#poem_54660d4dbde53 td {font-family: 'Simplified Arabic', Arial, Helvetica, sans-serif;font-size: x-large;font-weight: bold;} يابوك شب النار هات الدلالي وافهق لنا يابوك جمر يلالي اضبط عليه الكيف هيض طرالي يازين بدع القاف في بعض مرات دنيا دنية زينها في المشقي ياحظ منهو سالم منه عقي والمصلح اللي للنبيته يسقي ما نملك الا نطلبه في الخلاوات احمد انا يابوك بوصيك مبدا وانت الذي نرجيك طير يهدا وافهم مقالي واطلب العز شدا اغنم شبابك قبل ماتقول هيهات من لا يحوز الطيب فول حياته يصعب عليه الطرق حتى مماته وش فايدت عمرك وهذا فواته اصفق عليه الكف خمس وخمسات درب الردى لاتركبه فيه تنداس جنب وخل اللي مجمع للادناس لو تخسر المال المعبى فلكياس واعلم فواته خير من دون فوتات دور رفيق يجمع الطيب والدين لوهو بعيد الدم من دولة الصين لا شك حولك من يكفي لك معين رافق رفيق يرجي الله خوفات عليك باركان من الدين ساسه والفرض والواجب توفيه راسه والسنه اللي فعلها لك وناسه على الهُدى نيتك لله مشهات حنونك اللي جادت بكل مابه لاتلتهي عنها بطرف وجابه ولها حقوق ما لغيره تشابه ياويل من قصر مع الأم ويلات وابوك عينك يم عينه تراعي لازم عليك وكل وقت يطاعي سانع على شفه ترى الموت واعي باكر تلوم النفس وتجيك حسرات العرض حاذر حِذر حذراك لايهون ترى سليب العرض والله مغبون لوهو صحيح الجسم ويبلق عيون ياما تمنى تالي الليل موتات المال لا يدخل بقلبك يغمه خله على كفك ولا تشيل همه رزقك يوفى لك وغصب متمه لا تخاف مكتوب بقدر وحزات الجار راعه قبل سومتك للدار حقه قبل حقك ولو كان جوار افعل وبادر والصبر خيرة اخيار احفظه غيب وان حضر له كرامات ضيفك ترى ضيفك عزيز وامانه ياجعل من يبخل وبالقول شانه يذوق من عسر الليالي هوانه اكرامه ايمان برب السماوات الكذب ياشينه وياشين صره ما يقربه مؤمن ولو كان مره خصله ذميمه لأحترامه تضره يفقده من غيره من الناس والذات غدر وخيانه رافقت دوم الانذال اللي مع ضيم الزمن زود موال وصف قبيح جعل راعيه مازال يجرع شديد الهم ويل وغصات ايضا الشماته تلبق اللي شمتها ضاحك من الثرمان سنونه فقدها لو طال وقته يطحن الزاد منها لا بد ما يوم تهلهل كسيرات الرفق يازينه ويازين صنعه من فارقه شاين وللشين نفعه رافق رفيق الرفق يازين طبعه ما يدخل الا زايد معه زينات خلك صليب الراس والحزم له تاج ترى الشجاعه صبر ماهي تهواج مادام لك صده فدور لمنهاج واللي بديته ثبته بالنهايات قلته وانا منك سعيد وراضي والمرجله تشعب دروب عراضي اللي بغاها ياخذ العلم حاضي لا تلتهي نفسه بحكي ومقالات سبحانك اللهم يامن بحمده اشهد بانك مالك الملك وحده يامن يغفر الذنب كله لعبده ياللي مليت الكون عدل ورحامات وسلام ربي عد نجم ينور وعداد خلق له بِدع ثم صور وعداد ما يرضية وهو المكور على نبي الله زود الصلوات




#poem_54660d4dbe17f td {font-family: 'Simplified Arabic', Arial, Helvetica, sans-serif;font-size: x-large;font-weight: bold;} الخيمة اللي بالخضيراء تنوشه ياطيب جمع له تضلل عروشه والرمع فيها بين صايد ونوشه ياطيبكم يامن جمعهم وناسات طيري غريب شفت يكفيك شره بنت ولا لك في فعلها مسره مرات عون ومر منها تشره من فعل راعياها بطول وقصرات اوله اذى للعين والشوف يرديه واخره بنت في اول الوقت نبغيه كوم نقلنا منه للراح نرجيه وارجوا السموحه كان فيها طويلات
مـــــــــــوفـــــــــــقـــــــــــيـــــــــــن