراااااا منصور
منصور : العفو
عواش : عمور اليوم بلعب معاك و بقطعك
منصور : هيه قطعي و خسريه و اذا هو فاز خبريني بكسر السي دي
عمور : منصووووووووور
منصور : هههه كيفي بفلوسي
عمور : والله انكم غشاشين بلعب مع نصور احسن
منصور : ماشي لو تلعب مع اي حد لازم تخسر نفسك
عمور فر السي دي و قال : عيل شله حقك بقول حق ابويه ياخذ لي و ما بتلعبون
منصور : و ف شو بتحط السي دي
عمور : يعني ف شو مثلاا اكيد ف البلاي ستيشن
منصور : و مال منو
عمور : منصوررر بس لا تذلنييي افففف ... جان يقول لفاطمه : ها الي بيستوي ريلج ترا زطيييي

منصور : محد زطي غيرك ي الهرم
كلهم : ههههههههههههه

و وصلوا البيت و عواش نطت راحت غرفة منصور عسب تشوف المباراة .. شغلت كل شي و كانت لابسه جلابيه و شيله لان ذياب ف بيتهم و هي قاعده تطالع منصور و ذياب دخلوا الغرفه
منصور : ماشاءالله و بدون ما تخبريني
عواش منصور اسكت كانت تبا تكمل كلامها بس اللاعب الي تحبه *isco* ياب قول جان تقول : قووووووووووووووووووووووووووووووووووول ايسكووو يمصخررهم ايسكو الفنان ايسكوووو قلبيييييه ... و عفكره كانت تقول بصوت عالي
منصور : جدامي بعد
ذياب : عيل انا شو اقول
و شوي و يابو القول الثاني الي يابه *ronaldo* بعد نفس الشي قالت : قووووووووووووووووووووووووووووووووووووووووووووووووو ل رونالدووووو جلادهم و مرعبهم اجلدهم يا الدون الللللللله عليك ي خطيييير انت
و على هالهدفين مقابل صفر من الفريق الثاني انتهت المباراه و اول ما خلصت المباراه جان تقول : منصووووووووور اي شي تبا اليوم عادي
منصور : اممممممممم روحي نظفي حمامي و رتبي غرفتي و غسلي سيارتي و نظفيها من داخل و سويلي هاك السويت و عصير و بس
عواش : خييييييييبه طمممماع انت خلاص ما بسويلك شي
ذياب : انا ابا شي
عواش : امر
ذياب : امممم ابا هاك السويت بس
عواش : حاظرين
منصور : نعم نعم و انا
عواش : انت مليون شغله تبا و انا ما اقدر و ذياب قال بس شي واحد
منصور : والله ها طيب طيب خل ذياب يوديج اسبانيا انزين
شهقت عواش : منصووووور لا تهووون
منصور : ههههههه مستحيل بعد ما قصيت التذاكر اكيد ما بهوون
عواش نطت عند اخوها و حظنته و هو يضحك عليها : حبيييييييييبي منصور لا خليت منك و من دلعك
منصور : تامرين انتي كم اخت عندي
عواش : وحده
منصور : وهالوحده تغنيني عن مليون اخت
عواش : حبيبي والله

نهاية البارت اتمنى يعجبكم

و ترا ما قدرت اطوله اكثر لان عندي امتحانات __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حماية من سرقة هويتك	محروم.كوم	منتدى أخبار المواقع والمنتديات العربية والأجنبية	0	10-28-2012 12:40 AM
مادريت إني هويتك	زيونه المزيونه	شعر و خواطر	11	05-22-2012 04:44 PM
رواية جديدة للدكتورة ناعمة الهاشمي 2012 تعالوا يا بنات رواية شما وهزاع احلى رواية	محروم.كوم	منتدى أخبار المواقع والمنتديات العربية والأجنبية	0	04-21-2012 05:50 PM
توبيكات العيد بعيد الفطر هنيتك	دلــــــــوعة الامارات	المسنجر وملحقاته , توبيكات , ماسنجر بلس , msn	12	09-16-2009 01:15 AM
![ لا تظن اني يوم هويتك هذا لعب عيال ]!	Deploma$ia..}	الشعر المنقول	6	10-03-2008 10:45 PM