..:[ مسلسل عطسة فار الدرامي الكوميدي الاثري والخيال العلمي ]:.. - الصفحة 3

عطسة فار · 07-07-2009, 02:45 AM

السلام عليكم ورحمة الله وبركاتة

----

.:[ الحلقة الحادية عشرة ]:.

اليوم طبعاً اخترب رقادي . مادري شو الي خلاني ارقد لين الساعة 2:20 الظهر .

نشيت هالوقت . ورحت اغسل واتوضى واصلي الفجر الي فاتتني + الظهر .

وطبعاً مالي نفس اكل اي شي في هالوقت . بس نشيت ادور لي حليييييب .

المهم حصلت حليب وخذتلي كووب .

ورجعت الغرفة مصدع . طبعاً انا يوم انش متأخر اكون مصدع وايد

رجعت وفتحت الجهاز ويلست على المنتدى شوي .

وأذن العصر . وصليت . ورجعت

وعلى المنتدى << راقد على المنتدى رقاااد

تميييييييييت لين صلاااة المغرب . وصليت .

وصرت اليوم محارب الدبيااان .

طفرنا الدبيان فالبيت . في غرفة الخدامة فوق الـ 6 دبيان !!

ويزقروني انا عشان احاربهن . واروح ماسك البيف باف عشان اجلتهن ههههههههههه

المهم عقب رديت وقعدت ويا ماماتي ويالسين نسولف .

ويايبة رطب . وتقولي كل كل . اقولها مابا . تقولي لا كل هذا رطب من النخل مالنا .

المهم كلت وياها وسولفت .

وعقب دشيت الغرررررررررفة .

وفجأة اشوف تقريباً 5 دبيان أو 6 أو 7 ماعرف العدد بالضبط .

لاصقاات فالليت مال غرفتي .

وانش اركضضضضضضضضضضضضضض ركيضضضضضضضضضض .

واشل الفليييييييييت . وارد الغرفة .

وارششششششششهن رششششششش .

مساكين لاعت جبودهن من كثر ما ارش عليهن هههههههه

المهم . تمت إبادة الدبيان من الغرفة .

وعقب اذن العشى . جان انش اصلي العشى .

وعقب طلعت من البيت .

ورحت قعدت شوي مع الشباب . ورجعت البيت الساعة 10:40

ويلست على المنتدى . لييييييييين تقريباً الساعة 1:40 صباحاً

وجان اتصل للكفتيريا واطلب لي إماراتي .

طبعاً هذي وجبة .

ورحت اييبها . وتعشيت .

ورديت البييييييييت .

ودشيت عشان اكتب لكم المدونة بتاااااعي .

وحالياً الساعة 2:44 صباحاً .

وبروح اوطي راسي وارقد ^.^

مــع الســــــــــــــــلامة __DEFINE_LIKE_SHARE__

عطسة فار · 07-08-2009, 04:01 AM

السلام عليكم ورحمة الله وبركاتة

---

.:[ الحلقة الثانية عشرة ]:.

اليوم نشيت الساعة 12:00 مساءاً

وماكان باقي شي عن اذان الظهر.

نشيت غسلت وتوضيت وصليت الفير . الي فايتتني وعقب اذن الظهر وصليت.

وسرت اشرب لي كوب حليب .

وعقب ماشربت حليب رجعت الغرفة . شغلت الجهاز ودشيت المنتدى

وتصفحت شوي . وعقب صارت مسجات بيني وبين احد الاشخاص .

كنا متهازبين . وبالمسجاات تراضينا ههههه

وعقب رمسنا فالفون . وتغديت وانا ارمس وياه .

وأذن العصر وانحن نرمس . وعقب سكرنا ورحت اصلي وعقب الصلاة اتصلت له.

وكملنا سوالف . وعقب هو قال بيرقد . وسكرت عنة .

ويلست شوي على المنتدى ويتني ماماتي

قالت لي بنروح العيادة عشان تستلم نتائج التحاليل .

ووصلتها . وتحاليلها ماعيبتني ^^

ورمستها شوي عشان ماتهمل عمرها ^.^

ورجعنا البيت .

صليت المغرب ويلست اصمم شوي وأذن العشا .

صليت وعقبها طلعت من البيت . رحت اتمشى شوي وعقب رحت عند اخوي كان موقف في مكان بالسيارة . وقفت وياه .

وسولفنا شوي لين 10:30

وترخصت عنة . على اساس اني برد البيت .

وانا راد فالدرب شفت حادث ^^

في سيارة داعمة ناقة .

والناقة طايحة في الشارع . عورني قلبي عليها.

والمهم عقب رجعت البيت .

وصلت تقريباً 11:00

وقضيت وقتي بالردود فالمنتدى + ارمس فالمسن .

وارمس شوي فالفون .

واشوف التي في

وفجأة حسيت بضيق غير طبيعي .

وماكان لي بارض لأي شي نهائياً

والحين وصلت الساعة 4:00

بحاول اتريا صلاة الفجر عشان اصلي وارقد .

وتصبحون على خير. مع السلااامة ^.^ __DEFINE_LIKE_SHARE__

عطسة فار · 07-09-2009, 04:10 AM

السلام عليكم ورحمة الله وبركاتة

----

.:[ الحلقة الثالثة عشرة ]:.

اليووووووووووم نشيت الساعة 12:10 مساءاً تقريباً .

على اساس كنت البارحة بحاول اتم واعي لين صلاة الفجر . لكن انسدحت ماقدرت ^^

على طول رقدت

ويوم نشيت . رحت غسلت وتوضيت ورحت اصلي صلاة الفجر الفايتة .

وأذن الظهر بعد . وصليت الظهر .

وعقب رحت اخذ لي كوب حليب

وانا رايح كانت ماماتي تتغدى . ويلست اسولف وياها شوي .

طبعاً انا توني ناش ومالي نفس اتغدى . جان اخذ لي حبة موز وايلس حذال ماماتي .

وسولفنا شوي واتخبرها عن اشياء ونناقش مواضيع انا وياها ^^

خلصنا نقاشنا . وعقب ترخصت عنها ورجعت للغرفة .

وشغلت الجهاز ودشيت المنتدى وتصفحت شوي .

ورمست فالفون شوي .

وكملت فالمنتدى شوي . لين صلاة العصر .

وعقب رحت اصلي العصر . وعقب رحت بتغدى .

والغدى ولو إنة متأخر . بس كان وايد حلوو .

وانا في اخر اللقماات فالغدى رن الفون مالي . هههههه

المهم رديت وكان احد الاشخاص وسولفت وياة وانا اكل .

ادري لا كلام على الطعام . بس شو نسوي ههههههههه

وخلصت غدى وانا ارمس فالفون . ورجعت للغرفة وانا ارمس فالفون .

وعقب سكرت . وتميت فالمنتدى لين قبل صلاة المغرب بشوي .

ودش شخص المسن . وانحن متزاعلييين ^^

وتمينا نرمس من قبل صلاة المغرب لين الساعة 10:15

طبعاً يوم أذن المغرب رحت اصلي .

والعشى صليتها ^^

وهالشخص كان مريض . فديتة مايهون علي يمرض ويتعب ~.~

ومن طلع عشان يرتاح . طلعت من البيت .

وتمشيت شوي . وعقبها رحت عند اخوي ويلست وياه وسولفت وياه شوي .

وعقب يانا واحد من الشباب . ويلسنا نسولف . وعقب يا ولد اختي .

وسولفنا شوي . وعقب راح اخوي + ولد اختي .

وتمينا انا وهالشخص .

المهم سولفنا سولفنا . لين طفرناااااااااااا من بعض هههه

اخر شي ترخصت عنة .

ورجعت البيت الساعة 1:33 صباحاً

ومن رجعت دشيت المنتدى . بس ماكنت اتابع وايد .

كنت اكثر شي اشوف التي في .

كانوا عارضين على قناة الشاشة الي تابعة لقنواات الشو تايم فلم عندليب الدئي .

صح إني شايفنة فالسينما . لكن الفلم حلو ويستاهل إنة الواحد يشوفة .

والحين عقب ماخلص الفلم يالس اكتب لكم مدونتي لهذا اليوم .

وحالياً الساعة 4:08 صباحاً .

والحين ابي اروح ارقد .

لكن بحاول اتريا صلاة الفجر عشان اصليها وارقد .

وانتظروني في الحلقة القادمة .

مع الســـــــــــلاامة __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فيلم الرعب والخيال العلمى Dark Relic 2010 بجودة HDTVRip مترجم	محروم.كوم	منتدى أخبار المواقع والمنتديات العربية والأجنبية	0	07-17-2010 07:20 PM
فيلم الخيال العلمي الكوميدي Astro Boy مترجم برابط واحد فقط!	محروم.كوم	منتدى أخبار المواقع والمنتديات العربية والأجنبية	0	05-31-2010 11:40 AM
الحذر من الحرامي ابونايف	محروم.كوم	منتدى أخبار المواقع والمنتديات العربية والأجنبية	0	06-23-2009 10:10 PM
مسلسل الأكشن والخيال والتشويق Legend Of The Seeker الموسم الاول الحلقة 1+2+3	мặzỳOσѝ~ặđ	افلام, مسلسلات, رسوم, برامج تلفزيون, youtube	2	06-19-2009 09:37 AM
حصري فيلم الاكشن والخيال العلمي Street Fighter The Legend of Chun Li 2009 بجوده DVDRI	محروم.كوم	منتدى أخبار المواقع والمنتديات العربية والأجنبية	0	06-19-2009 09:20 AM