][أحبك لو بعيد الدار عنك][

دانة الكويت · #1 06-01-2008, 04:28 PM

قعدت شوق ع الساعه 10 ما لقت هادي.. قامت دشت الحمام خذت دوش سريع

لبست دراعه كانت ريم مختارتها لها كان لونها وردي .. حطت بس كحل من داخل عيونها ونزلت..
ما لقت احد بالصالة احمد اكيد نايم وبوهادي لمحته واهو رايح الميلس
لقت عمتها خالدة بالمطبخ..
شوق: صبحج الله بالخير
خالدة:بالنور والسرور فديتج..شهالحلاة شهالزين
شوق: عيونج الحلوة تريقتي عمتي؟
خالدة: اي والله
شوق: عوافي انشالله
خالدة: الله يعافيج فديتج
شوق: عمتي ما شفتي هادي؟
خالدة: ليش ما قاللج؟
شوق: شنو؟
بهاللحظة هادي دخل

هادي: اني روحت الطبيب
شوق: ليش؟؟ شفيك؟
هادي: من اكل مرتي الروعه
شوق: تتطنز؟
هادي: لا اميه شو رايج بحرمه تسوي حق ريلها بيض بالشكر؟
شوق: انا؟
هادي: هيه سيري ذوقيه يا حبيبتي كم مرة اعلمج ذوقي اي شي قبل تحطينه
شوق: اسفة صج بطنك يعورك؟
هادي: هيه وايد اميه ابا ماي
شوق: لحظة اصبلك
هادي: لا مابا من ايدج
خالدة: هادي!
هادي: هيه شو بعد تبغينه تحطلي فلفل بالماي
شوق: لا عندك ايد صب حق روحك
وطلعت معصبه راحت غرفتها خذت دفتر مذكراتها اللي ما قراه الا اخوها فيصل..
كتبت فيه >>افتقد اهلي وايد<<
دش هادي ..
هادي: شواقي
شوق ما ترد عليه
هادي: شواقتي حبيبتي
شوق: نعم؟
هادي: نعامه ت
شوق: كملها بعد
هادي: نعامه تحبج من فوق راسج
شوق: لا والله
هادي: احبج
شوق:وانا لا
هادي: والله جذابه
شوق:انزين
هادي: هيه ضيعي السالفه
شوق:كيفي
هادي:اكيد كيفج
شوق: ادري
هادي: اقولج احبج
شوق: هادي عادي تشغل حمد العامري
هادي: لا مب عادي
شوق: هادي
هادي: شوق نحن مب لايقين على بعض
شوق: واااايد
هادي: صدق وعسب جذا اباج تزهبين اغراضج وبتروحين بيت هلج الحينه

شوق منصدمه هادي ملامحه حيل جاده واهو يتكلم يعني حبنا ماله اي فايده
شوق :شنو؟؟؟؟؟؟!!!!!!!
هادي: وهذي تذكرتج وسامحيني مااقدر اسير وياج لان اميرة تبغيني اوديها دبي وورقة طلاقج بتوصلج خلاص مالج قعده هنيه

شوق ما وعت بعمرها الا واهي تطلع هدومها من الكبت
هادي: حياتي انا واميرة احلى بوايد من حياتنا
شوق صرخت: انزين خلاص
شوق لفت تطلع هدومها راح هادي وضمها كان يحس بنبضات قلبها المتسارعه من الصدمه ..
هادي يضحك: شوقو يا الدبه صدقتي
شوق درت بالمقلب: جب جب ما احبك
هادي: فديتج
شوق قعدت تبجي كان فيها حرة منه
هادي: شوقو والله ما بطلقج شو فيج
شوق: مليق سخيف تافه
هادي: ادري
شوق: عديم احساس
هادي:والله لو الف الدنيا كلها ما احصل شراتج حتى البيض بالشكر احلى بيض بحياتي
شوق:ما احبك
هادي: شوقو بوديج الكويت
شوق: احسن افتك من ويهك
هادي: لا بسير وياج
شوق: مابيك
هادي: بسير عسب ما يغازلونج اغار عليج
شوق: ما احبك
هادي: بس انا اموت فيج..شواقي امس وانتي ترمسين ريم حسيت ان بخاطرج تزورين اهلج عسب جذا حبيت اسويلج مفاجأة وبنسير الكويت شهر كامل انا وياج
شوق: ما اصدقك
هادي: فديتج وانتي معصبه اندوج شوفي التذاكر لا تخبرين حد بنسويها مفاجئة __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شرح أحبك ليه ما أحبك - يامعلمني أحبك حيل أحبك {وسائط صوتيه شعريه جديده	محروم.كوم	منتدى أخبار المواقع والمنتديات العربية والأجنبية	0	06-11-2010 03:30 AM
مطلوب ارشفه تحتسب بعدد الزوار الفلوس بعدد الي يدخلو المنتدي التفاصيل بالموضوع	محروم.كوم	منتدى أخبار المواقع والمنتديات العربية والأجنبية	0	04-18-2010 09:10 PM
كل زين اشهاده وانتم بعيد منوتي ليتك معي وان سهرت الليل اهوجس بك واعيد هل لاجلك مدمعي	Al-Rayyani	سيارات و دراجات	12	10-19-2009 09:43 PM
حتى آسمك لآ بغيت آنطقه يطلع لي آحبك يا آحبك	ملك الشباب	هواتف , مسجات , وسائط , برامج , ثيمات , نغمات , بلوتوث	13	10-14-2008 09:35 PM
بعيد الدار - محمد عبيد الكعبي	الميهود	طلبات الاعضاء	0	01-10-2008 12:56 AM