كل(ن) بهـ الدنيا يدور له وليف...

مجبور الفراق · #1 03-14-2008, 10:08 PM

[align=center]السلآم عليكم ورحمة الله وبركاته

اليوم جايب لكم هـ القصايد وهي عبارة عن ردود بالأبيات

بيني وبين الشاعر عبدالعزيز العتيبي عن طريق رسائل الجوال

وبخلي أبياتي باللون الأسود ورده علي باللون الأحمر للتمييز بس

وفي البداية أبدا أنا وأقول له:

كل(ن) بهـ الدنيا يدوّر له وليف
..........ومن يشتريك بدم قلبه إشتره
لا يا صحيبي بلّغ الجنس اللطيف
..........كانه سترنا بالمحبه نستره
مابي علاقتنا على غدر(ن) وزيف
........أبعمّر الخاطر ومابي أدمره
تكفا تعلـّمني مدام إني كفيف
.....ما ودي أكسر ضلع وأرجع أجبره
عسى يوقّّف من طرف جرحي نزيف
...........أمّا يداوي الجرح ولا يبتره
أبطوي صفحاتي عن الليل المخيف
.........وأبيه يفتح صفحتي في دفتره

يا صاحبي قلبك تزايد بالرفيف
..........أبعذرك وإن رف قلبك بعذره
تكتب لي الأبيات وفي يدك الرجيف

..........تخاف تملك شي وترجع تخسره
أنت إتعرفني لا عدو ولا حليف
...........أبذكر اللي أقدر إني أذكره
صاحِبكْ أعرفه لا ثقيل ولا خفيف
..........وإذا نظر واحد بعين يبعثره
أبو عيون وساع أبو خصر(ن) نحيف
...........قلبك إذا شفته فلا تستكثره
ماظن بالدنيا بتلقا له وصيف
.........وما فيه مثله إلا عند المنظره

يا صاحبي أنا أدري إنك شاعر الوصف الخبير
............تكفا تعلمني وصوف اللي خفوقي شافها
يا صاحبي ما دامني الأخطل وما دامك جرير
...........أنا سمعت أوصافها ولا عرفت أوصافها

يا مرحبا يا صاحبي مجبور بالوقت المرير
..........الصاحب اللي ناف له أمور محد(ن) نافها
أبي تعلمنا بوضعك يا عسانا نستنير
..........النية اللي أنت ناويها معي،،، شهدافها

يا صاحبي بعد المعزة إنقطع سلك الحرير
.........وآخر مجلات المحبه... إحترق غلافها
ما ودي إني باقي الأيام أقظيها كسير
........والعبرة اللي تشتريني ما لقت من حافها

هذا مصيرك وانت من يحدد إلنفسه مصير
........والخطوة اللي تقطع الأنفاس لا تخافها

دام المحبه ما تخلي لا صغير ولا كبير
........أبيها ترقد في خفوقي والضلوع إلحافها

وسلآمتكم

والعذر والسموحة منكم
نقلتها لكم لما لها من مكانه في قلبي[/align] __DEFINE_LIKE_SHARE__

εïз~اَلِمَيّث}● · 03-14-2008, 11:49 PM

السـلام عليكم ورحمة الله وبركاته

حي الله الشاعر .~

~. صح منطوقك ومنطوق الشاعر

وربي انكم ابدعتوا ماشاء الله عليكم

تقريبا اكثر من مره رديت اقرى الابياات روووعه وربي

من يقراها ما يتملل ^^

مرادفات بموضوع بخطاب رااائع من بين شاعرين ..~

فـ ذمتيه انكم ابدعتوا وماعليكم زوود ..~

~. ربي يعطييك الف الف عافيه الشيخ ع الطرح المتميز الصراحه

ونترقب كل ماهو يديد من جداك ^^

بالتوفيق

واسمحليه ع القصور البادر منيه

اختكم

الميث

__DEFINE_LIKE_SHARE__

ж شـمـوخ عـراقـيـه ж · 03-15-2008, 12:51 AM

[align=center]

.. // .. [ مجبور الفراق ] .. // ..

رووووووعه يالشاعر

خطاب ومحاوره اروع منها ما قريت

صح لساانك وأعتلى شاانك يالشااعر

دومك متميز فالشعر عرفتك شاعر من اول قصيده لك ^^

وأسلوب ربيعك بعد حلوو فالرد

وقريب من اسلوبك وايد .. الله يحفظ لك ربيعك يحفظك له

وتسلم يمينك ع تواجدك فالاستراحه .. وع كل الي تطرحه

وعساك ع قوه .. يعطيك ربي الف عافيه

اترقب الزود من هالززين لا تبخل علينه .. ^^" ..

مودتي وأحترامي لك

والسموحه

أختكم

شـمـوخ عـراقـيـه

[/align] __DEFINE_LIKE_SHARE__

" مملوحة الفآل " · 03-16-2008, 01:16 PM

دآم المحبه ما تخلي لا صغير ولا كبير

أبيها ترقد في خفوقي والضلوع إلحافها

00{ مجبـــور الفـــرآق ..

صح الله لسانك ابدآع ْX ْ ابدآع

وصح الله لسآن العتيبي ,^,^,

ماااااااااااااااااااااااافيكم حيله على هالرديه وعساكم على القوه ..

وننتظر منكم الجديد .. __DEFINE_LIKE_SHARE__

22الهاجس22 · 03-16-2008, 01:53 PM

يعطيك العافيه حبوب

مبدع بصراحه
كلمات قمه بالروعه
يعطيك العافيه انت وربيعك
ربي لاهانك __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
للضيف وليف؟جديد خفايف	محروم.كوم	منتدى أخبار المواقع والمنتديات العربية والأجنبية	0	03-13-2010 02:50 AM
ببغاء هولندي محجل ((وليف لأبعد حد))	محروم.كوم	منتدى أخبار المواقع والمنتديات العربية والأجنبية	0	02-23-2010 02:20 PM
أصغر وأسهل وأخف عدة شاهي قهوه سكر....الخ	محروم.كوم	منتدى أخبار المواقع والمنتديات العربية والأجنبية	0	09-14-2009 07:20 AM
أفضل وأخف برنامج لتعمل مع الصور	محروم.كوم	منتدى أخبار المواقع والمنتديات العربية والأجنبية	0	04-28-2009 10:40 PM
[نعال تصنع من خوص وليف النخل]	الريم1	التراث والحضارة	13	03-14-2008 11:12 PM