يامستخف بقيمتي لا باس
لابد من يوم وتبين الحقايق

كم قلت لي بالحب ماعندي احساس
وانه كلامي كلمتين ودقايق

تلعب على قلبي بلا حد ولا قياس
واتقول انا في حبكم صرت عالق

حطيت اسمك صاحبي بين الاقواس
وكم قلت ما مثلك ترا بالخلايق

حسبالك انا زهرة بتنداس
وانك على كل المخاليق فايق

وانك في لحظه ممكن تكون بنراس
لا صار قلبي من عنا الوقت ضايق

شبهت عشقي لك كما رمح حساس
تشبيه غلا العذر بالحب لاذق

ولو تدري ان القلب دايم بحراس
وما يدخله غير الذي كان صادق

كم قلت لك كم قلت يا عذب الانفاس
ان الهوى يطفي لهيب الحرايق

ياليت تعشق وتعذب وتحتاس
وتحس وش يعني تكون انت عاشق

أنا ماهي لعبه بين الادناس
وثوب الوفا ماهو عليكم بلايق

خل التصرف عكس طبعك ترا الناس
طيب وشراني وهذه هي الحقايق