#poem_549391eb10528 td {font-family: 'Simplified Arabic', Arial, Helvetica, sans-serif;font-size: x-large;font-weight: bold;} ليلي سرى بي ليل والفكر دوار هاجوس قلبي مبتدى بي هجومه عداد طبلون الغلا عندي صفار ذي سابع المره تقلب رقومه وعداد طبلون العنا خبط احتار ما عاد يفتل فتله اعياه حومه واشوف عداد الهجر بادي سار مدري وش النيه ولا ويش قومه قلبي غرير مايشاور ولا شار لا لايم غيره ولا طاع لومه جاهل وتوه ما تمرس بالاخطار عجل وقع في فخ منهو يسومه عقبه تهلهل بالعطاء مد مدرار يحسب الا منه ورد زان يومه ما يدري ان الحب يكويه بالنار يشنى لذيذ الزاد ويطير نومه في حب منهو يملك أمره ولابار لكن هواه الجور يومه ودومه جر عسى جورك لنا دايم جار ياللي شفاة القلب شكت سهومه مكن طعونك وين ما كنت تختار جوي سواد الليل وانتي نجومه


#poem_549391eb107d9 td {font-family: 'Simplified Arabic', Arial, Helvetica, sans-serif;font-size: x-large;font-weight: bold;} ياجمعة للعز وافيين الاشبار ياللي لهم في الطيب سومه وحومه انشد عن اللي في المواجيب سيار وايضا بلاوي ما ترقع بلومه اليا حذفت الراس فالقرب له صار رجل حشيم القدر ليله ويومه واليا حذفت الذيل فالشور تختار امر يباعد شك يامن يسومه


ودمتم طيبين سالمين