السلام عليكم ورحمة الله وبركاته

موضوعي اليوم عن الطير عباث

الطير صقر به صاحب السمو الملكي الأمير نايف بن عبدالعزيز آل سعود

الطير نادر وأعتقد إن اللي مثله إنقرضن من زمان

هذه صورة أعتقد أنها لطير ( شوفوا حجم الطير وجماله وكبر عيون الطير )



والطير قد كتب فيه الشاعر عبدالله بن عون قصيدتين ويقول :-

أرقام أهل الصيد ماهيب تنهاش لطيور نايف سجلت بين قوسين

عباث هد وصاد من برق الأرواش عشر وثمان وزود حواش ثنتين

ما نافسه في مركزه غير بطاش من كف نايف صاد واحد وعشرين

هده ضحى ومفرعه كنه الشاش وأمسى وهو متشاركن فيه لونين

على كفوفه رايب الدم غطاش كنه خضابـ في كفوف المزايين

والقصيدة الثانية يقول فيها :-

ياهل الطيور اللي تصيد الثلاثي تحطيمكم لأكبر عدد مثل الأطغاث

لو تجمعون ذكورهن والإناثي أكبر عدد ما حطمه غير عباث

النادر اللي بالهدد ما يثاثي لافرعه راعيه ما هوب لثاث

عباث في زرق الغلب يوم عاثي كنه عديمن له على الهوش حثاث

والقصيدة طويلة

ومن يريدها كاملة ( فيديو) يخش ذا الرابط

http://www.youtube.com/watch?v=1pOCSZQ5UwY

والطير أخذ مع الأمير نايف بن عبدالعزيز آل سعود 18 سنة ومات في مربطة




وشكرا