| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
|
#1
12-31-2014, 11:38 PM
| ||
| ||
| قرب من إذني واهمس بكلمة احبج السلام عليكم هالمره الثانيه الي انزل فيها رواية بس الاولى ما كملتها لانها ماكانت مرتبه وغيره المهم عندي هالرواية اتمنى تعيبكم حطيت اشياء اغلب البنات يحبنها بنزل البارت الاول الحين والثاني عقبه بربع ساعه او اقل ولا تنسون التعليقات كانت يالسه تفكر وقطع تفكيرها صوت بنت خالتها ظبية ظبية: سارة لا تتوترين ... اليوم ليلة عرسج اضحكي ولا تصيحين مول بس ابتسمي ولا تخلين الابتسامة تخوز عن ويهج سارة هزت راسها بمعنى اوكيه لفت يمين ويسار ادور حد وقالت: وين امايه؟؟! موزة ربيعتها: عند الباب تسلم عالحريم سارة مسكت ايد اختها فاطمة: فطوم والله اني خايفة فاطمة: من شو خايفه؟؟ خبريني ظبية: لا والله ليش تخافين ما في شي يخوف اذا قصدج انج تمشين والكل يطالعج وتشوفين الناس تبتسم وتصيح وتاكل وانتي لا ترا عادي والله سارة طالعتها بنظرة: مشكورة موزة: الحين انتي تواسينها ولا تزيدينها؟ ساروه قوليلي ليش خايفة؟ سارة: خايفة انه ما يحبني انتوا كلكم تعرفون انه من خطبني لليوم لا كلمني ولا شافني احس انه مغصوب عليه اخاف ما اقدر اكسبه واعيش عيشه مب متهنيه فيها كلهم سكتوا حسوا ان كلامها منطقي بس تكلمت فاطمة وقالت : انتي مب اول بنت تنخطب وتملج وتعرس وما رمست ريلها ترا عقب العرس كلهم حبوا بعض وانشالله انتي بعد بتحبينه وبيحبج سارة تنهدت: انشالله دخلت عايشه اخت ظبية يوم شافت سارة: ياااااحيااااااااتتتييي طالعه جميلة خاطري الوي عليج عادي؟! سارة ابتسمت: هيه عادي تقربت عايشه بتلوي عليها الا وتوقفها ظبية: اصبري شو تلوين عليها بعدين بتصيح وبتخرب المكياج تراها ما تقهر تعرفينها حساسه عايشه: اووهوووو والحل يعني ظبية : عقب ما تطلع من الصالة عايشه: اوكيه دخلت ام ساره : يله بنات طلعوا عقب شوي بتنزل بدا قلب سارة يدق بقوة تحس ان قلبها بيطلع برع كلهم طلعوا وتمت ساره وامها ساره بنبرة خوف: ام..امايه جاسم بيدخل؟ ونزلت عينها طالعتها امها ومسكت ايدها ام سارة: هي بيدخل بس لا تخافين من يشوفج بيعشقج ماشالله انتي تطرحين من السما ولا تخافين بنتي بتتعودين عليه وبتعيشين عادي اعرف انج تفكرين انه ما بيحبج ولا شي ثاني الي مكتوب بيستوي وحطت ايدها عراسها وتمت تدعي وتقرا قبل لا تنزل . . نعرفكم على الشخصيات الي قلناهن . . ام سارة : 45 سنه جميله الي يشوفها يعاطيها اصغر من سنها عيونها شهل وطيبة والكل يحبها ابو سارة (صح ما ذكرناه بس نقوله الحين احسن): 47 يوه طيب وكلمته تمسي عالكل له هيبه وصدقوني محد يحب يشوفه معصب يدخل الي يخصه ومايخصه فالموضوع اذا كان معصب بس طيب فنفس الوقت ويحب عياله له مباني سكنية عنده فلوس فاطمة: 21 سنه ما عرست لانها تبا تكمل دراستها جميله عيونها شهل وكبار بيضا من الخاطر شعرها لتحت خصرها لونه بني سارة: 18 سنه عيونها بنيه بياضها حلو شعرها لون بني من فوق غامج لين يوصل لأطرافه فاتح عطاه لون جميل عيونها لا صغار ولا كبار ولونهن بني غامج بس رموشها طوال ونظرتها جميلة فيها خاصة اذا خلت نظرتها ناعسه خصر ذبوحي وجسمها اي ريال يتمناه لا طويله ولا قصيره طيبه وبنتعرف على صفاتها بعدين ام جاسم: 41 جميلة عيونها رصاصيه وولدها ماخذ بعض من جمالها طيبة وفيها حكمة وبتتعرفون عليها اكثر فالبارتات الي عقب جاسم: 21 شوي طويل معضل شوي وعضلاته حلوه متناسقه ويا جسمه عيونه رصاصيه ناعسه (ياخي تخبلل ☺☺)) مغرور ويغتر بجماله ما يثق بالناس بسرعه يكره كلمة احبك وبنعرف عنه وعن طفولته فالبارتات اليايه ابو ظبية: ريال عود بس مايبين عليه وشديد ع الكل الا بناته وغغاوي وبناته ماخذات الحلاه منه ام ظبية: حرمه ملتزمه ووقت السوالف جنها وحده من البنات وغاويه ظبية: 19 اكبر عن ساره بكمن شهر جميلة عيونها عسلية سمرا وسمارتها حلوه شعرها لخصرها ولونه اسود مثل سواد الليل جسمها خطير عايشه: 17 مثل اختها تقريبا بس هي امتن عنها شعرها لتحت جتفها ولونه بني وبيضا وملامح ويها مثل اختها الخشم الصغير والفم المحدد بس عايشه فيها حبة خال على فمها صوب اليسار وظبية اليمين موزة : 18 سنه ربيعة ساره الروح بالروح طويلة جسمها مرتب شعرها لتحت جتفها لونه اسود لون عيونها بني فاتح حياتها مرتبات لونها حلو (ادري البعض سحب عالتعريف مثلي احيانا بس اقرا العمر واسحب عالباقي احسه ملل واصلا بتعرف على اشكالهم ومواصفاتهم فالرواية) ظلم المكان وسمعوا جملة (اللف الصصلااااة والسلاااااام علييييك يا حبييييب اللللللله محممد) واشتغلت اغنية دخلت عليها ساره من الباب تمشي بشوي شوي والكل العيون عليها والمكان جدامها فاضي ماغير تشوف الهيال يبتسمون ويضحكون ويفرون ورد عالطريق وفجأة يت حرمة وخوزتهم عن الدرب ووقفتهم شافت الي حولها وكانت تفكر فشي واحد تبا توصل للكوشة لانها تحس انها ما تقدر تكمل من كثر ماهي متوتره ركبت الدري بمساعدة امها وخالة ريلها وتشوف حريم يقربولها يعدلون فستانها من ورا وصلت لآخر درية ومشت الحين كانت اعلى الناس وتقريبا تشوف الكل من مكانها عيونها تتحرك من حرمه لبنت لحرمه ادور حد شافت يدتها تبتسم الها وكبرت ابتسامتها يوم شافتها تمشي وهي مره تشوف يمين وتبتسم لحرمه حرمه ومره يسار وتبتسم لحرمه حرمه طاحت عينها على ثنتين الي هي اختها فاطمة وموزة ربيعتها كانن لاويات عبعض ويصيحن خفت ابتسامتها وتحس عمرها شوي وبتصيح بس شافت ظبية الي اشرتلها ان تبتسم ولا تصيح واشرتلها بمعنى ياويلج لو صحتي هني كبرت ابتسامتها على حركتها وعلى هالحال تشوف حد يصيح وحد يضحك وحد ينصحها من بعيد لين وصلت الكوشه تكلمت وغبنتها واصله لعيونها: بتوله عليها الحيوانه عرست...وانا فرحانه عشانها بس.. ب ب بس (بدت تصيح) بس صدق بفتقدها يت فاطمة ولوت على ظبية وهدتها عشان ما تصيح زياده ظبية عشان توقف صياح تكلمت: انتي صحتي بعد وخربتي على اختج كانت بتصيح بس الحمدلله انا كنت مستحمله وهتددها ان صحتي بعمرج ضحكت فاطمة: قومي نسير الحمام نشوف المكياج اذا اخترب ول لا؟ عشان نسير نسلم عليها هزت ظبيه راسها بمعنى هيه ويوم لفن وراهن عشان يسيرن شافن صف حريم يصيحن الي هن خالاتها والي يقربلها وربعها الي ين يت يدت ساره وهدتهن وقالتهن ما يصيحن عشان ساره ما تصيح وترتبن عشان تسيرن تسلمن عليها سمعن كلامها وكل وحده بدت تهدي عمرها ام ساره: سارة ابتسمي لا تصيحين امايه لا تخافين لازم تفرحين انا فرحانه بعرسج الحين انتي بعد لازم تفرحين ساره عشان امها طبعا: امايه انا فرحانه بس شوي متوتره حرمة خال ساره (فاطمة): بس متوتره الله يهديج وانتي من دخلتي من الباب الا تنتفضين جنج شايفه يني ضحكت ساره ضحكه خفيف مثل (هه) عقب دقايق ين البنات سلمن عليهت وحده وحده ومنهن من تصور وياها ومنهن من تم يسولف وياها لين لين هدت وحست ان الامر عادي شوي بس ردت تتوتر وبقوه بعد يوم سمعت حرمة تتكلم من الميكروفون وتقول : الريال عقب شوي بيدخل الكل يتحجب لو سمحتوا الكل ينزل من عالكوشه ما عدا ام المعرس والعروس الريال عقب شوي بيدخل وبند المايك الكل نزل من عالكوشه وبدن كل البنات يتحجبون الا الي يقربون له طبعا خالاته وامه وعماته وما يحتاي نقول عن العيايز من يوم يومهم متسرات (الله يحفظهن) دخل المعرس وكانت تمشي عداله خالته رفع راسه وشاف ساره من بعيد وابتسم مره يشوف امه وامها ومره هي لين قرب ومنها وشاف ملامحها وشكلها زين جاسم (الحمدلله اثاريها طلعت جميلة) وابتسم وتمت عينه عليها لين وصل عندها حب راسها وتكلم بصوت محد يقدر يسمعه غيرها: مبرووك عليج انا ساره تحس ان قلبها بيطلع من مكانه من كثر ما هو يدق بقوه وتوترت من قربها منه كانت ايده تلامس جتفها وعقب موت طلع منها كلام: ا..الله يبارك فيك ين الحريم الي يقربون للمعرس ويسلمون عليهم ويباركون لهم ويتصورون وياهم . . دقايق وقالوا لهم يقطعون الكيكة ساره هني تحس قلبها خلاص بيطير ساره (كيكة ..كيييكة يعني بيمسك ايدي وبنقصها بيأكلني وبأكله وبشرب والكل يطالع وفوق هذا نتصور بعد) مسكها وبغت تموت مشاها لين وصلوا عند الكيك وعطوهم سجين شل السجين ومدها لساره عشان تمسكها ساره تمت اطالع ايده وما كانت موول اطالع عينه ما كانت تبا تحتك به عقب ثواني مسكت السجين وابتسم جاسم يوم شافها ترتجف مسك ايدها وهني حست بقشعريره اول مره ريال غريب يمسك ايدها حس بقشعريرتها عرف انها متوتره وخايفه وضغط على ايدها بمعنى لا تخافين ( قلنا فيه غرور بس في جانب طيب منه) فتحت عينها على وسعهن وفخاطرها( ضغط على ايدي ليش لا يكون انتبه يوم اقشعريت اكيد حس لانه كان ماسكني والحين جنه يواسيني ياللهي بصيح فشله) قصوا الكيكة بعدين شلوا السجين وقصولهم قطعتين وحطوهم فصحنين وعطوا كل واحد صحن وشوجه ساره طالعت امها وامها فهمتها وابتسمتلها واشرت لها بمعنى عادي لا تتوترين ساره( ما عرف ااكل حد ولا احب حد يأكلني كيف اسويها ياربي ساعدني) كانت تشوف الكيكه وتفكر وقطع عليها تفكيرها ايد جاسم الي قربت من ويها وفايده شوجه فيها كيكه هني بلعت ريجها شافت امها امها اشرتلها كلي فتحت فمها شوي ومد جاسم ايده وخلاها تاكل قطعة الكيك بعدين شل الشوجة ووطاها فالصحن وقالها بالعافية صدت ساره تحت وتمت اطالع الكيكه كل هذا عشان ما يشوف ويها وهي تاكل ومستحيه ابتسم (لهالدرجة تستحي حتى من دخلت من الباب ما رفعت عينها وشافتني شكلي بستغل هالنقطة فيها وبلعب وياها شوي ) كبرت ابتسامته وانتبهت له خالته (الي دخلت وياه للمعلومه اسمها عفرا اقرب خالاته له وتعرف كل صغيره وكبيره عنه عوضته وحسسته انها اخته مب خالته لانه ماعنده خوات) وعرفت انه فكر فشي خبيث وابتسمت وقالت فخاطرها الله يعينها قصت قطعة من الكيكة ورفعت عينها بس ما كانت تشوفه كانت تشوف فمه وبدت تقرب الشوجه له وهي ترتجف عشان ياكل تقرب وفتح فمه شوي وكلها بعدين حطت الشوجة فالصحن ومدته لوحده من العاملات وخذته حست براحه يوم خلصت سالفة الكيك رفعت عينها وشافت كوبين فيهن عصير عصينية وحده من العاملات قربت ام المعرس وشلتهن مدت وكوب لجاسم وخذه وشرب منه وشافت ساره كانت ساره اطالعها وهزت راسها يمين يسار بمعنى ما تبا فهمت ام جاسم انها مستحيه فما اصرت عليها تشرب ووطته فصينية انتبه جاسم عالكوب وعقد حياته مد العصير لأمه وكان شارب منه شوي شلته امه ووطته عالصينيه طالع ساره ( تعرف ان حركتها مب حلوه ترد امايه وهي ماده ايدها ) رفع عينه يوم سمع حد يزقره بالخفيف صد صوب الصوت وشاف خالته عفرا يوم انتبه لها عقدت حياتها حطت صبعها السبابه بين حوايبها وردت حياتها عاديه فهم انها تقصد لا تعقد حياتك ورد حياته عادي يت ام جاسم وام ساره وقالولهم انهم يسيرون الحجرة الحين عشان يصورون يعني يروحون يت عفرا من وراهم ومسكت ايد ساره اليمين وايد جاسم اليسار وشبكتهم انتبهولها ساره بدت تستحي وحاولت تبعد ايدها عن ايده بشوي شوي بس هو ابعد ايده عن ايدها ورد يمسك ايدها بس هالمره شبك صبوعه بصبوعها هني زاد مستحى ساره وماقدرت تخوز ايدها وداها جاسم للباب ودخلوا داخل وساروا الحجرة ووفالحجرة كانت تترايهم المصوره عشان تصورهم . . ظبية: ههههههههه البنات: بسم الله شوبلاج ظبية:لا ماشي بس تخيلت ساره وهي تتصور وياه وتذكرت شكلها يوم كانت تاكل وتأكله ضحكن البنات مريم ( 19 سنه ربيعة ساره بنتعرف عليها بعدين) : لا لا انتن شوفن بس (شلت شوجة من عالطاولة وبدت تمثل انها سارة وكانت ترتجف وتقرب الشوجة من فم موزه موزه كملت وياها وبدت تمثل انها ساره وهي تاكل ) هني البنات ماتوا من الضحك عايشه: شكلي بيود عليها هالحركة بس تصبر اروى (17 سنه بنت خال سارة بنت فاطمة ربيعة عايشه الروح بالروح) تنهدت: اووه فيوم بكون مكانها وبدخل داخل وبتغصبني المصوره اسوي حركات مثلا الصق فيه احبه ولا تخليه يحبني اااه متى بيي هاليوم متى بعرس الكل طالعها وضحكوا عليها عايشه وهي تضحك: انتي قليلة ادب اروى: هيه حلاتها قلة الادب هاذي مريم تمت تصفق فايدها جنها تمسح التراب منها: لا لا البنت ضايعه ضايعه!! فاطمة: الا منتهيه!! الكل ضحك عتعليقهن دقايق وبدن البنات يروحن وحده وحده لين بقت فاطمة الي كانت تتريا اختها تخلص تصوير عشان تسير الها . . خلصت البارت الاول يارب يعيبكم وانشالله بنزل البارت الثاني باجر وما بنزل الثالث الا اذا لقيت تفاعل عطوني رايكم فالرواية واتقبل اي انتقاد وبس مشكورين __DEFINE_LIKE_SHARE__  |
|
01-01-2015, 02:05 AM
| رقم المشاركة : [ 2 ] |
| عضو جديد  |  ـابدععتي 
__DEFINE_LIKE_SHARE__
|
|
| |
| |
|
01-01-2015, 06:39 PM
| رقم المشاركة : [ 3 ] |
| عضو جديد | قرب من اذني واهمس بكلمة احبج البارت الثاني . . فالحجرة عند جاسم وسارة . . المصورة: أبلوا بعض ساره فتحت عينها عوسعهن شو تقول هاذي شافتها المصوره المصوره: لا ياحبيبتي انا مش أصدي تأبلوا بعض انا أصدي تخلي قسمك مأابل قسمه ساره فخاطرها وانتي لازم ترمسين يعني وشو بعد اجابله سيده مينونه هاذي ان... ما كملت كلامها الا جاسم سحبها من خصرها وخلاها تجابله ولصق جسمه بجسمها ابتسم جاسم ابتسامه خبيثه يوم شاف كيف احمر ويه ساره وهي منزله راسها شوي واطالعه مب ويهه جسمه ما تقدر ترفع عينها اصلا صد صوب المصوره وقالها: زين هاجي ؟؟ هزت راسها وقالت لساره تحط ايدها عصدر جاسم وجاسم يمسك ايدها الثانيه ويرفعها وايده الثانيه يمسك بها خصرها جاسم سوا الي عليه بس ساره ما قدرت حتى تتحرك تفكر كيف هي لاصقه فيه تحس ان جسمها وجسمه واحد اتضايقت المصوره وسارت عند سارة وشلت ايدها وحطتها عصدر جاسم ورفعت راسها عشان اتجابله بس ما قدرت تخليها ترفع عينها صورتهم وكل شوي وتقول حركة وسارة يحمر ويها اكثر واكثر قالت المصوره لجاسم يحب ايد ساره بس عقد حياته وطالعها بنظره (ما يرضى ع عمره يحب ايد اي حد غير ايد امه يعتبرها اهانه ) خافت المصوره من نظرته وقالتلهم يسوون حركة ثانيه طبعا سارة ما انتبهت لنظرته لانها ما ترفع راسها وتشوفه مسكت ايد ساره وخلتها توقف جدام جاسم وقالت له يتقرب منها ويلوي على خصرها ويبوس خدها سمعتها ساره ومن داخلها تثور تبا هالمصوره تخلص بس كل شوي تيب حركة وتكون اخس عن الثانيه جاسم مسك خصرها بايده اليسار وبايده اليمين رفع راس ساره وخلاها تجابل الكاميرا سيده وباسها عخدها فتحت ساره عينها بصدمه واحمر ويها وبسرعه المصوره صورت اللقطه صد صوب المصوره جاسم: خلصنا تصوير ول لا؟؟ المصوره: لا بس بائي الحركات عليكو جاسم وقف عدال ساره ويلس يفكر وحط ايده علحيته استغلت سارة الفرصه عشان تشوف ويهه لأول مره ويه بويه (ثلاث مرات شافته قبل فصور بس الكل يعرف ان الشخص فالحقيقة غير) رفعت راسها ولفت صوب اليمين وشافت ويهه استغلت المصوره الموقف بدت تصور الصور ورا بعض انصدمت يوم شافته جميل بكل معنى الكلمة ما قدرت تشل عينها عنه انتبه جاسم وطالعها بطرف عينه وابتسم (ذيج الابتسامه الي تقول مسكتج) بعدها ايده عند لحيته بس لف راسه صوب اليسار وجابلها ويه بويه هو يشوف عيونها وهي تشوف عيونه اختفت ابتسامة جاسم وهو بدا يسرح فعيونها مثل ما سرحت هي فعيونه وخوز ايده عن ويهه وشافها والمصوره للحين تصور صورة ورا صورة ولقطت احلى صور جاسم( صح شفتها بس ما انتبهت لجمالها ~~~ما قدر حتى يفكر بس سرحان فعيونها) المصوره: وخلاص خلصنا تصوير فز قلب جاسم وقلب ساره يوم انتبهوا لبعض وكل واحد شاف الثاني بصدمه سارة ارتبكت وايد ونزلت راسها جاسم توتر شوي ولف راسه الصوب الثاني طلعت المصوره وخلتهم رواحهم الحجرة كانت هدوء محد منهم تكلم وتموا على هالحال خمس دقايق لين سمعوا حد يدق الباب شوي ودخلت ام ساره ام ساره: ابوية جاسم انت سر بدل ثيابك وسر سلم على اهلك لين تبدل ساره ثيابها ما عليه ابويه؟ جاسم: انشالله عمتي طلع جاسم وثواني ودخلت فاطمه يوم فاطمة شافت سارة سارت ولوت عليها سارة: والله كنت محتايه حد يلوي عليه خازت عن فاطمه وتمت تشوفها سارة: بروح هاه؟! فاطمة: هيه بتروحين وبتعيشين ويا ريل الحين وكل اسبوع بتينا صح ول لا؟ ام سارة: فاطمة شو كل اسبوع انا اباها كل يوم تينا بعد مب الا مره فالاسبوع بس هي الحين عرست ولازم اتم عند ريلها والشور مب عندها عند ريلها فاطمة: عادي بتقنعه صح سارة؟ سارة ابتسمت ابتسامة خفيفة: بحاول فجأة يسمعون الباب يدق ودخل ريال داخل شهقت فاطمة: محمد ماشالله عليك طالع غرشوب محمد بابتسامة: هيه لازم اليوم عرس اختيه وربيعي محمد: البجر 21 سنه عيونه شهل ناعسات شوي جميل ويطرح الطير من السما ربيع جاسم الروح بالروح يعشق خواته طويل معضل شوي مثل جاسم لانه دوم يسير ويا النادي اسمر وخشمه سيوفي اي بنت تتمناه هو وجاسم شوي ودخل ابو سارة(دام قلنا اخوها خلاص الحين ببدا اقول بومحمد): مبروك عليج العرس سارة اجدمت ساره ولوت على ابوها وهو يلوي عليها بدت عين ساره ادمع بو محمد: ها ها ها امايه عن اتصيحين بعدين ايي ريلج يقول ليش عيونها حمر واصلا شو الي يصيحج؟ ام محمد: ساره امايه قومي تعالي بدلي ثيابج واهدي فاطمة: هيه بعدين بيخترب المكياج بعدين بتخسفين محمد: لا الله يخليج ما ابا ربيعي يشرد وبعدين يودرني من يشوف ويهج لا تصيحين ضحكن ساره وفاطمة بو محمد: مممححممد جى تقول عن اختك هاجي ام محمد: ساره ماشالله عليها جميلة بمكياج وبدون مكياج محمد: بسم الله والله اضحكها عشان تتونس شوي شوفوها ضحكت هاه الله يهديكم انا اعرف كيف اضحكها واختيه واعرفها فاطمة: ماشالله هيه عرفنا انها اختك بس من بعد اذنكم ريلها يتريا بخفف المكياج وبتغير ثيابها ضربها محمد عراسها من ورا ضحكت عليهم ساره محمد: ايه ارمسي زين عيب عليج فاطمة: ما قلت شي. غلط انا ... صح امايه؟ ام محمد: راشد(بومحمد) يله شل محمد وطلعوا برع البنت بتغير ثيابها محمد: بفففف(ما يبا يضحك بس ضحك) اهم شي انها سحبت عليج فاطمة: لا ما سحبت عليه ابو محمد حب راس بنته ولوى عليها: يله امايه ساره فمان الله لا تنسين تتصلين وبعدين تعالي عندنا وما اوصيج فريلج اسمعي كلامه ولا تخالفينه ساره عورها قلبها يوم سمعت فمان الله: ان..انشالله ابويه محمد لوى على اخته وحبها: ساره اسمعيني لا يغرج غرور جاسم ترا والله انه طيب صح ما يثق بحد ولا يتقبل حد بسرعه بس انتي حرمته وبتكونين غير ربيعي وانا اعرفه انتي بس اكسبيه وشوفي حياتج كيف بتكون هزت ساره راسها: انشالله محمد محمد: يله عيل الحين بنروح مع السلامه سوير بو محمد: عقب ما تخلصن من عندها تعالن برع نحن بنترياكم .. يله مع السلامه ساره وصوتها فيه بحه: مع السلامة طلعوا وسكروا الباب . . تمت سارة اطالع الباب شافتها فاطمة فاطمة: لا لا لاااااا لا تصيحين لا فزت ساره وابتسمت: بحاول ام محمد: يله قومي بدلي ثيابج ساره بدلت ثيابها وخففت فاطمة المكياج لها عشان يناسب الفستان الخفيف الراقي يا جاسم شل شنطها وحطهن فالسيارة جاسم: عمتي اشل الباقه ولا انتوا بتشلونها ؟ ام محمد: لا غناتي انتوا شلوها احسن وحطوها فجره اي شي وحطولهن ماي عن ايموتن ابتسم جاسم: انشالله . خلص البارت الثاني اتمنى عجبكم لا تنسون تكتبون تعليقاتكم وانتقاداتكم ومشكورين __DEFINE_LIKE_SHARE__ |
|
| |
| |
|
01-01-2015, 06:44 PM
| رقم المشاركة : [ 4 ] | |||||||||||||||||||||
| عضو جديد |
مشكورة 😍😍 
__DEFINE_LIKE_SHARE__
| |||||||||||||||||||||
|
| ||||||||||||||||||||||
| | ||||||||||||||||||||||
|
01-09-2015, 03:42 PM
| رقم المشاركة : [ 5 ] |
| عضو جديد | قرب من اذني واهمس بكلمة احبج البارت الثالث . . فسيارة بومحمد بو محمد: حشى يهال انتوا تصيحون لازم تفرحون لها هاذي اختكم ...فاطمة سكتي عليا وعلي (خوانهم التوأم 13 سنه) محمد انت بعد سكتهم مب تصيح ريال انت محمد وعينه كلها دموع اطيح لا اراديا: يابويه والله مب بيدي بتوله عليها ما اتوقعت اني اصيح بس تعرف جنه حد شل قطعه منك فاطمة وهي تصيح: هيه ابويه صح كلامه ابو محمد الي فيه كافيه ميود عينه عن تدمع : تعرفون انتوا بس اتريوا امكم تي هي ومنصور وبتعرفون الهزبه صح (منصور اخر العنقود 7 سنين) . . عند سارة جاسم يتريا ساره برع عند الباب وداخل ام محمد تحاول تمشي بنتها لين الباب ساره: امايه الله يخليج بس اليوم اتم عندكم وباجر اسير عنده الله يخليج امي ام محمد: شوفيج امايه ضربتي راسج شو ؟!! ريلج يتريا برع وانتي تقولين بتم عندكم يله امشي تحركي منصور: ساره ساره ما تسمعه منصور: ساره ...ماترد... ساااااارررررههههه انتبهت : ها حبيبي شو تبا؟! منصور: انا اكلمج انتي ما تردين ساره: اسفه حبيبي ما سمعتك ها شو تبا؟! منصور بضيق شوي: بتروحين؟ ساره سكتت شوي بعدين نزلت لمستواه ولوت عليه : هي حبيبي بروح منصور: ويا منو؟ ابتعدت ساره عنه: ويا ريلي منصور: خلاص بقول لريلج يخليج عندنا ضحكت ساره: لا مابا انا ابا اتم عند ريلي ما اباكم منصور: ليش ما تبينا نحن ما ضربناج ساره كانت تتكلم باسلوب سوالف: بس انتوا ما ادلعوني ما تحوطوني ما تيلسون ويايه وايد (اصلا كانوا يدلعونها ويحوطونها ويلسون وياها واكثر بعد) منصور بدا يعصب وبدت ادمع عينه: بس انا ايلس وياج نشوف تومن جيري( توم اند جيري) ضحكت ساره: بس انت ما تسمع كلامي وايد وترد عليه منصور بدا يصيح: انزين ان..انزين خلاص بسمع كلامج ..... وبسوي الي تبينه بس لا تسيرين ساره عورها قلبها شوي وحست بتأنيب الضمير ولوت عليه: حبيبي اسولف وياك والله اسولف لا تصيح انا ابا اتم وياك خلاص ما ابا ريلي بس عشان ما يزعل بتم عنده شوي وبييكم انزين حبيبي منصور هز راسه بمعنى هيه وابتسم مسحت دموعه : خلاص لا تصيح بييبلك هدايا وااايد وبعد تعرف تعال بصاصرك تقرب منها وتكلمت عدال اذنه بصوت عادي يعني اي حد قريب منها يسمعها: انا احبك انت اكثر واحد انزين منصور: حتى اكثر عن امي؟ ساره: هيه منصور: حتى ابوية؟ ساره: هيه منصور: حتى اكثر عن عليا وعلي ومحمد وفاطمة ساره اتنهدت وابتسمت: هيه حبيبي احبك انت اكثر واحد منصور: انزين حتى اكثر عن جاسم؟ ساره سكتت شوي: وانت كيف تعرف اسمه منصور: ابوية خلاني اسلم عليه برع وقلتله انا اسمي منصور اخوج ساره ابتسمت: اها .. هي احبك اكثر عنه ابتسم منصور ابتسامة نصر وطلع لسانه استغربت ساره وانتبهت انه يشوف وراها يوم لفت ورا شافت جاسم واقف وراها محطي ايد فوق ايد (يعني تعرفون الواحد يوم يبا يدفا ولا يقرا قرآن ولا معصب كيف يسوي مثله وكل ما اقصد هالحركة بقول لاف ايديه) وهو يطالعهم ويبتسم طلع لسانه بطريقة عفوية وهو يطالع منصور ساره وقفت وسارت بعيد عنه شوي ووقفت عدال منصور تقرب جاسم من منصور ونزل لمستواه ومسك ايديه جاسم: تعرف منصور اصلا هي تجذب عليك هي تحبني اكثر عنك (يغايظه) منصور عصب: لا تحبني انا وبدوا يضاربون جاسم يغايظ ومنصور يعصب لين قال جاسم ان ساره تحب منصور اكثر جاسم: خلاص غناتي لا تعصب هي تحبك انت اكثر بسألك انت تحب الهدايا صح؟ منصور هز راسه بمعنى هيه جاسم: عيل ماعليه اسمعني شو رايك اشل ساره واوديها نسافر برع عشان تشتريلك وايد هدايا العاب وحلويات والكترونيات وغيرهن..... تبا؟؟ منصور ابتسم وقفز: هيه هيه ابا بلستيشن وشرايط وسياره ..(ضحك بفرح) ... وبعد ابا حلويات واااااااااااابد (رفع ايده وفتحهن (تعرفون اليهال يوم يمثلون ان الشمس طلعت ولا يمثلون ان شي عود كل ما اقول فتح ايديه يعني اقصد هالحركة)) جاسم ابتسم: عيل خلاص تم الحين انا وساره بنسير ويوم بنرد بنيبلك الي تباه اوكيه؟ منصور قفز ولوى على رقبة جاسم .. جاسم كان بيطيح عورا بس حط ايده وراه عالارض واعتدل ورد يلوي عليه بقوة سارة كانت تشوفهم وابتسمت ابتعد منصور عن جاسم وبعدين جاسم وقف جاسم: يله عمتيه الحين بنروح ام محمد: يله عيل سلمت عجاسم وساره ومنصور بعد سلم عليهم وبعدين طلعوا برع وركبوا السيارة وبدا جاسم يسوق للفندق بدون ما يتكلم واحد منهم كان هدوء فضيع فالسيارة . . سيارة بومحمد محمد كان يهدي خوانه لين سكتوا بس الي ما وقف صياح كانت فاطمة فجأة تبطل الباب وركبت ام محمد السيارة بومحمد: الله يابج شوفي بنتج ما توقف صياح من ركبنا السياره وهي الا تصيح ام محمد:....... بومحمد: سلامة؟؟ ام محمد (سلامة) فجأة انتبه انها تصيح بومحمد: ماشالله كملتيها حرمه وتصيحين بنتج بترد لج ليش تصيحين بتي تشوفج بتبات وبتروح هي ما ماتت الحين ام محمد: ادري ما ماتت بس بتوله لحسها فالبيت سكت بو محمد وتنهد وبدا يسوق راد للبيت . . ام جاسم: ياويلي بتوله عجاسم بيفارقني شهر عفرا: عادي يا نيلا ترا اكيد بيتصل لج وبيرمسج جاسم وانا اعرفه اعاطيج الا تبينه ان ما اتصلج كل يومين او كل يوم ام جاسم: ماعليه مشكوره عفرا وصلنا البيت الحين بس ما اوصيج تعالي باجر ول البيت بيخلى من الحسوس عفرا: فالج طيب اكيد بييج وبتريق وياج وبتغدا وبتم عندج للعصر بعد ام جاسم: مشكورة وما قصرتي يله الحين عن اذنج بنزل فمان الله عفرا: فمان الكريم شافتها لين دخلت داخل البيت بعدين تحركت تنهدت بضيج (انا بعد بتوله عليه) . . فالفندق دخلت ساره الحجرة يوم دخلت استغربت وانصدمت شافت انها سويت سويت بصاله وبمطبخ تحضيري وحجرتين نوم كل واحد بحمامها وبلكونة (شرفة) وحده وبس استغربت ليش سويت اذا هم بيتمون فيها ليلة وحده بس سارت سارة حجرة النوم الي فيها البلكونة وبطلت عباتها ووقايتها وجاسم سار ياخذ شنطتها من الخدم الي عند الباب شل الشنطة كان يبا يشوف ثجيلة ول لا؟وكان فيها ثجل جاسم: حشى مب شنطة هاذي شو محمله فيها؟!! سحبها لين وصل الحجرة ووطاها عدال الكبت شاف ساره وشاف فستانها جاسم ابتسم حب يحرجها شوي: حلو فستانج وانتي محلتنه اكثر ساره تبا ترد تبا تقول شي بس ما قدرت تتكلم احمر ويها ونزلته تحت جاسم ضحك ضحكة خفيفه بدون ما يقدر حد يلاحظها جاسم: انا بسير هذاك الحمام الي فالحجرة الثانية وانتي خذي هالحمام الحين سارة هزت راسها بمعنى اوكيه جاسم: انا بسير اسبح وطلع من الحجرة سارت سارة وفتحت الشنطة اول ما فتحتها طاحت عينها عورقة فوق قميص نوم فتحتها وقرت " السلام عليكم اسمعيني سارة تشوفين القميص الي كان تحت الورقة بعمرج ان ما لبستيه اليوم يعني اول يوم والله العظيم لتلبسينه والله العظيم للبسه هاهاها خليتج تحلفين ول لا؟!! ترا ان دريت انج ما لبستيه بزعل منج وترا انا حلفت باي حبي" وكان مكتوب حرف الفاء بطريقة حلوه اخر الورقة عرفت انها فاطمة وضحكت عليها شلت القميص عشان تشوفه سارة بصدمة: شو هذا وايد قصير ويبين من صدري وايد تباني البس هذا مينونه هي (القميص كان لفوق قصير وكان بعيد شوي عن ركبتها وفتحت الصدر عشكل v ويبين وايد من صدرها كان لونه ازرق على اخضر ومن تحت اسود وحركة الv بعد كان اسود عليه وايده لاخر الجتف وبس) وقفت وجربته شافته قصير سارة عينها ادمع: والله لو مب حلفج يا فاطمة جان ما قلت بلبسه وانتي بعد الحيوانه خليتيني احلف شافت الشنطة وردت تنزل وادور قميص ثاني بس كلهن تقريبا نفس الشي الا واحد كان داخل كيس شفاف طلعته كان للركبه حرير لونه حليبي مخصر وعند حركة الصدر كان دائري بأبيض رفعته وطاحت منه ورقة "اتوقعت انج بتختارين هذا قلت حق امي ما تحطه يوم كنتي طالعه تتشرين بس اصرت تحطه فما قلت شي بس اعطيج الي تبينه ان لبستيه" سارة: شو قصدها؟؟! لفته ورا مافيه شي من داخل ما في شي لا حرق ولا خايس شي يوم قربته من ويها عشان تشوفه روحت ريحة خايسه فيه سارة: افف شو هالريحة فطوم فاركتنه بثوم شو؟؟!!! والله ما سوت خير كان لازم اعرف ان فيه شي يوم شفت ان هو الوحيد الي كان فكيس ردته داخل الكيس وحطته داخل الشنطة وسكرتها سارة: باجر ان نشيت من وقت انشالله بغسله دخلت الحمام (اكرمكم الله) عقب ربع ساعه تقريبا طلعت كانت لابسه قميص النوم الي اختارته فاطمة سارت جدام المنظره وشافت عمرها ساتحت كيف انه مكشوف بس فنفس عيبها جسمها حبته بس ما حبت فكرة ان جاسم بيشوفها جي فتحت باب البلكونة وكان في هوا بارد الحمدلله انهم عرسوا فشتى تمت تشوف السما والقمر عيبها المنظر خاصة ان البلكونة ما كانت مجابله اي مبنى ثاني لان المباني بعيد عنه لان مساحة الفندق كبيرة تحت كان فيها شير وعشب وحوض سباحة وغيره دقيقتين وردت سكرت (صكرت الله اعلم) الباب تخاف جاسم يدش فجأه بندت الليتات وخلت بس ليت الابجورة الي من صوب البلكونة وشغلت المكيف ويلست عالشبريه تفكر شوي حطت ريل عريل وساندت كوعها بريلها وساندت ويها بايدها وسرحت لبعيد تفكر شو بيستوي وتتخيل مواقف ويا جاسم وتفكر فاهلها وغيره دخل جاسم بس سارة ما انتبهت له لانها كانت معاطيه الباب ظهرها تقرب منها ووقف اخر الشبرية بدون صوت تم يطالعها بعدين تقرب منها خافت سارة يوم شافت ظل عدالها وشهقت شهقت خوف ووقفت انتبهت انه جاسم ارتاحت شوي بس ردت تتوتر يوم شافته بس لابس روب جاسم ضحك: ههه زغتي هاه؟! سارة بلوم: م م ما انتبهت ل لك رفع جاسم راسها بايده جاسم: يوم تكلميني شوفيني طالعي عيوني ساره شافت عيونه خقت عليهن شوي بس احمر ويها بقوة يوم شافته يشوفها من فوق لتحت ورد يطالعها وهو يبتسم هني تذكرت القميص لفت الصوب الثاني عشان تتفادى نظراته تجدم جاسم منها وهي ترد تبتعد هو يجدم خطوة وهي تأخر خطوة لين وصلت لليدار ووقفت ابتسم جاسم وتقرب منها لدرجة خلا جسمه لاصق بجسمها ساره تحس انه بيغمى عليها من كثر اللوم جاسم مد ايديه ولفهن حول خصرها وقرب جسمها منه سارة رفعت ايديها ومسكت ايديه بحركة لا اراديه عشان ما يقربها اكثر ابتسم جاسم ورفع ايد وحده من خصرها ورفع بيها راسها وخلا عيونهم تتلاقى تقرب منها لين اختلطت انفاسهم ببعض ابتسم وباسها عشفايفها تم يبسوها دقيقه بعدين بعد عنها عشان يتنفس و ع هالحال يتقرب منها عشان يشفشفها (اسفه عالكلمة)(وترا اذا حد ما يحب هالاشياء احترمه وانصحه ما يكمل الرواية) يتقرب ويتعبد عشان يتنفس تموا دقايق لين ابتعد عنها وبعد جسمها شوي عنه ساره تحس عمرها ادوخ خلاص ما تقدر تمشي وما كانت قادره تثبت ريولها فمسكت ايدي جاسم من فوق كوعه بقوة عشان تثبت ابتسم جاسم بس هو الثاني بعد كان دايخ شوي بس مسكها من خصرها بايد وحده والثانيه بايدها وقربها للشبرية طرحها شوي شوي وطبعا هو يا فوقها واتساند بركبه وايديه قبل لا يقرب منها زياده ابتسم لها ابتسامه ومد ايده بند ليت الابجورة الي عدالهم وماكان منور الحجرة غير ضو القمر ثم Cuuut . . انتهى البارت الثالث ومثل كل مره ارائكم انتقاداتكم وكل شي وشكرا __DEFINE_LIKE_SHARE__ |
|
| |
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| تهنئة اختي( لعيون اختي جوري احمر ) | فديتني والله محد قدي | تراحيب وتهاني | 1 | 09-21-2013 03:06 PM |
| صوت الهواء فجر اذني | محروم.كوم | منتدى أخبار المواقع والمنتديات العربية والأجنبية | 0 | 12-07-2012 12:20 AM |
| عيد ميلادي اليوم..انصحني بكلمة..انتقدني بكلمة | محروم.كوم | منتدى أخبار المواقع والمنتديات العربية والأجنبية | 0 | 08-16-2011 01:50 PM |
| احبج .. احبج .. احبج .. دخييلج خذي رقمي ..!!.. | سمرة وكلي دلع | الحوار والنقاش - الرأي والرأي الآخر | 42 | 08-20-2010 11:36 PM |
| الحياة تبدأ بكلمة وتنتهي بكلمة | أمير الحزن | الإسلام والشريعة | 3 | 07-23-2010 02:56 PM |
الساعة الآن 11:36 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227